Վրաստանի Ներքին գործերի նախարարության միգրացիայի դեպարտամենտի աշխատակիցները արտաքսել են 25 օտարերկրացու, այդ թվում՝ Ռուսաստանի քաղաքացիների։ Այս մասին նշված է գերատեսչության մամուլի ծառայության տարածած հաղորդագրության մեջ։ 

Ներքին գործերի նախարարության տվյալներով՝ վերջին օրերին տեղի ունեցած միջոցառումների արդյունքում Վրաստանից արտաքսվել են Ադրբեջանի, Հայաստանի, Եգիպտոսի, Հնդկաստանի, Հորդանանի, Իրանի, Նիգերիայի, Չինաստանի, Պակիստանի, Ռուսաստանի և Թուրքիայի քաղաքացիներ։ Արտաքսված անձանց արգելվում է մուտք գործել հանրապետություն։ 

Վրաստանը վերջերս ակտիվորեն պայքարում է անօրինական միգրանտների դեմ։ Երկրի խորհրդարանը խստացրել է ներգաղթի մասին օրենքները՝ պարզեցնելով արտաքսման ընթացակարգերը և միգրանտների որոնումը։ Վրաստանի Ներքին գործերի նախարարությունը ամեն ամիս հաղորդում է տասնյակ օտարերկրյա քաղաքացիների արտաքսման մասին։

Իրանի խորհրդարանի Արդաբիլից պատգամավոր և Իրան-Ադրբեջան միջխորհրդարանական բարեկամության խմբի ղեկավար Սուդեյֆ Բադրին հայտարարել է, որ Զանգեզուրի միջանցքի նախագծի իրականացումն անհնար է՝ առանց Իրանի ռազմավարական շահերի և դերի հաշվառման։ Այս մասին գրում է Իսլամական հեղափոխության պահապանների կորպուսի (ԻՀՊԿ) Telegram ալիքը։ 

Վերջերս միջանցքի վերաբերյալ հնչում են ոչ պրոֆեսիոնալ և անիրատեսական հայտարարություններ, սակայն նման նախագծերը չեն կարող անցնել իրականացման փուլ՝ առանց շահագրգիռ կողմերի, հատկապես Իրանի հետ համաձայնեցման։

Սպառնալիքների և ճնշման լեզուն չի կարող ապահովել տարածաշրջանի կայուն զարգացումը։ Հարավային Կովկասի բոլոր երկրները պետք է ձգտեն համատեղ շահերի՝ Իրանի մասնակցությամբ։

Իվանկա Թրամփը և նրա ամուսինը՝ Ջարեդ Քուշները, վերջերս ճանապարհորդել են Արևմուտք. նախագահի 43-ամյա դուստրը լուսանկարների շարք է հրապարակել Վայոմինգ կատարած իրենց ուղևորությունից։ 

Լուսանկարներում Իվանկան կեցվածք է ընդունում արևմտյան ոճի հագուստով, սակայն հագուստներից մեկը սոցիալական ցանցերի օգտատերերի շրջանում բուռն արձագանք է առաջացրել։ Մի քանի լուսանկարներում նա պատկերված է կարճ մինի կիսաշրջազգեստով՝ ավանդական բնիկ ամերիկացիների նախշերը նմանակող տպագրությամբ, ինչպես նաև դեկորատիվ ծոպերով։ Հենց այս տարրն էր, որը հանգեցրել է մշակութային յուրացման մեղադրանքների։ 

«Այս կիսաշրջազգեստը ակնհայտորեն ոգեշնչված է բնիկ ամերիկացիների մշակույթից, որի նկատմամբ դուք և ձեր ընտանիքը որևէ հարգանք չեք ցուցաբերում», - վրդովվել է մեկնաբաններից մեկը։ Մյուսները հանդերձանքը անվանել են «ծիծաղելի» և «անպատշաճ», իսկ մեկ օգտատեր հեգնանքով հարցրել է. «Ի՞նչ են սրանք, Հելոուինի զգեստնե՞ր»։ 

Մի լուսանկարում Իվանկան կիսաշրջազգեստը համադրում է սպիտակ կովբոյական կոշիկների և սև մայկայի հետ, մինչդեռ մեկ այլ լուսանկարում նա լրացնում է կերպարը ջինսե բաճկոնով և փոքրիկ շագանակագույն պայուսակով՝ կեցվածք ընդունելով Ջարեդ Քուշների կողքին։ 

Ինչպես բացատրում է Native Blog-ը, բնիկ ամերիկացիների մշակույթի օգտագործումը նորաձևության մեջ հաճախ ընկալվում է որպես կենդանի մշակույթը զգեստի վերածել: Սա ամրապնդում է այն կարծրատիպերը, որ բնիկ ամերիկացիները անցյալի մասունք են, և նրանց ավանդական հագուստը «պարզունակ», «ռազմական» կամ միայն սպորտային թիմերի թալիսմանների համար հարմար բան է։

Travel Wyoming-ի համաձայն՝ ժամանակակից Վայոմինգի տարածքը պատմականորեն բնակեցված է եղել հարթավայրային հնդկացիների ցեղերով, այդ թվում՝ արապահո, չայեն, սիու, կռաու և այլք: Այսօր նահանգում գտնվում է Ուինդ Ռիվըր արգելոցը, որտեղ ապրում են Արևելյան Շոշոնե և Հյուսիսային Արապահո ժողովուրդների անդամները:

71 տարեկանում մահացել է ՌԴ Գերագույն դատարանի նախագահ Իրինա Պոդնոսովան: ՌԻԱ Նովոստիին այս մասին հայտնել են դատարանի մամուլի ծառայությունից։

ԱՄՆ նախկին նախագահ Դոնալդ Թրամփը հայտարարել է, որ Միացյալ Նահանգները պատրաստ է կրկին հարվածել Իրանի միջուկային օբյեկտներին, եթե դրա անհրաժեշտությունը լինի։ Այս մասին նա գրել է Truth Social հարթակում՝ արձագանքելով Իրանի արտաքին գործերի նախարար Աբբաս Արաղչիի հայտարարությանը՝ հունիսին իրականացված ամերիկյան հարվածների հետևանքով Իրանի միջուկային օբյեկտներին հասցված լուրջ վնասների մասին։ Այս մասին գրում է iranintl.com-ը:

«Իրանի ԱԳ նախարար Աբբաս Արաղչին՝ Իրանի միջուկային օբյեկտների մասին․ «Վնասը շատ լուրջ է, դրանք ոչնչացված են»։ Իհարկե՝ այդպես է, ինչպես ես էի ասել  և եթե հարկ լինի, մենք կրկին կանենք դա», - գրել է Թրամփը։

Նա նաև քննադատել է CNN-ին՝ կեղծ տեղեկություններ տարածելու համար, ըստ որոնց՝ ԱՄՆ հարվածները ամբողջությամբ չեն վնասել Իրանի միջուկային ծրագիրը։ Նշենք, որ հունիսին ԱՄՆ-ն իրականացրել էր Operation Midnight Hammer ռազմական գործողությունը, որի ընթացքում B-2 ռազմավարական օդանավերը կիրառել էին 30,000 ֆունտանոց «բունկերային ռումբեր»՝ հարվածելով երեք հիմնական միջուկային օբյեկտներին։

Fox News-ին տված հարցազրույցում Իրանի ԱԳ նախարար Արաղչին հաստատել էր՝ օբյեկտները լուրջ վնասվել են․ «Մեր օբյեկտները վնասվել են, լրջորեն վնասվել...։ Ինչքանով ինձ հայտնի է՝ դրանք լուրջ վնասներ են կրել», - ասել է նա։

Այնուամենայնիվ, Արաղչին ընդգծել է, որ Իրանը չի հրաժարվի ուրանի հարստացման ծրագրից՝ դա անվանելով ազգային հպարտության հարց։
«Մեր հարստացման ծրագիրն անչափ թանկ է մեզ համար։ Մենք չենք կարող հրաժարվել դրանից, քանի որ այն մեր գիտնականների ձեռքբերումն է, և հիմա՝ ավելին, այն դարձել է ազգային արժանապատվության հարց», - ասել է նախարարը։

ՔՊ-ական պատգամավոր Արսեն Թորոսյանը հաստատել է, որ իր նկատմամբ 9 մլն դրամի չափով հայցի ապահովման միջոց է կիրառվել։

Նա, մասնավորապես, նշել է. «Ապաքաղաքական բարերարները 

Բազմիցս ապացուցվել է, որ փողի քանակությունը բացարձակ չի նշանակում նաև խելքի առկայություն, հատկապես՝ քաղաքական։ Կալուգայի Սամոյին և տեռորիստ տերտերներին թվում է, թե դատական հայցերով կարող են մեզ լռեցնել։

Անդրադառնալով իմ մասին այսօրվա հրապարակմանը, հաստասում եմ, որ իմ դեմ ներկայացված հայցում «մեծն բարերար» Սամոն դատարանին միջնորդել էր հայցի ապահովման միջոց կիրառել 9մլն դրամի չափով և իմ համար դեռևս անհասկանալի պատճառներով և հիմնավորումներով դատարանը բավարարել էր այդ միջնորդությունը։ Այս դատական պրակտիկային դեռ կանդրադառնանք, երբ հերիք չի քաղաքական գործիչներին քաղաքական հայտարարությունների համար ոմանք դատի են տալիս, դեռ դատարաններն էլ նման որոշումներ են կայացնում։

Ես նույնպես միջնորդել եմ դատարանին, որպեսզի վերացնի հայցի ապահովման անհիմն այդ որոշումը, որովհետև չեմ պատրաստվում գույքս վաճառել ու փախնել Հայաստանից, հատկապես Սամոյի ահից։

Իսկ Կալուգայում իր հարստությունը դիզած «բարերար» Սամոյին մի բան կասեմ, էդքան կաս դու կամ քո «պաշտպանության խոդհուրդը» մեր քաղաքական հայտարարություններին քաղաքական պատասխան տուր, թեև ակնհայտ է, որ այդքան չկաք ոչ դու, ոչ էլ քո վարձու «պաշտպանները»»,-գրել է նա։

Ապագայում Թեհրանը կարող է քննարկել Վաշինգտոնի հետ ուղիղ բանակցություններ վարելու հնարավորությունը։ Այս մասին հայտարարել է Իրանի արտաքին գործերի նախարար Աբբաս Արաղչին ամերիկյան Fox News հեռուստաալիքին տված հարցազրույցում։

Պատասխանելով ԱՄՆ-ի հետ ուղիղ բանակցություններ վարելու Իսլամական Հանրապետության պատրաստակամության մասին լրագրողի հարցին՝ արտաքին գործերի նախարարության ղեկավարը նշել է, որ նման սցենար հնարավոր է ապագայում։ Արաղչին ընդգծել է, որ ամեն ինչ կախված կլինի նրանից, թե արդյոք Վաշինգտոնը պատրաստ է Թեհրանի հետ հավասար պայմաններով լինել՝ հիմնված փոխադարձ հարգանքի և փոխադարձ շահերի վրա։

Հուլիսի 22-ին Արաղչին հայտարարել է, որ երկրում ուրանի հարստացումը դադարեցվել է ԱՄՆ-ի կողմից միջուկային ենթակառուցվածքներին հարվածելուց հետո, սակայն Իրանի իշխանությունները մտադիր չեն հրաժարվել այդ գործունեությունից։