ԱՄՆ նախագահ Դոնալդ Թրամփի օդանավն էմիրաթական կործանիչների ուղեկցությամբ ժամանել է Արաբական Միացյալ Էմիրությունների մայրաքաղաք Աբու Դաբի։ Այս մասին հայտնում է Աբու Դաբի հեռուստաալիքը։
Օդանավակայանում Թրամփին դիմավորել է ԱՄԷ նախագահ Մուհամմադ բին Զայիդ ալ-Նահյանը։
Թրամփին դիմավորել են ազգային երգ ու պարով։
Դիմավորման արարողությունից հետո երկու երկրների առաջնորդները զրույց են ունեցել, որից հետո օրակարգի համաձայն՝ Թրամփը մեկնել է Շեյխ Զայիդի մեծ մզկիթ։
Առաջիկա ժամերի ընթացքում դիմավորման պաշտոնական արարողություն տեղի կունենա Կասր ալ-Ուատան նախագահական պալատում։
Այցի ընթացքում Թրամփը ներկա կգտնվի ԱՄԷ-ԱՄՆ տնտեսական ֆորումին, որին կմասնակցեն երկու կողմերի բիզնես առաջնորդներ։
Թրամփն իր այցը կամփոփի պաշտոնական ընթրիքով, որին կմասնակցեն երկու կողմից հայտնի անձինք։
Սա ԱՄՆ նախագահի առաջին այցն է ԱՄԷ 17 տարվա ընթացքում, իսկ նախագահի պաշտոնում՝ ընդհանրապես առաջին այցը։ Ըստ էմիրաթական հեռուստաալիքի՝ այս այցելությունը հաստատում է Արաբական Միացյալ Էմիրությունների և Ամերիկայի Միացյալ Նահանգների միջև ռազմավարական գործընկերության խորությունը և արտացոլում է համատեղ հանձնառությունը՝ խթանելու խաղաղությունը, ամրապնդելու անվտանգությունն ու բարգավաճումը տարածաշրջանում։
Մայիսի 15-ին ԱՄԷ այցով Դոնալդ Թրամփը կավարտի իր մերձավորարևելյան շրջագայությունը, որը ներառել է այցելություններ նաև Սաուդյան Արաբիա և Կատար։
Latest from Live24
- Հայաստանի քաղաքացիները Ղազախստանում կկարողանան մնալ իրենց անձը հաստատող վկայականով
- Թրամփը կրկին զրպարտության մասին դատական հայց է ներկայացրել The New York Times-ի դեմ՝ պահանջելով 15 միլիարդ դոլար
- Չեռնոգորիան չեղարկելու է առանց մուտքի թույլտվության ռեժիմը նաև Հայաստանի քաղաքացիների համար
- Զելենսկին պատրաստ է բանակցել Պուտինի հետ, բայց՝ պայմանով․ Axios
- Ադրբեջանում բացահայտել են Ալիևի դեմ մшհափորձի և պետական հեղաշրջման ծրագրի ձախողման մանրամասները
- Թուրքիան պատրաստ է զբաղվել Ուկրաինայի վերականգնմամբ. Ֆիդան
- Թրամփը Զելենսկու հետ հանդիպումից առաջ մտադիր չէ Tomahawk հրթիռներ փոխանցել Ուկրաինային
- Քաղաքական ճգնաժամ Պերուում. Լիմայում արտակարգ դրություն է հայտարարվել
Լրահոս
Ֆոտո
