«Ինչքան պատերազմը երկար շարունակվի, այնքան ՀՀ-ի համար անկանխատեսելի հետևանքների թիվը կավելանա: Պետք է դիմագրավել կազմակերպչական աշխատանքով, մոբիլիզացնելով բոլոր մարմինները»,- դատական նիստից առաջ, լրագրողների հետ զրույցում, ասաց ՀՀ երրորդ նախագահ Սերժ Սարգսյանը՝ անդրադառնալով Իսրայել-Իրան հակամարտությանը, հնարավոր ազդեցությանը Հայաստանի վրա ու դիմագրավելու ուղիներին:

Այսօր՝ հունիսի 17-ին, դիմորդները քննություն են հանձնել «Մաթեմատիկա» առարկայից:

ԳԹԿ-ն ներկայացնում է թեստերն ու պատասխանները:

Մաթեմատիկա

ԹԵՍՏԵՐ

1 2 3 4

ԹԵՍՏԵՐԻ ՊԱՏԱՍԽԱՆՆԵՐ

ԹԵՍՏԵՐ 1,2,3,4

«24Նյուզ»-ի դիվանագիտական աղբյուրը հայտնել էր, որ հունիսի 20-ին Նիկոլ Փաշինյանը մեկնելու է Անկարա, որտեղ հանդիպելու է Թուրքիայի նախագահ Էրդողանի հետ: Լրատվականի զրուցակիցն այլ մանրամասներ ևս հայտնած է եղել սպասվող հանդիպման օրակարգից, սակայն դրանք չէին հրապարակել՝ սպասելով, որ հանդիպման մասին պաշտոնական հաստատում լինի, ինչն էլ այսօր արել է ԱԺ նախագահ Ալեն Սիմոնյանը:
Եվ այսպես, լրատվականի հավաստի տեղեկությունների համաձայն, Նիկոլ Փաշինյանն Էրդողանի հետ քննարկելու է Ադրբեջանի հետ խաղաղության պայմանագրի կամ նմանատիպ մեկ այլ փաստաթղթի ստորագրման հարցը, որի համար այս պահին երկու տեղ է բանակցվում:
Առաջին հնարավոր վայրը Վաշինգթոնում է այս տարվա սեպտեմբերին, երկրորդ վայրը՝ ԱՄԷ-ն, որը հնարավոր է այս տարվա դեկտեմբերին:

Ընդ որում, նշվում է, որ Նիկոլ Փաշինյանին հաջողվել է Սահմանադրության փոփոխման նախապայմանը հանել բանակցություններից՝ ադրբեջանցիներին ասելով, որ ոչ մի սոցհարցումով դրան հասնել ուղղակի հնարավոր չէ և նմանատիպ զարգացումները վտանգավոր են իր իշխանության համար: Դրա փոխարեն նա հանձն է առել հարվածել Հայ Առաքելական Եկեղեցուն, ինչի դրսևորումները մենք տեսնում ենք վերջին 20 օրվա ընթացքում: Կա նաև երկրորդ նախապայման՝ հեռացնել ռուսական ռազմաբազան պայմանագրի ստորագրումից հետո:

ՀՀ վարչապետ Նիկոլ Փաշինյանի ֆեյսբուքյան իր էջում նոր գրառում է կատարել. «Նախկինում հնչած քննադատությունները հաշվի առնելով, պոռնկացած բարձրաստիճան հոգևորականների մասին խոսելիս օգտագործելու եմ բացառապես «Կանոնագիրք Հայոց»-ի բառապաշարը։
«Կանոնագիրք Հայոց»-ը Հայ առաքելական եկեղեցու դարերով ձևավորված վարքականոնների ժողովածուն է։ Դրանում է գրված, որ պոռնկացած (արք)եպիսկոպոսը, տվյալ դեպքում Արշակ «սրբազանը», պետք է կարգալույծ արվի։
Նկատի ունեմ, հենց այդ բառերով է գրված մեր Եկեղեցու կանոնների ժողովածուի մեջ։ «Կանոնագիրք Հայոց»-ի բնորոշմամբ է Արշակ «սրբազանը» պոռնկաբարո։
Սպասենք Կտրիճ Ներսիսյանի արձագանքին, որ իրեն նույնպես բնորոշենք միայն ու միայն «Կանոնագիրք Հայոց»-ի սահմանումներով։ Էլ ոչ մի դոմփել»: 

 Նիկոլ Փաշինյան

ԱԺ «Պատիվ ունեմ» խմբակության վարչապետի թեկնածու Դավիթ Համբարձումյանը ֆեյսբուքյան իր էջում գրում է․

«Սիրելի հայրենակիցներ, առաջիկա կիրակի օրը` հունիսի 22-ին, Հայ առաքելական սուրբ եկեղեցին նշում է Կաթողիկե Սուրբ Էջմիածնի տոնը: Առաջարկում եմ այս տարի տոնը դարձնել հիրավի ժողովրդական և բոլորս միասին մեծ շուքով նշենք այն:

Հունիսի 22-ին, ժամը 11:00-ին հավաքվում ենք Զվարթնոց տաճարի մոտ և ժողովրդի մեծ բազմությամբ, բարձր տրամադրությամբ ու մեծ հավատքով քայլում դեպի Մայր Աթոռ:

Էջմիածնի Մայր Տաճարում կհանդիպենք Ն.Ս.Օ.Տ.Տ. Գարեգին Բ Ամենայն Հայոց Կաթողիկոսին, կաղոթենք մեր Եկեղեցու և Պետության կայունության ու հզորացման համար:

Սա լինելու է միասնության, ոգու և հավատքի մեծ ուխտ: Ուս ուսի, թիկունք թիկունքի հասնելու ենք մեր գլխավոր նպատակին` ազգային արժանապատվության վերականգնմանն ու պետություն-եկեղեցի միասնության հաստատմանը»:

Երևանի քաղաքապետարանի կողմից Օղակաձև զբոսայգու 4-րդ հատվածը հանրային գերակա շահ ճանաչելու և Թենիսի կորտերը սրճարաններով փոխարինելու քաղաքային իշխանության նախաձեռնողականությունը բիզնես խլելու օպերացիա է հիշեցնում։ Ընդ որում, Երեւանի քաղաքապետը անձնական նախաձեռնողականություն է ցուցաբերում այգու նշված տարածքը «Էվոկաբանկ»-ի (EVOCABANK) հիմնական բաժնետիրոջը հանձնելու հարցում, այն էլ՝ սրճարաններ կառուցելու թույլտվությամբ, գրում է «Փաստինֆո»-ն։

300 մլն դրամի ուժն ու Տիգրան Ավինյանը

2023թ․ մայիսին քաղաքապետ Տիգրան Ավինյանն ավագանու նիստում հայտարարեց, որ «Էվոկաբանկ»-ի (EVOCABANK) խորհրդի նախագահը համայնքին է նվիրաբերել 300 մլն. ՀՀ դրամ՝ մարզադպրոցի վերակառուցման համար՝ այն գնահատելով որպես բացառիկ երեւույթ։ Բանկի այս քայլը Տիգրան Ավինյանը գնահատել էր որպես բանկի կողմից քաղաքի նկատմամբ սիրո նշան, սակայն հետագա զարգացումները ցույց տվեցին, որ այս «ամուսնությունը» ոչ թե սիրո վրա էր հիմնված, այլ պարզ հաշվարկի։  Ընդ որում, սերը շահին զիջելը դրսեւորվեց ընդամենը 2-3 ամիս անց։

Ուսումնական տարվա մեկնարկին՝ 2023 թ․  սեպտեմբերին, Երևանի ավագանու անդամներից մեկը՝ Էռնեստ Ավանեսովը, ահազանգեց, որ համայնքային ենթակայության մարզադպրոցները գրություններ են ստանում այն մասին, որ այդ պահից սկսած՝ իրենց  աշխատակիցներն աշխատավարձը պետք է ստանան «Էվոկաբանկի» (EVOCABANK) քարտերով: Հատկանշական է, որ ավագանու անդամի պնդմամբ համայնքային մարզադպրոցներ գրություն է գնացել քաղաքապատարանից՝ վերոհիշյալ պահանջով։ Իսկ  2024 թվականի հունվարին արդեն պարզվեց, որ քաղաքային իշխանությունը մտադիր էր Օղակաձև այգու 4-րդ հատվածը վերցնել իր իսկ ներկայիս սեփականատիրոջից ու հանձնել «Էվոկաբանկի» (EVOCABANK) հիմնական բաժնետիրոջ՝ Մարիետա Գևորկյանի ընկերության տնօրինմանը։ 

Հատկանշական է, որ այգու տարածքի «խլելու» օպերացիայի մասին պաշտոնապես հայտարարվեց հենց Երեւանի քաղաքապետարանի գործակարգավարական նիստում՝ 2024 թվականի հունվարի 8-ին։ 

Երևանի կառուցապատման ներդրումային ծրագրերի իրականացման ՀՈԱԿ տնօրեն Շողիկ Երանյանը հայտնեց, թե «Գրին Ռոք մենեջմենթ գրուպ» (GREEN ROCK MANAGEMENT GROUP) ՍՊԸ-ն դիմել է Երևանի քաղաքապետարան՝ Սայաթ-Նովա և Նալբանդյան փողոցների միջնամասում գտնվող Օղակաձև զբոսայգու 4-րդ հատվածում գտնվող այգու վերակառուցման և կառուցապատման իրավունքի տրամադրման համար: 

Նկատենք, որ այս ընկերության իրական շահառուն Մարիետա Գևորկյանն (MARETA GEVORKYAN) է, որը նաեւ միանձնյա տիրապետում է «Էվոկաբանկ»-ի (EVOCABANK) բաժնետոմսերի 100%-ին։ Իսկ ամենահետաքրքիրն այն է, որ «Գրին Ռոք մենեջմենթ գրուպ» (GREEN ROCK MANAGEMENT GROUP) ընկերությունը Օղակաձեւ այգու նկատմամբ հավակնություններ է սկսել ցուցաբերել, այսինքն՝ այլ ընկերության գույքի վրա աչք դրել՝ չունենալով անգամ մեկ տարվա գործունեություն ու միանգամից շահել Երեւանի քաղաքապետարանի սերը։ Արդարադատության նախարարության իրավաբանական անձանց պետական ռեգիստրի համաձայն՝ «Գրին Ռոք մենեջմենթ գրուպ» (GREEN ROCK MANAGEMENT GROUP) գրանցվել է 2023 թվականի փետրվարի 21-ին։

Նույն գործակարգավարական նիստում  փարատվում են բոլոր կասկածները՝ Մարիետա Գեւորկյանն ուզում է հենց Օղակաձև այգու 4-րդ զանգվածը, որտեղ առկա են 3-րդ անձանց սեփականության իրավունքով պատկանող անշարժ գույքեր, օրինական վարձակալներ։ Առաջին հայացքից թվում է, որ քաղաքային իշխանությունը պետք է ասեր՝ հարգելի նորաստեղծ ընկերություն, ուրախ ենք, որ ուզում եք ներդրում անել, մայրաքաղաքում կան բազմաթիվ չբարեկարգված պուրակներ, այնտեղից սկսեք, Օղակաձև այգու 4-րդ զանգվածը ունի օրինական վարձակալներ։ Բայց ոչ՝ դրվում է այգու այդ հատվածը օրինական վարձակալներից խլելու օպերացիայի հիմքը։

Հանրային գերակա շահի մանիպուլյացիան՝ քաղաքային իշխանության կատարմամբ

Նորաստեղծ «Գրին Ռոք մենեջմենթ գրուպ» (GREEN ROCK MANAGEMENT GROUP) ընկերության հավակնությունների կենտրոնում հայտնված օղակաձեւ այգու հատվածում վարձակալության պայմանագրեր ունի  «Գեյմ-Սերվիս» (GAME-SERVICE CJSC) ընկերությունը. 2013 թվականի մարտին ստորագրվել է 7887. 96 քառ. մակերեսով հողատարածքի վարձակալության մասին, ըստ որի՝ հողամասի տրամադրման նպատակն է՝ թենիսի մարզահրապարակի զբաղեցրած մակերես։ Այս պայմանագրի գործողությունն ավարտվում է 2038թ վականին։  Մյուս պայմանագիրը ստորագրվել  է 2002 թվականին՝ 45 տարի ժամկետով, ըստ որի 1200 քառ. մակերեսով տարածքը տրամադրվել է մանկական սպորտային խաղահրապարակի կառուցման նպատակով։

Այս տարածքներում անցած տարիներին սրճարաններ չեն կառուցվել եւ օգտագործվել են ըստ իրենց պայմանագրային առաջնային նշանակության։ 2024 թվականի հունվարին, պարզվեց, որ դա չի գոհացնում Երեւանի ներկայիս քաղաքապետ Տիգրան Ավինյանին։ Վերջինս գործակարգավարական նիստում ոչ թե հետաքրքրվեց, թե մի քանի ամսվա պատմություն ունեցող ընկերությունը ինչ զարմանահրաշ գործունեություն է ծավալել այդ ամիսներին, ինչու հանկարծ որոշեց, որ հենց այդ տարածքների համար պետք է ներդրումային ծրագիր ներկայացնի, այլ դժգոհեց, որ այդտեղ կան թենիսի կորտեր։

«Թենիսի կորտերը իրականում չպետք է լինեին և այգին, այգու տարածքները պետք է վերադարձվեն քաղաքին՝ երևանցիներին»,- հայտարարեց Ավինյանը՝ կարծես Երեւանի կոլորիտներից մեկը համարվող թենիսի կորտերը երեւանցիներին չեն ծառայում։

Մանրամասները՝ սկզբնաղբյուր կայքում։

Իրանի գերագույն առաջնորդ այաթոլլա Ալի Խամենեին կարող է նույն ճակատագրին արժանանալ, ինչ Իրաքի հանգուցյալ բռնապետ Սադամ Հուսեյնը, երեքշաբթի զգուշացրել է Իսրայելի պաշտպանության նախարար Իսրայել Կացը։

«Ես զգուշացնում եմ իրանցի բռնապետին չշարունակել ռազմական հանցագործություններ կատարել և հրթիռներ չարձակել Իսրայելի քաղաքացիների վրա», - ասել է Կացը Թել Ավիվում Իսրայելի բարձրաստիճան զինվորական պաշտոնյաների հետ հանդիպման ժամանակ։

«Նա պետք է հիշի, թե ինչ ճակատագիր ունեցավ Իրանի հարևան երկրում մի բռնապետ, որն ընտրեց Իսրայել պետության դեմ ուղին», - հավելել է Կացը:

Հուսեյնըն Իրաքի նախագահն էր 1979 թվականից մինչև 2003 թվականին տապալումը: 2003 թվականին ԱՄՆ-ի գլխավորած ուժերի Իրաք ներխուժումից հետո նա գերեվարվել է, դատվել և մահապատժի ենթարկվել կախաղանի միջոցով։

Պոռնկաբարո «հոգևորականներն» ու նրանց պոռնկաբարո «բարեգործներն» ինչո՞ւ են ակտիվացել։  Ոչինչ՝ նորից կպասիվացնենք։ Ընդ որում՝ ընդմիշտ: Այս մասին սոցիալական ցանցի իր էջերում գրել է վարչապետ Նիկոլ Փաշինյանը:

«Կտրիճ Ներսիսյան, էն պոռնկաբարո Արշակ «սրբազանիդ» ասա վեր ընկնի տեղը։ Բառիս բուն իմաստով վեր ընկնի տեղը և բառիս բուն իմաստով՝ պոռնկաբարո»,- հաջորդ գրառման մեջ գրել է Փաշինյանը:

Եկեղեցին ունի հատուկ կարգավիճակ և ՀՀ-ն, բնական է, որ իր դերակատարումն ունենա այդ կառույցի մեջ, դա մեր կարծքին է: Այս մասին ԱԺ-ում լրագրողների հետ զրույցում ասաց ԱԺ նախագահ Ալեն Սիմոնյանը՝ անդրադառնալով վարչապետ Փաշինյանի՝ եկեղեցու և հոգևորականների հանդեպ տարվող արշավին

Դիտարկմանը՝ դուք չեք կարող կաթողիկոսի ընտրություններ կազմակերպել, հանձնախումբ ձևավորել, Սիմոնյանն ասաց.

«Ես ինչ խումբ ուզենամ, կարող եմ ստեղծել: Մեկ հոգու ձեռք ինտերնետ է ընկնում, հայտարարում է, որ ինքը լրագրող է, ես՝ պետության բարձրաստիճան ներկայացուցիչ եմ, չեմ կարո՞ղ ասել, որ այստեղ խնդիր կա և պետությունն ուզում է այդ խնդրով զբաղվել»,- ասաց նա:

Սիմոնյանն ընդգծեց, որ իրենք մշտապես խոսել են, որ այդ կառույցի հետ կապված խնդիրներ կան:

«Այդ կառույցը հիմնված է՝ հարգանքի ու հավատի վրա: Հիմա մի հարց էլ ես ձեզ ունեմ՝ հռետորական հարց, արդոյք դուք համարձակ, խելացի լրագրողներով երբևիցե հարցրել եք կաթողիկոսին կամ որևիցե սրբազանի, այնուամենայնիվ երեխա ունի՞, թե՝ չունի:

Գնում հարցնում եք՝ նրանք լափշա են կախում, թե այդ հարցերը դրանք այն հարցերն են ու սկսում են կոսմոսից խոսել: Հիմա սենց լրատվադաշտի լավերով, խելացիներով մի հատ կարո՞ղ եք այդ ինֆորմացիան բերել և հանրությանը ներկայացնել»,- ասաց նա:

Դիտարկմանը՝ դա հանրության համար գերակա հարց չէ, նա նշեց.

«Եթե գերակա հարց չէ, կմարի, բայց ընդհակառակը՝ 2018-ից սկսած այդ պրոբլեմը մշտապես եղել է: Բայց այն ինչ կատարվում է հիմա, առնվազն հայ ժողովուրդը, ՀՀ-ն պետք է ունենա նոր կաթողիկոս՝ ինչ-որ չափանիշներին համապատասխանող:

ՔՊ վարչությունում չի ընտրվելու այդ կաթողիկոսը, նոր կաթողիկոսի չափանիշների մասին գրված է իրենց կանոնակարգերում: Պրոբլեմը կայանում է նրանում, որ իրենք ներշնչել են ձեզ, որ եկեղեցին իրենց դուքյանն է, որ եկեղեցում նրանք կարող են անել ինչ ուզում են, ինչ հնարավոր է անել: Ես հավատացյալ մարդ եմ: Հիմա էդ մարդիկ սեքսով կարո՞ղ են զբաղվել, թե՝ ոչ: Եթե հարցը վերաբերում է հավատին, ապա այո. Կուսակրոնության հարցը կարող է հանրության քննարկման հարց դառնալ»: