Ջենիֆեր Լոպեսի երևանյան համերգից ընդամենը երկու օր առաջ պարզվեց, որ դրա կազմակերպման գումարը տրամադրվել է Հայաստանի բյուջեից․ երեկ կառավարությունը որոշել է ամերիկացի ռեփեր Սնուփ Դոգի՝ 2023-ին տապալված համերգի 6 միլիոն դոլարն ուղղել Ջենիֆեր Լոպեսի երևանյան համերգի կազմակերպմանը։ Սա այն դեպքում, երբ ամիսներ շարունակ ոչ մի տեղ, ոչ մի գովազդում, ոչ մի պաստառում չի նշվել, որ կառավարությունն ու «Դոպինգ սփեյս»-ն են Լոպեսի համաշխարհային շրջագայության շրջանակում կայանալիք այս համերգի հովանավորն ու կազմակերպիչը։ Այս մասին հայտնում է Ազատությունը։

Ավելին, կառավարության որոշման մեջ նշված չէ, որ Ջենիֆեր Լոպեսի երևանյան համերգը լինելու է օգոստոսի 3-ին, այնտեղ անորոշ ժամկետներ են նշված՝ «2025-ի ընթացքում»։

Բացի այդ, Ջենիֆեր Լոպեսի համերգի կազմակերպման նախահաշվում կան միլիոնավոր դրամների ծախսեր, որոնց հիմնավորվածությունն ու նպատակահարմարությունը հարցեր են առաջացնում։

37 հազար դոլար՝ Ջենիֆեր Լոպեսի 2 օրվա սննդի, 15 հազար դոլար՝ համերգի ծրագրի պրոդյուսերի համար
Կառավարության որոշումից պարզ է դառնում, որ Լոպեսին վճարվելու է 1 միլիարդ դրամ՝ ավելի քան 2.5 միլիոն դոլար: Քանի որ հայտնի չէ՝ որքան է լինելու համերգի տևողությունը, դժվար է գնահատել՝ այս գումարն արդյոք համապատասխանում է նախկին համերգների համար վճարված հոնորարներին, թե ոչ։

Ավելի կասկածահարույց է միայն Ջենիֆեր Լոպեսի սննդի առաքման ծառայությունների համար նախատեսված գումարը՝ 14.4 միլիոն դրամ կամ 37 հազար դոլար: Նրա թիմի սննդի համար 6 միլիոն դրամ է առանձնացվել, զգեստափոխման սենյակի աշխատակիցների համար՝ 3.8 միլիոն դրամ։

Ըստ կառավարության փաստաթղթերի՝ Ջենիֆեր Լոպեսը իջևանելու է «Դվին» հյուրանոցում (Seven Visions Hotels 5), որին երկու օրվա համար նախատեսվում է վճարել մոտ 4 միլիոն դրամ։ Ըստ նախահաշվի՝ Ջենիֆեր Լոպեսին, նրան սպասարկող թիմին Երևանի տարբեր հյուրանոցներում տեղավորելու վրա ծախսվելու է ավելի քան 71.5 մլն դրամ՝ դոլարով արտահայտված 185 հազար դոլար։

Համերգի գործադիր պրոդյուսերին նախատեսվում է վճարել 2.5 միլիոն դրամ աշխատավարձ։ Այս հաստիքից բացի, լինելու է նաև համերգի ծրագրի պրոդյուսեր՝ 5.8 միլիոն դրամ աշխատավարձով։ Համերգի տեխնիկական տնօրինությանը վճարվելու է 29.4 միլիոն դրամ։

Մանրամասները՝ սկզբնաղբյուր կայքում

Կամբոջան պլանավորում է ԱՄՆ նախագահ Դոնալդ Թրամփին առաջադրել Խաղաղության Նոբելյան մրցանակի՝ Թաիլանդի և Կամբոջայի միջև հակամարտության կարգավորման գործում ունեցած դերի համար, Wall Street Journal-ին ասել է Կամբոջայի փոխվարչապետ Սուն Չանտոլը։

Հուլիսին Թրամփը հայտարարել էր, որ խոսել է Կամբոջայի և Թաիլանդի առաջնորդների հետ՝ ասելով, որ Միացյալ Նահանգները առևտրային համաձայնագրեր չի կնքի այդ երկրների հետ, քանի դեռ նրանք հակամարտության մեջ են։

Այնուհետև նա ասել էր, որ երկրների իշխանությունները համաձայնել են անհապաղ հանդիպել՝ հրադադարի համաձայնագիր մշակելու համար, որից հետո Վաշինգտոնը պատրաստ կլինի վերսկսել նրանց հետ առևտրային բանակցությունները։

Այս տարվա բուհերի ընդունելության հիմնական փուլի միասնական քննությունների արդյունքով բուհ է ընդունվել 7719, ներբուհական քննությունների արդյունքով՝ 2069 հոգի, այսինքն՝ 9788 դիմորդ։ Մրցույթի լրացուցիչ փուլում 1182 հոգի ընդունվել է բուհ, 296 դիմորդ դուրս է մնացել։ Ընդհանուր թափուր է 1174 տեղ»,- ասուլիսի ժամանակ հայտնել է Գնահատման և թեստավորման կենտրոնի փոխտնօրեն Կարո Նասիբյանը։

Նա նշել է նաև ամենաշատ ընդունելություն ունեցած առաջին տասը համալսարանները՝ Երևանի պետական համալսարան, Տնտեսագիտական համալսարան, Ազգային Պոլիտեխնիկ համալսարան, Ճարտարապետության և շինարարության համալսարան, Բրյուսովի անվան պետական համալսարան, Բժշկական համալսարան, Մանկավարժական համալսարան, Ֆիզիկական կուլտուրայի սպորտի պետական ինստիտուտ, Հայ-ռուսական համալսարան և Վանաձորի պետական համալսարան։

Այսօր՝ օգոստոսի 1-ին, խոշոր ու ողբերգական ավտովթար է տեղի ունեցել Տավուշի մարզում։ Ժամը 10։15-ի սահմաններում Նոյեմբերյան-Բագրատաշեն ավտոճանապարհին՝ Պտղավան գյուղի վարչական տարածքում, բախվել են «Toyota Camry» և «Opel Astra» մակնիշի ավտոմեքենաները։

Shamshyan.com-ի տեղեկություններով, վթարի հետևանքով 1 հոգի տեղում մահացել է, 3 հոգի տարբեր աստիճանի մարմնական վնասվածքներով տեղափոխվել է «Նոյեմբերյան» բժշկական կենտրոն։

Վթարի փաստով Նոյեմբերյանի քննչական բաժնում նախաձեռնվել է քրեական վարույթ, որտեղ էլ պարզվում է վարորդների, մահացածի և վիրավորների ինքնությունը։

Թուրքիայի Էլազիգ շրջանում գտնվող ածխահանքում փլուզում է տեղի ունեցել, հաղորդում է Հաբեր Գլոբալը։

Դեպքի պահին հանքում աշխատողներ են եղել։ Փրկարարական գործողություն է ընթանում։ Տեղեկատվության համաձայն՝դեպքի վայր են կանչվել արտակարգ իրավիճակների, շտապօգնության և ոստիկանության աշխատակիցներ։

Այսօր՝ օգոստոսի 1-ին, հերթական անգամ լարված իրավիճակ է ստեղծվել Լոռու մարզի Տաշիր համայնքի Մեծավան վարչական շրջանում: 
 
100-ավոր բնակիչներ, ի նշան բողոքի, փակել են Հայաստան-Վրաստան միջպետական ճանապարհը և պահանջում են, որպեսզի Կառավարությունը պատասխանի, թե ինչն է պատճառը, որ գրեթե 1 տարի է՝ սայլը տեղից չի շարժվում, այն դեպքում, երբ անցյալ տարի դեկտեմբերին դարձյալ բողոքի ակցիայի ժամանակ իշխանությունները խոստացան, որ խնդիրը կլուծվի: 
 
Shamshyan.com-ի թղթակցի հետ զրույցում բողոքի ակցիայի մասնակիցները ասում էին. 

«1 տարուց ավելի է, չգիտես ինչու, ոչ մի աշխատանք չի կատարվում: Այն ժամանակ նույնպես բողոքի ակցիա կատարեցինք, փակեցինք ճանապարհը և միայն այն ժամանակվա Լոռու մարզպետ Արամ Ղազարյանին հավատալով դադարեցրինք բողոքի ակցիաները:
 
Ա. Ղազարյանը իր խոստումը կատարեց, մի քանի կմ-անոց ճանապարհի դարուփոսը հատուկ տեխնիկաների միջոցով հարթեցվեց, բայց Ղազարյանին մարզպետից տեղափոխեցին ՀՀ ներքին գործերի նախարարի տեղակալ, ՀՀ ոստիկանության պետ, մեր սպասելիքները հօդս ցնդեցին, հիմա չգիտենք՝ աշխատանքները կկատարվեն, թե ոչ: 
 
Մենք շարունակելու ենք մեր բողոքի ակցիաները, մինչև խնդիրը չլուծեն»: 
 
Ֆոտոլրագրողը հայտնում է, որ ժամանել են համայնքային ոստիկանության և պարեկային ծառայության մեծ թվով աշխատակիցներ, ովքեր համոզում են բողոքի ակցիայի մասնակիցներին, որ բացեն ճանապարհը:  

Ավելի վաղ՝ դեկտեմբերի 9-ին, Shamshyan.com-ը ֆոտոռեպորտաժ, տեսանյութ էր հրապարակել Լոռու մարզի Մեծավան գյուղի բնակիչների կողմից տեղի ունեցած բողոքի ակցիայի մասին։ Բնակիչները խնդրում էին, որպեսզի մի քանի կմ-անոց ճանապարհը, որը կապում է մի քանի գյուղեր Տաշիր քաղաքի հետ, վերանորոգեն, վերացնեն փոսերը, ինչի պատճառով ամեն օր ավտոմեքենաներ էին ջարդվում, իսկ շատ դեպքերում էլ շտապօգնության ավտոմեքենաները մեծ դժվարությամբ էին հասնում կանչի վայր։ Այդ օրը բողոքի ակցիայի մասնակիցների հետ հանդիպել էր այն ժամանակ Լոռու մարզպետ Արամ Ղազարյանը, ով բնակիչներին խոստացել էր, որ ժամանակավորապես 6-7 կմ-անոց ճանապարհը կբարեկարգեն «գրունտով», ինչի արդյունքում փոսերը կվերանան, իսկ 2025 թվականին Կառավարության օգնությամբ ճանապարհը ամբողջությամբ կվերանորոգեն։

Պորտուգալիայի հավաքականը իր սոցցանցի էջերում գրառում է կատարել 2026 թվականի աշխարհի առաջնության եվրոպական գոտու ընտրական մրցաշարի վերաբերյալ՝ անդրադառնալով նաև Հայաստանի ազգային հավաքականի դեմ առաջիկայում կայանալիք հանդիպմանը։

«2026 թվականի ՖԻՖԱ-ի աշխարհի առաջնության որակավորման խաղերը մեկնարկում են Հայաստանում, և դուք կլինեք մեր 12-րդ խաղացողը։ Մեր թիմն ունի ձեր՝ 12-րդ խաղացողի աջակցության կարիքը»,- ասված է գրառման մեջ։

Հիշեցնենք, 2026 թվականի աշխարհի առաջնության եվրոպական գոտու ընտրական մրցաշարի վիճակահանության արդյունքում Հայաստանի ազգային հավաքականը հայտնվեց F խմբում՝ Պորտուգալիայի, Դանիայի, Հունգարիայի և Իռլանդիայի հետ։

Հայաստան–Պորտուգալիա հանդիպումը կկայանա սեպտեմբերի 6-ին՝ Վազգեն Սարգսյանի անվան Հանրապետական մարզադաշտում, ժամը 20։00-ին։

ԵԱՀԿ-ն ձախողեց Լեռնային Ղարաբաղում, Մինսկի խումբը չկարողացավ ստեղծել հակամարտող կողմերի միջև երկխոսության պայմաններ. այս մասին rg.ru-ին տված հարցազրույցում ասել է ՌԴ ԱԳ նախարար Սերգեյ Լավրովը:

«Իսկ այն բանից հետո, երբ խմբի արևմտյան մասնակիցները (ԱՄՆ-ն և Ֆրանսիան) հրաժարվեցին Ռուսաստանի հետ փոխգործակցությունից, այն կորցրեց իր ամբողջ իմաստը», – ընդգծել է ՌԴ ԱԳ նախարարը:

ԵԱՀԿ Մինսկի խումբը ստեղծվել է 1992 թվականին՝ Լեռնային Ղարաբաղի հակամարտությունը լուծելու համար։ Խմբի համանախագահներն են Ռուսաստանը, ԱՄՆ-ն և Ֆրանսիան։ Խմբի կազմում են նաև Գերմանիան, Բելառուսը, Իտալիան, Թուրքիան, Ֆինլանդիան, Շվեդիան, ինչպես նաև Ադրբեջանը և Հայաստանը։ԵԱՀԿ Մինսկի խմբի լուծարումը Ադրբեջանի կողմից Հայաստանի հետ խաղաղության համաձայնագիր ստորագրելու երկու նախապայմաններից մեկն է։ Ապրիլին խորհրդարանում ելույթ ունենալով՝ վարչապետ Նիկոլ Փաշինյանը առաջարկել էր, որ միաժամանակ ստորագրվեն և՛ խաղաղության համաձայնագիրը, և՛ ԵԱՀԿ Մինսկի խմբի լուծարման վերաբերյալ հայտարարությունը։

Խմբի գործունեությունը փաստացի կասեցված է 2022 թվականից ի վեր, քանի որ համանախագահները դադարեցրել են փոխգործակցությունը։ ՌԴ ԱԳՆ-ն ավելի վաղ պնդել էր, որ 2022 թվականի փետրվարից ի վեր Մինսկի խմբի համանախագահները դադարեցրել են շփումները ռուսական կողմի հետ։

ՀՀ երկրորդ նախագահ Ռոբերտ Քոչարյանը հարցազրույց է տվել «5-րդ ալիք»-ի «Հայլուր» լրատվականին։ Հարցազրույցի ընթացքում անդրադարձ է եղել ՀՀ անվտանգային հարցերին, արտաքին և ներքին խնդիրներին։

Հարցազրույցը կհեռարձակվի «5-րդ ալիք»-ի եթերում այսօր՝ օգոստոսի 1-ին, ժամը 21։20-ին: Այս մասին տեղեկանում ենք ֆեյսբուքյան էջից:

Ալեք և Հիլարիա Բոլդուինները կրկին ուշադրության կենտրոնում են: Զույգի երկրպագուները որոշել են, որ ընտանիքը կարող է ութերորդ երեխա ունենալ: Ամեն ինչ պայմանավորված է Instagram-ում տարածված պիկանտ տեսանյութով, որտեղ 41-ամյա Հիլարիան իսկական կեղտոտ պար է պարում Սելին Դիոնի The Power of Love բալլադի ներքո:

Տեսանյութում յոթ երեխաների մայրը դրամատիկ կերպով նետում է իր բարակ ոտքերը իր 67-ամյա ամուսնու վրա, մինչ նա նստած է աթոռին և ակնհայտ հաճույքով դիտում է նրան: Նկարագրության մեջ նա խաղային կերպով գրել է. «Ժամանակն է ոտքերի մերսման... տրամաբանական է, չէ՞»: 

Սրան անմիջապես հետեւել են մեկնաբանությունները.

- «Ալեքընայում է նրան այնպես, կարծես արդեն ութերորդի ճանապարհին է»։

- «Վիրահատությունը երաշխավորված է»։

- «Դու նրան խոստացել ես զվարճալի կյանք փոթորկից հետո, և դու դա անում ես ինչպես բոս»։

Այնուամենայնիվ, ոչ բոլորն էին ուրախ.

- «Ես չեմ հասկանում, թե ինչու է այսքան ուշադրությունը։ Դա չափազանց շատ է», - մեկնաբանել է օգտատերերից մեկը, և հարյուրավոր լայքեր աջակցել են նրան։