Բաքուն կստեղծի աշխատանքային խմբեր և կզարգացնի հարաբերություններն ԱՄՆ-ի հետ բոլոր ոլորտներում. Ադրբեջանի դեսպան
Ադրբեջանը մտադիր է ամրապնդել համագործակցությունը Միացյալ Նահանգների հետ անվտանգության և տեխնոլոգիաների ոլորտում՝ օգոստոսի 8-ին Վաշինգտոնում կայացած եռակողմ գագաթնաժողովում Հայաստանի հետ ձեռք բերված համաձայնություններից հետո, Axios պորտալին ասել է ԱՄՆ-ում Ադրբեջանի դեսպան Խազար Իբրահիմը։
Նրա խոսքով՝ Ադրբեջանը նախատեսում է ստեղծել աշխատանքային խմբեր և զարգացնել հարաբերությունները Միացյալ Նահանգների հետ բոլոր ոլորտներում՝ տնտեսություն, էներգետիկա, պաշտպանություն, քաղաքականություն, կրթություն, տեխնոլոգիաներ և արհեստական բանականություն։
«Եկեք բացենք նոր էջ։ Մենք կաշխատենք միասին, և ոչ միայն Հայաստան-Ադրբեջան գծի վրա, այլև Ադրբեջանի և Միացյալ Նահանգների միջև հարաբերությունների զարգացման գործում», - ասել է դիվանագետը։
Իբրահիմը շնորհակալություն է հայտնել ԱՄՆ նախագահ Դոնալդ Թրամփին խաղաղության գործընթացն առաջ մղելու համար՝ ընդգծելով, որ նա ոչ թե 100, այլ 101%-ով է արժանի Նոբելյան խաղաղության մրցանակին։
«Շատ կարճ ժամանակահատվածում՝ մոտ վեց ամսվա ընթացքում, նա կարողացավ անել այն, ինչ ուրիշներին չէր հաջողվել անել ավելի քան 30 տարի», - նշել է Ադրբեջանի դեսպանը:
Latest from Live24
- Երևանում ցեմենտատարը կողաշրջվել է. վարորդին դուրս են բերել ավտոմեքենայից՝ օգտագործելով հատուկ տեխնիկա
- Դոլարի փոխարժեքը նվազել է. եվրոն ու ռուբլին թանկացել են
- Զելենսկի-Թրամփ հանդիպումից առաջ ուկրաինական պատվիրակությունը հանդիպել է ԱՄՆ-ում զենք արտադրողների հետ
- Ռուսաստանը պատրաստ է ավելացնել Եվրոպայում գազի մատակարարումները․ ՌԴ փոխվարչապետ
- Երգչուհի Քեթի Փերին առաջին անգամ ակնարկել է Կանադայի նախկին վարչապետ Ջասթին Թրյուդոյի հետ սիրավեպի մասին
- TRİPP նախագիծը օգուտ կբերի ամբողջ տարածաշրջանին. Ալիև
- Թուրքիայի և Վրաստանի նախագահները միասին դիտել են ֆուտբոլային հանդիպումը
- Մեծ Բրիտանիան արգելափակող պատժամիջոցներ է կիրառել «ԼՈՒԿՕՅԼ»-ի և «Ռոսնեֆտ»-ի նկատմամբ
Լրահոս
Ֆոտո
