Իրանի ատոմային էներգիայի կազմակերպության (ԻԱՕԻ) ղեկավար Մոհամմադ Էսլամին հայտարարել է, որ միջոցներ են ձեռնարկվել երկրի միջուկային գործունեության ցանկացած խափանում կանխելու համար, հաղորդում է Tasnim-ը։

Էսլամին դատապարտել է Իսրայելի և ԱՄՆ-ի ռազմական հարձակումները Իրանի խաղաղ միջուկային օբյեկտների վրա։

Նա ասել է, որ ԻԱՕԻ-ն ձեռնարկել է բոլոր անհրաժեշտ միջոցները և գնահատում է հարձակման ենթարկված վայրերում հասցված վնասը։

Իրանը նախապես մի շարք միջոցառումներ է ձեռնարկել միջուկային գործունեությունը վերականգնելու համար, ասել է Էսլամին՝ ընդգծելով միջուկային արդյունաբերության արտադրության և սպասարկման գործընթացում ցանկացած խափանում կանխելու համար մշակված ծրագրերը։

Իր հերթին, ԻԱՕԻ-ի խոսնակ Բեհրուզ Քամալվանդին IRIB-ին ասել է, որ Իրանի միջուկային արդյունաբերությունը խորն արմատներ ունի, և թշնամիները չեն կարողանա արմատախիլ անել այս տեխնոլոգիան։

Նա ընդգծել է, որ Իրանն ունի այն հնարավորությունները, որոնք միջուկային արդյունաբերության մեջ թույլ են տալիս նրան անընդհատ պահպանել առաջընթացը։

Իրանցի ռազմական առաջնորդների և գիտնականների սպանությունը լուրջ ցնցումներով է սպառնում զանգվածային ոչնչացման զենքի չտարածման ռեժիմին։ Այդ մասին հայտարարել է ՌԴ ԱԳ նախարար Սերգեյ Լավրովը։

ՌԴ ԱԳՆ ղեկավարը նաեւ նշել է, որ միջազգային իրավունքը չի խրախուսում ուժի կանխարգելիչ կիրառումը մի պետության նկատմամբ, որը չի հարձակվել։

ավրովը նաև անդրադարձել է Իրանի ու Իսրայելի միջեւ հրադադարին՝ նշելով, որ դեռ պետք չէ եզրակացություններ անել։ 

«Դժվար է հստակ պատկերացում կազմել այնտեղ տեղի ունեցող իրադարձությունների մասին։ Միևնույն ժամանակ, Ռուսաստանը ողջունում է ցանկացած համաձայնագիր, որը կհանգեցնի հրադադարի։ Եկեք չանենք որևէ շտապողական եզրակացություն՝ հիմնվելով կցկտուր տեղեկատվության վրա։ Բայց մենք խաղաղության կողմնակից ենք»,- ասե է նա։

Այսօրվանից մեկնարկել է ՀՀ պետական դպրոցներ առաջին դասարանցիների հայտագրման հիմնական փուլը՝ hayt.emis.am կայքի միջոցով։ Առաջին դասարանցիների հայտագրման գործընթացն այս փուլում իրականացվում է ընդհանուր հիմունքներով՝ հայերենով ուսուցում իրականացնող հանրակրթական ուսումնական հաստատությունների առաջին դասարան հաճախող բոլոր երեխաների համար։

Նշենք, որ այս տարի առաջին դասարան են հաճախելու 2019 թվականին ծնված երեխաները։ Հունիսի 24-ին` ժամը 15։30-ի դրությամբ, արդեն հայտագրվել է ավելի քան 8900 երեխա։ Նախորդ փուլը ներառյալ, որի ընթացքում հայտագրվել էին նույն դպրոց հաճախող երեխաների քույր-եղբայրները և տվյալ հաստատությունում աշխատողների երեխաները, առաջին դասարան հաճախելու համար արդեն հայտագրվել է շուրջ 18900 երեխա։

Հուլիսի 1-ից կմեկնարկի հայտագրման երրորդ փուլը, որը կիրականացվի haytru.emis.am համակարգի միջոցով՝ ծնողների ընտրությամբ ռուսերենով ուսուցմամբ դասարաններ հաճախող երեխաների համար։ Այս փուլը վերաբերում է այն դեպքերին, երբ ծնողներից մեկը օտարերկրյա քաղաքացի է կամ երկքաղաքացի կամ քաղաքացիություն չունեցող անձ (նրա օրինական ներկայացուցիչը) կամ ծնողներից մեկն ազգային փոքրամասնություն ներկայացնող ՀՀ քաղաքացի է: Հայտագրման համակարգը բաց կլինի և կգործի մինչև 2025-26 ուսումնական տարվա ավարտը։

Հիշեցնենք, որ 2025-2026 ուսումնական տարվանից սկսած՝ տվյալ ուսումնական տարում առաջին դասարան պետք է հաճախեն այն երեխաները, որոնց 6 տարին լրանում է մինչև տվյալ տարվա դեկտեմբերի 31-ը ներառյալ: Սահմանված ժամկետից ուշ հանրակրթության մեջ ընդգրկվող այն երեխաները, որոնց 7 և 8 տարին լրանում է մինչև տվյալ օրացուցային տարվա դեկտեմբերի 31-ը ներառյալ, պետք է ընդգրկվեն իրենց տարիքային խմբին համապատասխան դասարանում: Միաժամանակ ուժի մեջ է մտել ՀՀ ԿԳՄՍ նախարարի 1640-Ն հրամանով սահմանված՝ դպրոցների ընդունելության կարգի փոփոխությունը՝ https://tinyurl.com/3zubkjvv:

Ըստ փոփոխված կարգի՝ բոլոր այն երեխաները, որոնք գործող կարգի համաձայն՝ չէին կարող ուսումնառությունը սկսել 1-ին դասարանից, այլ պետք է սովորեին իրենց տարիքային խմբում, ծնողի դիմումի համաձայն՝ կարող են ներկայացվել կրթության առանձնահատուկ պայմանների գնահատման: Եթե երեխայի մոտ արձանագրվի մանկավարժահոգեբանական ծառայությունների 3-րդ և 4-րդ աստիճանի աջակցության կարիք, ապա երեխան կարող է ընդգրկվել իր տարիքային խմբից մեկ դասարան ցածր, այն է՝ 7 տարեկանը կարող է ընդգրկվել 1-ին դասարանում, 8 տարեկանը՝ 2-րդ դասարանում: Այս դեպքում երեխայի՝ հաստատություն ընդգրկվելն իրականացվում է ոչ թե էլեկտրոնային հայտագրմամբ, այլ հաստատության տնօրենին ծնողի ներկայացրած դիմումի հիման վրա, որի համաձայն՝ երեխան ընդունվում է երկրորդ դասարան, այնուհետև կրթության առանձնահատուկ պայմանների կարիքի գնահատման արդյունքներից ելնելով՝ կարող է տեղափոխվել 1-ին դասարան:

Նոր կարգի համաձայն՝ հստակեցվել են նաև ուսումնական հաստատություններ սովորողների ընդունելության, ուսումնական հաստատությունից այլ ուսումնական հաստատություն տեղափոխության ժամկետները և դեպքերը: ՀՀ տարածքում տվյալ ուսումնական տարվա ընթացքում դպրոցից դպրոց տեղափոխությունը, ինչպես նաև ուսումնական հաստատություն սովորողների ընդունելությունը կարող է իրականացվել մինչև տվյալ տարվա մայիսի 1-ը՝ բացառությամբ սովորողի բնակավայրի փոփոխության կամ արտերկրից տեղափոխության դեպքերի։ Հայտագրման գործընթացում առաջնահերթություններից օգտվող՝ սոցիալապես անապահով ճանաչված ընտանիքների երեխաներին վերաբերող կարգավորումները համապատասխանեցվել են գործող ձևակերպումներին։ Հստակեցվել են նաև առաջնահերթություն ունեցող շահառուների կողմից տրամադրվող փաստաթղթերի ներկայացման, դրանց հավաստիությունը ստուգելուն և ժամկետներին վերաբերող ընթացակարգերը:

ԱՄՆ դոլարի փոխարժեքն այսօր՝ հունիսի 24-ին, կազմել է 385.62 դրամ՝ նախորդ օրվա համեմատ նվազել է 0.46 դրամով: Այդ մասին տեղեկանում ենք Կենտրոնական բանկի պաշտոնական կայքից։

Եվրոյի փոխարժեքը կազմել է 447.28 դրամ (աճել  է 4.68 դրամով), իսկ ռուսական ռուբլու փոխարժեքը կազմել է 4.92  դրամ (մնացել է անփոփոխ):

Հայաստանյան բանկերում դոլարը գնվում է 382-384 դրամով, վաճառվում է 387.5-390 դրամով: Եվրոն բանկերում գնվում է 439-443 դրամով, վաճառվում է 451-454 դրամով:

Ռուբլին բանկերում գնվում է 4.73-4.85 դրամով, վաճառվում է 4.97-5.12 դրամով:

Փոխանակման կետերում իրավիճակը հետևյալն է. դոլարը գնվում է 384 դրամով, վաճառվում՝ 387.5 դրամով:

Եվրոն գնվում է 442 դրամով, վաճառվում է 447 դրամով:

Ռուբլին գնվում է 4.80 դրամով, վաճառվում է 4.90 դրամով:

ԱՄՆ դոլարի փոխարժեքն այսօր՝ հունիսի 24-ին, կազմել է 385.62 դրամ՝ նախորդ օրվա համեմատ նվազել է 0.46 դրամով: Այդ մասին տեղեկանում ենք Կենտրոնական բանկի պաշտոնական կայքից։

Եվրոյի փոխարժեքը կազմել է 447.28 դրամ (աճել  է 4.68 դրամով), իսկ ռուսական ռուբլու փոխարժեքը կազմել է 4.92  դրամ (մնացել է անփոփոխ):

Հայաստանյան բանկերում դոլարը գնվում է 382-384 դրամով, վաճառվում է 387.5-390 դրամով: Եվրոն բանկերում գնվում է 439-443 դրամով, վաճառվում է 451-454 դրամով:

Ռուբլին բանկերում գնվում է 4.73-4.85 դրամով, վաճառվում է 4.97-5.12 դրամով:

Փոխանակման կետերում իրավիճակը հետևյալն է. դոլարը գնվում է 384 դրամով, վաճառվում՝ 387.5 դրամով:

Եվրոն գնվում է 442 դրամով, վաճառվում է 447 դրամով:

Ռուբլին գնվում է 4.80 դրամով, վաճառվում է 4.90 դրամով:

ԵՄ-ի և Հայաստանի միջև վիզային ռեժիմի ազատականացման շուրջ երկխոսությունն ակտիվ փուլում է։ ԵՄ-Հայաստան քաղաքացիական հասարակության պլատֆորմի շրջանակներում կազմակերպված քննարկման ժամանակ  այս մասին հայտարարել է Հայաստանում ԵՄ դեսպան Վասիլիս Մարագոսը։  

«Սա համագործակցության նոր ուղղություններից է, որն ամրագրված է նաև ԵՄ-Հայաստան համապարփակ և ընդլայնված գործընկերության (CEPA) համաձայնագրում։

Շատ կարևոր է, որ անցյալ տարվա հուլիսին մենք որոշեցինք առաջ շարժվել այս երկխոսության ուղղությամբ։ Աշխատանքները շարունակվում են»,-նշել է Մարագոսը։

ԵՄ դեսպանը տեղեկացրել է, որ այս պահին իրականացվում է կոնկրետ աշխատանք Հայաստանի իշխանությունների հետ՝ վիզային ազատականացման գործողությունների ծրագրի նախապատրաստման ուղղությամբ։ Այդ ծրագիրը կոչված է ուղղորդելու ոլորտային բարեփոխումները։ 

Վարչապետ Նիկոլ Փաշինյանը հրապարակել է «ընդդիմության հեղաշրջման պլանը» և գրել․ «Այս պրոցեսը պատմության մեջ կմնա որպես «ստահակների ձախողված հեղաշրջում»»։

ՄԱԿ-ի գլխավոր քարտուղար Անտոնիո Գուտերեշը պարբերաբար չարաշահում է իր լիազորությունները։ Այս մասին հայտարարել է Ռուսաստանի արտաքին գործերի նախարար Սերգեյ Լավրովը, հաղորդում է ՏԱՍՍ-ը։

«ՄԱԿ-ի գլխավոր քարտուղար պարոն Գուտերեշի դիրքորոշումը չափազանց ցավալի է, ով պարբերաբար և բացահայտ չարաշահում է իր լիազորությունները՝ հրաժարվելով իրերը իրենց անուններով կոչել և նույնիսկ օգնել տարրական տեղեկատվություն ստանալու հարցում», - ասել է Ռուսաստանի արտաքին գործերի նախարարը։

Իսրայելի վարչապետ Բենիամին Նեթանյահուի գրասենյակը հայտնել է, որ Իսրայելի բանակը հարվածել էր Թեհրանի մոտակայքում գտնվող ռադարային կայանին՝ ի պատասխան հրադադարի ուժի մեջ մտնելուց հետո Իրանից արձակված երկու հրթիռային հարձակումների։

Հայտարարության մեջ ընդգծվում է, որ հարձակումը սահմանափակվել է այս թիրախով։

«ԱՄՆ նախագահ Դոնալդ Թրամփի և վարչապետ Նեթանյահուի միջև հեռախոսազրույցից հետո Իսրայելը ձեռնպահ կմնա հետագա հարվածներից»,- հայտնել է վարչապետի գրասենյակը։

Ավելի վաղ ԱՄՆ նախագահ Դոնալդ Թրամփն Իսրայելին զգուշացրել էր չհարվածել Իրանին, ինչը, նրա խոսքով, հրադադարի կոպիտ խախտում կլինի։