Պոռնկաբարո «հոգևորականներն» ու նրանց պոռնկաբարո «բարեգործներն» ինչո՞ւ են ակտիվացել։ Ոչինչ՝ նորից կպասիվացնենք։ Ընդ որում՝ ընդմիշտ: Այս մասին սոցիալական ցանցի իր էջերում գրել է վարչապետ Նիկոլ Փաշինյանը:

«Կտրիճ Ներսիսյան, էն պոռնկաբարո Արշակ «սրբազանիդ» ասա վեր ընկնի տեղը։ Բառիս բուն իմաստով վեր ընկնի տեղը և բառիս բուն իմաստով՝ պոռնկաբարո»,- հաջորդ գրառման մեջ գրել է Փաշինյանը:

Հնդկաստանը Իրանից իր 110 քաղաքացիների է տարհանել՝ Հայաստանի տարածքով։ «Արմենպրես»-ին այս մասին հայտնել է ՀՀ ԱԳՆ մամուլի խոսնակ Անի Բադալյանը։

Հնդկական լրատվամիջոցներն էլ ավելի վաղ գրում էին, որ Հնդկաստանի իշխանությունները պլանավորում են երկրի քաղաքացիներին տարհանել իրանից՝ պայմանավորված Իրանի և Իսրայելի միջև սրվող հակամարտությամբ։

Ավելի վաղ ՀՀ ԱԳՆ խոսնակը տեղեկացրել էր, որ Հայաստանի արտաքին գործերի նախարարն ու Հնդկաստանի արտաքին գործերի նախարար Սուբրամանյամ Ջայշանկարը քննարկել են Իրանից Հայաստանի տարածքով հնդիկ ուսանողների տարհանման հարցը՝ շեշտելով, որ Հայաստանն այդ հարցում աջակցություն է ցուցաբերել Հնդկաստանին։

«2025 թվականի երկրորդ եռամսյակի ընթացքում 12-ամսյա գնաճն արագացել է՝ մայիսին կազմելով 4.3%»,-ասվում է ԿԲ խորհրդի հրապարակած զեկույցում։

Ըստ զեկույցի, 12-ամսյա բնականոն գնաճը ևս ավելացել է՝ կազմելով 2.8%, իսկ 2025 թ. երկրորդ եռամսյակում համաշխարհային և Հայաստանի հիմնական գործընկեր երկրներում պահանջարկի հետագա դանդաղման, իսկ ԱՄՆ-ում՝ զուգահեռաբար նաև գնաճի արագացման ռիսկերն ավելացել են:

Զեկույցի համաձայն 2025 թվականի հունիսի 17-ի նիստում ԿԲ խորհուրդը որոշեց անփոփոխ թողնել վերաֆինանսավորման տոկոսադրույքը՝ սահմանելով 6.75%: 

«Միջազգային առևտրային հարաբերությունների լարվածությամբ, աշխարհաքաղաքական հակամարտությունների, հատկապես Մերձավոր Արևելքում իրավիճակի կտրուկ սրմամբ պայմանավորված՝ առաջարկի և մատակարարման շղթաների հնարավոր խաթարման ռիսկերն էապես աճել են»,-ասվում էԿԲ խորհրդի որոշուման մեջ:

Նշվում է, որ միջնաժամկետում ԱՄՆ-ի հարկաբյուջետային քաղաքականության կողմից ամբողջական պահանջարկի խթանման չափի, դրանից ածանցվող պարտքի մեծացման և երկարաժամկետ տոկոսադրույքների աճի չափի շուրջ անորոշությունները և գործընկեր երկրներում աշխատաշուկայի դեռևս պահպանվող խիստ պայմանները, բարձր գնաճային միջավայրը, հավանական է, որ առաջատար երկրների կենտրոնական բանկերն առաջիկայում հիմնականում կպահպանեն կամ կթուլացնեն դրամավարկային խիստ պայմանները դանդաղ տեմպերով: 

2025 թվականի երկրորդ եռամսյակում ՀՀ տնտեսական ակտիվությունը դանդաղել է՝ մեծապես կրելով որոշ կարճաժամկետ, ոչ կառուցվածքային աճի գործոնների աստիճանական չեզոքացման ազդեցությունը, ակտիվության աճին շարունակել է զգալիորեն նպաստել շինարարության և ծառայությունների ճյուղերի բարձր աճը, միևնույն ժամանակ, տնտեսական աճի կառուցվածքային առանձնահատկություններից բխող՝ աճի կայունության, երկարաժամկետ հեռանկարի, ինչպես նաև ներքին պահանջարկի հետագա միտումների վերաբերյալ անորոշությունները մնում են բարձր: 

Զեկույցում նշվում է, որ ծառայությունների նկատմամբ արտաքին պահանջարկը շարունակում է նվազել:

«Ընդհանուր պահանջարկի ազդեցությունը գնաճի վրա գնահատվում է չեզոք, իսկ գնաճի ընթացիկ արագացումը առավելապես պայմանավորված է առաջարկի որոշ գործոններով: Նման իրավիճակում աշխատաշուկայի պայմանները որոշակիորեն թուլացել են՝ արտահայտվելով աշխատավարձերի, կոշտ գներով բնութագրվող ծառայությունների գնաճի և գնաճային սպասումների աստիճանական կայունացմամբ»,-ասվում է զեկույցում՝ արձանագրելով, որ հարկաբյուջետային քաղաքականության կողմից միջնաժամկետ հորիզոնում առկա են առավելապես գնաճային ռիսկեր, իսկ մակրոտնտեսական ընթացիկ զարգացումների պայմաններում, ՀՀ ֆինանսական շուկայի մասնակիցներն ընդհանուր առմամբ ակնկալում են, որ ՀՀ կենտրոնական բանկն առաջիկա միջնաժամկետ հորիզոնում աստիճանաբար կնվազեցնի քաղաքականության տոկոսադրույքը՝ սահմանելով 6.25% մակարդակի շուրջ: Քննարկված ռիսկերի և բարձր անորոշության պայմաններում, հաշվի առնելով գների կայունության նպատակի ապահովման իր հանձնառությունը, Խորհուրդը դիտարկել է քաղաքականության մի շարք սցենարներ:

Ա տիպի սցենարներ, այդ թվում՝ կապված աշխարհաքաղաքական իրավիճակի, ինչպես նաև ԱՄՆ-ում և ՀՀ-ում հարկաբյուջետային քաղաքականության զարգացումների պայմաններում ՀՀ չեզոք տոկոսադրույքի հնարավոր աճի հետ, որոնք պահանջում են շուկայական սպասումների համեմատությամբ քաղաքականության ավելի բարձր տոկոսադրույքների ուղի՝ գնաճային ռիսկերի չեզոքացման ու գների կայունության նպատակի ապահովման համար։

Մյուս կողմից՝ Խորհուրդը քննարկել է սցենարներ (Բ տիպի), այդ թվում՝ կապված արտաքին պահանջարկի շարունակվող ճշգրտման պայմաններում տնտեսության առանձին հատվածներում աճի անհամաչափ դանդաղման և պահանջարկի միջավայրի լրացուցիչ թուլացման ռիսկերի ձևավորման հետ, որոնք ենթադրում են շուկայի սպասումների համեմատությամբ քաղաքականության տոկոսադրույքի ավելի արագ և մեծ չափով նվազման ուղի՝ միջնաժամկետ հորիզոնում պահանջարկը կարգավորելու և գնաճը նպատակային ցուցանիշի շուրջ կայունացնելու համար:

Արդյունքում՝ արձանագրելով Ա տիպի ռիսկերի ավելացումն ու կարևորելով դրանցից բխող մակրոտնտեսական ազդեցությունների կառավարման անհրաժեշտությունը՝ ՀՀ ԿԲ խորհուրդը ներկա շրջափուլում որոշեց անփոփոխ թողնել վերաֆինանսավորման տոկոսադրույքը։

Խորհուրդը կշարունակի մշտադիտարկել տնտեսության զարգացման սցենարները և պատրաստ է ձեռնարկել համարժեք գործողություններ՝ միջնաժամկետ հորիզոնում գնաճի 3% նպատակի և գների կայունության ապահովման համար: Հաստատված է Հայաստանի Հանրապետության կենտրոնական բանկի խորհրդի կողմից»,- ասվում է ԿԲ խորհրդի որոշման մեջ։

ԱՄՆ-ն ակնկալում է Իրանի լիակատար կապիտուլյացիան։ Այս մասին լրագրողներին հայտնել է ԱՄՆ առաջնորդ Դոնալդ Թրամփը, փոխանցում է Reuters-ը։

«Ես ակնկալում եմ ոչ պակաս, քան Թեհրանի լիակատար կապիտուլյացիան», - ընդգծել Է Սպիտակ տան ղեկավարը:

Այն հարցին՝ արդյոք նա Իրանի ներկայացուցիչների հետ հնարավոր հանդիպմանը կուղարկի հատուկ բանագնաց Սթիվ Ուիթքոֆին կամ փոխնախագահ Վենսին, ամերիկացի առաջնորդը պատասխանել է՝ «կարող է դա անել»:

Իրանն Իսրայելի վրա առավոտյան հարձակման ժամանակ «մեկ նոր հրթիռ» է օգտագործել։ Այս մասին հայտարարել է Իսլամական Հանրապետության պաշտպանության նախարարության պաշտոնական ներկայացուցիչ Ռեզա Թալան, փոխանցում է Tasnim գործակալությունը։

«Իսրայելի դեմ այսօրվա հարվածների ընթացքում Իրանի զինված ուժերը օգտագործել են մեկ նոր հրթիռ, որն իսրայելական կողմն, իր խոսքով, ընդհանրապես չի նկատել», - հայտարարել է պաշտպանական գերատեսչության ներկայացուցիչը:

ԱՄՆ ռազմաբազաների վրա հարձակվելը մեզ համար ավելի հեշտ է, քան Իսրայելի վրա հարձակվելը։ Այս մասին այսօր իրանական հեռուստաընկերություններից մեկին տված հարցազրույցի ժամանակ հայտարարել է Իրանի խորհրդարանի ազգային անվտանգության հանձնաժողովի փոխնախագահ Սեյեդ Մահմուդ Նաբավյան։

«ԱՄՆ-ն պետք է պատրաստի 50,000 դագաղ իր զինծառայողների համար, նախքան Իրանի վրա հարձակվելու որոշում կայացնելը»,-նշել է նա:

Հաստատում եմ, վարչապետ Նիկոլ Փաշինյանը Թուրքիայի նախագահ Էրդողանի հրավերով հունիսի 20-ին կայցելի Թուրքիա, երկկողմ այց է։ Այս մասին լրագրողների հետ զրույցում ասաց ՀՀ ԱԺ նախագահ Ալեն Սիմոնյանը։

«Այդ այցը պատմական այց է, որովհետև ՀՀ ղեկավարը առաջին անգամ նման մակարդակի այց է իրականացնելու»,- նշել է Սիմոնյանը։

Իրանական հարվածները Իսրայելին կաթվածահար են արել Թել Ավիվը, քաղաքի բնակչությունն իր ժամանակի մեծ մասն անց է կացնում ապաստարաններում: Այս մասին, Լուրերի փոխանցմամբ, հայտնում է իրանական Fars լրատվական գործակալությունը։

Հունիսի 17-ին Իսլամական Հանրապետության Զինված ուժերի ցամաքային զորքերի հրամանատար Կայումարս Հեյդարին հայտարարել է, որ Իրանը հարձակվում է Իսրայելի վրա՝ օգտագործելով նոր զինատեսակներ։

Նրա խոսքով՝ առաջիկա ժամերին այդ հարձակումները կուժեղանան։

Նա նաև հայտնել է, որ վերջին մեկ օրվա ընթացքում տարբեր տեսակի անօդաչու սարքեր ոչնչացրել են Իսրայելի ռազմավարական դիրքերը Թել Ավիվում և Հայֆայում։

ԱՄՆ ռազմածովային ուժերի ավիակիր հարվածային խումբը՝ «Նիմից» միջուկային ավիակրի գլխավորությամբ, նախատեսվածից շուտ Մերձավոր Արևելք է ուղևորվում Հարավչինական ծովից:

Այդ մասին հաղորդում է Fox News հեռուստաալիքը՝ հղում անելով ամերիկացի պաշտոնյայի։

«Նիմից»-ը Հարավչինական ծովից դուրս է եկել հունիսի 16-ի առավոտյան և ուղևորվում է արևմուտք՝ Արաբական ծովի կողմը։ Ավիակիր խումբը պետք է փոխարիներ ԱՄՆ ռազմածովային ուժերի «Կառլ Վինսոն» ավիակիր խմբին, որն արդեն մի քանի ամիս է՝ տեղակայված է այնտեղ, սակայն «Նիմից»-ը ժամանակից շուտ է ուղևորվել Մերձավոր Արևելք, և երկու ավիակիր խմբերը տարածաշրջանում կլինեն նույն ընթացքում։ 

Fox News-ը նշում է, որ Միացյալ Նահանգները ռազմական ռեսուրսներ, այդ թվում՝ նավեր է տեղափոխում Մերձավոր Արևելք՝ իրանական օբյեկտների վրա Իսրայելի գրոհների և Իրանի կողմից շարունակվող պատասխան հարվածների ֆոնին։

Ամերիկյան ՀՕՊ համակարգերը և ռազմածովային ուժերի էսկադրային ականակիրն Իսրայելին օգնել են խոցել հունիսի 13-ին Իրանից թռչող բալիստիկ հրթիռները, Fox News-ին հայտնել են ԱՄՆ-ի պաշտոնատար անձինք։ԱՄՆ-ն հակահրթիռային պաշտպանության Patriot և THAAD համակարգեր ունի Մերձավոր Արևելքում:

ԱՄՆ ռազմածովային ուժերը նաև Միջերկրական ծովի արևմտյան մասից Միջերկրական ծովի արևելյան մաս են ուղարկել «Թոմաս Հադներ» էսկադրային ականակիրը, որը կարող է բալիստիկ հրթիռներ կալանել, Fox News-ին հայտնել են ԱՄՆ-ի պաշտոնատար անձինք:

Աղբյուրները նշել են, որ ռազմածովային ուժերը հրաման են տվել ևս մեկ էսկադրային ականակիր առաջ շարժել տարածաշրջան, որպեսզի այն կարողանա գործի դրվել Սպիտակ տան հրահանգի դեպքում:

Բացի այդ, ամերիկյան կործանիչները պարեկում են Մերձավոր Արևելքի երկնքում՝ անձնակազմին և օբյեկտներին պաշտպանելու համար, իսկ տարածաշրջանում գտնվող ավիաբազաները լրացուցիչ նախազգուշական միջոցներ են ձեռնարկում, հայտնել են աղբյուրները:

Մերձավոր Արևելքում գտնվում է ԱՄՆ-ի շուրջ 40 000 զինծառայող, The Associated Press գործակալությանը հայտնել է ամերիկացի պաշտոնյաներից մեկը:

Մի փոքրիկ խմբակ, մոռանալով հայոց պատմությունը, հայ եկեղեցու հազարավոր տարիների պատմությունը, հարձակվել է հայ եկեղեցու վրա, հայ ժողովրդի վրա։ Այս մասին News.am-ի լրագրողի հետ զրույցում ասել է «Տաշիր Գրուպ» ընկերության սեփականատեր Սամվել Կարապետյանը:

«Ես միշտ եղել եմ հայոց եկեղեցու կողքին ու հայ ժողովրդի կողքին։ Եթե քաղաքական գործիչներին չհաջողվի, ապա մենք մեր ձևով ենք միջամտելու եկեղեցու դեմ արշավին»,-նշել է նա: