Գործարար Սամվել Կարապետյանին տարել են Արմավիրի քրեակատարողական հիմնարկ, հայտնում են «Sputnik Արմենիա»-ի իրավապահ մարմինների աղբյուրները։
Հիշեցնենք՝ երեկ դատարանը 2 ամսով կալանավորեց «Տաշիր» ընկերությունների խմբի ղեկավարին՝ իշխանությունը զավթելու հրապարակային կոչ անելու մեղադրանքով։
Համեմատաբար վերջերս կառուցված բանտում պահում են և՛ բանտարկյալներին, և՛ դատապարտյալներին։
Անհետ կորած զինծառայողների հարազատները շարունակում են փակ պահել Բաղրամյան պողոտան, նրանք գիշերել են այնտեղ՝ պահանջելով չեղարկել ԱԱԾ տնօրեն Արմեն Աբազյանի պաշտոնանկության որոշումը:
Այժմ նրանք պահանջում են նաև, որ իրենց հետ հանդիպի ԱԱԾ տնօրենի ժամանակավոր պաշտոնակատար Անդրանիկ Սիմոնյանը:
Իրենց պահանջը փոխանցել են նաև ոստիկանության պետի տեղակալին Վարդան Վարդանյանին, որը եկել էր հանդիպելու նրանց հետ:
Արցախցիները բողոքի ակցիա են կազմակերպել Կառավարության շենքի դիմաց։ Կազմակերպիչներից Անաստաս Իսրայելյանը հայտնել էր պատաճառը՝ գրելով․ «Ինչպես գիտեք, կառավարությունը ամիսներ առաջ խոստացավ բարեփոխումներ անել բնակապահովման ծրագրում։
Սակայն մինչ այսօր արված փոփոխությունները չնչին են։ Այդ ամենին զուգահեռ դադարեցվել է նաև բնակվարձի փոխհատուցման ծրագիրը, ինչի հետևանքով շատերը կրկին կանգնել են փողոցում հայտնվելու վտանգի առաջ։
Սա ուղիղ ճանապարհ է դեպի նոր արտագաղթ։ Իսկ եթե սկսվի այդ գործընթացը, ապա կդադարի նաև մեր հավաքական հետ վերադարձի և մնացած բոլոր հիմնարար իրավունքների պահանջը։
Մենք այլևս ժամանակ ու հավատք չունենք նոր խոստումների կամ երկարաձգվող բանակցությունների համար։ Պետք է վճռական պահանջ ներկայացնենք իշխանություններին՝ շարունակել բնակվարձի փոխհատուցումը այնքան ժամանակ, քանի դեռ բնակապահովման համակարգում իրական, էական փոփոխություններ չեն արվել»։
Հետևելով այս կոչին արցախցիները հավաքվել են՝ բարձրացնելու իրենց ահանջը։
Կասեցվել է «Պիցցա Տաշիր» ՍՊԸ-ին պատկանող հանրային սննդի ևս 4 կետ։ Տեղեկությունը հայտնում է Սննդամթերքի անվտանգության տեսչական մարմինը։
Ավելի վաղ հայտնել էինք, որ տեսչական մարմինը վերահսկողություն է իրականացնում «Պիցցա Տաշիր» ՍՊԸ-ին պատկանող բոլոր 30 հանրային սննդի կետերում:
Ըստ ՍԱՏՄ հաղորդագրության` կասեցվել են «Պիցցա Տաշիր» ՍՊԸ-ի Վանաձոր քաղաքի Տիգրան Մեծի 44/6 հասցեում գործող մասնաճյուղի, Երևանի Էրեբունի 14 հասցեում գործող մասնաճյուղի, Երևանի Հյուսիսային պողոտա 18/77 հասցեում գործող մասնաճյուղի և Երևանի Հանրապետության 37 հասցեում գործող մասնաճյուղի արտադրական գործունեությունը։
Տեսչական մարմնի հաղորդագրության համաձայն արձանագրվել են սահմանված սանիտարահիգիենիկ նորմերի անհամապատասխանություններ:
✔️Հանրային սննդի կետի պատերը չեն ունեցել հարթ մակերես, պատրաստված չեն եղել անջրանցիկ, չներծծող, լվացվող, ախտահանվող և ոչ թունավոր նյութերից,
✔️ Առաստաղները կառուցված չեն եղել այնպես, որ կանխարգելվի կամ նվազեցվի կեղտի կուտակումը, գոլորշու խտացումը և մասնիկների թափվելու հնարավորությունը,
✔️ Սննդամթերքի հետ անմիջական շփման մեջ գտնվող աշխատանքային մակերևույթների մի մասը եղել է ոչ նորոգ, պատրաստված չի եղել հարթ, մաքրվող, կոռոզիայի չենթարկվող, ախտահանվող նյութերից։
Մասնաճյուղերի արտադրական գործունեությունը կասեցվել է, սահմանվել է ժամկետ խախտումները վերացնելու համար:
Հիշեցնենք, որ երեկ ևս ՍԱՏՄ կասեցրել է «Պիցցա Տաշիր» ՍՊԸ-ին պատկանող հանրային սննդի 2 կետի և «Տաշիր կաթ» ընկերության արտադրամասը գործունեությունը։
Հիշեցնենք` «Հայաստանի էլեկտրական ցանցեր» ՓԲԸ-ի սեփականատեր, հայտնի գործարար Սամվել Կարապետյանի տանը հունիսի 17-ին խուզարկություն իրականացվեց այն բանից հետո, երբ նա հրապարակավ աջակցություն հայտնեց Հայ առաքելական եկեղեցուն՝ ընդգծելով, որ մի փոքրիկ խմբակ, մոռանալով հայոց պատմությունը, հայ եկեղեցու հազարավոր տարիների պատմությունը, հարձակվել է հայ եկեղեցու վրա, հայ ժողովրդի վրա:
Կարապետյանի հայտարարությունից հետո ՀՀ վարչապետ Նիկոլ Փաշինյանը Սամվել Կարապետյանին ուղղված վիրավորական և սպառնալի գրառումներ արեց սոցցանցերում։
Երեկ կեսգիշերին Սամվել Կարապետյանին 2 ամսով կալանավորվեցին։
Ռուսաստանի և Իրանի միջև ռազմատեխնիկական համագործակցությունը միշտ եղել է միջազգային չափորոշիչների շրջանակներում։ Այս մասին ՌԴ նախագահ Վլադիմիր Պուտինն ասել է Սանկտ Պետերբուրգի միջազգային տնտեսական ֆորումի շրջանակներում միջազգային լրատվական գործակալությունների ղեկավարների հետ հանդիպման ժամանակ։
«Ինչ վերաբերում է առանձին մատակարարումներին, այո՛, իհարկե, մենք այդ մատակարարումները ժամանակին իրականացրել ենք։ Դա այսօրվա ճգնաժամի հետ որևէ կապ չունի։ Դրանք ռազմատեխնիկական համագործակցության շրջանակում կանոնավոր մատակարարումներ էին։ Իրանը մեզանից երբևէ չի պահանջել այնպիսի բան, որը կխախտեր Ռուսաստանի Դաշնության կողմից ստորագրված հայտնի նորմերը։ Մենք միշտ մնացել ենք միջազգային կարգավորման շրջանակներում», - ասել է ՌԴ առաջնորդը։
Հիշեցնենք` հունիսի 13-ին Իսրայելը լայնածավալ գործողություն է սկսել Իրանի դեմ՝ այդ երկրին մեղադրելով գաղտնի ռազմամիջուկային ծրագիր իրականացնելու մեջ, որն իբր մոտեցել է անդառնալիության կետին: Օդային ռմբակոծությունների և դիվերսիոն խմբերի թիրախներ են դարձել միջուկային օբյեկտները, զինված ուժերի հրամկազմը, միջուկային ֆիզիկոսները, ավիաբազաները, հակաօդային պաշտպանության միջոցները, «երկիր-երկիր» դասի հրթիռները:
Իրանը, որը հերքում է իր միջուկային ծրագրի ռազմական բաղադրիչը, պատասխանում է հրթիռային համազարկերով և հարվածային անօդաչու թռչող սարքերի արձակմամբ: Թեհրանում հարվածների թիրախ են նշում Իսրայելի ռազմական և ռազմարդյունաբերական օբյեկտները։ Երկու կողմից էլ աճում է բնակելի շինություններին ուղղված հարվածների և քաղաքացիական բնակչության շրջանում զոհերի թիվը։
Հայաստանի Հանրապետության տարածքում հունիսի 19-20-ին սպասվում է առանց տեղումների եղանակ։ Հունիսի 21-23-ին կեսօրից հետո, առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ Տեղեկությունը հայտնում է Հիդրոօդերևութաբանության և մոնիտորինգի կենտրոնը։
Մայրաքաղաքում հունիսի 19–ի ցերեկը կլինի 28-30 աստիճան տաքություն, իսկ երեկոյան ժամերին կգրանցվի +23...+25 աստիճան։
Ռուսական «Տաշիր» ընկերությունների խմբի սեփականատեր Սամվել Կարապետյանը 2025 թվականի հունիսի սկզբին արբիտրաժային վարույթ է սկսել Ֆրանսիայի դեմ՝ Ներդրումային վեճերի կարգավորման միջազգային կենտրոնում (ICSID, որը Համաշխարհային բանկի խմբի մաս է կազմում, գլխավոր գրասենյակը գտնվում է Վաշինգտոնում). այս մասին գրում է «Կոմերսանտ»-ը՝ հղում անելով համապատասխան տվյալների բազային։
Գործի նյութերը և պահանջների էությունը չեն նշվում, սակայն վեճի առարկան անշարժ գույքն է։ «Տաշիր» ընկերությունների խումբը և ICSID-ն չեն արձագանքել «Կոմերսանտ»-ի հարցմանը։
Ըստ աղբյուրի՝ դատական հայցը, հավանաբար, վերաբերում է գործարարի՝ Կոտ դ'Ազուրում (Լազուր ափ) կալանքի տակ գտնվող 120 միլիոն եվրո արժողությամբ վիլլային: Փաստաբանները կարծում են, որ գործարարի ներկայիս քրեական հետապնդումը Հայաստանում կարող է թուլացնել նրա դիրքերը դատարանում ֆրանսիական իշխանությունների դեմ:
Ավելի վաղ հաղորդվել էր, որ Ֆրանսիայում դատարանը սառեցրել է Կարապետյանի՝ Լազուր ափի Ռոքբրուն կապ Մարտեն հանգստավայրում գտնվող Irina Maria վիլլայի նկատմամբ սեփականության իրավունքը: Պաշտոնապես այն պատկանում է ռուսաստանաբնակ հայ գործարար Սամվել Կարապետյանին, սակայն Փարիզի դատախազությունը կարծում է, որ դրա իրական շահառուն ռուսական նավթագազային հսկայի՝ «Գազպրոմ»-ի դուստր ձեռնարկությունն է: Այս մասին, dw.com-ի փոխանցմամբ, գրել էր ֆրանսիական Le Monde թերթը։
Ինչպես նշում էր Le Monde-ը, վիլլան, որը տեղանքում հայտնի է Villa del Mare անունով, գտնվում է 3 հեկտար հողատարածքում: Այն, բացի բազմահարկ գլխավոր շենքից, ներառում է նաև երեք լողավազան, թենիսի կորտ և ուղղաթիռի հարթակ։ Այս գույքի ընդհանուր արժեքը գնահատվում է 120 միլիոն եվրո։
Վիլլայի սեփականության իրավունքը, ինչպես նաև սեփականատեր ընկերության՝ SNC Maritime Villa Holding-ի բաժնետոմսերը սառեցնելու հրամանը թվագրվում է 2024 թվականի փետրվարի 12-ով։
Ինչպես նշում էր AFP-ն, Irina Maria վիլլայի վերաբերյալ հետաքննությունը վարել է Փարիզի դատախազության՝ կազմակերպված հանցավորության դեմ պայքարի վարչությունը (Junalco)՝ 2009 թվականի դեկտեմբերի 11-ից Փարիզում, Կիպրոսում, Ռուսաստանում և Ռոկբրուն-Կապ Մարտինում կատարված փողերի լվացման փաստերով:
Նշվում էր, որ 2016 թվականին «Գազպրոմ Նեֆտ»-ը՝ «Գազպրոմ»-ի նավթային դուստր ձեռնարկությունը, վիլլան վաճառել է Սամվել Կարապետյանին։ Այնուամենայնիվ, Junalco-ի նախաքննության ընթացքում բազմաթիվ փաստեր են բացահայտվել, որոնք վկայում են այն մասին, որ վիլլան իրականում երբեք դուրս չի եկել «Գազպրոմ Նեֆտ»-ի վերահսկողությունից, հայտնում էր Le Monde-ը:
Լրագրողների կողմից վերլուծված փաստաթղթերի համաձայն՝ Սամվել Կարապետյանը «Գազպրոմ Նեֆտ»-ից անշարժ գույքի սեփականատեր հանդիսացող Maritime Villa Holding SNC ընկերության բաժնետոմսերը գնել էր «Գազպրոմբանկ»-ի կողմից տրամադրված 115 միլիոն եվրոյի վարկի շնորհիվ։
Իսրայելը կարող է հատուկ նշանակության ուժեր ուղարկել Իրանի միջուկային օբյեկտ, եթե ԱՄՆ-ն չհարվածի․ Axios
Հունիսի 19, 2025Իսրայելը կարող է իր հատուկ նշանակության ուժերը ուղարկել Ֆորդոյի Իրանի միջուկային օբյեկտ, եթե ԱՄՆ-ն հրաժարվի հարվածել օբյեկտին, հաղորդում է Axios-ը։
Հրապարակման համաձայն, իսրայելցի պաշտոնյաները կարծում են, որ ԱՄՆ նախագահ Դոնալդ Թրամփը կորոշի հարվածի օգտին։ Միևնույն ժամանակ, նրանք պնդում են, որ նույնիսկ ինքնուրույն կարող են լուրջ վնաս հասցնել Ֆորդոյի օբյեկտին։
Խոսքը լեռան վրա գտնվող ստորգետնյա ուրանի հարստացման գործարանի մասին է, որը պաշտպանված է օդային հարձակումներից։
Axios-ը նշում է, որ Իսրայելի վարչապետ Բենիամին Նեթանյահուն և Վաշինգտոնում դեսպան Եչիել Լեյտերը վերջին հարցազրույցներում ակնարկել են, որ Իսրայելի պաշտպանության բանակն ունի ավիահարվածներից բացի այլ տարբերակներ։
Դրանցից մեկը, ըստ պարբերականի, ռիսկային հատուկ նշանակության ուժերի գործողությունն է։ Ըստ տեղեկությունների, իսրայելական հատուկ նշանակության ուժերը նման գործողություն արդեն իրականացրել են 2024 թվականի սեպտեմբերին, թեև ավելի փոքր մասշտաբով։ Մասնավորապես, զորքերը ոչնչացրել են Սիրիայում գտնվող ստորգետնյա հրթիռային գործարանը՝ այնտեղ տեղադրելով և պայթեցնելով պայթուցիկներ։
Այս պահին, երբ Իսրայելը լիովին վերահսկում է Իրանի օդային տարածքը և լուրջ հարված է հասցրել իրանական բանակին, հատուկ նշանակության ուժերի տարբերակը թվում է ոչ այնքան ծայրահեղ, որքան կարող էր լինել։
Ըստ ամերիկացի պաշտոնյայի՝ իսրայելցիները Թրամփի վարչակազմին ասել են, որ չնայած ռումբերը կարող են բավականաչափ խորը չթափանցել լեռը, «նրանք (իսրայելցիները) կարող են դա անել մարդկանց միջոցով»։
Կասեցվել է «Պիցցա Տաշիր»-ին պատկանող հանրային սննդի կետերից ևս երկուսի արտադրական գործունեությունը
Հունիսի 19, 2025«Պիցցա Տաշիր» ՍՊԸ-ի կողմից Սննդամթերքի անվտանգության տեսչական մարմին ներկայացված դիմումի համաձայն՝ այս պահին վերահսկողություն է իրականացվում այդ կազմակերպությանը պատկանող բոլոր 30 հանրային սննդի կետերում:
«Պիցցա Տաշիր» ՍՊԸ-ի Երևանի Հյուսիսային պողոտա 18/77 հասցեում գործող մասնաճյուղում իրականացվող վերահսկողության ընթացքում ՍԱՏՄ սննդամթերքի անվտանգության վարչության տեսուչները հայտնաբերել են սահմանված սանիտարահիգիենիկ նորմերի անհամապատասխանություններ:
Այսպես՝
հանրային սննդի կառույցի առաստաղները կառուցված չեն եղել այնպես, որ կանխարգելվի կամ նվազեցվի կեղտի կուտակումը, գոլորշու խտացումը և մասնիկների թափվելու հնարավորությունը,
հատակի որոշ հատվածներ չեն ունեցել հարթ մակերես, չեն եղել նորոգ վիճակում,
Սննդամթերքի պահման դուռը և գույքի մի մասը չեն եղել նորոգ վիճակում, հեշտությամբ չեն մաքրվ ու ախտահանվել, և պատրաստված չեն եղել հարթ, մաքրվող, կոռոզիայի չենթարկվող նյութերից:
պատերը չեն ունցել հարթ մակերես, պատրաստված չեն եղել անջրանցիկ, չներծծող, լվացվող և ոչ թունավոր նյութերից:
Մասնաճյուղի արտադրական գործունեությունը կասեցվել է, սահմանվել է ժամկետ խախտումները վերացնելու համար:
Կասեցվել է նաև Էրեբունի 14 հասցեում գտնվող մասնաճյուղը:
Մերձավոր Արևելքում առնվազն տասը ամերիկյան ռազմական օբյեկտներ գտնվում են իրանական հրթիռային համակարգերի հասանելիության սահմաններում: Այս մասին են վկայում իրանական Tasnim լրատվական գործակալության կողմից հրապարակված ինֆոգրաֆիկան:
Ըստ դիագրամի, Բահրեյնի, Հորդանանի, Իրաքի, Կատարի, Սաուդյան Արաբիայի, Քուվեյթի, ԱՄԷ-ի, Օմանի, Սիրիայի և Թուրքիայի բազաները կարող են ենթարկվել հնարավոր հարձակման:
Հունիսի 19-ին ամերիկյան Wall Street Journal թերթը հաղորդել է, որ ԱՄՆ նախագահ Դոնալդ Թրամփը մասնավոր կերպով հաստատել է Իրանին հարձակվելու ծրագրերը:
Հունիսի 18-ի երեկոյան լրագրողների հետ զրույցի ժամանակ ամերիկացի առաջնորդն ասել է, որ չի ցանկանում միջամտել Մերձավոր Արևելքի հակամարտությանը, բայց Իրանը չի կարող ունենալ միջուկային զենք: Նրա խոսքով՝ իրանցի պաշտոնյաները ցանկանում են գալ Վաշինգտոն՝ հնարավոր բանակցությունները քննարկելու համար, բայց հանդիպման ժամանակն անցել է:
Ֆոտո
