ԱՄՆ-ը Մերձավոր Արևելք է ուղարկել իր երրորդ՝ ամենաժամանակակից «Ջերալդ Ֆորդ» ավիակիրը:
Սա ԱՄՆ ռազմածովային ուժերի ամենաժամանակակից ավիակիրն է։ Այն նախատեսվում էր ուղարկել ԱՄՆ բանակի Եվրոպական հրամանատարություն, սակայն, ամենայն հավանականությամբ, կտեղափոխվի Միջերկրական ծովի արևելք՝ Իսրայելի և Իրանի միջև պատերազմի պատճառով։
Ավելի վաղ ԱՄՆ-ն Միջերկրական ծով էր ուղարկել «Նիմից» ավիակիրը՝ միանալով տարածաշրջանում արդեն իսկ նավարկող «Կարլ Վինսոն» ավիակիրին։
Իրանն առաջին անգամ մարտական գործողությունների մեջ արձակել է «Սաջիլ» միջին հեռահարության հրթիռ. #Tasnim
Հունիսի 18, 2025ԻՀՊԿ-ն հայտարարում է, որ Իրանն առաջին անգամ մարտական գործողությունների մեջ արձակել է «Սաջիլ» միջին հեռահարության հրթիռ: Այս մասին գրում է Tasnim-ը:
«Սաջիլ»-ը երկաստիճան, հեռահար, գերծանր պինդ վառելիքով հրթիռ է։
Կրեմլը հստակեցրել է. ԱՄՆ նախագահ Դոնալդ Թրամփը երեկ չի խոսել ՌԴ նախագահ Վլադիմիր Պուտինի հետ։
Պուտինի հետ երեկվա զրույցի մասին Թրամփի հայտարարությունը պատկերավոր է, հայտարարել է ՌԴ նախագահի մամուլի քարտուղար Դմիտրի Պեսկովը:
Իրանից Իսրայելի ուղղությամբ արձակված տարբեր հրթիռների ուշագրավ կադրեր։
Հրեական լրատվամիջոցների հաղորդմամբ՝ Իսրայելում դեռ իսկապես չգիտեն, թե ինչ է Իրանը արձակել։
Իսրայելական Arrow հակահրթիռային պաշտպանության համակարգերի համար հրթիռները սպառվում են. WSJ
Հունիսի 18, 2025Իսրայելում սպառվում են Arrow հակահրթիռային պաշտպանության համակարգերի համար նախատեսված որսացող հրթիռների պաշարները, հայտնել է The Wall Street Journal-ը՝ վկայակոչելով անանուն ամերիկացի պաշտոնյայի:
Թերթը նշել է, որ դա մտահոգություններ է առաջացրել Իրանից արձակվող բալիստիկ հրթիռներին Իսրայելի հակազդման կարողության առիթով, եթե երկու երկրի միջև հակամարտությունը շուտով չկարգավորվի։
Աղբյուրի խոսքով՝ ԱՄՆ իշխանությունները վերջին մի քանի ամիսների ընթացքում տեղյակ են եղել պաշարների հետ կապված խնդիրներին, և Վաշինգտոնն իր համակարգերով ուժեղացնում էր Իսրայելի պաշտպանությունը ցամաքում, ծովում և օդում:
«Հունիսին հակամարտության սրումից ի վեր Պենտագոնը մեծ քանակությամբ հակահրթիռային պաշտպանության միջոցներ է ուղարկել տարածաշրջան, և այժմ մտավախություն է առաջացնում նաև ԱՄՆ-ում որսիչների պաշարների չափազանց արագ սպառումը»,- գրել է պարբերականը:
Իսրայելական Arrow հակահրթիռային համալիրը ստեղծվել է ԱՄՆ հակահրթիռային պաշտպանության գործակալության հետ համագործակցությամբ և իսրայելական հակահրթիռային պաշտպանության համակարգի մասն է:
ՀՀ վարչապետ Նիկոլ Փաշինյանը հունիսի 20-ին աշխատանքային այցով կմեկնի Թուրքիա, հայտարարել է Թուրքիայի նախագահի հաղորդակցության վարչության պետ Ֆահրեթթին Ալթունը։
Նրա խոսքով՝ Թուրքիայի նախագահ Ռեջեփ Թայիփ Էրդողանը Ստամբուլում կընդունի վարչապետ Փաշինյանին։
Իրանի արտաքին գործերի նախարար Սեյեդ Աբբաս Արաղչին հերքել է տեղեկատվությունը, թե իրանական կողմի բանակցային պատվիրակությունը ժամանել է Օման՝ ԱՄՆ-ի հետ բանակցություններ սկսելու նպատակով։ Ինչպես հաղորդում է իրանական «Fars» գործակալությունը, Արաղչին նշել է, որ նման տեղեկությունները չեն համապատասխանում իրականությանը։
«Այս տեղեկատվությունը չի համապատասխանում իրականությանը»,- ընդգծել է ԱԳ նախարարը՝ արձագանքելով Reuters գործակալության ավելի վաղ հրապարակած հաղորդմանը, ըստ որի Իրանի պատվիրակությունը Մուսկատում էր՝ ԱՄՆ-ի հետ անուղղակի շփումներ հաստատելու և լարվածության թուլացման շուրջ բանակցելու նպատակով։
Երուսաղեմում ԱՄՆ դեսպանությունը և Թել Ավիվում ԱՄՆ հյուպատոսությունը փակ կմնան մինչև աշխատանքային շաբաթվա ավարտը։ Այս մասին X հարթակում հայտարարել է ԱՄՆ պետքարտուղարության հյուպատոսական գործերի վարչությունը։
«Հաշվի առնելով անվտանգային իրավիճակը և Իսրայելի թիկունքի հրամանատարության ուղեցույցին համապատասխան՝ Երուսաղեմում ԱՄՆ դեսպանությունը փակ կլինի վաղվանից (չորեքշաբթի, հունիսի 18) մինչև ուրբաթ (հունիսի 20-ը)», – նշված է հաղորդագրության մեջ։
Գերատեսչությունը հավելում է, որ փակումը վերաբերում է նաև Թել Ավիվի հյուպատոսական գրասենյակին։
Այս շաբաթ Իսրայել ուղևորություններ պլանավորող ամերիկացիների համար «չճանապարհորդել» նախազգուշացման ֆոնին նախարարությունը հայտարարել է, որ «այս պահին ԱՄՆ մասնավոր քաղաքացիներին մեկնելու հարցում օգնություն ցուցաբերելու մասին հայտարարություն չունեն»:
«Մենք կտեղեկացնենք ԱՄՆ քաղաքացիներին մեկնման տարբերակների վերաբերյալ լրացուցիչ տեղեկատվություն լինելու դեպքում»,- նշվել է հայտարարության մեջ։
Այս պահին Իրանի տարածքից նոր արձակում է իրականացվել։
Իրանի ԶՈՒ-ն հայտնել է, որ հրթիռը նոր տեսակի է։
Սամվել Կարապետյանը սոսկ բարերար չէ, նա մեր նորագույն պատմության բարերարության խորհրդանիշն է. Դավիթ Համբարձումյան
Հունիսի 18, 2025Մասիսի քաղաքապետ, իմպիչմենտի գործընթացով վարչապետի թեկնածու Դավիթ Համբարձումյանը հայտարարություն է տարածել, որում ասվում է.
«Սամվել Կարապետյանը սոսկ բարերար չէ: Նա մեր նորագույն պատմության բարերարության խորհրդանիշն է: Նրա անձի դեմ սանձազերծված բացահայտ քաղաքական հետապնդումները դատապարտելի են:
Իմ զորակցությունն եմ հայտնում Կարապետյան ընտանիքին: Վստահ եմ, որ այս փորձությունները ժամանակավոր են: Միասին հաղթահարելու ենք այս սև օրերը ևս և միասին տոնելու ենք չարի դեմ արդեն տեսանելի հաղթանակը»։
Ֆոտո
