Երևանի Դեմիրճյան փողոցի էլիտար շենքի ստորգետնյա ավտոկայանատեղիում հայտնաբերվել է տղամարդու մարմին, ձեռքին էլ՝ ատրճանակ։ Այս մասին գրում է Armlur–ը։

«Կայանված «Mercedes»-ում՝ վարորդի նստատեղին, հայտնաբերվել է տղամարդու դի, քունքի շրջանում հրազենային վնասվածքով։ Նախնական տեղեկություններով՝ տղամարդը ավտոմեքենայի մեջ ատրճանակով ինքնասպան է եղել»,–գրում է կայքը։

Armlur.am-ի նախնական տվյալներով` ինքնասպան եղած անձը գործարար Կարեն Գասպարյանն է, որ առավել հայտնի է էլիտար շենքերի կառուցապատման ոլորտում։

Դեպքի վայրում քննիչները արձանագրել են, որ նշված կայանատեղիում, որտեղ գտել են գործարարի մարմինը, մի շարք թանկարժեք մեքենաներ կան, որոնք գրանցված են նրա անունով։ Իրավապահները այս պահին քննչական գործողություններ են իրականացնում։