Ռուսաստանի պաշտպանության նախարար Անդրեյ Բելոուսովը և Թուրքիայի  պաշտպանության նախարար Յաշար Գյուլերը հեռախոսազրույց են ունեցել և քննարկել Իրան- Իսրայել հակամարտությունը։

Ինչպես հաղորդում է «ՏԱՍՍ»-ը, այս մասին հայտնում է Թուրքիայի պաշտպանության նախարարությունը։

«Հունիսի 17-ին հեռախոսազրույց է տեղի ունեցել Թուրքիայի ազգային պաշտպանության նախարար Յաշար Գյուլերի և Ռուսաստանի պաշտպանության նախարար Անդրեյ Բելոուսովի միջև։ Կարծիքների փոխանակում է տեղի ունեցել երկկողմ և տարածաշրջանային պաշտպանության և անվտանգության հարցերի, մասնավորապես՝ Իրանի և Իսրայելի միջև հակամարտության վերաբերյալ», – ասվում է նախարարության հաղորդագրության մեջ։

Թուրքիայի զինված ուժերը մարտական ​​պատրաստության են բերվել արևելյան սահմանին և հսկում են օդային տարածքը։ Լուրը հայտնում են թուրքական լրատվամիջոցները։

Իրանի նախկին նախագահ Մահմուդ Ահմադինեժադի սպանության մասին հաղորդագրությունները հավաստի չեն:

Այս մասին հաղորդում է IRNA-ն` հղում անելով նախկին նախագահի գրասենյակին:

«Որտե՞ղ ենք մենք հարվածել մինչ այժմ»: 

Իրանը հրապարակել է Իսրայելում խոցված թիրախների ցանկը

1. Հադերա էլեկտրակայան - Իսրայելի ամենամեծ էլեկտրակայաններից մեկը Թել Ավիվի հյուսիսում։

2. Կիրիա բազա- Իսրայելի բանակի գլխավոր շտաբ (զինվորական հրամանատարություն)։

3. Հայֆայի նավթի պահեստ - Հյուսիսային Իսրայելի վառելիքի և էներգիայի պահեստավորման հիմնական կենտրոն, հատկապես կարևոր է ավիացիայի և տրանսպորտի համար։

4. Հայֆայի էլեկտրակայան - Էներգետիկ ենթակառուցվածք, որը անջատում է էլեկտրաէներգիան հյուսիսային Իսրայելում։

5. Նևատիմի ավիաբազա - Ռազմական ավիաբազա, որտեղ տեղակայված են F-35-ներ հարավային Իսրայելում։

6. Ուվդա ավիաբազա - Հրամանատարության, վերահսկողության և էլեկտրոնային ռազմական գործողությունների կենտրոն։

7. Թել Նոֆ ավիաբազա - Իսրայելի ռազմավարական ռազմական ավիաբազա։

8. Ջալիլի ավիաբազա - Ռազմական բազա հյուսիսային Իսրայելում։

9. Հայֆայի նավահանգստի ենթակառուցվածքներ - Իսրայելի նավթային և ծովային տերմինալներն ու բազաները։

10. Վեյցմանի գիտական ​​կենտրոն - Իսրայելի ամենակարևոր հետազոտական ​​կենտրոններից մեկը։

11. Կիրյաթ Գատ արդյունաբերական քաղաք - Տեխնոլոգիաների և արդյունաբերության կենտրոն, ներառյալ կիսահաղորդչային գործարանները։

12. Իսրայելի պաշտպանության նախարարություն - Հրամանատարության և ռազմավարական ռազմական պլանավորման հիմնական կենտրոն։

13. Իսրայելի միջուկային հետազոտությունների կենտրոն - Ռազմավարական գոտի Թել Ավիվի տարածքում։

14. «Ռաֆայել» ընկերություն Հայֆայում - Իսրայելին կենսականորեն կարևոր պաշտպանական համակարգերի մատակարար։

15. Բազան 8200 - Իսրայելի կիբերգործողությունների և հեռախոսազրույցների գաղտնալսման կենտրոն։

16. Մոսադի գլխավոր գրասենյակ - Սիոնիստական ​​ռեժիմի հետախուզական ծառայությունը։

Երեկ՝ հունիսի 16-ին, ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Շենգավիթի բաժնի ծառայողները՝ բաժնի պետ Արթուր Մկրտչյանի, բաժնի պետի տեղակալ Արծրուն Միքայելյանի գլխավորությամբ, ստացված օպերատիվ տվյալներն իրացնելով, իրականացրել են հատուկ օպերացիա, որը կրել է «Էվրիկա չհայտնաբերեցիք» անունը։

Ինչպես հայտնում է Shamshyan. com-ը, ոստիկանության Շենգավիթի բաժնում հերթական օպերատիվ տեղեկություններն էր ստացվել, որ Շենգավիթ վարչական շրջանում՝ Եղիշե Թադևոսյան փողոցում գործող հանրահայտ «Էվրիկա» սուպերմարկետում առանձնապես խոշոր չափի գումարի ապրանքներ են գողացել։

Շենգավիթի ոստիկանները տաք հետքերով պարզել են ենթադրյալ կասկածյալների ինքնությունը ու արդեն ժամերի ընթացքում նշված անձինք հայտնաբերվել են գողություն կատարելու կասկածանքով և տեղափոխվել ոստիկանության Շենգավիթի բաժին։

Լրատվամիջոցի տեղեկություններով՝ նշված անձինք են Գեղարքունիքի մարզի բնակիչներ 18-ամյա Էդմոն Մ.-ն, 18-ամյա Քաջիկ Ղ.-ն, ովքեր կասկածվում են այս տարվա մարտի 15-ից մինչև հունիսի 11-ն ընկած ժամանակահատվածում նշված սուպերմարկետի պահեստային հատվածից մոտ 3 մլն 400 հազար ՀՀ դրամ արժողությամբ տարբեր տեսակի ծխախոտներ գողանալու մեջ։

Ինչպես նշում է կայքը՝ նշված անձինք աշխատում են նշված սուպերմարկետում։

Իրանի դեմ Իսրայելի ռազմական գործողությունները հանգեցրել են անջատողական քրդական խմբավորումների ակտիվացմանը։ Էրբիլում գտնվող Քրդստանի ազատության կուսակցության (PAK) առաջնորդ Հուսեյն Յազդանպանան հայտարարել է, որ աջակցում է Իսրայելի հարվածներին։ 

«Մենք պատրաստ ենք մասնակցել Իրանի վրա հարձակմանը, կանենք անհրաժեշտ ամեն ինչ տարածաշրջանում մեր սեփական հեղինակությունը հաստատելու համար»,- ընդգծել է նա։

Էրբիլում կուսակցության անունից տարածված հայտարարության մեջ ասվում է, որ անցած տարվա ընթացքում կազմակերպությունը սկսել է վերակազմավորել իր գործունեությունը և կատարել կառուցվածքային փոփոխություններ

«Մենք երբեք չենք հրաժարվի մեր քրդական ինքնությունից և իրավունքներից, մենք կշարունակենք պայքարը և կանենք այն ամենը, ինչ հնարավոր է», - ասվում է հայտարարության մեջ։

#ՇՏԱՊ հաղորդագրություն Իրանի զինված ուժերի շտաբի պետ, գեներալ-մայոր Մուսավիից.

Մինչ այժմ իրականացված գործողությունները նախազգուշացում են եղել զսպման համար, և շուտով կիրականացվեն պատժիչ գործողություններ։

Օկուպացված տարածքների, մասնավորապես Թել Ավիվի և Հայֆայի բնակիչներին զգուշացվում է լքել այդ տարածքները՝ իրենց կյանքը փրկելու համար։

ՀՀ վարչապետ Նիկոլ Փաշինյանը ֆեյսբուքյան իր էջում գրել է. «Բա միջամտի, արա՛, ի՞նչ ես չուլանում պախկվել»։

 Նիկոլ Փաշինյան

Իրանի նախկին նախագահ Մահմուդ Ահմադինեժադը սպանվել է։ Այս մասին հաղորդում են իրանական լրատվամիջոցները։

Հստակեցվում է, որ նախկին քաղաքական գործիչը սպանվել է փողոցում տեղի ունեցած կրակոցների հետևանքով։

Իսրայելին աջակցելու մասին Մեծ յոթնյակի (G7) ղեկավարների հայտարարությունից հետո Իրանը G7-ի երկրներին կոչ է արել հրաժարվել իրենց «միակողմանի» հռետորաբանությունից։ Այս մասին X սոցիալական հարթակում հայտարարել է Իրանի արտաքին գործերի նախարարության պաշտոնական ներկայացուցիչ Էսմայիլ Բաղային։

«G7-ի առաջնորդների հայտարարությունը բացահայտորեն անտեսել է Իսրայելի կողմից Իրանի դեմ ուղղված կոպիտ ագրեսիան, մեր խաղաղ միջուկային ենթակառուցվածքների վրա անօրինական հարձակումները, ինչպես նաև բնակելի տարածքների անխտիր թիրախավորումը և մեր քաղաքացիների սպանությունը» , – նշել է Բաղային։

Նա նաև ընդգծել է, որ Մեծ յոթնյակի անդամ պետությունները, մասնավորապես՝ ՄԱԿ-ի Անվտանգության խորհրդի երեք մշտական ​​անդամները, պետք է «ընդունեն իրենց իրավական և բարոյական պատասխանատվությունը ՄԱԿ-ի անդամի դեմ ուղղված ագրեսիայի կոպիտ գործողության համար»։

«Իսրայելը չհրահրված ագրեսիվ պատերազմ է սկսել Իրանի դեմ և հարձակվել է Իրանի միջուկային կայանների վրա՝ խախտելով ՄԱԿ-ի կանոնադրության 2(4) հոդվածը և խախտելով խաղաղ միջուկային օբյեկտների դեմ ուժի կիրառման արգելքը», – հավելել է նա։

Բաղայիի խոսքով՝ հարյուրավոր անմեղ մարդիկ են զոհվել, դաժանորեն ավերվել են հանրային և պետական ​​կառույցները, մարդկանց տները, թիրախավորվել են հիվանդանոցներն ու առողջապահական կենտրոնները։

Բաղային գրառման մեջ նաև շեշտել է, որ տարածաշրջանային կայունության ուղին պահանջում է Իսրայելի ագրեսիայի անհապաղ դադարեցում և միջազգային իրավունքի խախտումների համար պատասխանատվություն։

«G7-ը պետք է հրաժարվի իր միակողմանի հռետորաբանությունից և անդրադառնա էսկալացման իրական աղբյուրին՝ Իսրայելի ագրեսիային», – եզրափակել է Բաղային։

Մեծ Յոթնյակի երկրների ղեկավարները Կանադայում անցկացված գագաթնաժողովի ընթացքում իրենց աջակցությունն են հայտնել Իսրայելի ինքնապաշտպանության իրավունքին և Իսրայելի անվտանգությանն ու նշել, որ «իրանական ճգնաժամի» կարգավորումը պետք է հանգեցնի լարվածության թուլացման Մերձավոր Արևելքում։