Եմենի «Անսար Ալլահ» (հութիներ) շարժումը հայտարարել է Թել Ավիվի մի քանի ռազմավարական օբյեկտների վրա հիպերձայնային բալիստիկ՝ բաժանվող մարտական բլոկներով հարձակման մասին:
Հութիները 2023 թվականի վերջից հարյուրավոր հրթիռներ և անօդաչու թռչող սարքեր են արձակել Իսրայելի ուղղությամբ՝ իրենց գործողությունները բացատրելով Գազայի պաղեստինցիների հետ համերաշխությամբ, որտեղ շարունակվում է իսրայելական ռազմական գործողությունը: Այս հարձակումների մեծ մասը կանխվել են հակահրթիռային պաշտպանության միջոցներով, սակայն արձանագրվել են նաև հարվածներ Իսրայելի տարածքում։ Ի պատասխան՝ Իսրայելի բանակը մի քանի ծավալուն օդային գործողություններ է իրականացրել Եմենում հութիների օբյեկտների դեմ` ներառյալ նավահանգիստները, էլեկտրակայանները, գործարանները և Սանայի օդանավակայանը:
ՌԴ ԶՈւ-ն «Իսկանդերի» հարվածով ոչնչացրել է ուկրաինական ԱԹՍ–ների արձակման հարթակը
Սեպտեմբերի 13, 2025«Իսկանդեր» օպերատիվ-մարտավարական հրթիռային համալիրի հարվածով ոչնչացվել է Դոնեցկի Հանրապետության Կրամատորսկ քաղաքից արևմուտք գտնվող՝ Ուկրաինայի զինված ուժերի անօդաչու թռչող սարքերի արձակման հարթակը։ Այս մասին հայտնում է ՌԴ ՊՆ-ն:
««Իսկանդեր-Մ» օպերատիվ-մարտավարական հրթիռային համալիրի հարվածի արդյունքում ամբողջությամբ ոչնչացվել են մինչև 25 միավոր «Լյուտի» տիպի հեռահար գործողության ԱԹՍ, անօդաչուների կառավարման կետ, 5 միավոր ավտոմոբիլային տեխնիկա և Ուկրաինայի զինված ուժերի մինչև 20 զինծառայող», - ասված է հաղորդագրության մեջ:
Ըմբիշ Արման Անդրեասյանը հաղթեց ադրբեջանցի մարզիկին ու դուրս եկավ ԱԱ կիսաեզրափակիչ
Սեպտեմբերի 13, 2025Ըմբշամարտի աշխարհի առաջնությունում Արման Անդրեասյանը 8:6 հաշվով հաղթեց ադրբեջանցի մրցակցին և դուրս եկավ կիսաեզրափակիչ։ Այս մասին հայտնում է Հայաստանի ըմբշամարտի ֆեդերացիան։
Հունահռոմեական ոճի ըմբշամարտի Հայաստանի հավաքականը մասնակցում է 10-հոգանոց կազմով, ազատ ոճում 5 մարզիկ ունենք։
Ռուսաստանի Խաղաղօվկիանոսյան նավատորմը հրթիռակոծություն է իրականացրել «բաստիոն» հրթիռային համալիրից
Սեպտեմբերի 13, 2025Խաղաղօվկիանոսյան նավատորմի «Բաստիոն» ափամերձ հրթիռային համակարգը հրթիռներ է արձակել ծովային թիրախի վրա։ Գործողությունն իրականացվել է «Օնիկս» թևավոր հրթիռով, հաղորդում է «Կոմերսանտը»՝ հղում անելով Ռուսաստանի պաշտպանության նախարարությանը։
Գերատեսչության տվյալներով՝ հրթիռը ծովային թիրախին հարվածել է ուղիղ հարվածով։ Հրթիռակոծությունները կատարվել են Կուրիլյան լեռնաշղթայի Պարամուշիր կղզու տարածքից, իսկ թիրախը գտնվել է գրեթե 350 կմ հեռավորության վրա։
Նախարարությունը մանրամասնել է, որ Խաղաղօվկիանոսյան նավատորմի զորավարժություններն անցկացվում են Ռազմածովային ուժերի մարտական պատրաստության շրջանակներում: Ռուսաստանի հյուսիս-արևելքում գտնվող զորքերի և ուժերի միացյալ հրամանատարությունը նույնպես մասնակցում է հրամանատարաշտաբային զորավարժություններին: Ամռան ընթացքում Խաղաղօվկիանոսյան նավատորմի զորավարժություններում ներգրավված են եղել ավելի քան 10 նավ և մոտորանավակ, ինքնաթիռ և ուղղաթիռ, ինչպես նաև մի քանի միջուկային սուզանավ:
Հունիսին Ռուսաստանի ռազմածովային նավատորմի խումբը՝ Ռուսաստանի օդատիեզերական ուժերի աջակցությամբ, Բալթիկ ծովում մարզվել է պայմանական հակառակորդի նավային ջոկատների և ցամաքային օբյեկտների հարձակումը հետ մղելու համար։ Նաև ներգրավված են եղել «Բալ» և «Բաստիոն» հրթիռային համալիրները։
«Բալ»-ը ափամերձ հրթիռային համալիր է՝ Х-35 հականավային հրթիռով։ Այն նախատեսված է տարածքային ջրերը վերահսկելու, ափերը և ռազմածովային բազաները պաշտպանելու համար։ Սպառազինության է ընդունվել 2008 թվականին։ «Բաստիոն»-ը նախատեսված է վերջրյա նավերը խոցելու համար, այն «Օնիքս» հրթիռի կրիչներից մեկն է։ Սպառազինության է ընդունվել 2010 թվականին։
Կիմ Չեն Ընը արգելել է «համբուրգեր», «կարաոկե» և «պաղպաղակ» բառերի օգտագործումը
Սեպտեմբերի 13, 2025Հյուսիսային Կորեայի առաջնորդ Կիմ Չեն Ընը արգելել է «համբուրգեր», «կարաոկե» և «պաղպաղակ» բառերի օգտագործումը՝ դրանք համարելով ԿԺԴՀ մշակութային կոդեքսին օտար արտահայտություններ։
Վոնսանի հանգստավայրի զբոսավարներին հրամայվել է չօգտագործել նմանատիպ բառեր օտարերկրացիների հետ շփվելիս, գրում է The Sun-ը։
Սովորական անվանումների փոխարեն ներմուծվում են «գաղափարապես ճիշտ» կորեական անալոգներ. համբուրգերն այժմ կոչվում է «կրկնակի հաց՝ աղացած մսով», իսկ կարաոկեն՝ «էկրանային նվագակցման սարք»։
2025 թ. սեպտեմբերի 12-ին «ՀՎԿԱԿ» ՊՈԱԿ «Արարատ» մասնաճյուղին Արտաշատ ԲԿ-ից հաղորդում է ստացվել Արարատ մարզի 1,5-ամյա բնակչի՝ շան կծածի վերաբերյալ: Վերջինս տեղափոխվել է ԲԿ «Ոտնաթաթի վերին հատվածի շան կծած» ախտորոշումով: Այդ մասին ասված է Հիվանդությունների վերահսկման և կանխարգելման Ազգային կենտրոնի հայտարարության մեջ։
«Մասնաճյուղի կողմից իրականացված համաճարակաբանական հետազոտության արդյունքում պարզվել է, որ տուժածին կծել է իրենց սեփական 20 օրական շունը: Կարճ ժամանակ անց շունը սատկել է:
Անկախ այն հանգամանքից ձեր տան, բակի, հարևանի շունն է, կենդանին կարող է վարակված լինել և կծելուց կարող է առաջանալ կատաղություն հիվանդությունը: Կատաղություն հիվանդությունը առանձնահատուկ բուժում չունի: Կանխարգելիչ պատվաստումները համարվում են նաև բուժում՝ հետևաբար անհրաժեշտ է.
Կենդանու կողմից տուժելու ցանկացած դեպքում անմիջապես դիմել բժշկական օգնության՝ համապատասխան պատվաստումները ստանալու և հիվանդության զարգացումից զերծ մնալու համար:
Կատաղության հիվանդության կանխարգելման համար անհրաժեշտ է`
պահպանել ընտանի կենդանիների խնամքի և պատվաստման կարգը` համաձայն անասնաբուժական ծառայության հրահանգների,
կենդանիների կատաղությամբ հիվանդ լինելու կասկածի կամ վայրի կենդանիների կողմից կծված լինելու մասին անհապաղ հայտնել անասնաբույժներին,
չգնել և չխնամել շներ առանց կատաղության դեմ պատվաստված լինելու վերաբերյալ անասնաբույժի տեղեկանքի,
կենդանու կողմից հարձակման ենթարկվելու կամ կծելու դեպքում անհապաղ դիմել բժշկի»,- նշված է գրառման մեջ։
Հիշեցնենք՝ Արարատի մարզում կրկին շան կծելու հետևանքով տուժած երեխայի դեպքի մասին հայտնել էր առողջապահության նախարար Անահիտ Ավանեսյանը:
Նա նշել էր, որ տարվա ընթացքում եղել են նաև մահվան դեպքեր, և պատճառը եղել է ժամանակին բժշկի չդիմելը և չպատվաստվելը:
Ադրբեջանում կանխվել է 15-ամյա աղջկա ամուսնությունը 1990 թվականին ծնված անձի հետ։
Ինչպես հայտնում են ադրբեջանական լրատվամիջոցները, ոստիկանության բաժնում քրեական գործ է հարուցվել անօրինական ամուսնության կազմակերպմանը մասնակից անձանց նկատմամբ՝ քրեական օրենսգրքի համապատասխան հոդվածով:
ԱՄՆ-ն զգուշացրել է Ռուսաստանին ՆԱՏՕ-ի օդային տարածքը խախտելու անթույլատրելիության մասին
Սեպտեմբերի 13, 2025ԱՄՆ-ն, արձագանքելով ռուսական անօդաչու թռչող սարքերի՝ Լեհաստանի օդային տարածք ներթափանցման փաստին, նախազգուշացրել է Մոսկվային դաշինքի անդամ երկրների տարածքային ամբողջականությունը խախտելու անթույլատրելիության մասին։
Ինչպես տեղեկացնում է «Արմենպրես»-ը, վկայակոչելով ՄԱԿ-ում ԱՄՆ մշտական ներկայացուցչության պաշտոնական կայքէջը, ՄԱԿ-ի Անվտանգության խորհրդի նիստում այս մասին հայտարարել է ԱՄՆ մշտական ներկայացուցիչ Դորոթի Շին։
«ԱՄՆ-ն աջակցում է ՆԱՏՕ-ի մեր դաշնակիցներին օդային տարածքի այս տագնապալի խախտումների պայմաններում։ ԱՄՆ-ը խորհրդակցում է Լեհաստանի և ՆԱՏՕ-ի այլ դաշնակիցների հետ՝ Հյուսիսատլանտյան պայմանագրի 4-րդ հոդվածի համաձայն, և վստահ եղեք, որ մենք կպաշտպանենք ՆԱՏՕ-ի տարածքի յուրաքանչյուր թիզ»,- նշել է Շին։
Նրա խոսքով՝ անցած չորեքշաբթի Լեհաստանի տարածք ներթափանցել են հենց ռուսական ռազմական անօդաչուներ։
«Նման գործողությունները, նույնիսկ եթե դրանք չնախատեսված են եղել, անհարգալից վերաբերմունք են ցուցաբերում այդ հակամարտությունն ավարտելու ԱՄՆ բարեխիղճ ջանքերի նկատմամբ»,- հավելել է նա։
Ադրբեջանում զինվորների հարազատները բողոքում են այցելությունների սահմանափակումների դեմ․ «Դեվիչյա բաշնյա»
Սեպտեմբերի 13, 2025Ադրբեջանի պաշտպանության նախարարությունը ժամանակավոր սահմանափակումներ է մտցրել զինվորների հարազատների կողմից զորամասեր այցելությունների նկատմամբ, հաղորդում է «Դեվիչյա բաշնյա» Telegram ալիքը։
Աղբյուրի տվյալներով՝ սահմանափակումները մտցվել են շնչառական հիվանդությունների տարածումը կանխելու համար։
Սակայն զինվորների հարազատները համաձայն չեն նման միջոցառումների հետ։
Իսրայելական բանակը (ՑԱԽԱԼ) շաբաթ օրը հայտարարել է, որ վերջին մի քանի շաբաթվա ընթացքում ավելի քան 250 000 մարդ լքել է Գազա քաղաքը և տեղափոխվել երկրի այլ շրջաններ, մինչդեռ իսրայելական զինուժն ուժեղացրել է հարձակումը Գազայի խոշորագույն քաղաքային կենտրոնի վրա, հաղորդում է AFP-ն։
«Իսրայելի պաշտպանության բանակի (ՑԱԽԱԼ) գնահատականներով՝ Գազայի ավելի քան քառորդ միլիոն բնակիչներ անձնական անվտանգության նկատառումներից ելնելով արդեն իսկ լքել են քաղաքը», - հայտարարել է բանակի ներկայացուցիչ գնդապետ Ավիչայ Ադրաին։
Այս շաբաթ Իսրայելի վարչապետ Բենյամին Նեթանյահուն Գազայի հատվածից պաղեստինցիների «կամավոր արտագաղթի» հարցով բարձր մակարդակի խորհրդակցություն է անցկացրել։
Դրան ներկա էին պաշտպանության նախարարության և Նախարարների կաբինետի բարձրաստիճան ներկայացուցիչներ։ Խորհրդակցության ժամանակ քննարկվել է մի ծրագիր, որը թույլ կտա Գազայի բնակիչներին լքել երկիրը արդեն հոկտեմբերին։
Պաշտպանության նախարարությունը ներկայացրել է մի ծրագիր, որի համաձայն՝ Գազայի բնակիչները կարող են լքել պատերազմից ավերված Գազայի հատվածը օդային և ծովային ճանապարհներով՝ հաջորդ ամսվանից սկսած։ Պաշտպանության նախարարության աղբյուրները թերթին հայտնել են, որ Իսրայելը բանակցություններ է վարում մի շարք աֆրիկյան երկրների հետ՝ Գազայի բնակիչներին ընդունելու համար, սակայն նրանք համաձայնության չեն հասել։ Քաղաքականության քննադատները մեղադրում են Իսրայելին Գազայի հատվածում պաղեստինցիների էթնիկ զտման փորձ կատարելու մեջ, հաշվի առնելով, որ ավերիչ պատերազմի ընթացքում այս քաղաքականությունը առաջ մղողներից շատերը չեն խոստացել թույլ տալ հեռացողներին վերադառնալ, քանի որ նրանք պնդում են անկլավում իսրայելական բնակավայրերի վերականգնման վրա։
Ֆոտո
