Դատական իշխանության ներկայացուցիչների բնակարաններում և աշխատասենյակներում խուզարկություններն իրականացվել են առանձնապես խոշոր չափերով կաշառք ստանալու փաստի առթիվ նախաձեռնված քրեական վարույթի շրջանակներում։ Այս մասին հայտնել են Հակակոռուպցիոն կոմիտեից։

«Ձերբակալվել են մի շարք անձինք, այդ թվում՝ փաստաբան։ Նախաքննության շահերից ելնելով՝ այս պահին այլ տեղեկատվություն չենք կարող հայտնել»,– ասացին կառույցից։

Ավելի վաղ հայտնել էինք, որ իրավապահները քննչական գործողություններ են կատարում վարչական դատարանի դատավորների, այդ թվում` Արգիշտի Ղազարյանի աշխատասենյակում։

«Արմլուրը» գրել էր, որ վարչական դատարանի նախկին նախագահ Արգիշտի Ղազարյանի աշխատասենյակում խուզարկության դեպքով ձերբակալված փաստաբանը Արմեն Օհանյանն է։