Եվրամիության երկրները դեռ չեն կարողացել համաձայնության գալ Ռուսաստանի դեմ պատժամիջոցների 18-րդ փաթեթի շուրջ: Այս մասին ճեպազրույցի ժամանակ հայտարարել է ԵՄ արտաքին քաղաքականության և անվտանգության հարցերով գերագույն ներկայացուցիչ Կայա Կալլասը:

Նա նշել է, որ Սլովակիայի կողմից որոշման արգելափակման պատճառով ԵՄ-ն այդպես էլ չկարողացավ համաձայնության գալ Ռուսաստանի դեմ պատժամիջոցների 18-րդ փաթեթի շուրջ:

Բացառություններ կլինեն միայն օծանելիքի և մինչև 50 գրամ փաթեթավորմամբ հուշանվերային ալկոհոլի, ինչպես նաև հավաքածուների նկատմամբ, որոնցում մեկ ապրանքի արժեքը չի գերազանցում ընդհանուր գնի 90%-ը:

Մյուս բոլոր դեպքերում գնապիտակների վրա պետք է նշվի կիլոգրամի կամ լիտրի արժեքը: Այսպես, կես լիտրանոց լիմոնադի գնապիտակի վրա պետք է նշվի մեկ լիտրի փաստացի գինը. եթե մեկ լիտրի շիշն արժե 500 դրամ, իսկ կես լիտրի շիշը՝ 300 դրամ, ապա գնապիտակի վրա պետք է գրվի «մեկ լիտրի արժեքը՝ 600 դրամ»։

Դոնալդ Թրամփը հայտարարել է, որ Վլադիմիրր Զելենսկին չպետք է թիրախավորի Մոսկվան։

ԱՄՆ նախագահը հավելել է, որ մարդկության կողքին է և ցանկանում է վերջ տալ արյունահեղությանը, հաղորդում է Reuters-ը։

Ավելի վաղ արևմտյան լրատվամիջոցները գրել էին, որ ԱՄՆ-ի և Ուկրաինայի նախագահները քննարկել են Մոսկվայի և Սանկտ Պետերբուրգի հարվածները: Սպիտակ տունը հերքում է այդ հայտարարությունները: Խոսնակի փոխանցմամբ՝ խոսքերը դուրս են բերվել համատեքստից, Իսկ Թրամփը պարզապես հարց է տվել, այլ ոչ թե խրախուսել հետագա սպանությունները:

Կրիշտիանու Ռոնալդուի ընկերուհին՝ Ջորջինա Ռոդրիգեսը, բոլորից լավ գիտի, թե ինչպես համատեղել սպորտը և շքեղությունը: Իր վերջին մարզումներից մեկի ժամանակ նա ներկայացել է իտալական Pasquale Bruni ոսկերչական տան ավելի քան 100,000 դոլար արժողությամբ զարդերով:    

View this post on Instagram

A post shared by Georgina Rodríguez (@georginagio)

Աղջիկը ակնհայտորեն սիրում է շքեղությունը. նա պարբերաբար կրում է այս 1976 թվականին հիմնադրված ապրանքանիշի արտադրանքը՝ լինի դա զբոսանավով զբոսանք, դուրս գալ կարմիր գորգին, թե պարզապես առօրյա կերպար: 

Օրինակ՝ 2020 թվականին նա Ton Joli վզնոցը համադրել է Segreti di Luna մատանիների հետ, իսկ Վենետիկի կինոփառատոնում նա փայլել է Giardini Segreti զարդերով, որոնք պատրաստված են 18 կարատանոց ոսկուց և թանկարժեք քարերից:

Բայց Ջորջինային իսկապես առանձնացնում է բացառիկ զարդերի գլուխգործոցները առօրյա իրերի հետ, այդ թվում՝ մարզասրահում կրելու նրա ունակությունը: Ջորջինայի ամենաթանկ զարդը ձախ մատնեմատի զմրուխտյա ադամանդե մատանին է, որի արժեքը մոտավորապես 800,000 դոլար է։

Պեկինն ու Մոսկվան մերձենում են վերջին ուլտիմատումների ֆոնին․ գրում է The Telegraph-ը:

Ռուսաստանի առևտրային գործընկերների դեմ 100% մաքսատուրքերի հնարավոր ներդրման մասին նախագահ Թրամփի հայտարարություններից հետո Չինաստանը հասկացրել է, որ չի հրաժարվի Կրեմլին աջակցությունից:

Չինաստանի ղեկավար Սի Ծինփինը Լավրովի հետ հանդիպման ժամանակ հայտարարել է, որ երկրների միջև վստահությունը «խորացել է», և նրանք կառուցում են միջազգային հարաբերությունների նոր տեսակ, որում պարտավոր են ուժեղացնել փոխադարձ աջակցությունը:

Կրեմլում Թրամփի հայտարարությունն անուշադրության չեն մատնել։ Փոխարտգործնախարար Ռյաբկովն ասել է, որ եթե Արևմուտքը չարձագանքի «պայմանավորվելու պատրաստակամությանը», Ռուսաստանը կշարունակի իր նպատակներին հասնել ուժային միջոցով:

Իսրայելի սփյուռքի հարցերով նախարար Ամիխայ Չիկլին իր X սոցիալական ցանցի էջում անգլերենով և եբրայերենով ուղղակի կերպով կոչ է անում «անհապաղ վերացնել» Սիրիայի նախագահ Ահմեդ աշ-Շարաային։

Այսօր առավոտյան Սիրիայի ռեժիմի թիրախներին հարվածելու մասին Իսրայելի հայտարարությունից հետո՝ ի պատասխան աշ-Շարաայի ուժերի կողմից դրուզ բնակչության վրա հարձակումների վերաբերյալ հաղորդագրությունների, Չիկլին գրել է. «Յուրաքանչյուր ոք, ով Ահմեդ աշ-Շարաային օրինական առաջնորդ է համարում, խորապես սխալվում է. նա ահաբեկիչ է, բարբարոս մարդասպան, որին պետք է անհապաղ վերացնել»։

Համացանցում հայտնված տեսանյութերը հրապարակելով, որոնցում երևում է, թե ինչպես են սիրիական բանակի զինվորները ծաղրում և հարձակվում դրուզ համայնքի անդամների վրա, բռնի կերպով սափրում նրանց դեմքի մազերը, Չիկլին եբրայերենով ավելացրել է. «Եթե դա ՀԱՄԱՍ-ի տեսք ունի, խոսում է ՀԱՄԱՍ-ի նման և գործում է ՀԱՄԱՍ-ի նման, ուրեմն դա ՀԱՄԱՍ-ն է։ Մենք չպետք է ձեռքներս ծալած նստենք Ալ-Քաիդայի իսլամիստական-նացիստական ահաբեկչական ռեժիմի առջև՝ կոստյումով և փողկապով։ Մենք տեսել ենք ալավիների սարսափելի կոտորածը, մեզ դիմավորել են եվրոպացի առաջնորդների խլացուցիչ լռությունը, իսկ հիմա ականատես ենք լինում դրուզների կոտորածին և նվաստացմանը։ Սիրիայում ահաբեկչական ռեժիմի դեմ պետք է պայքարել»։

Իրանի կառավարության մամուլի քարտուղար Ֆաթիմա Մոհաջերանին հայտարարել է, որ երկիրը պատրաստ է շարունակել միջուկային բանակցությունները Միացյալ Նահանգների հետ՝ փոխադարձ հարգանքի հիման վրա, հաղորդում է Mehr-ը։

Երեքշաբթի իր ամենշաբաթյա մամուլի ասուլիսում ելույթ ունենալով՝ Մոհաջերանին հայտարարել է, որ նախագահ Մասուդ Փեզեշքիանի վարչակազմը վերջերս աշխարհին է փոխանցել իր ուղերձը միջուկային բանակցությունների պատրաստակամության մասին՝ տարբեր ուղիներով, դրանց թվում՝ դիվանագիտական հանդիպումների և հարցազրույցների միջոցով։

Ըստ նրա՝ վերջին տարիներին Իրանն իր աշխարհագրական դիրքի պատճառով բազմիցս ենթարկվել է թշնամիների հարձակումներին, սակայն իրանական ժողովուրդը պատմության ընթացքում անսասան է մնացել իր ազգային ինքնիշխանության և տարածքային ամբողջականության պաշտպանության հարցում։ Իրանի կառավարության խոսնակը մատնանշել է նախագահ Փեզեշքիանի վերջերս իրանցի արտագաղթածներին ուղղված ուղերձը, որ «նրանք երկրի իրական տերերն են, և չնայած հոգեբանական և տնտեսական ճնշմանը, աշխարհը ականատես է եղել իրանական ազգի պատմական միասնությանը»։

ՇՄՆ հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը «Ֆեյսբուք»-ի իր էջում տեսանյութ է հրապարակել և գրել. «Տեղատարափ` Վանաձորում»: