ՀԷՑ–ի ժամանակավոր կառավարիչ Ռոմանոս Պետրոսյանը շարունակում է կառույցում «տեղավորել» ՔՊ–ականներին կամ իշխանական հայացք ունեցողներին։

Գյումրու ավագանու ՔՊ խմբակցության ղեկավար Սարիկ Մինասյանը հայտարարել է, որ այսօրվանից ստանձնում է ՀԷՑ-ի Շիրակի մարզային կառույցի տնօրենի պաշտոնը:

«Ինչպես ինձ վստահված բոլոր պաշտոններում, այստեղ ևս ծառայելու եմ երկրիս՝ ի շահ մեր պետականությանը, ի շահ Հայաստանի Հանրապետությանը:

Մեր երկրի էներգետիկ ոլորտը, որը ռազմավարական նշանակություն ունի, պետք է ամրապնդվի, ուղղի մեջքն ու իրական զարգացման ճանապարհին կանգնի:

Մեծ պատիվ եմ համարում իմ ներդրումն ունենալ ոլորտի կայունացման գործընթացում:

Վստահ եմ՝ սպառողը կարճ ժամանակ անց զգալու է այն դրական փոփոխությունները, որոնց հասնելու ենք»,– գրել է Մինասյանը։