Թեհրանում Ռուսաստանի դեսպանատունը Ռուսաստանի քաղաքացիներին խորհուրդ է տվել ձեռնպահ մնալ Իրան մեկնելուց, քանի դեռ իրավիճակը տարածաշրջանում չի կարգավորվել Իսրայելի և Իրանի միջև հարաբերությունների վատթարացման ֆոնին։ Այս մասին ասվում է դեսպանատան Telegram-յան ալիքում։

«Իրանի շուրջ իրավիճակի սրման պատճառով ՌԴ դեսպանատունը խորհուրդ է տալիս Ռուսաստանի Դաշնության քաղաքացիներին՝ մինչև իրավիճակի կարգավորումը, ժամանակավորապես ձեռնպահ մնան Իրանի Իսլամական Հանրապետություն մեկնելուց»,- ասվում է դիվանագիտական ​​ներկայացուցչության հաղորդագրությունում։

Սեպտեմբերի 23-ին Իսրայելը հայտարարեց Լիբանանում «կանխարգելիչ հարձակողական գործողություն» սկսելու մասին։ Սեպտեմբերի 28-ին հայտնի դարձավ, որ Իսրայելն ավիահարվածով սպանել է Հեզբոլլահի առաջնորդ Հասան Նասրալլային։

Իրանում Նիկոլ նստած չէ, որ զիջի, այնտեղ պետականամետ գործիչներ են, եթե պատերազմի կարիք լինի, պայքարելու են իրենց երկրի համար։ Իրանի կողմից Իսրայելին հարվածելը զգուշացում էր նաև հարևան պետություններին՝ եթե հարվածում եմ ԱՄՆ դաշնակցին, կհարվածեմ նաև Ադրբեջանին, եթե իմ շահերին դեմ գործեն։ Այս մասին 24TV-ի «Հարցազրույց Հերմինե Միքայելյանի հետ» հաղորդման ժամանակ նման կարծիք հայտնեց ադրբեջանագետ Գառնիկ Դավթյանը։

«Բաքվի արտաքին քաղաքականությունը մշակվում է Փաշինյանի հետ համատեղ աշխատանքով, պլաններ են գծվում առաջիկա զիջումների մասին, այս ամենում ներգրավված է նաև Էրդողանը։ Էրդողանը Փաշինյանի կնքահայրն է, դա է պատճառը, որ Ադրբեջանի բոլոր պահանջները աստիճանաբար կատարվում են։ Փաշինյանը կարծում է՝ Էրդողանին կնքահայր կարգելով՝ իր աթոռը կարող է պահել հետագա տարիներին»,- ընդգծեց ադրբեջանագետը ՝ անդրադառնալով Բաքվի հետ առանց միջնորդ բանակցություններին։

Հերմինե Միքայելյան

Մանրամասները՝ տեսանյութում։

Ներկայացնում ենք տարադրամի փոխարժեքները՝ ըստ rate.am-ի:

ԱՄՆ դոլարի առքի առավելագույն արժեքն է 385 դրամ, վաճառքի նվազագույն արժեքը՝ 389.66 դրամ:

Եվրոյի առքի առավելագույն արժեքն է 422.61 դրամ, վաճառքի նվազագույն արժեքը՝ 434 դրամ:

Ռուսական ռուբլու առքի առավելագույն արժեքն է 3.98 դրամ, վաճառքի նվազագույն արժեքը՝ 4.29 դրամ:

Իրանի գերագույն առաջնորդ Այաթոլա Ալի Խամենեին X-ի միկրոբլոգում, Իսրայելի վրա իրանական հարվածների ֆոնին, գրառում է արել։ 

Նա մեջբերել է Ղուրանից հատված․ «Աստծո օգնությունն ու հաղթանակը մոտ են»։ 

Հիշեցնենք՝ Իսրայելի հրթիռակոծությունն իրականացվել է Իրանի գերագույն առաջնորդ այաթոլլա Ալի Խամենեիի հրամանով։ 

ՀՀԿ խոսնակ Էդուարդ Շարմազանովը գրում է․ «6 տարի առաջ Նիկոլը բացեց ոչ թե ԱԺ, այլ Հայաստանի դարպասները թշնամիների առաջ։

2018-ի հոկտեմբերի 2-ը ՀՀ նորագույն պատմության մեջ կմնա որպես ժողովրդավարության եւ ՀՀ ինքնիշխանության վրա հարձակման օր: 

Այդ օրը տեղի ունեցավ աննախադեպ հակաօրինական ճնշում եւ շանտաժ ՀՀ խորհրդարանը նկատմամբ: 

«Կամ ես կլինեմ վարչապետ, կամ Հայաստանը վարչապետ չի ունենա» շանտաժը երկրին պարտադրած, իշխանությունը զավթած անձը պաշարեց Ազգային ժողովը: 

Որեւէ միջազգային կառույց ու դեսպանատուն ծպտուն անգամ չհանեց։

Սա ՀՀ Սահմանադրության եւ օրենքի ոտնահարում էր, որի համար ուշ թե շուտ պատասխանատուները պետք է կանգնեն օրենքի առաջ: 

Հանրապետական մեծամասնություն ունեցող խորհրդարանը ճնշումների ներքո ցրվեց եւ ճանապարհ բացվեց Արցախի ադրբեջանացման ու Հայաստանի թրքացման համար։

Եվ Նիկոլը բերեց պատերազմ,պարտություն եւ աղետ։

Մինչդեռ 2018-ի հոկտեմբերին նա համոզում էր, թե Ազգային ժողովն է խանգարում, որպեսզի երկիրը զարգանա: 

Ժողովուրդը լսեց նրա ստերն ու բացեց Հայաստանի դարպասները ներսից՝ ներքին թշնամու ու թուրքի առաջ»։

«Հրապարակ» թերթը գրում է. «Դեռեւս Արցախի բլոկադայի վերջին ժամանակաշրջանում  Սամվել Բաբայանը հրապարակավ խոստովանեց, որ բանակցել է ադրբեջանական կողմի հետ, փոխանակվել են սկզբունքների փաթեթով, որպեսզի հնարավոր լիներ Արցախը պահել ադրբեջանական մանդատի ներքո։ Վերջերս նրան «պատին են դեմ տվել» արցախյան որոշ շրջանակներ՝ հետաքրքրվելով, թե ինչպես է ադրբեջանցիների հետ կապի դուրս եկել, ինչպես է բանակցել, որպես կանոն` ադրբեջանցիները պատահական մարդկանց չեն ընդունում։

Բաբայանը տվել է այն մարդու անունը, որն իր եւ ադրբեջանցի որոշ պաշտոնյաների միջեւ միջնորդի դեր է ստանձնել, փաստաթղթերն ինչ-որ պարբերականությամբ տարել է Կարմիր Շուկայի ադրբեջանական անցակետ, փոխանցել, ապա իրենցը վերցրել:

Խոսքն արցախցի Ռազմիկ Աղասյանի մասին է՝ միջին տարիքի մի տղամարդ, որի մասին շատ բան հայտնի չէ, սակայն կասկած չկա, որ նա երկարատեւ կապի մեջ է եղել ադրբեջանցիների հետ, հակառակ դեպքում նրան չէին վստահի։ Ստացվում է, որ Սարգիս Գալստյանի նկատմամբ ՀՀ իշխանությունները քրեական հետապնդումներ են իրականացնում լրտեսության մեղադրանքով, սակայն աչք են փակում մեկ այլ անձի` Բաբայանի միջնորդ Ռազմիկ Աղասյանի վրա։

Ի դեպ, պատմում են, որ ռուս խաղաղապահները հերթական փոխանակման ժամանակ բռնել են Ռազմիկ Աղասյանին եւ կոշտ զրույց ունեցել Արցախի այն ժամանակվա նախագահ Արայիկ Հարությունյանի հետ, թե` մեր թիկունքում սեպարատ բանակցում եք ադրբեջանցիների հետ, իսկ մեզնից անվտանգության ապահովում պահանջում»:

Առավել մանրամասն թերթի այսօրվա համարում

Հոկտեմբերի 2-ին՝ տեղական ժամանակով ժամը 03:38-ին (Գրինվիչի ժամանակով հոկտեմբերի 1-ին, ժամը 23։38-ին), ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 41․13⁰ և արևելյան երկայնության 43.98⁰ աշխարհագրական կոորդինատներով Հայաստան-Վրաստան սահմանային գոտի՝ Բավրա գյուղից 15 կմ արևելք, օջախի 10 կմ խորությամբ 3,7 մագնիտուդով երկրաշարժ:

Էպիկենտրոնային գոտում ստորգետնյա ցնցման ուժգնությունը կազմել է 5 բալ:

Երկրաշարժը զգացվել է Շիրակի մարզի մի շարք բնակավայրերում՝ 4-5 բալ ուժգնությամբ։

«Հրապարակ» թերթը գրում է. «Գրիգոր  Մինասյանի հրաժարականից րոպեներ անց իշխանական շրջանակներում տարբեր անուններ սկսեցին շրջանառել, թե ով կարող է փոխարինել նրան։ Թեկնածուներից մեկը Վլադիմիր Վարդանյանն է՝ ԱԺ պետաիրավական հարցերի մշտական հանձնաժողովի նախագահը, որի նշանակմանն են անգամ ՔՊ խմբակցությունում դեմ:

Երեկ կատակում էին՝ Վլադիմիրին նշանակեն, մի ստորագրահավաք էլ նրա դեմ կկազմակերպենք: Բանն այն է, որ Վարդանյանը, ըստ ՔՊ-ականների, նույնպես զտարյուն ՔՊ-ական չէ, իսկ հեղափոխության առաջամարտիկ Արփի Դավոյանն ասել է, որ Գրիգոր Մինասյանի փոխարեն պետք է ՔՊ թիմի ներկայացուցիչը նշանակվի նախարար։

Փաստաբան Տիգրան Եգորյանի թեկնածության մասին էին խոսում, ինչպես նաեւ՝ մարդու իրավունքների գործող պաշտպան Անահիտ Մանասյանի: Իհարկե, Մանասյանը թուղթութամասով ՔՊ-ական չէ, բայց հոգով-սրտով այդպիսին է։

ՔՊ-ում երեկ փակագծեր չէին բացում, միայն վստահեցնում էին, որ հաջորդ նախարարը կին է լինելու։

Ի դեպ, Մինասյանի հետ համակարգից կհեռանան նրա կադրերը, հատկապես՝ աղմկահարույց Պրոբացիայի ծառայության պետը, իսկ Քրեակատարողական ծառայության պետն արդեն ժամեր անց դիմումը ներկայացրեց»:

Առավել մանրամասն թերթի այսօրվա համարում

«Ժողովուրդ» օրաթերթ-ը գրում է. «2020 թվականին՝ «Քովիդի» շրջանում, ենթադրյալ չարաշահումների գործով հակակոռուպցիոն դատարանում սկսվել է վկաների հարցաքննության փուլը:

«Ժողովուրդ» օրաթերթին հասած տեղեկությունների համաձայն՝ առաջիկայում դատարան հարցաքննության կհրավիրվի առողջապահության նախարար Անահիտ Ավանեսյանը, ով այս չարաշահումների գործով վկայի կարգավիճակով մեկ անգամ արդեն հարցաքննվել է: Կորոնավիրուսի շրջանում ենթադրյալ չարաշահումների գործով անցնողները առողջապահության նախկին փոխնախարար Գեւորգ Սիմոնյանը եւ այլ անձինք են:

Ըստ հակակոռուպցիոն կոմիտեի՝ Սիմոնյանը, պատասխանատու լինելով պետական ֆինանսավորման բաշխման համար, քավոր-սանիկական կապ ունենալով «Մեդլայն» կլինիկայի տնօրենի հետ, բավարար վերահսկողություն չի իրականացրել, ինչի հետեւանքով Բաբկեն Շահումյանը հափշտակել է շուրջ 120 միլիոն դրամ։

Ըստ իրավապահների՝ պատասխանատուները բուժվողների վերաբերյալ «Մեդլայն կլինիկի» տրամադրած կեղծ տվյալները չեն համադրել բուժառուների փաստացի առողջական վիճակի հետ ու չեն արձանագրել անհամապատասխանությունները: 2020-2022 թվականներին առողջապահության փոխնախարարի պաշտոնը զբաղեցրած Գեւորգ Սիմոնյանը չի ընդունում իրեն առաջադրված մեղադրանքը։

Երեւանի փոխքաղաքապետը կալանքի տակ էր շուրջ երկու ամիս, որից հետո ազատ արձակվեց»։

Առավել մանրամասն թերթի այսօրվա համարում

ՄԱԿ-ի Անվտանգության խորհուրդը (ԱԽ) պետք է անհապաղ միջամտի, որպեսզի թույլ չտա մերձավորարևելյան հակամարտությունը վերածվի լայնածավալ տարածաշրջանային պատերազմի: Այս մասին ասված է ՄԱԿ-ում Իրանի մշտական ​​ներկայացուցիչ Ամիր Սաիդ Իրավանիի՝ Անվտանգության խորհրդի նախագահին եւ ՄԱԿ-ի գլխավոր քարտուղարին ուղղված նամակում։

«Իրանը վերահաստատում է Անվտանգության խորհրդին ուղղված իր կոչը՝ շտապ և վճռականորեն միջամտելու՝ դադարեցնելու Իսրայելի շարունակական ագրեսիան և պատերազմական հանցագործությունները Լիբանանի, Գազայի և Սիրիայի դեմ և թույլ չտալ իրավիճակի վերածումը լայնածավալ տարածաշրջանային պատերազմի», - ասվում է նամակում, որը իրանական դիվանագիտական ​​ներկայացուցչությունը փոխանցել է լրագրողներին։