Իրանի հեռարձակման կորպորացիան կոչ է արել մարդկանց ջնջել WhatsApp-ը իրենց հեռախոսներից։

Պետական ​​հեռարձակողը գրել է.

Իրազեկ աղբյուրներից ստացված լուրերի համաձայն՝ WhatsApp հավելվածը հավաքում է մարդկանց մասին տեղեկություններ և սիոնիստական ​​թշնամուն տրամադրում է նրանց վերջին հայտնի գտնվելու վայրը և հաղորդագրությունները՝ նշելով այդ տեղեկատվությունը։

Մարդկանց խնդրում ենք ջնջել WhatsApp հավելվածը իրենց բջջային հեռախոսներից։

Ուզում էին մասկի շոու անել ու ինձ ձերբակալել։ Իսկ մարդիկ, հասարակ մարդիկ, որոնք հավաքվել էին բակում, հակահարված տվեցին։

Այս մասին հայտարարել է գործարար Սամվել Կարապետյանը՝ RT-ին մեկնաբանելով ՀՀ ՆԳՆ-ի կողմից իրեն ձերբակալելու փորձը:

Հստակ գիտենք, թե որտեղ է թաքնված «Իրանի գերագույն առաջնորդը, առայժմ չենք ուզում վերացնել նրան, բայց մեր համբերությունը սպառվելու վրա է: Այս մասին հայտարարել է ԱՄՆ նախագահ Դոնալդ Թրամփը: 

«Մենք հստակ գիտենք, թե որտեղ է թաքնված, այսպես կոչված, «Իրանի գերագույն առաջնորդը»: Նա հեշտ թիրախ է, բայց այնտեղ ապահով է՝ մենք չենք պատրաստվում նրան վերացնել (սպանել!), համենայն դեպս՝ առայժմ։

Բայց մենք չենք ցանկանում, որ հրթիռներ արձակվեն խաղաղ քաղաքացիների կամ ամերիկացի զինվորների վրա։ Մեր համբերության բաժակը լցվելու վրա է: Շնորհակալություն այս հարցի նկատմամբ ձեր ուշադրության համար: Անվերապահ կապիտուլյացիա!»,-գրել է նա: 

Russia Today–ի և «Ռոսիա Սեգոդնյա» ՄԳՏ–ի գլխավոր խմբագիր Մարգարիտա Սիմոնյանը տելեգրամյան իր ալիքում գրում է.

«Էֆենդի Փաշինյանը, որը ձևացնում է, թե համայն հայության պաշտպան է, փորձում է ձերբակալել համայն հայության իրական պաշտպան Սամվել Կարապետյանին, և պատճառը հայերի հոգևոր առաջնորդ Գարեգին II կաթողիկոսի հետ հանդիպումն է»։

«Տես, քո բերանում ինչ-որ տհաճ բան չմնա»,-  տելեգրամյան իր ալիքում գրել է նա` պատասխանելով Փաշինյանի`«հույս ունեմ՝ պետության համը բերաններդ կմնա»  արտահայտությանը։

Ռուսաստանը ուշադիր հետևում է Սամվել Կարապետյանի շուրջ ստեղծված իրավիճակին, որին տարօրինակ պատրվակներով սպառնում են ձերբակալել Երևանում, ՌԻԱ Նովոստիին ասել է Մարիա Զախարովան։

«Արթուն ենք» շարժումը հայտարարություն է տարածել, որում ասված է. ««Արթուն ենք» շարժումը դատապարտելով գործարար և բարերար Սամվել Կարապետյանի դեմ իշխանությունների կողմից սանձազերծված քաղաքական հետապնդումները, իր աջակցությունն է հայտնում Կարապետյան ընտանիքին:

Այս իշխանությունների հեռացման միակ հնարավորությունը շարունակում է մնալ անվստահության (իմպիչմենտ) գործընթացը:

Կոչ ենք անում ԱԺ պատգամավորներին անհապաղ միանալ վարչապետի անվստահության գործընթացին: Դա միակ ճանապարհն է հանցախմբից ազատվելու և բոլորիս իրավունքների պաշտպանության հույսեր ունենալու համար»։

Հայաստանի Հանրապետական կուսակցությունը հայտարարություն է տարածել՝ ի աջացկություն գործարար Սամվել Կարապետյանի․

«Խստորեն դասապարտում ենք Հայաստանում իշխանությունը բռնազավթած, դրածո ռեժիմի կողմից ազգային գործիչ, բարերար եւ հայ ժողովրդի ականավոր զավակ Սամվել Կարապետյանի նկատմամբ բռնաճնշումների զարհուրելի եւ ապօրինի դրսեւորումները, եւ մեր անվերապահ աջակցությունն ենք հայտնում իրեն եւ Կարապետյանների ողջ ընտանիքին։

Ազգայինի դեմ ներկայիս ռեժիմի գարշելի արշավը չէր կարող շրջանցել նաեւ համահայկական արժեքներին հավատարիմ եւ ազգային կապիտալի բացառիկ ներկայացուցիչ, համահայկական գործիչ Սամվել Կարապետյանին, ով իր կենսագրությամբ եւ գործունեությամբ մշտապես ապացուցել է իր անվարան հավատարմությունը հայոց ազգային եւ հոգեւոր արժեքներին։

Ի մի բերելով վերջին զարգացումները, փաստում ենք, որ կամակատար ռեժիմի կողմից Հայաստանի Հանրապետության փաստացի վերացումը թեւակոխել է ավարտական փուլ, ինչի դեմն առնելու համար պահանջվում են միասնական եւ վճռական ջանքեր»։

Նիկոլ Փաշինյանը ֆեյսբուքյան իր էջում հերթական գրառում է արել.

«Ասում է՝ մենք մեր ձեւով ենք միջամտելու։ Հիմա ես քեզ իմ ձեւով կմիջամտեմ, ստահակ։ Ավելի ճիշտ՝ ձեզ»,–գրել է նա։

Իրանը սկսել է Իսրայելի ռեժիմի թիրախների դեմ հարձակումների տասներորդ ալիքը։

Ըստ իրանական Tasnim լրատվական գործակալության՝ Իսլամական հեղափոխության պահապանների կորպուսի ավիատիեզերական ուժերը անօդաչու թռչող սարքերով և հրթիռներով համազարկային հարձակումներ են իրականացնում բռնազավթված տարածքներում տեղակայված իսրայելական կարևոր և ռազմավարական թիրախների վրա, մասնավորապես՝

- Հրթիռները հասել են Թել Ավիվ և հարվածել կարևոր թիրախների։

- Կենտրոնական Իսրայելի Հերզլիա քաղաքի բռազմավարական թիրախը խոցվել է հզոր հրթիռով, որին հզոր պայթյուն է հաջորդել։ Ըստ հաղորդումների, հարվածային ցնցումները տարածվել են մինչև Արևմտյան ափում գտնվող տարածքներ։

- Գուշ Դանի տարածքում գտնվող կարևոր ռազմավարական թիրախին ուժգին հարվածից զգալի վնասներ են առաջացել։

Իսրայելական բանակը հաստատել է երեք հարված։

Ռոպեներ առաջ Իրանը ևս 7 բալիստիկ հրթիռներ է արձակել Դիմոնայի և Նեգևի միջուկային օբյեկտների ուղղությամբ։

ՀՀԿ -ն խստորեն դատապարտում է Սամվել Կարապետյանի դեմ ռեժիմի գործողությունները։ Այդ մասին հաղորդում է Հայաստանի Հանրապետական կուսակցության խոսնակ Էդուարդ Շարմազանովը․

«Կապիտուլյանտների ռեժիմի կողմից ազգային բարերար Սամվել Կարապետյանի դեմ զավեշտալի քայլերը դատապարտելի են ։

Որպես ՀՀԿ ԳՄ ներկայացուցիչ,խստորեն դատապարտում եմ նիկոլիստական հակազգային ու հակապետական ռեժիմի կողմից բարերար Սամվել Կարապետյանի դեմ գործողությունները։

Ռեժիմի այս քայլերը շարունակությունն են ազգային ինքնության դեմ նրանց կողմից սանձազերծած պատերազմի։

Կարապետյանը ոչ միայն Հայ Եկեղեցու մեծագույն բարերարներից է,այլ նաեւ Հայաստան -Արցախ -Սփյուռք եռամիասնության ջատագովը։

Նիկոլիստական ռեժիմի այս հարձակումը անթույլատրելի է։

Հանրապետականը սատարում է ազգային բարերար Սամվել Կարապետյանին ու հաստատակամ է վճռականորեն շարունակելու նիկոլիզմի դեմ պայքարը մինչեւ հաղթական ավարտ։

Հայկը չի պարտվելու ոսոխ բելին»,- գրել է նա: