Ռուսական «Տաշիր» ընկերությունների խմբի սեփականատեր Սամվել Կարապետյանը 2025 թվականի հունիսի սկզբին արբիտրաժային վարույթ է սկսել Ֆրանսիայի դեմ՝ Ներդրումային վեճերի կարգավորման միջազգային կենտրոնում (ICSID, որը Համաշխարհային բանկի խմբի մաս է կազմում, գլխավոր գրասենյակը գտնվում է Վաշինգտոնում). այս մասին գրում է «Կոմերսանտ»-ը՝ հղում անելով համապատասխան տվյալների բազային։

Գործի նյութերը և պահանջների էությունը չեն նշվում, սակայն վեճի առարկան անշարժ գույքն է։ «Տաշիր» ընկերությունների խումբը և ICSID-ն չեն արձագանքել «Կոմերսանտ»-ի հարցմանը։

Ըստ աղբյուրի՝ դատական ​​​​հայցը, հավանաբար, վերաբերում է գործարարի՝ Կոտ դ'Ազուրում (Լազուր ափ) կալանքի տակ գտնվող 120 միլիոն եվրո արժողությամբ վիլլային: Փաստաբանները կարծում են, որ գործարարի ներկայիս քրեական հետապնդումը Հայաստանում կարող է թուլացնել նրա դիրքերը դատարանում ֆրանսիական իշխանությունների դեմ:

Ավելի վաղ հաղորդվել էր, որ Ֆրանսիայում դատարանը սառեցրել է Կարապետյանի՝ Լազուր ափի Ռոքբրուն կապ Մարտեն հանգստավայրում գտնվող Irina Maria վիլլայի նկատմամբ սեփականության իրավունքը: Պաշտոնապես այն պատկանում է ռուսաստանաբնակ հայ գործարար Սամվել Կարապետյանին, սակայն Փարիզի դատախազությունը կարծում է, որ դրա իրական շահառուն ռուսական նավթագազային հսկայի՝ «Գազպրոմ»-ի դուստր ձեռնարկությունն է: Այս մասին, dw.com-ի փոխանցմամբ, գրել էր ֆրանսիական Le Monde թերթը։

Ինչպես նշում էր Le Monde-ը, վիլլան, որը տեղանքում հայտնի է Villa del Mare անունով, գտնվում է 3 հեկտար հողատարածքում: Այն, բացի բազմահարկ գլխավոր շենքից, ներառում է նաև երեք լողավազան, թենիսի կորտ և ուղղաթիռի հարթակ։ Այս գույքի ընդհանուր արժեքը գնահատվում է 120 միլիոն եվրո։

Վիլլայի սեփականության իրավունքը, ինչպես նաև սեփականատեր ընկերության՝ SNC Maritime Villa Holding-ի բաժնետոմսերը սառեցնելու հրամանը թվագրվում է 2024 թվականի փետրվարի 12-ով։

Ինչպես նշում էր AFP-ն, Irina Maria վիլլայի վերաբերյալ հետաքննությունը վարել է Փարիզի դատախազության՝ կազմակերպված հանցավորության դեմ պայքարի վարչությունը (Junalco)՝ 2009 թվականի դեկտեմբերի 11-ից Փարիզում, Կիպրոսում, Ռուսաստանում և Ռոկբրուն-Կապ Մարտինում կատարված փողերի լվացման փաստերով:

Նշվում էր, որ 2016 թվականին «Գազպրոմ Նեֆտ»-ը՝ «Գազպրոմ»-ի նավթային դուստր ձեռնարկությունը, վիլլան վաճառել է Սամվել Կարապետյանին։ Այնուամենայնիվ, Junalco-ի նախաքննության ընթացքում բազմաթիվ փաստեր են բացահայտվել, որոնք վկայում են այն մասին, որ վիլլան իրականում երբեք դուրս չի եկել «Գազպրոմ Նեֆտ»-ի վերահսկողությունից, հայտնում էր Le Monde-ը:

Լրագրողների կողմից վերլուծված փաստաթղթերի համաձայն՝ Սամվել Կարապետյանը «Գազպրոմ Նեֆտ»-ից անշարժ գույքի սեփականատեր հանդիսացող Maritime Villa Holding SNC ընկերության բաժնետոմսերը գնել էր «Գազպրոմբանկ»-ի կողմից տրամադրված 115 միլիոն եվրոյի վարկի շնորհիվ։

Իսրայելը կարող է իր հատուկ նշանակության ուժերը ուղարկել Ֆորդոյի Իրանի միջուկային օբյեկտ, եթե ԱՄՆ-ն հրաժարվի հարվածել օբյեկտին, հաղորդում է Axios-ը։

Հրապարակման համաձայն, իսրայելցի պաշտոնյաները կարծում են, որ ԱՄՆ նախագահ Դոնալդ Թրամփը կորոշի հարվածի օգտին։ Միևնույն ժամանակ, նրանք պնդում են, որ նույնիսկ ինքնուրույն կարող են լուրջ վնաս հասցնել Ֆորդոյի օբյեկտին։

Խոսքը լեռան վրա գտնվող ստորգետնյա ուրանի հարստացման գործարանի մասին է, որը պաշտպանված է օդային հարձակումներից։

Axios-ը նշում է, որ Իսրայելի վարչապետ Բենիամին Նեթանյահուն և Վաշինգտոնում դեսպան Եչիել Լեյտերը վերջին հարցազրույցներում ակնարկել են, որ Իսրայելի պաշտպանության բանակն ունի ավիահարվածներից բացի այլ տարբերակներ։

Դրանցից մեկը, ըստ պարբերականի, ռիսկային հատուկ նշանակության ուժերի գործողությունն է։ Ըստ տեղեկությունների, իսրայելական հատուկ նշանակության ուժերը նման գործողություն արդեն իրականացրել են 2024 թվականի սեպտեմբերին, թեև ավելի փոքր մասշտաբով։ Մասնավորապես, զորքերը ոչնչացրել են Սիրիայում գտնվող ստորգետնյա հրթիռային գործարանը՝ այնտեղ տեղադրելով և պայթեցնելով պայթուցիկներ։

Այս պահին, երբ Իսրայելը լիովին վերահսկում է Իրանի օդային տարածքը և լուրջ հարված է հասցրել իրանական բանակին, հատուկ նշանակության ուժերի տարբերակը թվում է ոչ այնքան ծայրահեղ, որքան կարող էր լինել։

Ըստ ամերիկացի պաշտոնյայի՝ իսրայելցիները Թրամփի վարչակազմին ասել են, որ չնայած ռումբերը կարող են բավականաչափ խորը չթափանցել լեռը, «նրանք (իսրայելցիները) կարող են դա անել մարդկանց միջոցով»։

«Պիցցա Տաշիր» ՍՊԸ-ի կողմից Սննդամթերքի անվտանգության տեսչական մարմին ներկայացված դիմումի համաձայն՝ այս պահին վերահսկողություն է իրականացվում այդ կազմակերպությանը պատկանող բոլոր 30 հանրային սննդի կետերում:

«Պիցցա Տաշիր» ՍՊԸ-ի Երևանի Հյուսիսային պողոտա 18/77 հասցեում գործող մասնաճյուղում իրականացվող վերահսկողության ընթացքում ՍԱՏՄ սննդամթերքի անվտանգության վարչության տեսուչները հայտնաբերել են սահմանված սանիտարահիգիենիկ նորմերի անհամապատասխանություններ:

Այսպես՝

հանրային սննդի կառույցի առաստաղները կառուցված չեն եղել այնպես, որ կանխարգելվի կամ նվազեցվի կեղտի կուտակումը, գոլորշու խտացումը և մասնիկների թափվելու հնարավորությունը,

հատակի որոշ հատվածներ չեն ունեցել հարթ մակերես, չեն եղել նորոգ վիճակում,

Սննդամթերքի պահման դուռը և գույքի մի մասը չեն եղել նորոգ վիճակում, հեշտությամբ չեն մաքրվ ու ախտահանվել, և պատրաստված չեն եղել հարթ, մաքրվող, կոռոզիայի չենթարկվող նյութերից:

պատերը չեն ունցել հարթ մակերես, պատրաստված չեն եղել անջրանցիկ, չներծծող, լվացվող և ոչ թունավոր նյութերից:

Մասնաճյուղի արտադրական գործունեությունը կասեցվել է, սահմանվել է ժամկետ խախտումները վերացնելու համար:

Կասեցվել է նաև Էրեբունի 14 հասցեում գտնվող մասնաճյուղը:

Մերձավոր Արևելքում առնվազն տասը ամերիկյան ռազմական օբյեկտներ գտնվում են իրանական հրթիռային համակարգերի հասանելիության սահմաններում: Այս մասին են վկայում իրանական Tasnim լրատվական գործակալության կողմից հրապարակված ինֆոգրաֆիկան:

Ըստ դիագրամի, Բահրեյնի, Հորդանանի, Իրաքի, Կատարի, Սաուդյան Արաբիայի, Քուվեյթի, ԱՄԷ-ի, Օմանի, Սիրիայի և Թուրքիայի բազաները կարող են ենթարկվել հնարավոր հարձակման:

Հունիսի 19-ին ամերիկյան Wall Street Journal թերթը հաղորդել է, որ ԱՄՆ նախագահ Դոնալդ Թրամփը մասնավոր կերպով հաստատել է Իրանին հարձակվելու ծրագրերը:

Հունիսի 18-ի երեկոյան լրագրողների հետ զրույցի ժամանակ ամերիկացի առաջնորդն ասել է, որ չի ցանկանում միջամտել Մերձավոր Արևելքի հակամարտությանը, բայց Իրանը չի կարող ունենալ միջուկային զենք: Նրա խոսքով՝ իրանցի պաշտոնյաները ցանկանում են գալ Վաշինգտոն՝ հնարավոր բանակցությունները քննարկելու համար, բայց հանդիպման ժամանակն անցել է:

ԼՂ–ից բռնի տեղահանվածների Կեցության և այլ ծախսերը հոգալու համար նախատեսված 40 հազարական դրամ աջակցության ծրագրի շրջանակում այս ամիս իրականացվելիք վճարման գործընթացը նախատեսված է մեկնարկել երկուշաբթի օրվանից։ Այս մասին NEWS.am–ին հայտնում են ԱՍՄ նախարարությունը:

«Կառավարության վաղը կայանալիք նիստում նախատեսված է ՀՀ պետական բյուջեով 2025 թ. համար նախատեսված գումարից 3 մլրդ դրամը տեղափոխել 1-ին կիսամյակ՝ անհրաճեշտ վճարումներն ամբողջացնելու նպատակով։

Հիշեցնենք, որ բյուջեի այս վերաբաշխման անհրաժեշտությունն առաջացել է, քանի որ ՀՀ կառավարությունը, հաշվի առնելով ԼՂ-ից բռնի տեղահանված հայրենակիցների հետ տեղի ունեցող քննարկումներն ու հանդիպումները, ապրիլի 30–ին N 526-Լ որոշմամբ անցումային հնարավորություն ընձեռեց 40 հազար դրամ աջակցության շահառու չհանդիսացող 18-62 տարեկան և խոցելիություն չունեցող անձանց 2 ամիս ժամկետով ներառվել հաստատված որոշման շահառուների խմբում, որի արդյունքում նրանք ապրիլ ամսին ստացան 40 հազարական դրամ, ինչպես նաև կշարունակեն ստանալ մայիս ամսվա համար»,- նշված է հաղորդագրության մեջ:

Հայաստանի հետ սահմանակից Իգդիրի նահանգապետ Էրջան Թուրանն այցելել է Հայաստանի հետ սահմանի զորամասեր։

Նահանգապետը տեղում ուսումնասիրել է, թե ինչպես են իրականացվում Հայաստանի հետ սահմանի անվտանգության միջոցառումները։

«Հրապարակ» թերթը գրում է. «Չնայած պաշտոնապես հրաժարվում են գաղտնազերծել Թուրքիա կատարելիք այցի օրակարգը, Նիկոլ Փաշինյանն էլ երեկ չպարզաբանեց, թե ինչու է մեկնում մի երկիր, որի հետ մենք դիվանագիտական հարաբերություններ չունենք, սակայն անգամ ՔՊ թիմում են սկսել խոսել, որ Թուրքիայում հնարավոր է համաձայնություն կնքվի կամ նախնական փաստաթուղթ ստորագրվի խաղաղության վերաբերյալ։

Մի քանի օր է՝ փորձագիտական շրջանակներից բարձրաձայնում են, որ Ալիեւն էլ է մեկնում Թուրքիա, եւ Էրդողանի միջնորդությամբ կողմերը կարող են գալ համաձայնության՝ ստորագրել պայմանագիրը, ինչը կնշանակի բացառել երրորդ կողմի ռազմական ներկայությունը: Այսինքն՝ ռուսական 102-րդ ռազմաբազան կհանվի Հայաստանից:

Համաձայնագիրն ունենալու է նաեւ կից հավելված, որում ներառված են լինելու Ալիեւի մյուս բոլոր պահանջները, այդ թվում՝ 300 հազար ադրբեջանցիների՝ Հայաստան «վերադարձը»։

ԱՄՆ նախագահ Դոնալդ Թրամփը հայտարարել է, որ Իրանն «ընդամենը մի քանի շաբաթ հեռու է» միջուկային զենք մշակելուց, հաղորդում է CNN-ը։

«Ես կարծում եմ, որ նրանք կօգտագործեին դա», -նշել է նա։

Սակայն Թրամփի հայտարարությունը հակասում է հետախուզության եզրակացություններին։

ԱՄՆ Ազգային հետախուզության տնօրեն Թուլսի Գաբարդը մարտին վկայություն է տվել, որ ԱՄՆ հետախուզական համայնքը «շարունակում է հավատալ, որ Իրանը միջուկային զենք չի մշակում, և որ Իրանի գերագույն առաջնորդ Խամենեին չի թույլատրել միջուկային զենքի ծրագիր»։

Այս շաբաթվա սկզբին CNN-ը հաղորդել էր, որ ԱՄՆ հետախուզությունը գնահատում է, որ Իրանը չի մշակում միջուկային զենք և, ըստ գնահատականին ծանոթ չորս անձանց, միայն երեք տարվա ընթացքում կկարողանա միջուկային զենք արտադրել։

Քիչ առաջ տեղյակ դարձանք, որ Երևան քաղաքի ընդհանուր իրավասության քրեական դատարանը, ակնհայտորեն տեղի տալով իշխանության բացահայտ ճնշումներին, որոշել է կալանք կիրառել ազգային բարերար Տիար Սամվել Կարապետյանի նկատմամբ։

Խստորեն դատապարտելով ամոթալի այս վարքագիծը՝ գնահատում ենք այն որպես հարված ինչպես Հայաստանի Հանրապետության վարկին ու հեղինակությանը, այնպես և Հայոց Եկեղեցուն։

Մեր ամբողջական զորակցությունն ենք հայտնում Տիար Սամվել Կարապետյանին և Կարապետյան ընտանիքին՝ հայցելով Տիրոջ օգնականությունն ու պահպանությունը նրանց:

Մայր Աթոռ Սուրբ Էջմիածին