Թել Ավիվը միայնակ չի հարվածի Իրանի միջուկային օբյեկտներին՝ առանց Սպիտակ տան աջակցության, քանի որ վախենում է կորցնել Թրամփի բարեհաճությունը: Այս մասին գրել է Financial Times-ը՝ հղում անելով իսրայելցի և արաբ դիվանագետներին։
Պարբերականի տվյալներով՝ վարչապետ Նեթանյահուն փորձեր է արել ստանալու Վաշինգտոնի աջակցությունը ռազմական գործողությունների համար, սակայն ապարդյուն: ԱՄՆ նախագահ Թրամփը հույս ունի իրանական հարցը լուծել դիվանագիտական ճանապարհով:
Միաժամանակ Իսրայելն ավելի համարձակ է Սիրիայի, Լիբանանի ու Գազայի հատվածի հարցում: Թել Ավիվը չի դադարեցնում հարվածներն այդ ուղղություններով և հույս ունի համատեղ գործողություն իրականացնել մայիսին՝ միաժամանակ չստանալով Թրամփի համաձայնությունը:
Թել Ավիվը միայնակ չի հարվածի Իրանի միջուկային օբյեկտներին՝ առանց Սպիտակ տան աջակցության, քանի որ վախենում է կորցնել Թրամփի բարեհաճությունը: Այս մասին գրել է Financial Times-ը՝ հղում անելով իսրայելցի և արաբ դիվանագետներին։
Պարբերականի տվյալներով՝ վարչապետ Նեթանյահուն փորձեր է արել ստանալու Վաշինգտոնի աջակցությունը ռազմական գործողությունների համար, սակայն ապարդյուն: ԱՄՆ նախագահ Թրամփը հույս ունի իրանական հարցը լուծել դիվանագիտական ճանապարհով:
Միաժամանակ Իսրայելն ավելի համարձակ է Սիրիայի, Լիբանանի ու Գազայի հատվածի հարցում: Թել Ավիվը չի դադարեցնում հարվածներն այդ ուղղություններով և հույս ունի համատեղ գործողություն իրականացնել մայիսին՝ միաժամանակ չստանալով Թրամփի համաձայնությունը:
Իսպանիան եռօրյա սուգ է հայտարարել Հռոմի Ֆրանցիսկոս պապի մահվան կապակցությամբ։
«Արմենպրես»-ի փոխանցմամբ՝ այս մասին հայտնում է իսպանական Olive Press պարբերականը։
«Մենք ցավում ենք լավ մարդու մահվան համար: Ուստի, Իսպանիայի կառավարությունը եռօրյա պաշտոնական սուգ կհայտարարի», – նշել է Իսպանիայի արդարադատության նախարար Ֆելիքս Բոլանյոսը հեռուստատեսային ուղերձում։
Նրա խոսքով՝ Ֆրանցիսկոս պապը բնութագրվում է որպես անհավասարության, անարդարության և կլիմայի փոփոխության դեմ պայքարի ջատագով։
«Ֆրանցիսկոս պապի հովվապետությունը խթան է հանդիսացել կաթոլիկ եկեղեցու նորացման և բարեփոխման համար, որն իր հետքը կթողնի պատմության մեջ», – նշել է նախարարը։
Իսպանիայի վարչապետ Պեդրո Սանչեսը X-ի հարթակում նշել է. «Ես սգում եմ Հռոմի Ֆրանցիսկոս պապի մահը: Նրա նվիրվածությունը խաղաղությանը, սոցիալական արդարությանը և ամենախոցելի շերտերին թողնում է խորը ժառանգություն: Հանգչիր խաղաղությամբ»:
Ապրիլի 21-ին Վատիկանի Կասա Մարտայի իր նստավայրում 88 տարեկանում մահացել է Հռոմի Ֆրանցիսկոս պապը:
Վատիկանն ապրիլի 21-ի երեկոյան Սուրբ Պետրոսի հրապարակում աղոթքի ծիսակարգ կանցկացնի Հռոմի Ֆրանցիսկոս պապի համար։
Այս մասին լրագրողներին հայտնել է Սուրբ Աթոռի մամուլի ծառայության ներկայացուցիչը։
Խոսնակը նշել է, որ ծիսակարգը 19։30-ին կանցկացնի կարդինալ Մաուրո Գամբետին:
Հռոմի 88-ամյա Ֆրանցիսկոս պապը մահացել է ապրիլի 21-ին Վատիկանի իր կեցավայրում։
2025 թվականի հունվարին Ֆրանցիսկոս պապը հիվանդացել էր բրոնխիտով. փետրվարի 14-ին նրան տեղափոխել էին Հռոմի Gemelli կլինիկա, քանի որ հիվանդությունը քրոնիկ էր դարձել։ Ռենտգենից և լաբորատոր հետազոտություններից հետո քահանայապետի մոտ հայտնաբերվել էր նաև երկկողմանի թոքաբորբ։ Մարտի 11-ին բժիշկները հայտնել էին, որ Հռոմի պապի մոտ հիվանդության կրիտիկական փուլն անցել է՝ նշելով, որ նա հիվանդանոցում կմնա ևս մի քանի օր։
2016 թվականի հունիսին Հռոմի Ֆրանցիսկոս պապն այցելել էր Հայաստան։
ՌԴ նախագահ Վլադիմիր Պուտինն օրենք է ստորագրել, որը խստացնում է քրեական պատիժները Ռուսաստանի զինված ուժերին վարկաբեկելու համար։
Հիմա շահադիտական նպատակներով կամ ուրիշի կողմից վարձված լինելու հետևանքով բանակը վարկաբեկելու համար պատիժը մինչև յոթ տարի ազատազրկում է ենթադրում։
Օրենքը նախատեսում է նաև մինչև յոթ տարի ազատազրկման պատիժ՝ միջազգային կազմակերպություններին օգնություն ցուցաբերելու համար, որոնց անդամ չէ Ռուսաստանը։ Բացի այդ, Ռուսաստանի դեմ պատժամիջոցների կոչերն այժմ պատժվում են մինչև հինգ տարվա ազատազրկմամբ:
Հռոմի պապ Ֆրանցիսկոսի մահվան պատճառը կարող է լինել կաթվածը կամ ուղեղի արյունազեղումը:
Այս մասին գրում է La Repubblica թերթը։
Պարբերականի տեղեկություններով՝ պոնտիֆիկոսի մահը կապված չի եղել շնչառության հետ կապված խնդիրների հետ։
Ֆրանցիսկոսն ավելի վաղ հիվանդանոցում բուժվում էր թոքաբորբից:
Signal Messenger-ի փակ խմբային չաթի անդամ են եղել ԱՄՆ պաշտպանության նախարար Փիթ Հեգսեթի կինն ու նրա եղբայրը, գրում է New York Times-ը։ Մարտի 15-ին Պենտագոնի ղեկավարը Եմենում հութիների դեմ ռազմական գործողության մանրամասն ծրագրերի մասին տեղեկություններ է ներկայացրել չաթում, մասնավորապես նշելով հութիներին թիրախավորող F/A-18 Hornet-ների թռիչքների ժամանակացույցը։
Ըստ New York Times-ի՝ այն փաստը, որ պաշտպանության նախարարի կինը, եղբայրը և անձնական փաստաբանը չաթում են, և նրանցից ոչ մեկը ռազմական գործողության օպերատիվ մանրամասներին ծանոթանալու ակնհայտ պատճառ չունի, անկասկած, լրացուցիչ հարցեր կառաջացնի Հեգսեթի կողմից անվտանգության կարգավորումների պահպանման վերաբերյալ:
CNN հեռուստաալիքի աղբյուրներն էլ հայտնել են, որ ներկայիս չաթը ստեղծվել է պաշտպանության նախարարի պաշտոնում Հեգսեթի հաստատման լսումների ժամանակ, որպեսզի նրա մերձավոր դաշնակիցները կարողանան ռազմավարություն մշակել:
Հայաստանի ներկայացուցիչ, Եվրոպայի և աշխարհի գործող չեմպիոն, Փարիզի ՕԽ-ի արծաթե մեդալակիր Վարազդատ Լալայանը երկրորդ տարին անընդմեջ նվաճեց ծանրամարտի Եվրոպայի առաջնության ոսկե մեդալը գերծանր քաշային կարգում։
Կախվածությունների բուժման ազգային կենտրոնի տնօրեն Սուրեն Նազինյանն այսօր հայտարարություն է արել կենտրոնի ֆեյսբուքյան էջի միջոցով, որում նշել է, որ օրերս հեռանալու է պաշտոնից:
«Տեղեկացնում եմ, որ ս/թ ապրիլի 21-ին ՀՀ առողջապահության նախարարի կողմից ստացված գրության հիման վրա իմ՝ Կախվածությունների բուժման ազգային կենտրոնի տնօրեն Սուրեն Նազինյանիս և ՀՀ առողջապահության նախարարության հետ 2020 թվականի մայիսի 4-ին կնքված պայմանագիրը լուծվում է 2025 թվականի մայիսի 4-ին։
Հարկ եմ համարում ընդգծել, որ տվյալ դեպքում ՀՀ առողջապահության նախարարության կողմից իրենց հայեցողության շրջանակներում չի կիրառվել ՀՀ կառավարության 2022 թվականի փետրվարի 3-ի թիվ 129-Ն որոշման 85-րդ կետի 2-րդ ենթակետի կարգավորումները, այն է՝ պայմանագրով նախատեսված ժամկետը լրանալուց հետո այն կարող է երկարաձգվել կողմերի փոխադարձ համաձայնությամբ` ոչ ավելի, քան 3 տարի ժամկետով: Սույն դրույթի կիրառելիության արդիականությունը պայմանավորված է ոչ միայն ոլորտի (թմրաբանական բժշկական օգնության և սպասարկման) առանձնահատկությամբ և յուրահատկությամբ, այլ նաև իմ կողմից վարած պատշաճ և արդյունավետ կառավարման քաղաքականությամբ։
Հանրահայտ է և ձեզ համար, սիրելի՛ գործընկերներ, ակնհայտ տեսանելի, որ 2020 թվականից սկսած Կենտրոնում իրականացվել են լայնածավալ բարեփոխումներ ինչպես թմրաբանական բժշկական օգնության և սպասարկման որակի բարձրացման ուղղությամբ, այնպես էլ աշխատակիցների սոցիալական վիճակի և աշխատանքային պայմանների բարելավման, օրինականության ամրապնդման, նախկինում առկա զեղծարարությունների վերացման և բացառման ուղղությամբ», - ասված է հայտարարության մեջ:
Ապրիլի 21-ին, ժամը 13:28-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Քաջարան-Կապան ավտոճանապարհին տեղի է ունեցել ՃՏՊ․ կա տուժած։ Հայտնում են ՆԳՆ փրկարար ծառայությունից:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Քաջարան-Կապան ավտոճանապարհի 7-րդ կմ-ին «Honda» մակնիշի ավտոմեքենան դուրս է եկել ճանապարհի երթևեկելի հատվածից և կողաշրջվել:
Մինչ փրկարարների կանչի վայր հասնելը` վարորդը և ուղևորները դուրս են բերվել ավտոմեքենայից և հոսպիտալացվել բժշկական կենտրոն:
Փրկարարները հոսանքազրկել են ավտոմեքենան և փակել գազի բալոնի փականը:
Օմանի սուլթան Հայթամ բեն Թարեք Ալ Սաիդն այցով ժամանել է Ռուսաստան։ Այս մասին հայտնում է ՏԱՍՍ-ը։
Ինքնաթիռը վայրէջք է կատարել Մոսկվայի «Վնուկովո-2» օդանավակայանում։ Այցը նվիրված է Ռուսաստանի և Օմանի միջև դիվանագիտական հարաբերությունների հաստատման 40-ամյակին։
Ավելի վաղ Կրեմլը հայտարարել էր ՌԴ նախագահ Վլադիմիր Պուտինի՝ Օմանի սուլթանի հետ բանակցություններ վարելու մտադրության մասին։ Ռուսաստանն ու Օմանը Ալ Սաիդի Մոսկվա այցի ընթացքում կստորագրեն 10 համաձայնագիր, այդ թվում՝ վիզային ռեժիմից փոխադարձ չեղարկման մասին փաստաթուղթ։
Ֆոտո
