ԱՄՆ պետքարտուղար Մարկո Ռուբիոն կրկին հայտարարել է, որ Ուկրաինայի և Ռուսաստանի միջև խաղաղության համաձայնագիրը պետք է ստորագրվի առաջիկա օրերին, հակառակ դեպքում Վաշինգտոնը կդուրս գա բանակցային գործընթացից:
Նա նշել է, որ ԱՄՆ-ն այս հարցով որոշում կկայացնի մեկ շաբաթվա ընթացքում:
«Սա պետք է տեղի ունենա արագ: Մենք չենք կարող անվերջ ժամանակ և ռեսուրսներ ծախսել, եթե արդյունք չլինի»,- կիրակի օրը NBC հեռուստաընկերության «Meet the Press» հաղորդման ժամանակ ասել է ԱՄՆ պետքարտուղարը:
«Այս շաբաթը շատ կարևոր է լինելու: Մենք ստիպված կլինենք որոշել՝ ցանկանում ենք շարունակել մասնակցել այս գործընթացին, թե ժամանակն է կենտրոնանալ այլ խնդիրների վրա»,- հավելել է նա:
Հայաստանը մտադիր չէ լարել, խզել և փչացնել հարաբերությունները Ռուսաստանի հետ։ Այս հայտարարությունն արեց ՀՀ վարչապետ Նիկոլ Փաշինյանը Էստոնիայի վարչապետ Քրիստեն Միխալի հետ համատեղ ասուլիսի ժամանակ՝ անդրադառնալով հարցին, թե ինչպես է ապագայում տեսնում Հայաստան–Ռուսաստան հարաբերությունները։
Նրա խոսքով` Հայաստանը ցանկանում է լավ հարաբերություններ ունենալ միջազգային բոլոր գործընկերներ հետ, ինչպես նաև կարգավորել հարաբերությունները տարածաշրջանի երկրների հետ` Ադրբեջանի, Թուրքիայի հետ։ ՀՀ վարչապետը շեշտեց, որ ցանկություն կա նաև ավելի լավացնելու հարաբերությունները հարևան մյուս երկրների` Վրաստանի և Իրանի հետ։
Պակիստանի պաշտպանության նախարարը երկուշաբթի օրը հայտարարել է, որ հարևան Հնդկաստանի կողմից ռազմական ներխուժումն անխուսափելի է։
Պակիստանի պաշտպանության նախարար Հավաջա Ասիֆը հայտարարել է, որ երկիրը ամրապնդել է իր ուժերը, քանի որ դա այժմ անխուսափելի է:
«Նման իրավիճակում անհրաժեշտ է ռազմավարական որոշումներ կայացնել, և դրանք ընդունվել են», – ըստ Առաջին լրատվականի՝ասել է նա Reuters գործակալությանը:
Հանրապետական շտապօգնության ծառայության Աշտարակի բրիգադը կանչի վայրում էր, երբ դանակով զինված քաղաքացին հարձակվել է բուժաշխատողների վրա, տուժել է շտապօգնության վարորդը: Այս մասին իր ֆեյսբուքյան էջում գրել է առողջապահության նախարար Անահիտ Ավանեսյանը:
«Ոստիկանություն հաղորդում է ներկայացվել:
Խիստ դատապարտում եմ տեղի ունեցածը, անընդունելի համարում բուժաշխատողների հանդեպ ուժի և բռնության ցանկացած փորձ և դրսևորում:
Ուզում եմ նաև տեղեկացնել, որ գնում ենք խնդրի լուծման իրավակարգավորման ճանապարհով:
ԱԺ պատգամավորների նախաձեռնությամբ բուժաշխատողների նկատմամբ բռնության քրեականացման հարցն է քննարկվում: Նաև նախաձեռնելու եմ քննարկման դնել շտապօգնության բրիգադների անհատական պաշտպանության միջոցներ ներդնելու հարցը»,- գրել է նախարարը:
Մասնագիտական պարտքը կատարող բուժաշխատողների հանդեպ ոտնձգության դեպք է արձանագրվել: Այս մասին գրել է ՀՀ առողջապահության նախարար Անահիտ Ավանեսյանը:
«Հանրապետական շտապօգնության ծառայության Աշտարակի բրիգադը կանչի վայրում էր, երբ դանակով զինված քաղաքացին հարձակվել է բուժաշխատողների վրա: Տուժել է շտապօգնության վարորդը:
Ոստիկանություն հաղորդում է ներկայացվել:
Խիստ դատապարտում եմ տեղի ունեցածը, անընդունելի համարում բուժաշխատողների հանդեպ ուժի և բռնության ցանկացած փորձ և դրսևորում:
Ուզում եմ նաև տեղեկացնել, որ գնում ենք խնդրի լուծման իրավակարգավորման ճանապարհով:
ԱԺ պատգամավորների նախաձեռնությամբ բուժաշխատողների նկատմամբ բռնության քրեականացման հարցն է քննարկվում: Նաև նախաձեռնելու եմ քննարկման դնել շտապօգնության բրիգադների անհատական պաշտպանության միջոցներ ներդնելու հարցը»,- գրել է Ավանեսյանը:
Պատրաստ եմ ստորագրել խաղաղության համաձայնագիրը և ԵԱՀԿ ՄԽ լուծարման համատեղ հայտը․ Փաշինյան. Տեսանյութ
Կոնկլավը, որի արդյունքում կարդինալները պետք է ընտրեն Հռոմի 267-րդ պապին, կկայանա մայիսի 7-ին։ Այս մասին հաղորդում է Vatican News-ը։
Դա տեղի կունենա Հռոմի Ֆրանցիսկոս պապի հուղարկավորությանը հաջորդող իննօրյա սգի շրջանի ավարտից հետո։
Կոնկլավի նախապատրաստական աշխատանքների նպատակով Վատիկանն արդեն այցելուների համար փակել է Սիքստինյան կապելլան։
Քվեարկությունից հետո աշխարհը պետք է սպասի նշանի. եթե Սիքստինյան կապելլայի ծխնելույզից դուրս եկող ծուխը սև է, կնշանակի, որ նոր պապի ընտրության համար անհրաժեշտ երկու երրորդ ձայները չեն հավաքվել։ Սակայն երբ պապ ընտրվի, սպիտակ ծուխ կբարձրանա, և զանգեր կղողանջեն։
Քաշմիրում սրվող իրավիճակի ֆոնին Թուրքիան ռազմական օգնություն է ուղարկել Պակիստան։
Ոչ պաշտոնական տվյալներով՝ Պակիստանի Իսլամական Հանրապետություն են բերվել KARAOK հակատանկային հրթիռային համակարգեր, ինչպես նաեւ Bayraktar TB2 անօդաչու թռչող սարքի մարտական բաղադրիչներ։
Ավելի վաղ Թուրքիայի արտգործնախարար Հաքան Ֆիդանը հեռախոսազրույց է ունեցել Պակիստանի փոխվարչապետ, արտաքին գործերի նախարար Մուհամադ Իսհակ Դարի հետ։
ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ ԱՄՆ նախկին նախագահ Ջո Բայդենի վարչակազմը ցինիկաբար օգտագործել է Ուկրաինան, նաև սեփական հարստացման համար, և միանգամից նրանց սպանդի էպատրաստել:
Ավելի վաղ Ուկրաինայի նախկին արտգործնախարար Դմիտրի Կուլեբան կարծիք էր հայտնել, որ Ուկրաինան այլևս չի կարող ապավինել ԱՄՆ-ին, նույնիսկ միջնաժամկետ հեռանկարում:
Նրա խոսքով՝ Կիևըսխալվել է՝ կարծելով, որ ԱՄՆ նախագահ Դոնալդ Թրամփին, որպես գործարարի, պարզապես պետք է շահավետ առաջարկ անել, որպեսզի նա Ուկրաինայի կողմից լինի:
Հայազգի հեռուստաաստղ Քիմ Քարդաշյանը կհարցաքննվի Փարիզի դատարանում՝ 2016 թվականի հոկտեմբերի 2-ին իր նկատմամբ իրականացված զինված հարձակման և կողոպուտի գործով. հայտնում է AP-ը։
Հիշեցնենք՝ դեպքը տեղի էր ունեցել Փարիզի կենտրոնում՝ նորաձևության շաբաթվա ընթացքում, երբ մի խումբ զինված հանցագործներ ներխուժել են Քարդաշյանի հյուրասենյակ, կապել նրան և հափշտակել ավելի քան 6 միլիոն դոլար արժողությամբ զարդեր։ Քարդաշյանը հետագայում պատմել է, որ իր կյանքը վտանգված էր, և նա կարծում էր, թե պատրաստվում են բռնաբարել և սպանել իրեն։
Միջադեպից ութ տարի անց՝ մայիսի 23-ին նախատեսված դատավարության շրջանակներում, դատարանի առաջ կկանգնի 10 մեղադրյալ։ Նախնական շրջանում մեղադրյալների թիվը եղել է 12, սակայն նրանցից մեկը մահացել է, իսկ մյուսն առողջական վիճակի պատճառով չի կարող ներկայանալ դատարան։ Հետաքննության տվյալներով՝ կողոպուտին մասնակցել է մեղադրյալներից 5-ը։
Քարդաշյանի փաստաբանական թիմը հայտնել է, որ հայտնի հեռուստաաստղը դատարան կգա անձամբ, սակայն ցանկություն չունի լրացուցիչ մեկնաբանություններ տալ։
Ֆոտո
