Իսրայելի թիկունքի հրամանատարությունը շաբաթ օրը հայտարարել է, որ ամբողջ երկիրը ներկայումս գործում է արտակարգ դրության ռեժիմով, հայտնում է The Jerusalem Post-ը։

Արտակարգ դրության ռեժիմն ուժի մեջ է մտել ուրբաթ վաղ առավոտյան՝ տեղական ժամանակով ժամը 03:00-ին։ Այն ուժի մեջ կլինի առնվազն մինչև կիրակի, ժամը 20:00-ն, և կարող է երկարաձգվել՝ կախված սպառնալիքի մակարդակից։

Փակվել են բոլոր կրթական հաստատությունները, այդ թվում՝ մանկապարտեզները, ցերեկային խնամքի կենտրոնները, դպրոցները, հատուկ կրթական ծրագրերը, ամառային ճամբարները, երիտասարդական կազմակերպությունները և բարձրագույն ուսումնական հաստատությունները։

Ոչ մի պաշտոնական կամ ոչ պաշտոնական ուսումնական միջոցառում չի անցկացվի, ինչպես նաև չեղարկվել են երեխաների և դեռահասների համար նախատեսված մարզական մրցումները։

Երեկ գիշեր իրանական հարվածներից Իսարյելում մարդիկ են զոհվել։ Իսրայելահայերի միության նախագահ Արտյոմ Չերնամորյանը տեղկացնում է, որ նույնիսկ ամբողջ ընտանիքի անդամներն են զոհվել։

Այս մասին նա գրել է իր ֆեյսբուքյան էջում:

«Դաժան էր գիշերը, կան բազմաթիվ մարդկային զոհեր ու վիրավորներ, այդ թվում երեխաներ ու ամբողջական ընտանիքներ։ Վերջնական թվեր դեռ չկան»։

Եմենի հութիները հայտարարել են Իսրայելի ուղղությամբ գերձայնային բալիստիկ հրթիռներ արձակելու մասին, հաղորդում է Al Masirah-ն։

Ըստ հութիների հայտարարության, հարվածները հասցվել են իրանցի զինվորականների հետ համակարգմամբ՝ օգտագործելով «Պաղեստին-2» մի շարք գերձայնային բալիստիկ հրթիռներ։

Շարժման հայտարարության համաձայն, թիրախները եղել են Թել Ավիվում գտնվող «զգայուն» օբյեկտները։

Չնայած այս հայտարարություններին, զինվորական պաշտոնյաները Times of Israel-ին հայտնել են, որ ՑԱԽԱԼ-ը տեղյակ չէ վերջին 24 ժամվա ընթացքում Եմենից բալիստիկ հրթիռների որևէ արձակման մասին։

Պոլսի հայոց պատրիարք Սահակ արքեպիսկոպոս Մաշալյանն անդրադարձել է Նիկոլ Փաշինյանի հակաեկեղացական արշավին։

«Ամբողջ հայ ազգին ալեկոծել է ՀՀ վսեմաշուք վարչապետ Նիկոլ Փաշինյանի կողմից Ամենայն Հայոց կաթողիկոսի դեմ կատարված պնդումները։ 

Որոշ շրջանակներ խոսում են «նոր կաթողիկոս» ընտրելու մասին եւ իմ անունն է շրջանառվում որպես թեկնածու, հետեւաբար պարտքս եմ համարում պարզաբանում ներկայացնել՝ ավելորդ խոսակցությունները կանխարգելելու համար։

Ա. Ներկայիս մեր Ամենայն հայոց կաթողիկոսը Գարեգին Բ. Վեհափառ Հայրապետն է։ Եկեղեցական դասն ու համայն հավատացյալ ժողովուրդը պետք է հավատարիմ մնա նրան, պաշտպանի եւ միշտ աղոթի։

Բ. Այս օրերին պարոն վարչապետի կողմից սույն խնդրի արծարծումը հստակ քաղաքական առնչություն ունի, հատկապես հաշվի առնելով, որ 2026թ.–ին լինելու ե քաղաքական ընտրություններ։ Հարցը բոլոր քաղաքական շահերը գերազանցող բնույթ ունի եւ այդպե՛ս նրբորեն պետք է ձեռք առնվի, եթե ոչ, կստանա եկեղեցի–պետություն բախման մի վիճակ, այդ պարագայում մեր դիրքը հստակ է՝ մեր առաքելական սուրբ եկեղեցու շահերը եւ անկախությունը կպաշտպանենք բոլոր արտաքին ճնշումներից։

Գ. Մենք լուծումը տեսնում ենք համբերությամբ 2026թ.–ի ընտրություններին սպասելու մեջ։ Արդեն Մայր Աթոռը 2026թ.–ին հրավիրել է եկեղեցական ներկայացուցչական ժողով։ Նույնիսկ կարելի է, որ այն վերածվի Ազգային եկեղեցական ժողովի։ Անձնապես գիտենք, որ Վեհափառ Հայրապեն է շատ հոգնած այս վիճակից, սակայն, որքան որ ծանոթ ենք իրեն, նա հետքայլ չի անի արտաքին քաղաքական ճնշումների ներքո եւ իրավունք ունի»,– ասել է Սահակ պատրիարքը։

Թուրքական SZC հեռուստաալիքն Ադրբեջանի Հանրապետությունը ներառել է Իսրայելին բացահայտորեն աջակցող երկրների ցանկում, հաղորդում է «Քրդստանի ձայնը» Telegram ալիքը։

Ավելի վաղ, Ադրբեջանի և Իրանի արտաքին գործերի նախարարներ Ջեյհուն Բայրամովը և Աբբաս Արաղչին հեռախոսազրույց են ունեցել, որի ընթացքում քննարկել են տարածաշրջանում լարվածությունը։ 

«Զրույցի ընթացքում քննարկվել է Իսրայելի կողմից Իրանի տարածքի դեմ ձեռնարկված գործողության հետևանքով ստեղծված իրավիճակը... Ընդգծվել է որևէ երկրի կողմից Ադրբեջանի տարածքը երրորդ երկրի, այդ թվում՝ հարևան և բարեկամ Իրանի դեմ օգտագործելու անհնարինությունը», - ասվում է հաղորդագրության մեջ։

Իրանը ծրագրում է մոտ ժամանակներս «ավերիչ հարվածներ» հասցնել Իսրայելին՝ ի պատասխան Իսրայելի հարձակման, հայտնել են Իրանի պետական հեռուստատեսությունից։

Մանրամասներ չեն ներկայացվում՝ նշելով, որ ամեն ինչ պարզ կդառնա առաջիկա ժամերին։

Հիշեցնենք՝ Իրանի նախագահ Մասուդ Փեզեշքիանը հայտարարել է՝ Իրանը չի փոխի դիրքորոշումը իր միջուկային հարցի վերաբերյալ և չի բանակցի, քանի դեռ իսրայելական հարձակումները շարունակվում են։

Այսօր՝ հունիսի 14-ին, կրակոցներ են հնչել Երևանում։ Ժամը 22։00-ի սահմաններում ՀՀ ներքին գործերի նախարարության ոստիկանության քրեական ոստիկանության գլխավոր վարչությունում և Երևանի քրեական վարչությունում օպերատիվ տեղեկություններ են ստացվել, որ Պռոշյան փողոցում հայտնի «Ուրարտու» ռեստորանային համալիրի տարածքում կրակոցներ են հնչել և կա վիրավոր։

Ինչպես դեպքի վայրից հայտնում է ֆոտոլրագրող Գագիկ Շամշյանը, դեպքի վայր են ժամանել Երևանի քրեական ոստիկանության վարչության պետ Հայկ Հարությունյանը, վարչության պետի տեղակալ Հարություն Դանիելյանը։

Ժամանել են նաև ՀՀ ՆԳՆ ոստիկանության Պարեկային ծառայության Երևան քաղաքի գնդի 3-րդ գումարտակի 2-րդ վաշտի պարեկները՝ գնդի հրամանատար Անդրանիկ Իսախանյանի, գումարտակի հրամանատար Արմեն Գասպարյանի գլխավորությամբ։

Տեղում «Ուրարտու» ռեստորանային համալիրի բակում հայտնաբերվել է 4 կրակված և 1 չկրակրված պարկուճներ, արնանման հետքեր և «Opel» մակնիշի կայանված ավտոմեքենա, որի վրա նույնպես առկա է կրակոցի հետք։

Մինչ դեպքի վայր կժամանեին ոստիկանները ու պարեկները, «Նաիրի» բժշկական կենտրոնից ՀՀ ՆԳՆ ոստիկանության Համայնքային ոստիկանության գլխավոր վարչության Կենտրոնական բաժին ահազանգ է ստացվում, որ հրազենային վնավսածքով իրենց մոտ է տեղափոխվել մի քաղաքացի։

Այս պահին հիվանդանոց է մեկնում ոստիկանության Կենտրոնական բաժնի հերթապահ խումբը՝ բաժնի պետ Երվանդ Նիկոյանի գլխավորությամբ։

Դեպքի մասին ոստիկանության Կենտրոնական բաժնից տեղեկությունը փոխանցել ՀՀ քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական շրջանների 3-րդ քննչական բաժին, որտեղից Գ․ Շամշյանի տեղեկություններով հիվանդանոց է մեկնել նաև քննչական խումբը։

Դեպքի փաստով քննչական բաժնում սպանության փորձ հատկանիշներով նախաձեռնվել է քրեական վարույթ։

Ոստիկանները ու քննիչները պարզում են վիրավորի ինքնությունը, ինչպես նաև դեպքի հանգամանքները  ու ձեռնարկում են անրաժեշտ օպերատիվ հետախուզական և քննչական համատեղ գործողություններ դեպքի հանգամանքները պարզելու, կրակոցներ արձակողի ինքնությունը ճշտելու նրան և հանցագործության գործիք հրազենը հայտնաբերելու ուղղությամբ։
Դեպի վայր է ժամանել նաև ՀՀ Քննչական կոմիտեի փորձաքրեագետը։

168.am-ի հավաստի տեղեկություններով` երեկ կալանավորվել է Շենգավիթի` արդեն նախկին թաղապետ Ռազմիկ Մկրտչյանը` ըստ լուրերի թաղապետարանի աշխատակիցներից մեկին ծեծելու համար։

Ռազմիկ Մկրտչյանը ՔՊ -ական ամենաերկար պաշտոնավարող վարչական շրջանի ղեկավարն էր, ով աշխատանքից ազատվել էր օրեր առաջ` ներթիմային ինչ-որ  «ռազբորկաների» արդյունքում։ Շենգավիթի վարչական շրջանի ղեկավարն էր` սկսած 2018թ-ից։

Փաստորեն ՔՊ-ի մոտ թաղապետ աշխատողների համար մարդ ծեծելը սովորական բան է։

Վարդան Ոսկանյանը գրում է.  «Իրանական աղբյուրները հաստատում են, որ ժամեր առաջ իսրայելական 2 ԱԹՍ-ի հարվածից վնասվել են «Հարավային Փարս» և «Ֆաջր-ե Ջամ» գազային ենթակառուցվածքները, հրդեհը չեզոքացվել է։

Իսրայելական հարձակում է իրանակացվել նաև Ուրմիայի ռազմակայանի դեմ, հասցված վնասի չափի մասին տեղեկատվություն չկա։

Իրանի կենտրոնական հատվածում գտնվող Ղոմ նահանգում խոցվել է իսրայելական 3 ԱԹՍ։

Նեթանյահուն սպառնացել է, որ իսրայելական օդանավերը կհայտնվեն Թեհրանի երկնքում։

Արհեստածին Ադրբեջանի արտգործնախարարը վստահեցրել է իրանցի գործընկերոջը, որ իր պետության տարածքը չի օգտագործվի Իրանի դեմ հարձակումների նպատակով»։