Ռուբիոն և Հարավային Կորեայի ԱԳ նախարարը շեշտել են Կորեական թերակղզու միջուկազերծման կարևորությունը
ԱՄՆ պետքարտուղար Մարկո Ռուբիոն Վաշինգտոնում հանդիպում է ունեցել Կորեայի Հանրապետության արտաքին գործերի նախարար Չո Հյունի հետ: Այս մասին հաղորդագրություն է տարածել Պետքարտուղարության խոսնակ Թեմի Բրյուսը։
Նշվում է, որ Մարկո Ռուբիոն ընդգծել է երկու երկրի միջև դաշնակցության «անսասան ուժը, որն ավելի քան 70 տարի ծառայել է որպես խաղաղության, անվտանգության և բարգավաճման հենասյուն Կորեական թերակղզում և Հնդկախաղաղօվկիանոսյան տարածաշրջանում»:
Կողմերն աջակցություն են հայտնել ԱՄՆ-Հարավային Կորեա դաշնակցության ամրապնդմանն, այդ թվում՝ «հզոր համատեղ պաշտպանության դիրքորոշման և Կորեայի Հանրապետությանն ընդլայնված զսպման շարունակական ապահովման միջոցով»։
Ռուբիոն և Հյունը ողջունել են ԱՄՆ-ի և Հարավային Կորեայի միջև օրերս կնքված առևտրային համաձայնագիրը։
Նրանք նաև վերահաստատել են իրենց վճռական հանձնառությունը Հյուսիսային Կորեայի լիակատար միջուկազերծմանը, միջազգային պատժամիջոցների լիարժեք իրագործմանը և լուրջ մտահոգություն են հայտնել Ռուսաստանի և Հյուսիսային Կորեայի ռազմական համագործակցության առնչությամբ։
Կողմերը նաև քննարկել են ԱՄՆ-Կորեայի Հանրապետություն-Ճապոնիա եռակողմ համագործակցությունը շարունակելու կարևորությունը։
Latest from Live24
- Ջենիֆեր Լոպեսն արդեն Երևանում է
- Դատախազությունը պահանջում է Մայր Աթոռին նվիրած տարածքները վերադարձնել ՊՆ-ին. Hetq.am
- Սպասվում է առանց տեղումների եղանակ․ օդի ջերմաստիճանն էապես չի փոխվի
- Իրանը լիովին պատրաստ է պատերազմին
- Թրամփի թիմը բացասական է ընդունում Երևանի կողմից Պաղեստին պետության ճանաչման թեմայի ակտիվ խթանումը
- Մասկը ԵՄ բոլոր երկրներին կոչ է արել լքել դաշինքը
- Հայտնի են Հայաստանի 10 լավագույն շախմատիստները և շախմատիստուհիները
- Նեթանյահուն հետաձգել է Գազայի վերաբերյալ որոշումը, պատճառը կառավարության ներսում առկա տարաձայնություններն են. CNN
Լրահոս
Ֆոտո
