Ռուսաստանի և Ուկրաինայի միջև հաջորդ բանակցություններին կարող են մասնակցել Եվրամիության և ԱՄՆ-ի ներկայացուցիչները։ Այս մասին ճեպազրույցի ժամանակ հայտարարեց Եվրահանձնաժողովի խոսնակ Պաուլա Պինյոն։ Միջոցառման հեռարձակումը հասանելի է ԵՀ կայքում։

Ինչպես նշել է պաշտոնյան, մեկ օր առաջ ԱՄՆ նախագահ Դոնալդ Թրամփը մի շարք եվրոպացի առաջնորդների, այդ թվում՝ Եվրահանձնաժողովի ղեկավար Ուրսուլա ֆոն դեր Լեյենին, տեղեկացրել է Ռուսաստանի առաջնորդ Վլադիմիր Պուտինի հետ հեռախոսազրույցի մասին։ Պինյոն դա անվանեց «դրական» զարգացում։

Ավելի վաղ ԱՄՆ պետքարտուղար Մարկո Ռուբիոն հայտարարել էր, որ Ուկրաինայի հակամարտությունը շեղում է արևմտյան երկրների ուշադրությունը Ասիայում առկա ավելի լուրջ սպառնալիքներից։