Իսրայելի հարվածները Իրանի միջուկային օբյեկտների վրա վտանգավոր նախադեպ են ստեղծել, որը կարող է աղետալի հետևանքներ ունենալ, հայտարարել է Չինաստանի արտաքին գործերի նախարար Վան Ին։
Նա կոչ է արել Իսրայելի վրա ազդեցություն ունեցող պետություններին կոնկրետ ջանքեր գործադրել խաղաղությունը վերականգնելու համար։
Ադրբեջանի արտգործնախարար Ջեյհուն Բայրամովը և Թուրքիայի արտգործնախարար Հաքան Ֆիդանը հեռախոսազրույց են ունեցել
Թուրքիայի ԱԳՆ-ի աղբյուրը հայտնել է, որ նախարարները քննարկել են Իրանի և Իսրայելի միջև միջև ռազմական բախումների շուրջ ստեղծված իրավիճակը:
Իսրայելի հարվածների հետևանքով զոհվել է ավելի քան 20 իրանցի բարձրաստիճան հրամանատար, հայտնել է Իսրայելի ՊԲ-ն։
Ավելի վաղ իսրայելցի զինվորականները հաղորդել էին Իրանի միջուկային նախագծի 9-ը առաջատար գիտնականի սպանության մասին։
Իսրայելի տարածքին հարվածները կշարունակվեն այնքան ժամանակ, քանի դեռ Իրանի զինված ուժերը դա անհրաժեշտ կհամարեն, հայտարարել է Իրանի կառավարության խոսնակ Ֆաթեմեհ Մոհաջերանին։
«Քանի դեռ մեր զինված ուժերը անհրաժեշտ են համարում, այս պատասխանը կշարունակվի, և կառավարությունը լիովին կաջակցի զինված ուժերի որոշումներին:
Մենք աջակցում ենք Գերագույն առաջնորդին և նրա որոշումներին», - ասել է նա:
Իսրայելի ռազմաօդային ուժերը շուտով կրկին կհայտնվեն Թեհրանի երկնքում՝ իրանական ռեժիմի բոլոր թիրախներին հարվածելու համար, ասել է Իսրայելի վարչապետ Բենիամին Նեթանյահուն։
«Շատ շուտով դուք կտեսնեք Իսրայելի ռազմաօդային ուժերի ինքնաթիռներ Թեհրանի երկնքում. մենք կհարվածենք այաթոլլաների ռեժիմի յուրաքանչյուր օբյեկտին և յուրաքանչյուր թիրախին», - ասել է նա ազգին ուղղված տեսաուղերձում։
Երկուշաբթի առավոտյան կլինեմ Ազգային ժողովում. հետաքրքիր է լինելու. Նարեկ Մալյան. Տեսանյութ
Իրանի և ԱՄՆ-ի միջև Իրանի միջուկային ծրագրի շուրջ տարաձայնությունները լուծելու համար հունիսի 15-ին նախատեսված բանակցությունների հաջորդ փուլը դեռևս չի չեղարկվել։ Այս մասին հայտարարել է Իսլամական Հանրապետության արտաքին գործերի նախարարության պաշտոնական ներկայացուցիչ Էսմայիլ Բաղային։
«Դեռևս պարզ չէ, թե ինչ որոշում կկայացնենք կիրակի օրը այս հարցի վերաբերյալ», – դիվանագետի խոսքերն է մեջբերում NourNews գործակալությունը։
Ավելի վաղ Բաղային ասել էր, որ Իսրայելի հարձակումից հետո Վաշինգտոնի և Թեհրանի միջև բանակցությունները դարձել են անիմաստ։
«Ազգային ժողովի պաշտպանության և անվտանգության հարցերի մշտական հանձնաժողովի նիստում երեկ բուռն կրքեր էին բորբոքվել: Այն աստիճան բուռն, որ նույնիսկ երդվյալ քպականները թեթևակի «իրար կպան»: Չէ, հարցը, որ հանձնաժողովի օրակարգում էր, քպական իշխանության վարած «քաղաքականության» հետևանքով ահագնացած արտաքին սպառնալիքներին ուղղակիորեն չէր առնչվում, այլ անուղղակիորեն: Խոսքը քպական «փայլուն գլուխներում» ծագած այն մտքի մասին է, որ եթե անհնար է պայքարել զորակոչային ու նախազորակոչային համակարգված կոռուպցիայի դեմ, ապա եկեք այն օրինականացնենք: Սա՝ եթե ընդհանրացնելու լինենք ընդհանուր գաղափարը:
Կարճ ասած՝ խոսքը «բանակից փողով ազատվելու» դրոշմն ստացած օրենսդրական փաթեթի մասին է, որի անվանական նախաձեռնողը քպական Հայկ Սարգսյանն է, և որին կողմ է կառավարությունը:
Բայց խնդրահարույց և հանրության կողմից ծաղրական և կոշտ արձագանքների արժանացած նախագիծը «ճյուղային» հանձնաժողովում դրական եզրակացություն չստացավ. անհրաժեշտ էր 6 «կողմ» ձայն, քվեարկությամբ պարզվեց՝ 5 «կողմ» է, իսկ հանձնաժողովի քպական անդամներից մեկն էլ... «ձեռնպահ» քվեարկեց:
Դրանից հետո մթնոլորտն ավելի շիկացավ: Փոխադարձ կսմթոցներ հնչեցին հենց քպականների միջև: Կարելի էր երկար հետևել այդ «աչք շոյող» իրարուտոցուն, բայց այստեղ հետաքրքիր են նաև այլ հանգամանքներ: Նախ՝ բանից պարզվեց, որ իրենք՝ քպականներն էլ կամ նրանց մի որոշակի մասը այնքան էլ լավ չեն պատկերացնում, թե ինչ են ուզում անել, բացի այն, որ ուզում են օրինականացնել կաշառակերությունը: Պարզվեց նաև, որ Նիկոլ Փաշինյանն ու քպական քարոզչությունը ստում են (մեծ նորություն չէ, իհարկե), երբ հայտարարում են, թե «համակարգային կոռուպցիա չկա»: Այդ քարոզչական թեզը շարունակաբար հերքում է հենց օրենսդրական նախաձեռնության հեղինակ Հայկ Սարգսյանը, երբ հետևողականորեն հայտարարում է, որ անխտիր բոլոր հարուստների զավակները այս կամ այն կերպ խուսափում են պարտադիր զինծառայությունից: Ավելին, նա նշեց, որ չի տեսել, որ որևէ հարուստի զավակ պատերազմում զոհված լինի։ Նա պարզ հայտարարեց, որ եթե նախագիծը չընդունվի, կասկածի տեղիք է լինելու, որ բանակի և բժշկական հանրույթի միջև փոխհամաձայնեցված կոռուպցիոն սխեմաներ են գործում։ Այսինքն, փաստացի բավականին թափանցիկ ակնարկներ արվեցին առ այն, որ հիշյալ օրինագծի ընդունումն արգելակելու նպատակը առաջիկա զորակոչի ընթացքում ինչ-ինչ կոռուպցիոն ռիսկերի հնարավորություն տալն է: Բնականաբար, կարող են նաև հակադարձ մեղադրանքներ հնչել, որ խնդրահարույց օրինագծի ընդունմանը ձգտող շրջանակներն էլ իրենց որոշակի շահերն ունեն:
Սա այն դեպքերից է, երբ ուզում ես ասել՝ հանգստացեք, երկուսդ էլ ճիշտ եք: Իսկ մեծ հաշվով, հիմնականն այն է, որ ներկայացված է այն աստիճան «հում» և անհեթեթ նախագիծ, որ նույնիսկ քպականների մեջ են գտնվել անձինք, որոնք դա հասկանում են և դեմ են դրան, որքան էլ որ դա զարմանալի հնչի»:
Մանրամասները՝ «Փաստ» օրաթերթի այսօրվա համարում:
«Հրապարակ» թերթը գրում է․ «Հայ քաղաքական էլիտան «Դվին» ռեստորանային համալիրում հունիսի 12-ին նշել է Ռուսաստանի օրը, որի ընթացքում ելույթ է ունեցել Հայաստանում ՌԴ դեսպան Սերգեյ Կոպիրկինը։ Միջոցառումը փակ է եղել լրատվամիջոցների համար: Մեր աղբյուրը պատմեց, որ ներկա են եղել գրեթե բոլոր քաղաքական ուժերի ներկայացուցիչներ: Անգամ կատակեց՝ Ռուսաստանը Հայաստանում կարողացավ միավորել քաղաքական խայտաբղետ ներկապնակը:
Իշխանությունից եւս բազմաթիվ ներկայացուցիչներ են եղել՝ փոխվարչապետ Մհեր Գրիգորյանը, Քննչական կոմիտեի ղեկավարը, ինչպես նաեւ՝ ուժային այլ կառույցների ներկայացուցիչներ, հայաստանաբնակ ռուս ընտանիքներ, գործարարներ։ Միջոցառումն անցել է խնջույքային միջավայրում, ներկաների ուշադրությունը գրավել է հատկապես Մհեր Գրիգորյանի պահվածքը: Ասացին՝ նա իրեն զգում էր՝ ինչպես ձուկը ջրում, ջերմ զրուցել է դեսպանի հետ, կենացներ, բաժակաճառեր ասել եւ հեռացել է ամենավերջինը»։
«Ժողովուրդ» օրաթերթը գրում է. «ՔՊ-ականները ՍՄՍ են ստացել՝ թիրախավորելու ՀՀ առաջին նախագահ Լեւոն Տեր-Պետրոսյանին եւ մյուս բոլորին, ովքեր կհամարձակվեն սատարել Ամենայն Հայոց Կաթողիկոս Գարեգին 2-րդին:
«Ժողովուրդ» օրաթերթի աղբյուրները փոխանցում են, որ իշխանական կուլիսներում որոշված է ամեն կերպ «չեզոքացնել» Տեր-Պետրոսյանին ու նրա թիմակիցներին՝ լուծելով նաեւ 2026-ին ընդառաջ առաջին նախագահի թիմի մասնակցության չեզոքացման հարցը:
Նախօրեին ՀՀ վարչապետ Նիկոլ Փաշինյանի աշխատակազմի ղեկավար Արայիկ Հարությունյանը, որը հայտնի էր տերպետրոսյանական իր հայացքներով, ֆեյսբուքյան գրառում էր կատարել՝ անդրադառնալով Լեւոն Տեր-Պետրոսյանի վերջին հայտարարությանը՝ միաժամանակ հիշատակելով Վանո Սիրադեղյանին ու նրան մեղադրելով ընտրակեղծարարության համար։
«… նորանկախ Հայաստանի նաեւ կաթողիկոսական ընտրությունների կեղծման կնքահայրն է՝ Վանոների միջոցով»,- գրել էր Արայիկ Հարույթունյանը, ով հրապարակներում «Լեւո՜ն-Լեւո՜ն» էր գոռում։ Իշխանություններն այնքան են ահաբեկվել, որ մոռացել են անգամ, որ Արայիկ Հարությունյանը Նիկոլ Փաշինյանի որոշմամբ գլխավորել է «ընտրակեղծարարության կնքահայր» Վանո Սիրադեղյանի թաղման հանձնաժողովը, անձամբ մասնակցել նրա հուղարկավորությանը:
Բայց Արայիկ Հարությունյանը միակը չէ այդ թիմում. նույն կերպ երախտամոռության հարցում մրցավազքի մեջ են մտել նաեւ ԱԺ փոխնախագահ Ռուբեն Ռուբինյանը, որը անհարիր բառապաշարով «հարձակվել» էր Լեւոն Տեր-Պետրոսյանի վրա՝ մոռանալով, որ ընտրակեղծիքներով ձեւավորված իշխանության մեջ իր հայրը աշխատել է ԱԺ փոխխոսնակ:
«Լեւոն Տեր-Պետրոսյանն այսօր Կտրիճ Ներսիսյանի` կուսակրոնության ուխտը խախտած լինելու մասին ակնհայտ ճշմարտությունը բարձրաձայնելն ու դրանից բխող պատասխանատվություն ակնկալելը համեմատել է ցարական Ռուսաստանում Հայ Առաքելական Եկեղեցու գույքի բռնագանձման ու հայկական դպրոցների փակման հետ:
Այսինքն կաթողիկոսի` Աստծո առաջ տրված ուխտը պահպանել ակնկալելը նույնն է, ինչ եկեղեցու գույքը բռնագանձելն ու հայկական դպրոցներ փակելը: Ինչպիսի իմաստուն վերլուծություն:
Այս դարակազմիկ մտքերի վերջում էլ սուրբ ուխտը խախտածի պաշտպան Տեր-Պետրոսյանը Փաշինյանին անվանել է ազգադավ ու սրբապիղծ:
Այսպիսով` Լեւոն Տեր-Պետրոսյանի` Լեւոն Զուրաբյանի վերածվելու գործընթացը կարելի է համարել ավարտված: Շատ ափսոս»,- հայտարարել էր Ռուբինյանը, ով մեծացել է Զուրաբյանի աչքի առաջ՝ նրա գաղափարներով»։
Մանրամասները՝ «Ժողովուրդ» օրաթերթի այսօրվա համարում:
Ֆոտո
