Փորձ են անում ներկայացնել, թե մենք պայքարում ենք եկեղեցու դեմ, իրականում մենք կանգնել ենք եկեղեցու սրբության սրբոցը՝ նվիրապետությունը պաշտպանելու դիրքերում։ Այս մասին ԱԺ-ում 2024 թվականի բյուջեի կատարողականի քննարկման ժամանակ եզրափակիչ ելույթի ժամանակ ասաց վարչապետ Նիկոլ Փաշինյանը:

«Մենք այսօր այլ բան չենք անում, քան եկեղեցու 356 թվականի Աշտիշատի ժողովով հաստատված նվիրապետությունը պաշտպանելն է։ Աշտիշատի ժողովում սահմանվեց, որ եկեղեցու վերնախավը պետք է լինի կուսակրոն։ Ինչո՞ւ։ Առաջինը՝ դավանաբանական հիմնավորումներով, որովհետև եկեղեցու ծառաները՝ ամենանվիրված և հավատարիմ ծառաները, պետք է մոռանան անձնական կյանքի մասին, պետք է մոռանան ամուսնության մասին և պետք է «ամուսնանան» եկեղեցու հետ և ոչ որևէ այլ բանի մեջ», – ասաց նա։

Ըստ նրա՝ հենց այս նվիրապետության շնորհիվ է նաև որ պետք է երաշխավորվեր եկեղեցու բարոյական գաղափարախոսական և նյութական անվտանգությունն այդ թվում:

«Այս որոշման տրամաբանության մեջ նաև այն էր, որ եկեղեցու ունեցվածքի նկատմամբ ուղղակի կամ անուղղակի ժառանգական իրավունքներ չծագեն, որովհետև Ամենայն հայոց Կաթողիկոսը Հայ Առաքելական Եկեղեցու գույքի տերն է երկրի վրա: Եթե Կաթողիկոսն ունի ժառանգներ այստեղ անխուսափելիորեն ծագում է ժառանգական ուխտը: Այսօր մենք հետևյալ պատկերն ունենք՝ «մոմի գործի նայողը» Կտրիճ Ներսիսյանի եղբոր տղան է, ամենամեծ թեմի առաջնորդը Կտրիճ Ներսիսյանի եղբայրն է, էն մյուս թեմի առաջնորդն իր քրոջ որդին է և այսպես շարունակ: Հայ Առաքելական Եկեղեցին բռնազավթված է մի կլանի կողմից, և մենք ոչ թե եկեղեցու դեմ են պայքարում, այլ՝ եկեղեցու նվիրապետության համար:

Վարչապետն իր խոսքում նշեց. «Մարդիկ, ովքեր խոսում են այս իրավիճակի պաշտպանության մասին, նրանք քար առ քար քանդում են Հայ Առաքելական Եկեղեցին, նրա նվիրապետությունը, պատմությունը, արժեքը։ Քանդել են, հիմա վերջին ավերակներն են ուզում տան, և դա մենք թույլ չենք տալու։ Ես ասում եմ՝ մարդ, որ ինքս ունեմ հոգևոր զգացմունքներ»:

Ասում են՝ միջամտություն եկեղեցու ներքին գործերին. Հայ առաքելական եկեղեցու հետևորդները  միջամտում են եկեղեցու ներքին գործերին, ո՞նց կարող է այդպիսի բան ասել. դա հավատավոր մարդկանց եկեղեցին է։ Այդ մասին, այսօր՝ հունիսի 19–ին, Ազգային ժողովում 2024 թվականի պետբյուջեի կատարման տարեկան հաշվետվության քննարկման ամփոփիչ ելույթի ժամանակ հայտարարեց ՀՀ վարչապետ Նիկոլ Փաշինյանը։ 

«Երբ որ իրենք դա պատկերացնում են որպես մի կլանի սեփականություն։ Մոմի գործը Կտրիճի աղբորն է, այն բանի գործը, թե ով ձեռնադրվի, ով չձեռնադրվի, կաթողիկոսի քրոջ որդին պիտի բան անի։ Դուք պղծել եք եկեղեցին, դարձրել եք մի հատ, ասենք, ՍՊԸ, բայց ՍՊԸ-ն հարգելի գործունեություն է, ավազակների տեղ եք սարքել, ինչպես Հիսուս Քրիստոսը ասում է Նոր Կտակարանում։ 

Հաջորդը, հին խոսույթ կա, որ այդպես են անում, որովհետև թուրքերն ու ադրբեջանցիներին են այդպես ուզել։ Սա մեր իրականության ամենախոշոր և ամենապրոբլեմատիկ կոմպլեքսն է։ Էն ժամանակ  մենք էլ էինք տրվում էդ խոսույթին, ասում էին՝ լավ, եկեք բանակի մասին չխոսենք, որովհետև դե թուրքերն ու ադրբեջանցիները լսում են, դե դա գաղտնիք է։ Եկեք թուրքի ջրաղացին ջուր չլցնենք, և այլն»,–ասաց նա։ 

Փաշինյանը նաեւ հայտարարեց. «Երբ ես խոսում էի հայրենասիրության կայսերական մոդելի մասին, ես մի հատ ուրիշ բան էլ եմ հասկացել, որ մենք աշխարհն ընկալելու սեփական ֆորմուլաներ չունենք։

Եթե հանկարծ Ադրբեջանը, Թուրքիան, Ռուսաստանը և մի քանի այլ երկրներ որոշեն մի ամիս ոչ մի հայտարարություն չանեն, մենք կհայտնվենք մութ սենյակում, մի վիճակում, ով գաղափար չունի ընդհանրապես, էս որտե՞ղ է ընկել։ Եվ սա մեր արտապետականության կարևոր առանձնահատկություն է, որ ներդրված է։ Չե՞ք տեսնում էս ինչ են խոսում, Այն, ինչ խոսում են, որևէ մեկը Հայաստանում ծնված ընկալում չի, ամբողջը արտաքին խոսույթներից ծաղկաքաղ է, որը բերվում է այս ամբիոն և այս ամբիոնից մատուցվում է։ 

Ընդդիմադիր պատգամավորն ասում է ասեք ինչ եք ուզում մեր ժողովրդից։ Ես կարող եմ ասել, ինչ եմ ուզում մեր ժողովրդից՝ ես ուզում եմ, որ մենք ճանաչենք աշխարհը։, ես բազմիցս ասել եմ, որ երկրագունդը մեզ համար շարունակում է մնալ անծանոթ, ոչ մեկ չի ասում այդ ինչ ասեցիր, որովհետև մենք աշխարհի ընկալման, մեր սեփական բանաձևերը չունենք։ Սրանում է պրոբլեմը։ 

Դա է պատճառը, որ աշխարհի մեր ընկալումը այն է, որ աշխարհը մի հատ ծայրահեղ, անարդար վայր է։ Իսկ կարո՞ղ է պարզապես մենք չենք ճանաչում աշխարհը, մենք չգիտենք աշխարհը, չգիտենք այնտեղ ապրելու կանոնները, որովհետև եթե դու երթևեկության կանոնները չգիտես և անընդհատ վրաերթի ես ենթարկվում, աայդ փողոցը քեզ համար ամենաանարդար վայրն է, դու չես հասկանում, ինչի՞ են քո վրայով անընդհատ մեքենա քշում։ 

Ասում ես՝ Աստված, ու՞ր ես նայում, Աստված, ով երթևեկության անարդարություն, թող որ ես թքեմ քո բաց ճակատին, որովհետև դու չգիտես կանոնները»,– ընդգծեց Նիկոլ Փաշինյանը։

«Դու սուս մնա իմ ելույթի ժամանակ, ձենդ չլսեմ, սսկվի, ստահակ»,- իր ելույթի ժամանակ, դիմելով ընդդիմադիր պատգամավոր Գեղամ Մանուկյանին, ասաց ՔՊ-ական Արթուր Հովհաննիսյանը։

Գեղամ Մանուկյանը Հովհաննիսյանի ելույթին միջամտել էր, քանի որ Հովհաննիսյանը նրան դիմելով ասել էր․ «Օրինակ, էս փոքրիկին սխալ բաներ են բացատրել փոքր ժամանակ, որ գալիս այստեղ ճոռոմ-ճոռոմ բաներ է ասում»։

Քանի որ նիստը նախագահող Ռուբեն Ռուբինյանին չհաջողվեց սաստել Արթուր Հովհաննիսյանին, միջամտեց դահլիճ մտած Ալեն Սիմոնյանը. «Պարոն Հովհաննիսյան, նախ մի հրահրեք, հարգալից խոսեք, նախազգուշացում կտամ և բարձրախոսը կանջատեմ»,- ասաց նա։

Երբ ես նոր ընտրվեցի ՀՀ վարչապետ, շատ արագ ինքս ինձ համար արձանագրեցի, որ ես ՀՀ վարչապետ եմ պայմանականորեն՝ ավելի շատ ֆորպոստի վարչապետ եմ։ Այս մասին ԱԺ-ում 2024 թվականի Բյուջեի կատարողականի քննարկման ժամանակ եզրափակիչ ելույթում ասաց ՀՀ վարչապետ Նիկոլ Փաշինյանը:

«2025թ. հունիսին ինձ համար ամենաշատը հենց սա է փոխվել, որ ես արձանագրում եմ, որ ՀՀ լիարժեք և ամբողջական վարչապետ եմ։ Ինչի շնորհիվ է տեղի ունեցել այս ամենը, իհարկե քաղաքական թիմի քաղաքական ու կուսակցության դերը որևէ կերպ հնարավոր չէ նսեմացնել, բայց ես ուզում եմ ըդնգծել, որ սա տեղի է ունեցել մեր նահատակների և ՀՀ ժողովրդի շնորհիվ»,- ասաց նա:

Փաշինյանն այնուհետև պարզաբանեց, թե ինչ նկատի ունեմ ֆորպոստ ասելով: «Սովորաբար ֆորպոստի խոսույթը մեր իրականության մեջ ներմուծվել է կապակցված մի կոնկրետ երկրի հետ: Շուտով ես ինքս ինձ համար վարչապետի պաշտոնում արձանագրել եմ, որ դա ահավոր մեծ անարդարություն է՝ ֆորպոստացումը կապել մի պետության հետ:

Իրականում այդ ֆորպոստացման պրոցեսի մեջ ներգրավված են եղել բազմաթիվ երկրներ՝ հյուսիսում, հարավում, արևելքում և արմուտքում: Շատ ավելի կարևոր է, որ արձանագրել, որ ֆորպոստացման կրիտիկական մասսան եղել է ոչ թե մեզնից դուրս, այլ մենք ինքներս ենք եղել ֆորպոստոցման կրիտիկական մասսան, մենք ինքներս ենք ապահովել»,- ասաց նա:

Փաշինյանն արձանագրեց, որ 2018-2019-ին եղել էֆորպոստի վարչապետ: «Առաջին հերթին այն պատճառով, որ եղել եմ այն տրամաբանության մեջ, որի հիմնական առանցքը եղել է, որ ՀՀ-ն ոչ թե նպատակ երկիր է, այլ միջոց երկիր է՝ մի ավելի մեծ նպատակ երկրի հասնելու համար: 2020-ի նոյեմբերից հետո ես թերևս եղել եմ ամենաֆորպոստի վարչապետի կարգավիճակում: Սա շրջադարձային կետ է եղել, երբ մենք, մեր քաղաքական թիմը, բոլորս մեզ հարց ենք տվել՝ ի վերջո ի՞նչ ենք մենք ուզում, գտնվել ենք վերջնական ֆորպոստացման գծի եզրին: Մեզ հարց ենք տվել՝ ուզո՞ւմ ենք այդ գիծը հատել, թե՝ ոչ, որոշել ենք, որ չէ»,- ասաց նա:

Փաշինյանը նշեց, որ 2022 թվականի հոկտեմբերի 6-ից դարձել է ՀՀ առաջին ղեկավարը, ով ճանաչել է ՀՀ տարածքային ամբողջականությունը:

«Մեր ընդդիմությունն այս փաստն օգտագործում է այն տրամաբանությամբ, որ ես առաջին ղեկավարն եմ, ով ճանաչել է ԼՂ-ն Ադրբեջանի կազմում և ով ճանաչել է այդ տրամաբանությամբ Ադրբեջանի տարածքային ամբողջականությունը: Հենց այդ պահին էր, որ մենք մեզ ստիպված էինք հարց տալ՝ մենք ինքներս ՀՀ տարածքային ամբողջականությունը ճանաչո՞ւմ ենք, որ մի հատ էլ ուրիշներից ենք նեղանում, որ ՀՀ տարածքային ամբողջականությունը չեն ճանաչում: Ինձ համար դա է այն կետը, որտեղից ավարտվել է ֆորպոստի վարչապետից դեպի ՀՀ վարչապետ տրանսֆորմացիան: Մենք ոչ թե կորցրել ենք Լեռնային Ղարաբաղը, այլ մենք գտել ենք ՀՀ-ն և սա է ճշմարտությունը»,- ասաց նա:

Փաշինյանի խոսքով՝ մենք այսօր՝ որպես պետություն, ավելի անկախ ենք, քան երբևէ, ավելի ինքնիշխան ենք, քան երբևէ, ավելի պետություն ենք, քան երբևէ. «Շատ կարևոր է պատասխանել հարցին, մենք մեր կարգախոսը՝ Ապագա կա, կա ապագա, իրագործեցինք, թե՝ ոչ: Սա էլ է ինձ համար ամենօրյա խորհրդածության նյութ և դրա արդյունքում ես եկել եմ հետևյալ եզրակացության, եթե կա հստակ գծագրված ապագայի նախագիծ, ուրեմն կա ապագա, եթե չկա ապագայի հստակ գծագրված նախագիծ, ուրեմն՝ չկա ապագա: Այն, ինչ մենք այսօր հանրությանը ներակայացնում ենք՝ որպես իրական Հայաստանի գաղափարախոսություն, դա ապագայի հստակ գծագրված նախագիծ է»,- ասաց նա:

Զբոսաշրջիկները բրազիլական ջունգլիներում նկարահանել են յագուարի և ալիգատորի միջև կատաղի մենամարտը։

Մանրամասները՝ տեսանյութում։

«Ես արձանագրում եմ, որ 2018-2019 թթ․ ես եղել եմ ֆորպոստի վարչապետ»,- ԱԺ-ում իր եզրափակիչ ելույթում ասաց վարչապետ Նիկոլ Փաշինյանը։

Նրա խոսքով շրջադարձային է եղել 2021 թվականի արտահերթ ընտրությունները, իսկ 2022 թվականի հոկտեմբերի 6-ից նա «վերածվել է ՀՀ-ի լիարժեք վարչապետի», երբ ճանաչել է ՀՀ տարածքային ամբողջականությունը։

«2022թ. հոկտեմբերի 6-ին ես ճանաչել եմ ՀՀ տարածքային ամբողջականությունը՝ հասկանալով, որ այն պարփակված է հարևանների տարածքային ամբողջականությամբ:

Ինձ համար դա է այն կետը, որտեղ ավարտվել է ֆորպոստի վարչապետից դեպի ՀՀ վարչապետ տրանսֆորմացիան»,- ասաց Փաշինյանը։

Առաջ ֆորպոստի վարչապետ էի, հիմա՝ Հայաստանի լիարժեք վարչապետն եմ. Փաշինյան. Տեսանյութ

Եվրամիությունը հաստատել է պաշտպանական նախագծերի ֆինանսավորման 1,5 միլիարդ եվրոյի ծրագիրը: Այս մասին հայտնում է Reuters գործակալությունը՝ հղում անելով դիվանագիտական ​​աղբյուրներին։

Աղբյուրի համաձայն՝ բաղադրիչների առնվազն 65%-ը պետք է ձեռք բերել ԵՄ-ից կամ գործընկեր երկրներում։ Բացառություններ են նախատեսված կրիտիկական տեխնոլոգիաների համար: Վերջնական հաստատումը սպասվում է երկուշաբթի։

«Համաձայնությունը ձեռք է բերվել՝ չնայած սահմանափակումների վերաբերյալ քննադատություններին։ Որոշ երկրներ դժգոհում են, որ եվրոպական կանոնները չափազանց խիստ են», ասվում է հայտարարության մեջ։

Հիմնադրամը լինելու է վերազինման ծրագրի առաջին փուլը։ Պաշտոնյաները այդ գումարն անվանում են «համեստ», սակայն չեն բացառում լրացուցիչ ֆինանսավորումը։

Քիչ առաջ հայտնաբերեցի, որ կոտրել են մեքենայիս դիմապակին և հայելիները։ Նախնական զննությամբ, ավտոմեքենայից գողություն չի կատարվել։ Այս արարքի նպատակների մասին այս պահին միայն կարող եմ ենթադրություններ անել։ Այս մասին ֆեյսբուքյան իր էջում գրել է  ԱԺ «Հայաստան» խմբակցության պատգամավոր Գառնիկ Դանիելյանը:

«Տեղի ունեցածի մասին տեղեկացրել եմ իրավապահ մարմիններին։ Ակնկալում եմ արագ արձագանք և մեղավորների անհապաղ հայտնաբերում»,- գրել է նա:

Թուրքիայում Հայաստանի վարչապետի և Ադրբեջանի նախագահի հանդիպում նախատեսված չէ։ Այդ մասին լրատվամիջոցներին հայտնել է վարչապետի մամուլի խոսնակ Նազելի Բաղդասարյանը: 

Հիշեցնենք, որ Էրդողանի հրավերով հունիսի 20-ին ՀՀ վարչապետ Նիկոլ Փաշինյանը կմեկնի Թուրքիա: Վարչապետը նշել էր, որ այցի օրակարգի վերաբերյալ կլինի համատեղ հայտարարություն: