NEWS.am-ի տեղեկություններով հատուկջոկատայիններն այս պահին խուզարկություններ են իրականացնում գործարար Սամվել Կարապետյանի Երևանում գտնվող տանը։
Քիչ առաջ Երևանում, Ուլնեցի փողոցում ձերբակալվել է բարեգործ, գործարար, «Տաշիր» ընկերությունների խմբի ղեկավար Սամվել Կարապետյանը։
Չինաստանը տարհանում է Թեհրանում գտնվող իր դեսպանատունը։ Տեղեկությունը հայտնում են իրանական տելեգրամ ալիքները։
Ավելի վաղ հնդկական լրատվամիջոցների փոխանցմամբ՝ Հնդկաստանի իշխանությունները նույնպես պլանավորում են տարհանել իրենց քաղաքացիներին Իրանից։
Բոլոր աշխատանքները զուգահեռաբար մեկնարկված են. Սերժ Սարգսյանը՝ իմպիչմենտի գործընթացի մասին
Հունիսի 17, 2025Քաղաքական գործունեություն է էլի, իրենք այդպես են որոշել, ի՞նչ կարող եմ ասել։
Այս մասին այսօր դատական նիստից հետո լրագրողներին ասաց ՀՀ երրորդ նախագահ Սերժ Սարգսյանը՝ պատասխանելով իմպիչմենտի գործընթացի մասին հարցին, մասնավորապես «Հայաստան» խմբակցության դիրքրոշումանը։
Հարցին՝ ՔՊ-ից ձայներ բերելու գործընթացը մեկնարկե՞լ է, Սերժ Սարգսյանն ասաց. «Բոլոր աշխատանքները զուգահեռաբար մեկնարկված են»։
ԱՄՆ դեսպանատունը հորդորում է խուսափել Երևանում Իրանի դեսպանատուն, Կապույտ մզկիթ և այլ վայրեր այցերից
Հունիսի 17, 2025ՀՀ-ում ԱՄՆ դեսպանատունը հորդորում է զգուշություն ցուցաբերել՝ իսրայելա-իրանական հակամարտության ֆոնին
ԱՄՆ դեսպանատունը հորդորում է խուսափել Իրանի կառավարության հետ կապված հայտնի վայրերից, այդ թվում՝ Երևանում Իրանի դեսպանատնից, Սյունիքում Իրանի հյուպատոսությունից, Իրանի առևտրի կենտրոնից և Կապույտ մզկիթից։
Հայտարարությունում նշվում է նաև. – «Նկատի ունեցեք, որ Հայաստան և Հայաստան մեկնող որոշ չվերթներ օգտագործում են Իրանի օդային տարածքը։ Այս չվերթները կարող են չեղարկվել, հետաձգվել կամ շեղվել։ Կապվեք ձեր ավիաընկերության հետ, եթե ձեր չվերթը ենթարկվել է փոփոխության»։
ԱՄՆ դեսպանատունը հորդորում է խուսափել ցույցերից և մեծ հավաքույթներից, հետևել հետևել տեղական լրատվամիջոցների հրապարակումներին:
ՀԷՑ-ը կոպեկ առ կոպեկ պետք է փոխհատուցի քաղաքացիներին, եկել է ՀԷՑ-ի ազգայնացման հարցը քննարկելու ժամանակը. Կոնջորյան (տեսանյութ)
Հունիսի 17, 2025Որոշ անառակաբարո տերտերների պաշտպանության մատյան գունդն ակտիվացել է և այդ մատյան գնդի «տրոյական ձիերի» հերթական հոսքն է նկատվում օտար տարբեր երկրներից, գործակալական նկրտումներով Հայաստանում ներդրված ամենատարբեր անձանց միջոցով:
Այս մասին ԱԺ հայտարարությունների ժամին ասաց «Քաղաքացիական պայմանագիր» խմբակցության ղեկավար Հայկ Կոնջորյանn՝ անդրադառնալով այսօր «Տաշիր Գրուպ»-ի սեփականատեր Սամվել Կարապետյանի հարցազրույցին:
«Այսօր ՀԷՑ-ի սեփականատեր Սամվել Կարապետյանը ոչ միայն հանդես է եկել Կտրիճ Ներսիսյանի և որոշ անառակաբարո տերտերների պաշտպանությամբ, այլ ասում է՝ եթե քաղաքական գործիչները չկարողացան այս հարցը լուծել, մենք մեր ձևերով այդ հարցը կլուծենք: Ձեր ձևերը ո՞րն է՝ լույսերն եք անջատելու, է լույսերը հենա անջատում եք, չեք կարողանում մի թեժ գիծ կարգավորեք, ինչի մասին եք խոսում»,- ասաց նա:
Ըստ Կոնջորյանի՝ սա սեփական ունեցվածքը պահելու համար է արել Սամվել Կարապետյանը, քանի որ ՀԷՑ-ի վերաբերյալ քննարկում է եղել ՔՊ-ում:
«Դու գնա քո ՀԷՑ-ով զբաղվի: Այդ հարցերը շատ հստակ են ու դրվելու են, ՀԷՑ-ը պետք է փոխհատուcի տասնյակ հազարավոր քաղաքացիներին պատճառած վնասները: ՀԷՑ-ը պետք է կոպեկ առ կոպեկ փոխհատուցի և այս հարցադրումները, որ մենք արել ենք մի քանի ամիս առաջ էսօրվա այդ ճամարտակությունները դրա հետևանքն են:
Եկել է ընդհանրապես քննարկելու ՀԷՑ-ի ազգայնացման գաղափարը: Այսօր դու տերն ես մի կառույցի, որը ՀՀ ամենաատելի կառույցն է, ի՞նչ ես եկել՝ հոգևոր ճամարտակություններով զբաղվում: Ձեզ ոչ ոք թույլ չի տալու, որ ՀՀ-ում վերադարձնեք օլիգարխիայի իշխանությունը, վե՛ր ընկեք տեղներդ»,- եզրափակեց Կոնջորյանը:
ՔՊ-ական Արթուր Հովհաննիսյանն ԱԺ ամբիոնից Վեհափառին շնորհավորել է Հայրերի օրվա կապակցությամբ
Հունիսի 17, 2025ՔՊ-ական Արթուր Հովհաննիսյանն ԱԺ ամբիոնից Վեհափառին շնորհավորել է Հայրերի օրվա կապակցությամբ․
«Քանի որ այսօր առաջին անգամ նշվում է Հայրերի օրը, և քանի որ արդեն անառարկելի ճշմարտություն է, որ քաղաքացի Կտրիճ Ներսիսյանը (Գարեգին Բ-ն) զավակ ունի, ես ուզում եմ ամենայն անկեղծությամբ շնորհավորել Ձեզ՝ պարոն Ներսիսյան՝ Հայրերի օրվա կապակցությամբ»,- նշել է նա։
Եթե առաջիկա օրերին Թրամփը հայտարարի Իրանի դեմ որոշ գործողությունների միանալու կամ Իսրայելին ռազմական աննախադեպ օգնություն տրամադրելու մասին, ապա իրավիճակը մեզ համար առավել կբարդանա։
Գրել է միջազգայնագետ Սուրեն Սարգսյանը․
«ԱՄՆ-Իրան բանակցությունները, որոնք փաստացի տապալվեցին Իսրայել–Իրան պատերազմի պատճառով, Հայաստանի համար միանշանակ դրական հետևանքներ էին ունենալու՝ պայմանավորվածությունների հասնելու դեպքում։ Նույնը, բնականաբար, վերաբերում էր նաև ռուս-ամերիկյան հարաբերությունների կարգավորմանը, որտեղ ևս զգալի առաջընթաց չկա:
Սրանք գործընթացներ են, որոնք կենսական նշանակություն ունեն Հայաստանի համար։ Դրանց վիժեցումը և դրա հետևանքով Ռուսաստանի ու Իրանի դիրքերի թուլացումը, հետևաբար՝ ազդեցության նվազումը Հարավային Կովկասում, հատկապես ԱՄՆ-ի պասիվ դիրքավորման ֆոնին, խախտում են տարածաշրջանի ուժերի առանց այդ էլ նուրբ բալանսը։ Արդյունքում Թուրքիան Հարավային Կովկասում դառնում է առավել ազդեցիկ և ուժեղ խաղացող՝ իր տարածաշրջանային շահերը նաև Ադրբեջանի միջոցով առաջ մղելու ունակությամբ։ Խոսքը վերաբերում է նաև այսպես կոչված «Զանգեզուրի միջանցքին», որը ոչ միայն կապում է Ադրբեջանն ու Թուրքիան, այլև՝ ողջ թյուրքական աշխարհը։
Եթե առաջիկա օրերին Թրամփը հայտարարի Իրանի դեմ որոշ գործողությունների միանալու կամ Իսրայելին ռազմական աննախադեպ օգնություն տրամադրելու մասին, ապա իրավիճակը մեզ համար առավել կբարդանա»:
Թրամփը սատկած ձի վարելու ընթացքում է: Երևանում ասուլիսի ժամանակ հայտարարեց ԻԻՀ դեսպան Մեհդի Սոբհանին՝ պատասխանելով դիտարկմանը, որ Միացյալ Նահանգների նախագահը հորդորել է տարհանել մարդկանց Թեհրանից:
«ԱՄՆ նախագահի հայտարարության մասին տեղեկացել եմ մամուլից: Մեզ համար հստակ է, որ ԱՄՆ-ն աջակցում է այս պատերազմում Իսրայելին: ԱՄՆ նախագահի սպառնալիքները խոսում են այն մասին, որ թշնամին պարտվելու շեմին է: Իրավիճակը դուրս է եկել վերահսկողությունից: Թրամփը սատկած ձի վարելու ընթացքում է»,- ասաց իրանցի դիվանագետը:
Արձագանքելով Իսրայելի և Իրան միջև այս պատերազմում Ադրբեջանի հնարավոր ներգրավվածության վերաբերյալ հարցին՝ դեսպանն ասաց, թե նման տեղեկություն չունեն.
«Հավաստի փաստեր պետք է լինեն։ Չունենք տվյալներ, թե Իրանից Հայաստան տեղափոխվածներ կան: Զոհված կամ վիրավորված հայերի մասին էլ տեղեկություն չունենք»,- նշեց Սոբհանին:
Ո՞վ էր Սամվել Կարապետյանը. դեմքը կարո՞ղ եմ տեսնել. Ալեն Սիմոնյան. Տեսանյութ
Ֆոտո
