Ռուսաստանի Դաշնությունը մտահոգված է Հայաստանի Հանրապետության հետ առևտրաշրջանառության կրճատմամբ։

Այս մասին հայտնում է ՏԱՍՍ-ը՝ մեջբերելով ՌԴ փոխվարչապետ Ալեքսեյ Օվերչուկի խոսքերը լրագրողների հետ զրույցում։

Օվերչուկը հայտնել է, որ Ռուսաստանի և Հայաստանի վարչապետներ Միխայիլ Միշուստինի և Նիկոլ Փաշինյանի միջև տեղի ունեցած հանդիպմանը քննարկման թեմաներից է եղել նաև երկկողմ առևտրատնտեսական համագործակցությունը։  

«Մենք քննարկել ենք առևտրատնտեսական համագործակցության զարգացումը Նիկոլ Փաշինյանի հետ։ Իհարկե, մենք մտահոգված ենք երկու երկրների միջև առևտրի կրճատմամբ։ Մենք քննարկել ենք, թե ինչ է պետք անել իրավիճակը բարելավելու համար»,-ասել է Ռուսաստանի փոխվարչապետը՝ հավելելով, որ հանդիպմանը քննարկվել են նաև Հայաստանում ռուսական ներդրումներին վերաբերող հարցեր։

Թրամփի հրամանագիրը ծննդյան իրավունքով քաղաքացիության սահմանափակման մասին ճանաչվել է ոչ սահմանադրականՍան Ֆրանցիսկոյի վերաքննիչ դատարանն իրավաբանորեն անվավեր և ոչ սահմանադրական է ճանաչել ԱՄՆ նախագահ Դոնալդ Թրամփի հրամանագիրը ծննդյան իրավունքով քաղաքացիության սահմանափակման մասին:

Այդ մասին ասված է դատարանի որոշման մեջ:

«Մենք քննարկում ենք այն հարցը՝ արդյոք սահմանադրական է և իրավաբանական ուժ ունի (նախագահ Թրամփի) կատարողական հրամանագիրը: Մենք եզրակացնում ենք, որ կատարողական  հրամանագիրը զուրկ է իրավաբանական ուժից, որովհետև այն հակասում է Սահմանադրության տասնչորսերորդ ուղղման հստակ շարադրանքին, որը քաղաքացիություն է շնորհում բոլոր անձանց, ովքեր ծնվել են Միացյալ Նահանգներում», – ասված է փաստաթղթում:

Սա առաջին դեպքն է, երբ այդ հրամանագիրը ոչ սահմանադրական է ճանաչվել վերաքննիչ դատարանի կողմից: Ավելի վաղ հրամանագրի կիրառումը բազմիցս արգելափակել են ստորին ատյանի դատարանները, բայց հունիսի վերջին Գերագույն դատարանը սահմանափակել է նրանց այդ իրավունքը: Վերաքննիչ դատարանի վճիռն արգելափակում է Թրամփի հրամանագրի կիրառումը. այժմ նախագահի վարչակազմն այդ վճիռը կարող է վիճարկել կա՛մ այդ դատարանում, կա՛մ Գերագույն դատարանում: 

Ծննդյան իրավունքով քաղաքացիության տրամադրման սահմանափակման մասին հրամանագիրը Թրամփը ստորագրել էր իր երդմնակալությունից հետո՝ հունվարի 20-ին: Այն պետական ​​գերատեսչություններին արգելում էր քաղաքացիություն տրամադրել այն ծնողների երեխաներին, որոնք երեխայի ծննդյան պահին Միացյալ Նահանգներում են գտնվել անօրինական հիմունքներով:

Ծննդյան իրավունքով քաղաքացիության մասին ուղղումն ընդունվել է ԱՄՆ Քաղաքացիական պատերազմից հետո, ինչի շնորհիվ չեղյալ է համարվել Գերագույն դատարանի 1957 թվականի վճիռը, որը մերժում էր աֆրոամերիկացիների քաղաքացիության իրավունքը:

Վարչապետը հստակ նշել է, ավելի մեկնաբանության բան չունեմ։ Ինչո՞ւ չնախաձեռնի։ Կա՞ կաշկանդող բան։ Ոչ։ Այս մասին այսօր՝ հուլիսի 24–ին, կառավարության նիստից հետո լրագրողների հետ ճեպազրույցի ժամանակ նշեց առողջապահության նախարար Անահիտ Ավանեսյանը՝ անդրադառնալով նրան, որ Նիկոլ Փաշինյանն առաջարկել է փոփոխել «Կանոնագիրք հայոց»–ը։

«Իսկ ինչո՞ւ չպետք է նախաձեռնի։ Վարչապետը Հայ առաքելական եկեղեցու հետևորդ է, ունի իրավունքներ ու հնարավորություններ արտահայտելու իր կարծիքը, նախաձեռնել այն, ինչ նախաձեռնել է»,–ասաց նա։

Հարցին՝  պատրաստվո՞ւմ է մասնակել Նիկոլ Փաշինյանի՝ «Վեհարանն ազատելու» Էջմիածնի հոգևոր հավաքին, նա պատասխանեց. «Կմտածեմ, կորոշեմ, երբ որ գա ժամանակը, կիմանաք»։

Ես երբեք վատ չեմ զգում իմ քաղաքական անցյալի համար. ՔՊ-ական եղել եմ և չեմ բացառում որ մի օր, երբ այս պաշտոնում չեմ լինի, միգուցե կվերադառնամ ՔՊ։ Այս մասին այսօր՝ հուլիսի 24–ին, կառավարության նիստից հետո լրագրողների հետ ճեպազրույցի ժամանակ նշեց Հանրային ծառայությունները կարգավորող հանձնաժողովի նախագահ Մեսրոպ Մեսրոպյանը։ 

Ճշտող հարցին՝ չի ստացվու՞մ, որ միայն թղթի վրա է, որ ՔՊ-ական չէ, Մեսրոպյանը բացասական պատասխան տվեց. «Ոչ, չի ստացվում, որովհետև ես ունեմ անձնագրով սահմանված պարտականություններ, իրավունքներ և բացառապես մնում եմ այդ պաշտոնի անձնագրով սահմանված իրավունքների մեջ։ 

Նման երևույթներ ինձանից առաջ էլ են եղել, մենք հենց հիմա ունենք հանձնաժողովի անդամ, իմ կողմից շատ հարգանքի արժանի անձնավորություն՝ Արա Նռանյանը, որ ոչ վաղ անցյալում և իր ամբողջ կենսագրության ընթացքում ՀՅԴ վառ ներկայացուցիչ է եղել։ Հիմա դուք կարո՞ղ եք պնդել, որ Նռանյանը այս ընթացքում հանձնաժողովում քաղաքական դրսևորումներ ունի։ 

Կա պետության լիազոր մարմնի կողմից ներկայացված հայտ և այդ հայտում բարձրացված խնդիրներ, հիմնավոր կասկածներ։ Ավելի լավ է մենք այսօր հասկանանք այդ կասկածները, այդ հարցերը, կյանքի իրավունք ունեն, թե՞ չունեն։ Ես ասում եմ, որ քաղաքական պրոցեսներում ներգրավված չեմ և այդ սխալ պնդումները խնդրում եմ մի շարունակեք»,–ասաց նա։

Ֆրանսիայի նախագահ Էմանուել Մակրոնը և նրա կինը՝ Բրիջիտը, զրպարտության մեղադրանքով հայց են ներկայացրել ամերիկացի փոդքասթ վարող Քենդիս Օուենսի դեմ, որը պնդումներ է անում, թե նախագահի կինը տղամարդ է եղել: Այս մասին հայտնում է France 24-ը։

Մակրոնների փաստաբանի հայտարարության մեջ նշվում է, որ Ֆրանսիայի առաջին զույգը դատական հայց է ներկայացրել այն բանից հետո, երբ Օուենսը բազմիցս անտեսել է YouTube-ում և փոդքասթում «Becoming Brigitte» («Դառնալով Բրիջիտ») խորագրով շարքում արված կեղծ և զրպարտող հայտարարությունները հետ վերցնելու խնդրանքները։

Նրանք նշել են, որ Օուենսի զրպարտությունները միտված են «վիրավորելու և ցավ պատճառելու մեր ընտանիքներին, ինչպես նաև ուշադրության և համբավի արժանանալու»։Օուենսի YouTube-ի ալիքն այժմ ունի ավելի քան 4.7 միլիոն բաժանորդ։

Քենդիս Օուենսի դեմ 218 էջանոց հայցը Մակրոնների կողմից ներկայացվել է Դելավերի Գերագույն դատարան։ Դրանոց պահանջ է ներկայացվել փոխհատուցելու վնասը, որի չափը կորոշվի դատավարության ընթացքում։ 

72-ամյա Բրիջիտ Մակրոնը ևս նախկինում դիմել է Ֆրանսիայի դատարաններ՝ պայքարելու պնդումների դեմ, թե ծնվել է որպես տղամարդ։ 2024 թվականի սեպտեմբերին երկու կին մեղավոր է ճանաչվել Բրիջիտի դեմ զրպարտանքների այս գործով։

Ռուսաստանի Ամուրի մարզում հուլիսի 24-ին կործանված An-24 ինքնաթիռը 2018 թվականից ի վեր 4 ավիամիջադեպի մեջ է հայտնվել։ Այս մասին հայտնում է ՏԱՍՍ-ը։ Մասնավորապես, 2018 թվականին տվյալ ինքնաթիռը վնասվել է թռիչքուղուց դուրս գալու ժամանակ։ Օդանավը բախվել է լուսարձակող սյանն ու վնասել ձախ թևը։ Այդ ժամանակ ինքնաթիռում գտնվող 24 անձանցից ոչ մեկ չէր տուժել։ Բացի այդ, 2022 թվականի ապրիլին Իրկուտսկ-Բոդայբո չվերթն իրականացնելու ժամանակ գործել է «Սիբիր» ավիաընկերության ինքնաթիռին վտանգավոր մոտեցման մասին նախազգուշական համակարգը։

2022 թվականի մայիսին ինքնաթիռը չվերթի իրականացման ժամանակ վերադարձել է օդանավակայան՝ գեներատորի խափանման պատճառով։Իսկ արդեն 2025 թվականի մարտին Իրկուտսկ-Կիրենսկ չվերթի իրականացման ժամանակ օդանավի անձնակազմը ռադիոընդունիչներից մեկի խափանման պատճառով խնդրել է վերադառնալ կայանատեղի։

Ամուրի մարզպետ Վասիլի Օրլովը պաշտոնապես հայտարարել է, որ հուլիսի 24-ին կործանված ինքնաթիռում եղել է 49 մարդ՝ 43 ուղևոր և անձնակազմի 6 անդամ։ Վթարի հետևանքով բոլոր ուղևորները զոհվել են։Ռուսական կողմից հայտնել են, որ որպես ինքնաթիռի կործանման նախնական պատճառ է դիտարկվում անձնակազմի կողմից սխալը վատ տեսանելության պայմաններում վայրէջքի փորձի ժամանակ։

ՀԾԿՀ նախագահ Մեսրոպ Մեսրոպյանը լրագրողների հետ ճեպազրույցում պնդեց, որ Ռոմանոս Պետրոսյանին ՀԷՑ ժամանակավոր կառավարչի պաշտոնում նշանակելն իր որոշումն է եղել։

«Ո՞վ ասաց, որ Ռոմանոս Պետրոսյանի անունը Նիկոլ Փաշինյանն է հնչեցրել առաջինը։ Դուք տիրապետո՞ւմ եք այդ ինֆորմացիային։ Այդ օրենքը կարդացե՞լ եք։ Դա իմ նշանակումն է, ինձ տրված բացառիկ իրավունքն է։ Այդ հարցը տեղափոխում եք քաղաքական հարթություն»,- ասաց նա։

Լրագրողների հիշեցումներին, որ ոչ վաղ անցյալում ՔՊ-ական է եղել, Մեսրոպյանն ասաց. «Երբեք վատ չեմ զգում իմ քաղաքական անցյալի համար։ ՔՊ-ական եղել եմ և չեմ բացառում, որ մի օր, երբ չեմ լինի այս պաշտոնում, միգուցե վերադառնամ ՔՊ»։ 

Ճշտող հարցին՝ չի ստացվու՞մ, որ միայն թղթի վրա է, որ ՔՊ-ական չէ, Մեսրոպյանն ասաց, որ ոչ։

«Ես ունեմ սահմանված պարտականություններ, իրավունքներ և մնում եմ այդ իրավունքների մեջ։ Նման երևույթներն ինձնից առաջ էլ են եղել»,- ասաց նա։

Մեսրոպյանը բերեց Արա Նռանյանի օրինակը, ով ևս Հանձնաժողովի անդամ է և ոչ վաղ անցյալում ու իր ամբողջ կենսագրության ընթացքում ՀՅԴ վառ ներկայացուցիչ է եղել։

«Հիմա կարո՞ղ եք պնդել, որ Արա Նռանյանը Հանձնաժողովում գործունեության ընթացքում քաղաքական դրսևորումներ ունի»,- ասաց նա։

Ռուսաստանի Դաշնության կառավարության ղեկավար Միխայիլ Միշուստինը հանդիպել է Հայաստանի Հանրապետության վարչապետ Նիկոլ Փաշինյանի հետ, հայտնում է ՌԻԱ Նովոստին։

Փաշինյանն ավելի վաղ ՀՀ կառավարության պատվիրակության գլխավորությամբ մեկնել էր Գորնո-Ալտայսկ՝ համաժողովին մասնակցելու համար։ Ռուսաստանի Դաշնության և Հայաստանի վարչապետների հանդիպմանը ներկա են երկու երկրների պատվիրակությունների անդամները։

Թուրքիան Սիրիայի նոր իշխանությունների հետ կնքելու է ռազմական համագործակցության մասին համապարփակ համաձայնագիր։

Այս մասին հայտնում է թուրքական «Հուրիեթ»-ը։

Պարբերականը չի հստակեցնում համաձայնագրի կնքման ժամկետները՝ նշելով, որ Անկարան ու Դամասկոսը նման քայլի են գնում Իսրայելի կողմից Սիրիայի անվտանգությանը սպառնացող վտանգի պայմաններում։ 

Թուրքական լրատվամիջոցը հիշեցրել է երկրի արտաքին գործերի նախարար Հաքան Ֆիդանի հայտարարությունն այն մասին, որ Թուրքիան չի թույլատրելու Սիրիայի ապակայունացմանն ուղղված որևէ ծրագրի իրականացում։ TRT Haber-ը, հղում անելով պաշտպանության նախարարության իր աղբյուրներին, հուլիսի 23-ին հայտնել էր, որ Սիրիայի նոր իշխանությունները օգնություն են խնդրել Թուրքիայից «պաշտպանունակության բարձրացման և ահաբեկչական կազմակերպությունների դեմ պայքարի» շրջանակում։ 

Գերմանիայի կանցլեր Ֆրիդրիխ Մերցը և Ֆրանսիայի նախագահ Էմանուել Մակրոնը վճռականություն են հայտնել պատասխանելու ԵՄ ապրանքների նկատմամբ ԱՄՆ-ի հնարավոր մաքսատուրքերին, եթե ընթացիկ բանակցություններում լուծում չգտնվի։

«Երկու կողմերն էլ համաձայն են, որ պետք է պահպանեն առևտրային քաղաքականության լրացուցիչ գործիքներ օգտագործելու իրավունքը, եթե բանակցությունները հաջողությամբ չպսակվեն», – հայտարարել է Գերմանիայի նախարարաների կաբինետի պաշտոնական ներկայացուցիչ Շտեֆան Կոռնելիուսը Բեռլինում երկու երկրների ղեկավարների միջև երեք ժամ տևած բանակցություններից հետո: 

Մերցը և Մակրոնը, նրա խոսքով, պատրաստ են նույնիսկ «մշակելու նոր միջոցներ»։

Միևնույն ժամանակ Կոռնելիուսը նշել է, որ Գերմանիան և Ֆրանսիան սերտորեն կհամակարգեն գործողություններն Իտալիայի և Եվրահանձնաժողովի հետ բանակցությունների եզրափակիչ փուլում։

Թրամփն ավելի վաղ հայտարարել է օգոստոսի 1-ից ամբողջ եվրոպական արտահանման համար 30 տոկոսի չափով մաքսատուրքեր սահմանելու մասին՝ ի լրումն ԵՄ-ից պողպատի, ալյումինի և ավտոմեքենաների համար արդեն գործող 10% մաքսատուրքերի։ Ի պատասխան Եվրահանձնաժողովի ղեկավար Ուրսուլա ֆոն դեր Լայենը հայտարարել է, որ այդ մաքսատուրքերը կխաթարեն մատակարարումների անդրատլանտյան շղթաները, և կոչ է արել փորձել համաձայնության գալ մինչև օգոստոսի 1-ը։