«Եվրաեռյակի» հետ միջուկային ծրագրի շուրջ բանակցությունները կորցրել են իմաստը. Իրանի ԱԳՆ
Հուլիսի 31, 2025«Եվրաեռյակի» երկրների (Մեծ Բրիտանիա, Գերմանիա, Ֆրանսիա) հետ բանակցությունները կորցրել են իմաստը, քանի որ եվրոպացիները անկարող են արդյունավետ քայլեր ձեռնարկել Իրանի միջուկային ծրագրի շուրջ ճգնաժամը լուծելու համար։ Այս մասին հայտարարել է Իրանի արտգործնախարար Աբբաս Արաղչին Financial Times-ին տված հարցազրույցում։
«Եվրոպացիների հետ այժմ բանակցելն իմաստ չունի, քանի որ նրանք չեն կարող չեղարկել պատժամիջոցները կամ որևէ այլ բան անել։ Եթե նրանք փորձեն գործարկել snapback մեխանիզմը (որը ենթադրում է ՄԱԿ-ի Անվտանգության խորհրդի պատժամիջոցների վերականգնում – խմբ.), այդքանով նրանց համար ամեն ինչ կավարտվի», – ասել է Իրանի արտգործնախարարը։
«Եվրաեռյակի» և Իրանի վերջին հանդիպումը տեղի է ունեցել հունվարին՝ Դոնալդ Թրամփի՝ ԱՄՆ նախագահի պաշտոնը ստանձնելուց կարճ ժամանակ առաջ։
ԱՄՆ-ի և Իրանի միջև Օմանի միջնորդությամբ հետագա անուղղակի բանակցությունները արդյունք չտվեցին, և նախատեսված վեցերորդ փուլը չեղարկվեց հունիսի 13-ին Իրանի վրա Իսրայելի ռազմական հարվածներից հետո: Այդ ժամանակ Իսրայելի բանակը հարվածեց Իրանի միջուկային օբյեկտներին, թիրախային հարձակումների և ահաբեկչության հետևանքով սպանվեցին Իրանի բարձրաստիճան զինվորականներ և գիտնական ֆիզիկոսներ: Ի պատասխան՝ Թեհրանը սկսեց հրթիռներով և անօդաչուներով գնդակոծել Թել Ավիվը:
ԱՄՆ Սոլթ Լեյք Սիթի քաղաքից Ամստերդամ ուղևորվող Delta Air Lines ավիաընկերության ինքնաթիռում գտնվող 25 մարդ հոսպիտալացվել է հուլիսի 30-ին թռիչքի ժամանակ պատահած տուրբուլենտության պատճառով։ Այս մասին հայտնում է ABC News-ը։
Airbus A33-900 ինքնաթիռում գտնվել է 275 ուղևոր և անձնակազմի 13 անդամ։ Ինքնաթիռը ստիպված է եղել վայրէջք կատարել Մինեապոլիս-Սենթ Պոլ շրջանում։
Ավիաընկերությունից տեղեկացրել են, որ օդանավում գտնված 25 մարդու տեղափոխվել են հիվանդանոց զննումների համար։
ԱՄՆ նախագահ Դոնալդ Թրամփի վարչակազմը Իրանի դեմ կիրառել է մինչ օրս իր ամենամեծ պատժամիջոցների փաթեթը։ Այս մասին հայտարարել է Իրանի ֆինանսների նախարարությունը։
Պատժամիջոցները վերաբերում են Իրանի գերագույն հոգևոր առաջնորդի խորհրդական Ալի Շամխանիի որդու՝ Մոհամմեդ Հոսեյն Շամխանիի հետ կապված ավելի քան 50 ֆիզիկական և իրավաբանական անձանց։
«Այսօր կիրառված ավելի քան 115 պատժամիջոցներն ամենամեծն են դարձել Թրամփի վարչակազմի կողմից Իրանի դեմ մեր առավելագույն ճնշման արշավը սկսելուց ի վեր։ Այդ միջոցառումները Ամերիկայի շահերը դնում են առաջին տեղում՝ թիրախավորելով ռեժիմի էլիտաներին, որոնք շահույթ են ստանում, մինչդեռ Թեհրանը սպառնում է Միացյալ Նահանգների անվտանգությանը», – ասել է ֆինանսների նախարար Սքոթ Բեսենթը։
ԱՄՆ-ն, Օտարերկրյա ակտիվների վերահսկողության վարչության հայտարարության համաձայն, մեղադրում է Շամխանիի որդուն տանկերների և կոնտեյներային նավերի հսկայական նավատորմ կառուցելու և կառավարելու մեջ, որը, իբր, Իրանից և Ռուսաստանից նավթ, նավթամթերք և այլ ապրանքներ է տեղափոխում գնորդների համար ամբողջ աշխարհով։
Ավելի վաղ Իրանի խորհրդարանի ազգային անվտանգության և արտաքին քաղաքականության հանձնաժողովի պաշտոնական ներկայացուցիչ Էբրահիմ Ռեզաին հայտնել էր, որ Թեհրանը կարող է դուրս գալ Միջուկային զենքի չտարածման մասին պայմանագրից և սկսել ուրանի 60%-ից ավելի հարստացումը, եթե հանրապետության վրա պատժամիջոցային ճնշումը շարունակվի:
ՀԴԲ շենքում այրման պարկերում հայտնաբերվել են Թրամփի և ՌԴ–ի միջև կապերի հետաքննության հազարավոր փաստաթղթեր. Fox News
Հուլիսի 31, 2025ՀԴԲ տնօրեն Քեշ Պատելը հայտնաբերել է գաղտնի փաստաթղթեր, որոնք կապված են ԱՄՆ նախագահ Դոնալդ Թրամփի և Ռուսաստանի միջև ենթադրյալ կապերի հետաքննության հետ։ Այս մասին հայտնել է Թրամփին հավատարիմ Fox News հեռուստաալիքը՝ հղում անելով աղբյուրներին։
Հեռուստաալիքի տվյալներով՝ Պատելը մի քանի այրման պարկերում հայտնաբերել է «հազարավոր փաստաթղթեր»։ Այսպես են սովորաբար պետական մարմինները պահպանում գաղտնի տեղեկատվությամբ փաստաթղթերը, որոնք որոշակի ժամանակահատվածից հետո ենթակա են ոչնչացման։
Պարկերը, ենթադրաբար, գտնվել են «գաղտնի սենյակում»։ Սա այսպես կոչված գաղտնի տեղեկատվության կենտրոնն է (SCIF): Fox News-ի աղբյուրները հայտնել են, որ Պատելը և նրա թիմը ՀԴԲ շենքում հայտնաբերել են նախկինում անհայտ SCIF։ Հունիսին Պատելը Ջո Ռոգանի փոդքասթին ասել է, որ այս սենյակում կան փաստաթղթեր և կոշտ սկավառակներ, «որոնք ոչ ոք երբեք չի տեսել կամ լսել»։
Հայտնաբերված փաստաթղթերի թվում էր հատուկ խորհրդական Ջոն Դարհեմի զեկույցի գաղտնի հավելվածը, որտեղ ասվում էր, որ ԱՄՆ հետախուզական համայնքն ունի հավաստի աղբյուրներ, որոնք ցույց են տալիս, որ «ՀԴԲ-ն կարող է դեր խաղալ Թրամփ-Ռուսաստան ենթադրյալ պատմության հետագա զարգացման գործում»։
Պատելի կողմից հայտնաբերված փաստաթղթերը և այլ փաստաթղթեր կուղարկվեն Սենատի դատական հանձնաժողով, որը կհրապարակի դրանք։ «Հավելվածի հրապարակումը հավաստիություն կհաղորդի այն մեղադրանքին, որ կար կառավարության ծրագիր՝ օգնելու [Հիլարի] Քլինթոնին ուռճացնել Թրամփ-Ռուսաստան սկանդալը [2016 թվականի նախագահական ընտրություններից առաջ]», - Fox News-ին հայտնել է աղբյուրը։
Դոնալդ Թրամփի կողմնակիցները շաբաթներ շարունակ քննադատում են նրան ֆինանսիստ Ջեֆրի Էպշտեյնի գործի կապակցությամբ։ Թրամփը օգտագործել է Էպշտեյնի «հաճախորդների ցուցակի» մասին դավադրության տեսությունը՝ իր քաղաքական հակառակորդներին վարկաբեկելու համար, և խոստացել է հրապարակել ցուցակը։ Սակայն նրա վարչակազմը վերջերս հայտարարել է, որ ցուցակը գոյություն չունի՝ զայրացնելով MAGA կոալիցիային։ Թրամփի և նրա թիմի վերջին հայտարարություններից շատերը դիտվում են որպես հանրությանը Էպշտեյնի միջադեպից շեղելու փորձ։
Հուլիսի 31-ի գիշերը ռուսական զորքերը Կիևը գրոհել են անօդաչու թռչող սարքերով և հրթիռներով: Այս պահին հայտնի է վեց մարդու մահվան և 52 վիրավորի մասին: Զոհերի թվում կա վեցամյա տղա, ևս ինը երեխա վիրավորվել է, հայտնել է քաղաքային ռազմական վարչակազմի ղեկավար Թիմուր Տկաչենկոն: Նրա խոսքով՝ 30 մարդ հոսպիտալացվել է:
Հարվածներ են գրանցվել 27 վայրերում: Սվյատոշինսկի շրջանում ավերվել է բնակելի շենքի մուտքը, Սոլոմենսկիում՝ վնասվել են մի քանի բարձրահարկ շենքերի բնակարաններ, այրվել են մեքենաներ, ասել է քաղաքապետ Վիտալի Կլիչկոն: Գոլոսեևսկի շրջանում վնասվել է դպրոց և մանկապարտեզ: Շևչենկովսկում ցնցող ալիքը կոտրել է հիվանդանոցի մանկական բաժանմունքի պատուհանները: Ուկրաինայի նախագահ Վլադիմիր Զելենսկին հրապարակել է տեսանյութ՝ ռուսական հարձակման հետևանքներով: «Կիև։ Հրթիռային հարված։ Ուղիղ բնակելի շենքի վրա։ Մարդիկ փլատակների տակ են։ Բոլոր ծառայությունները տեղում են։ «Ռուս ահաբեկիչներ», - գրել է նա։
Հուլիսի 31-ի գիշերը ռուսական զորքերը Կիևը գրոհել են անօդաչու թռչող սարքերով և հրթիռներով: Այս պահին հայտնի է վեց մարդու մահվան և 52 վիրավորի մասին: Զոհերի թվում կա վեցամյա տղա, ևս ինը երեխա վիրավորվել է, հայտնել է քաղաքային ռազմական վարչակազմի ղեկավար Թիմուր Տկաչենկոն: Նրա խոսքով՝ 30 մարդ հոսպիտալացվել է:
Հարվածներ են գրանցվել 27 վայրերում: Սվյատոշինսկի շրջանում ավերվել է բնակելի շենքի մուտքը, Սոլոմենսկիում՝ վնասվել են մի քանի բարձրահարկ շենքերի բնակարաններ, այրվել են մեքենաներ, ասել է քաղաքապետ Վիտալի Կլիչկոն: Գոլոսեևսկի շրջանում վնասվել է դպրոց և մանկապարտեզ: Շևչենկովսկում ցնցող ալիքը կոտրել է հիվանդանոցի մանկական բաժանմունքի պատուհանները: Ուկրաինայի նախագահ Վլադիմիր Զելենսկին հրապարակել է տեսանյութ՝ ռուսական հարձակման հետևանքներով: «Կիև։ Հրթիռային հարված։ Ուղիղ բնակելի շենքի վրա։ Մարդիկ փլատակների տակ են։ Բոլոր ծառայությունները տեղում են։ «Ռուս ահաբեկիչներ», - գրել է նա։
Հայկական կողմը հայտ է ներկայացրել Շանհայի համագործակցության կազմակերպությանը (ՇՀԿ) անդամակցելու համար և Չինաստանը, որպես այս տարվա ՇՀԿ-ն նախագահող երկիր՝ ակտիվորեն նպաստում է այդ գործընթացի առաջխաղացմանը։ Այս մասին հայտարարել է Հայաստանի Հանրապետությունում Չինաստանի Ժողովրդական Հանրապետության արտակարգ և լիազոր դեսպան Լի Սինվեյը։ Հայտարարությունը արվել է Չինաստանի ազգային-ազատագրական բանակի ստեղծման 98-րդ տարեդարձին նվիրված ընդունելության ժամանակ։
«Չինաստանն ու Հայաստանը հնագույն քաղաքակրթություններ են, որոնց ժողովուրդներն անկեղծորեն ձգտում են խաղաղության։ Դիվանագիտական հարաբերությունների հաստատման օրվանից անցած 33 տարիների ընթացքում՝ մեր երկրները մշտապես պահպանել են երկկողմ համագործակցության զարգացման կայուն դինամիկա։ Կողմերը հարգում են միմյանց ինքնիշխանությունը, անվտանգությունը և տարածքային ամբողջականությունը, փոխադարձ աջակցություն են ցուցաբերում առանցքային շահերին առնչվող հարցերում»,- նշել է դիվանագետը։
Դեսպանի խոսքով՝ վերջին տարիներին նկատելիորեն ակտիվացել են բարձր մակարդակի շփումներն ու երկխոսությունը բոլոր մակարդակներում։ «Նախագահ Սի Ծինփինը և վարչապետ Նիկոլ Փաշինյանը բարեկամական հանդիպումներ են ունեցել ԲՐԻԿՍ-ի գագաթնաժողովի և մայիսի 9-ի հանդիսավոր արարողության շրջանակներում։ Բոլորովին վերջերս Հայաստանի արտաքին գործերի նախարար Արարատ Միրզոյանն այցելել է Չինաստան և բանակցություններ անցկացրել Չինաստանի արտաքին գործերի նախարար Վան Յիի հետ, որոնց ընթացքում կողմերը մանրամասն քննարկել են երկկողմ և բազմակողմ համագործակցությունը։ Չինական կողմը պատրաստ է հայ գործընկերների հետ միասին շարունակել բարեկամության ավանդույթները, ամրապնդել փոխադարձ վստահությունը, խորացնել գործնական համագործակցությունը, նպաստել երկկողմ հարաբերությունների հետագա զարգացմանը, ինչպես նաև նպաստել մեր երկրների բարգավաճմանը և տարածաշրջանում խաղաղության ու կայունության ամրապնդմանը»։
ԱՄՆ-ն պետք է փոխհատուցի Իրանի կրած վնասները վերջին 12-օրյա պատերազմի ընթացքում. այս մասին Financial Times-ին տված հարցազրույցում ասել է Իրանի ԱԳ նախարար Աբբաս Արաղչին:
«ԱՄՆ-ն առաջարկել է վերսկսել բանակցությունները։ Բայց մեզ անհրաժեշտ են նրանց կողմից իրական վստահություն ձևավորող քայլեր, որոնք պետք է ներառեն ինչպես ֆինանսական փոխհատուցում, այնպես էլ երաշխիքներ, որ բանակցությունների ընթացքում հարձակում Իրանի վրա չի լինի», - ասել է ԱԳ նախարարը։
Հիշեցնենք, որ հունիսի 22-ին ԱՄՆ օդուժը հարվածներ է հասցրել Իրանում՝ Ֆորդոյում, Նաթանզում և Սպահանում գտնվող երեք միջուկային օբյեկտներին։ Օրերս ԱՄՆ նախագահ Դոնալդ Թրամփը հայտերերլ էր, որ Միացյալ Նահանգները պատրաստ է նոր հարված հասցնել Իրանի միջուկային օբյեկտներին, եթե վերջինս փորձի վերականգնել դրանք։
«Մենք ոչնչացրել ենք նրանց միջուկային ներուժը։ Նրանք կարող են ամեն ինչ սկսել նորից։ Եթե նրանք դա անեն, մենք կոչնչացնենք (միջուկային օբյեկտները) ավելի արագ, քան դուք կհասցնեք մատ շարժել։ Մենք ստիպված կլինենք դա անել», - ասել էր Թրամփը:
Ռուսաստանի և Ուկրաինայի միջև «բարձր մակարդակով» հանդիպումները պետք է լուրջ նախապատրաստվեն, հայտարարել է ՌԴ փոխարտգործնախարար Սերգեյ Վերշինինը։ Նա մանրամասնել է, որ Մոսկվան պատրաստ է շարունակել երկխոսությունը Կիևի հետ։
«Կայացել է բանակցությունների երեք փուլ, և մենք պատրաստ ենք դրանք շարունակել: Ինչ վերաբերում է բարձր մակարդակի հանդիպումներին, ապա նման հանդիպումները պետք է լրջորեն նախապատրաստվեն», - լրագրողներին բացատրել է փոխնախարարը:
Հուլիսի 23-ին Ստամբուլում տեղի է ունեցել Ռուսաստանի և Ուկրաինայի միջև ուղիղ բանակցությունների երրորդ փուլը: Պատվիրակությունների հանդիպումը տևել է մոտ 40 րոպե: Այնտեղ կողմերը, ի թիվս այլ բաների, համաձայնության են եկել ռազմագերիների ևս մեկ փոխանակման շուրջ:
Մոսկվան նաև առաջարկել է Կիևին ստեղծել երեք խումբ, որոնք կաշխատեն առցանց՝ քաղաքական, մարդասիրական և ռազմական հարցերի շուրջ։ Կրեմլը հայտարարել է, որ ուկրաինական կողմը չի արձագանքել այս առաջարկին։
Նախորդող 3 օրերին Վրաստանից ՌԴ է մտել հայկական կոնյակով բարձված 55 բեռնատար․ նախարար
Հուլիսի 31, 2025Նախորդող 3 օրերին Վրաստանից ՌԴ է մտել հայկական կոնյակով (բրենդի) բարձված 55 բեռնատար։ Այս մասին ֆեյսբուքյան էջում գրել է ՀՀ էկոնոմիկայի նախարար Գևորգ Պապոյանը։
«Այս ցուցանիշը ևս մեկ անգամ ապացուցում է, որ կոնյակի արտահանման հիմնախնդիրը էականորեն լուծված է։ Առաջիկայում մեզ սպասվում է խաղողի առատ բերք, որի մթերումը, ինչպես անցած տարի, ևս պետք է բարձր մակարդակով կազմակերպենք՝ կառավարության, մթերողների և խաղող մշակողների հետ միասնաբար։ Ի գործ»,- գրել է նա։
Հիշեցնենք, որ ՀՀ էկոնոմիկայի նախարար Գևորգ Պապոյանը հունիսի 30-ին Հռոմում, ՄԱԿ-ի Պարենի և գյուղատնտեսության կազմակերպության (ՊԳԿ) համաժողովի շրջանակում, հանդիպել է Վրաստանի գյուղատնտեսության և շրջակա միջավայրի նախարար Դավիթ Սոնգուլաշվիլիի հետ։
Հանդիպման ընթացքում կողմերը քննարկել են Վրաստանի տարածքով հայկական կոնյակով բեռնված մեքենաների (Armenian Brandy) արագ և անխոչընդոտ անցմանը վերաբերող հարցեր։
Անդրադարձ է կատարվել նաև հայ-վրացական տնտեսական օրակարգի ընդլայնման և փոխգործակցության խորացման հնարավորություններին։
Ֆոտո
