Իսրայելի և պաղեստինյան ՀԱՄԱՍ շարժման միջև բանակցությունները դեռ չեն նշանակում պատերազմի ավարտ: Այդ մասին հայտարարել է ԱՄՆ պետքարտուղար Մարկո Ռուբիոն։

«ՀԱՄԱՍ-ի և Իսրայելի միջև շարունակվող բանակցությունները դեռ չեն նշանակում պատերազմի ավարտ, և Գազայի հատվածի կառավարման համար խմբի ստեղծումը որոշ ժամանակ կպահանջի: Բոլորը համաձայնեցին, ներառյալ Իսրայելը, որ, ի վերջո, խաղաղության խորհրդի նման միջազգային կոնսորցիումի օգնությամբ, աջակցությամբ և առաջնորդությամբ Գազայի հատվածը կկառավարվի Պաղեստինյան տեխնոկրատական խմբի կողմից, որը կապ չունի ՀԱՄԱՍ-ի հետ, ահաբեկչական չէ։ Անհնար է երեք օրում Գազայում ՀԱՄԱՍ-ի հետ կապ չունեցող կառավարման կառույց ստեղծել», – հայտարարել է ԱՄՆ պետքարտուղարը։

Հոկտեմբերի 7-ին Լուսինը կգտնվի Երկրի կենտրոնից ամենափոքր հեռավորության վրա, Երկրի բնակիչները կկարողանան դիտել գերլուսինը հոկտեմբերի 7-ին։

Հոկտեմբերի 8-ին Լուսինը Երկրի կենտրոնից կհեռացվի մինչև 360 հազար կմ, իսկ հոկտեմբերի 23-ին՝ 406 445 կմ հեռավորության վրա:

Սպասվող գերլուսինը ստացել է բերքի Լուսին անվանումը․ դա պայմանավորված է աշնանային բերքահավաքի ավանդույթով։ Նոյեմբերին դրան կհաջորդի որսորդական Լուսինը, իսկ դեկտեմբերին կփակվի սառը Լուսնով։

ԱՄՆ պետքարտուղար Մարկո Ռուբիոն մեկնաբանել է Գազայում պատերազմը դադարեցնելու շուրջ բանակցությունների ընթացքը.

«Հուսով եմ՝ շատ արագ կհասնենք համաձայնության: ՀԱՄԱՍ-ը, ըստ էության, համաձայնության է եկել այն հարցում, թե ինչ է տեղի ունենալու Գազայում պատերազմից հետո: ՀԱՄԱՍ-ի զինաթափման փուլը բարդ կլինի: Շուտով կիմանանք, թե որքան լուրջ են այդ շարժման մտադրությունները»,- ասել է նա։

Ավելի վաղ Թրամփը սոցկայքի իր էջում գրել էր, որ Իսրայելը համաձայնել է զորքերը վերադարձնել սկզբնական դիրքեր․ «Երբ ՀԱՄԱՍ-ը հաստատի սա, հրադադարն անմիջապես ուժի մեջ կմտնի, կսկսվի պատանդների և գերիների փոխանակումը»,- նշել էր նա:

Ռոբոտ փոշեկուլը հրդեհվել է Կուրսկի մարզի Շչիգրովսկի շրջանի Ռոժդեստվենսկոյե գյուղի մասնավոր տանը:

Հրդեհը տեղի է ունեցել հոկտեմբերի 2-ին։ Արտակարգ իրավիճակների աշխատակիցները դեպքի վայր են ժամանել և մարել հրդեհը։

Հրդեհային անվտանգության աշխատակիցները պարզել են, որ հրդեհի նախնական պատճառը ռոբոտ փոշեկուլի աշխատանքի հետ կապված խափանումն է եղել:

Baza Telegram ալիքը հաղորդում է, որ հրդեհված փոշեկուլը Tefal ընկերության արտադրության է։ Բնակարանատերերն այն օգտագործել են մի քանի տարի։ Հրդեհի պահին այն լիցքավորվելիս է եղել:

Երիտասարդներ /մարզական սամբո/

Սիմոնյան Ռոբերտ - 58կգ Ոսկի

Օհանյան Մհեր - 71կգ Բրոնզ

Սարուխանյան Սեյրան - 88կգ Արծաթ

Երիտասարդներ /մարտական սամբո/ 

Գրիգորյան Տիգրան - 58կգ Բրոնզ 

Համբարձումյան Վադիս - 71կգ Բրոնզ 

Սաֆարյան Արմեն - 79կգ Արծաթ

Նշենք, որ ոսկե մեդալ նվաճած Ռոբերտ Սիմոնյան աշխարհի չեմպիոն էր դարձել նաև 2022 թվականին։

Իրանի խորհրդարանը հավանություն է տվել ազգային արժույթի դենոմինացիային։ Այս մասին հայտնում են տեղական լրատվամիջոցները։

Նախագիծը ենթադրում է թղթադրամներից 4 զրոների հեռացում։ Այսպիսով, օրինակ, 10 000 ռիալ թղթադրամը կդառնա 1 ռիալ։

Դրա համար սահմանվել է եռամյա անցումային շրջան։ Իրանում դենոմինացիայի ծրագիրն արդեն երկար տարիներ քննարկվում է բարձր գնաճի եւ ռիալի արժեզրկման ֆոնին։

«Կրասնոդարի» պաշտպան Ժուբալը «Матч ТВ»-ի հետ զրույցում վստահություն է հայտնել, որ թիմի ավագ Էդուարդ Սպերցյանը «Ախմատի» ֆուտբոլիստ Ուսման Նդոնգի հասցեին ռասիստական արտահայտություններ չի արել։ Այս մասին գրում է ArmSport.am-ը։

Շաբաթ օրը «Ախմատը» արտագնա խաղում 0:2 հաշվով պարտվել է «Կրասնոդարին» Ռուսաստանի Պրեմիեր-լիգայի (ՌՊԼ) 11-րդ տուրի շրջանակում։ 85-րդ րոպեին Նդոնգը կարմիր քարտ է ստացել՝ Սպերցյանին ուսով հարվածելու համար։ Խաղից հետո Նդոնգը «Матч ТВ»-ին ասել է, որ Սպերցյանը իրեն վիրավորել է ռասիստական արտահայտությամբ, ինչի հետևանքով ինքը չի զսպվել և հարվածել է։

Իսկ հայ կիսապաշտպանը հայտնել է, որ Նդոնգն է վիրավորել իր մորը, մինչդեռ ինքն իր հերթին որևէ անպարկեշտ խոսք չի ասել սենեգալցուն։ 

-Պատրա՞ստ էիք կռիվ սկսելու, եթե հարկ լիներ:

-Պատրաստ էի կանգնել թիմիս կողքին։ Այն, ինչ տեղի ունեցավ, անհարմար իրավիճակ էր։ Էդուարդը լավ ավագ է, վստահ եմ՝ նա ոչ մի վատ արտահայտություն չի արել մրցակցի ֆուտբոլիստի հասցեին,-ասել է Ժուբալը։

Որոշ արաբական և իսլամական երկրների արտաքին գործերի նախարարներ կոչ են արել բանակցություններ սկսել Գազայի կառավարումը ՀԱՄԱՍ-ից անցումային կոմիտեին փոխանցելու համար։ «Արմենպրես»-ի հաղորդմամբ՝ այս մասին նշվում է «ՌԻԱ Նովոստի»-ի ստացած համապատասխան հայտարարության մեջ։

«Արտաքին գործերի նախարարները ողջունում են ՀԱՄԱՍ-ի պատրաստակամությունը Գազայի կառավարումը հանձնել անկախ տեխնոկրատներից կազմված Պաղեստինյան ինքնավարության անցումային կոմիտեին։ Նրանք ընդգծել են առաջարկի իրականացման մեխանիզմի շուրջ համաձայնության հասնելու և դրա բոլոր ասպեկտները քննարկելու համար անհապաղ բանակցություններ սկսելու անհրաժեշտությունը», - ասվում է հայտարարության մեջ։ 

Նշվում է, որ Թուրքիայի, Հորդանանի, ԱՄԷ-ի, Ինդոնեզիայի, Պակիստանի, Սաուդյան Արաբիայի, Կատարի և Եգիպտոսի արտաքին գործերի նախարարները ողջունել են ԱՄՆ նախագահի կոչը Իսրայելին՝ դադարեցնելու Գազայի վրա հարձակումները, և նշել, որ նման զարգացումը «իրական հնարավորություն է ներկայացնում համապարփակ, կայուն հրադադարի հասնելու և Գազայի բնակիչների համար կարևորագույն մարդասիրական պայմանները բարելավելու համար։

Հոկտեմբերի 4-ին Իսրայելի կառավարության աղբյուրը «ՌԻԱ Նովոստի»-ին հայտնել է, որ ավելի վաղ պաղեստինյան ՀԱՄԱՍ շարժումը հայտարարել է Թրամփի ծրագրի համաձայն՝ բոլոր ողջ իսրայելացի պատանդներին ազատ արձակելու և մահացածների մարմինները հանձնելու պատրաստակամության մասին: 

Անցած գիշեր Ուկրաինան կրկին ենթարկվել է Ռուսաստանի համակարգային հարձակմանը՝ ավելի քան 50 հրթիռների և գրեթե 500 հարձակողական անօդաչու թռչող սարքերի օգտագործմամբ։ «Արմենպրես»-ի հաղորդմամբ՝ այս մասին «Ֆեյսբուք»-ի իր էջում գրել է Ուկրաինայի նախագահ Վլադիմիր Զելենսկին՝ մանրամասնելով, որ հարվածներ են հասցվել Լվովի, Իվանո-Ֆրանկովսկի, Զապորոժիեի, Չեռնիգովի, Սումիի, Խարկովի, Խերսոնի և Օդեսայի մարզերի բնակավայրերին։ 

«Այս պահին հայտնի է, որ հարձակման հետևանքով վիրավորվել է տասը մարդ։ Ցավոք, հինգ մարդ զոհվել է»,- ասված է գրառման մեջ։

Ռուսական ՏԱՍՍ գործակալության տվյալներով էլ՝ Ուկրաինայի զինված ուժերի անձնակազմը վերջին 24 ժամվա ընթացքում հարձակումներ է իրականացրել Բելգորոդի մարզի բնակավայրերի վրա՝ օգտագործելով ավելի քան 140 անօդաչու թռչող սարք։

 Նահանգապետ Վյաչեսլավ Գլադկովի տեղեկատվությամբ՝ Բելգորոդը հարձակման է ենթարկվել 33 անօդաչու թռչող սարքով, որոնցից 30-ը խփվել է: Նշվում է, որ առևտրային օբյեկտի վրա անօդաչու թռչող սարքի հարձակման հետևանքով վիրավորվել է ամուսնական զույգ:

 «Տղամարդը հոսպիտալացվել է մարզային կլինիկական հիվանդանոցում, իսկ կինը դուրս է գրվել ամբուլատոր բուժման համար», - գրել է նահանգապետը՝ հավելելով, որ վնասվել են չորս բազմաբնակարան շենքերի ինը բնակարաններ և մեկ առանձնատուն։

Նահանգապետի խոսքով՝ Շեբեկինոյում մի տղամարդ կանգնել է պայթուցիկ սարքի վրա և ծանր վիճակում հոսպիտալացվել է տարածաշրջանային կլինիկական հիվանդանոց։