Ադրբեջանի նախագահ Իլհամ Ալիևն ու Թուրքիայի նախագահ Ռեջեփ Թայիփ Էրդողանը հանդիպել են Անթալիայում. Ադրբեջանի ղեկավարը գտնվում է Թուրքիայում՝ մասնակցելու Անթալիայի IV դիվանագիտական ֆորումին:
Հիշեցնենք, որ ֆորումի մասնակիցների թվում են նաև ՀՀ ԱԳ նախարար Արարատ Միրզոյանն ու ԱԺ փոխխոսնակ Ռուբեն Ռուբինյանը:
Արցախցիների իրավունքների պաշտպանության խորհուրդը ապրիլի 14-ին (երկուշաբթի), ժամը 11:00-ին, պլանավորում է բողոքի ակցիաներ ՀՀ արտգործնախարարության և դատախազության շենքերի առջև՝ ներկայացնելու մեր վերաբերելի պահանջները։
Մասնավորապես, արտգործ նախարարության առջև ներկայացնելու ենք մեր պահանջները և կոնկրետ քայլեր հավաքական վերադարձի, հայ գերիների ազատ արձակման, Արցախի մշակութային ժառանգության ու մասնավոր սեփականության պաշտպանության, ՄՔԴ պետական դիմումի ներկայացման, միջազգային դատական գանգատներից չհրաժարման և ԵԱՀԿ Մինսկի խմբի չլուծարման վերաբերյալ:
Իսկ դատախազությանը հաղորդում ենք ներկայացնելու արցախցիների դեմ ատելություն քարոզելու դեպքերի վերաբերյալ և պահանջելու ենք բացատրություն տալ Արցախում կոռուպցիոն երևույթների վերաբերյալ հաղորդումների հիմքով իրականացվող քրեական վարույթների ընթացքի մասին:
Ի դեպ, ցանկանում ենք տեղեկացնել, որ ապրիլի 12-ին Ազատության հրապարակում կազմակերպվող հանրահավաքի հետ Արցախցիների իրավունքների պաշտպանության խորհուրդը որևէ առնչություն չունի։
Ուկրաինայի տարածքում «խաղաղության երաշխավորման դրոշների» ներքո օտարերկրյա միջամտությունն անթույլատրելի է։ Այս մասին Ria Novosti-ի հետ զրույցում ասել է ՌԴ ԱԳՆ ԱՊՀ երկրների երկրորդ դեպարտամենտի տնօրեն Ալեքսեյ Պոլիշչուկը։
Նա ուշադրություն է հրավիրել 2014-2022 թվականներին Ուկրաինայում ԵԱՀԿ հատուկ դիտորդական առաքելության «բացասական փորձին»։ Պոլիշչուկն ասել է, որ այդ առաքելության աշխատակիցները պետք է հետևեին Մինսկի համաձայնագրերի կատարմանը, իսկ իրականում «զբաղվում էին հօգուտ Կիևի զեկույցների կեղծմամբ»:
Դիվանագետն ընդգծել է, որ նման «կեղծ խաղաղասիրության» կրկնությունն անթույլատրելի է, ինչպես նաև օտարերկրյա ներխուժումը՝ «խաղաղասիրական դրոշների» ներքո:
Արդարադատության նախարար Սրբուհի Գալյանն ԱՄՆ կատարած այցի շրջանակում ելույթով է հանդես եկել Իրական շահառուների թափանցիկության ապահովման շուրջ պանելային քննարկմանը։
Սրբուհի Գալյանը ներկայացրել է Հայաստանի՝ իրական շահառուների թափանցիկության ապահովման ուղին։ Համաձայն գործող կարգավորումների՝ իրավաբանական անձի իրական շահառուների վերաբերյալ հայտարարագիրը ներկայացվում է Արդարադատության նախարարության իրավաբանական անձանց պետական ռեգիստր։
Միաժամանակ ներդրվել է Հայաստանում իրավաբանական անձանց իրական շահառուների բաց ռեգիստրը, որն ապահովում է շահառուների վերաբերյալ տեղեկությունների հեշտ հասանելիությունը՝ խթանելով տեղեկացված քննարկումների անցկացումը և հանրային մասնակցությունը։ Օրենսդրության մեջ համապատասխան փոփոխություններ կատարելու արդյունքում հայտարարագիր ներկայացնելու պարտավորությունը տարածվել է բոլոր այն իրավաբանական անձանց վրա, որոնց գրանցումն իրականացվում է փուլային եղանակով։
Ուկրաինայի նախագահ Վոլոդիմիր Զելենսկին և նրա մերձավոր շրջապատը կարող են մասնակից լինել ԱՄՆ նախագահ Դոնալդ Թրամփի դեմ մահափորձին: Այս մասին, Lurer-ի փոխանցմամբ, YouTube-ի եթերում հայտարարել է ամերիկյան բանակի պաշտոնաթող գնդապետ Դենիել Դևիսը։
«Դեռ մինչ մենք կիմանայինք, որ Ուկրաինայի և Թրամփի մահափորձի միջև ուղիղ կապ կա։ Ես ասում էի, որ Կիևում չեն ցանկանում, որ Թրամփը դառնա նախագահ։ Ուկրաինային դուր չի գալիս հակամարտությունն ավարտելու գաղափարը, և ես մտավախություն ունեի, որ ինչ-որ մեկը կարող է կոնկրետ գործողություններ ձեռնարկել», — ասել է նա:
Փորձագետի խոսքով՝ եթե հայտնի դառնա, որ Ուկրաինայի առաջնորդը տեղյակ է եղել Թրամփի դեմ մահափորձի մասին, Միացյալ Նահանգները «ստիպված կլինեն գործողություններ ձեռնարկել»: «Զելենսկին պետք է արժանի պատիժ ստանա», - հավելել է Դևիսը։
Ապրիլի 9-ին ՀՀ արդարադատության նախարարը ԱՄՆ պետքարտուղարությունում հանդիպում է ունեցել Եվրոպայի և Եվրասիայի հարցերի գրասենյակի ավագ խորհրդատու Լուի Բոնոյի (Կովկասյան հակամարտությունների գծով խորհրդական) հետ, գրել է միջազգայնագետ Սուրեն Սարգսյանը։
«Հանդիպումը տեղի է ունեցել ապրիլի 9-ին՝ ժամը 9:30-ին (Երևանի ժամանակով՝ 17:30-ին), սակայն մինչ այս պահը չկա պաշտոնական հաղորդագրություն ոչ միայն այս հանդիպման, այլև, ընդհանրապես, նախարարի՝ ԱՄՆ այցի վերաբերյալ։
Միգուցե կա, ես չեմ հանդիպե՞լ»:
Սննդամթերքի անվտանգության տեսչական մարմնի Երևանի Կենտրոնի տեսուչները, վերահսկողություն իրականացնելով «Այգ գրուպ» ՍՊԸ-ին պատկանող կաթնամթերքի արտադրամասում (Կոտայքի մարզ, գյուղ Գեղաշեն), հայտնաբերել են սանիտարահիգիենիկ պայմանների խախտումներ, որոնք անհամատեղելի են սահմանված նորմերի հետ: Այս մասին տեղեկացնում են ՍԱՏՄ-ից:
Ի մասնավորի՝
- պանրի արտադրամասի արտադրական տարածքի պատերի մակերևույթները պատրաստված չեն եղել անջրանցիկ, լվացվող և ոչ թունավոր նյութերից.
- պատերին եղել են բորբոսներ, որոշ հատվածներում՝ ծեփերը պոկված, առաստաղին՝ ճաքեր, մետաղական հատվածների վրա՝ կոռոզիայի հետքեր։
Տեսչական մարմնի ղեկավարի որոշմամբ՝ պանրի արտադրամասի արտադրական գործունեությունը կասեցվել է, խախտումները վերացնելու համար սահմանվել է ժամկետ:
Իսրայելին ու Թուրքիային չի հաջողվել համաձայնության հասնել Սիրիայում հակամարտությունը կանխելու ուղիների շուրջ բանակցությունների առաջին փուլում, որը կայացել է Ադրբեջանում։ Այս մասին հայտնում է Israel Radar-ը:
Այս մասին հաղորդել է նաև Իսրայելի պետական Kan News հեռուստառադիոընկերությունը։
Նշվում է, որ բանակցությունները, որոնց ընթացքում իսրայելական և թուրքական կողմերը փորձում են պայմանավորվել Սիրիայում թուրքական և իսրայելական կողմերի միջև հակամարտությունը կանխելու մեխանիզմի ստեղծման շուրջ, պետք է շարունակվեն հրեական Պասեքի տոնի ավարտից հետո, որն այս տարի նշվում է ապրիլի 12-ից 19-ը:
Լրատվամիջոցը նաև նշում է, որ Թուրքիան Ադրբեջան մեկնող Իսրայելի բանակցողների ինքնաթիռին թույլ չի տվել անցնել իր երկրի օդային տարածքով, որի պատճառով այն ստիպված է եղել թռչել Սև ծովի վրայով։
Ապրիլի 10-ին Իսրայելի վարչապետ Բենիամին Նեթանյահուի գրասենյակը հաստատել է, որ Ադրբեջանում Թուրքիայի ներկայացուցիչների հետ ապրիլի 9-ին ուղիղ բանակցություններ են տեղի ունեցել։
Նեթանյահուի գրասենյակը շնորհակալություն է հայտնել Ադրբեջանի նախագահ Իլհամ Ալիևին «կարևոր բանակցությունները հյուրընկալելու համար» և հավելել, որ հանդիպման ընթացքում «յուրաքանչյուր կողմ ներկայացրել է իր շահերը տարածաշրջանում և համաձայնել է շարունակել երկխոսության ուղին՝ անվտանգությունը և կայունությունը պահպանելու համար»։
Իսրայելցի պաշտոնյայի խոսքով, որի անունը չի նշվում, Իսրայելը «միանշանակ հասկացրել է, որ Սիրիայում օտար ուժերի տեղակայման ցանկացած փոփոխություն, մասնավորապես՝ Պալմիրայի (Թադմուր) տարածքում թուրքական բազաների ստեղծումը, կարմիր գիծ է»։
Պաշտոնյան հավելել է, որ նման գործողությունների կանխումը «Դամասկոսի կառավարության պարտականությունն է:
Ցանկացած գործողություն, որը վտանգում է Իսրայելին, սպառնում է (Սիրիայի նախագահ Ահմեդ) աշ-Շարաայի իշխանությանը»:
Իսրայելի և Թուրքիայի հարաբերությունները կտրուկ վատթարացել են Գազայի հատվածում 2023 թվականին սկսված հակամարտության սրման ֆոնին և էլ ավելի են լարվել 2024 թվականի վերջին Սիրիայում տեղի ունեցած իշխանափոխությունից հետո:
Հնդկաստանի արևելյան Բիհարի նահանգում կայծակի հարվածների հետևանքով առնվազն 25 մարդ է զոհվել։
Այս մասին հաղորդում է Press Trust of India գործակալությունը։
Նահանգի գլխավոր նախարարի գրասենյակի հրապարակած հայտարարության համաձայն՝ Նալանդի շրջանում հայտնել են 18 զոհի մասին, ևս մի քանի մարդ զոհվել է այլ շրջաններում։
Միևնույն ժամանակ, տեղական քաղաքական կուսակցություններից մեկի՝ Rashtriya Janata Dal-ի առաջնորդ Թեջաշվի Յադավը X սոցիալական հարթակում հայտնել է, որ ապրիլի 10-ին տարերքը տարածաշրջանում ավելի քան 50 մարդու կյանք է խլել։
«Ես խորապես վշտացած եմ Բիհարում փոթորկի, անձրևի, կայծակի, ծառերի տապալման և պատերի փլուզման տարբեր միջադեպերի հետևանքով ավելի քան 50 մարդու ողբերգական մահվան կապակցությամբ», – գրել է նա։ ։
Ավելի վաղ՝ ապրիլի 9-ին, Բիհարում կայծակի հարվածներից ևս 13 մարդ էր զոհվել։
Հնդկաստանի օդերևութաբանական վարչությունը տագնապի նարնջագույն մակարդակ է հայտարարել նահանգի որոշ շրջաններում։
Ռուսաստանը պատրաստ է քննարկել ուկրաինական հակամարտության կարգավորման իրատեսական առաջարկները, հայտարարել է ՌԴ ԱԳՆ ԱՊՀ երկրների երկրորդ վարչության տնօրեն Ալեքսեյ Պոլիշչուկը։
«Ռուսական կողմը բաց է լուրջ և իրատեսական առաջարկների քննարկման համար, որոնք հաշվի կառնեն ներկայիս իրողությունները և կհանգեցնեն ուկրաինական ճգնաժամի արմատական պատճառների վերացմանը և իսկապես համապարփակ, արդար և տևական խաղաղության հասնելուն», - ՌԻԱ Նովոստիին ասել է նա՝ պատասխանելով հակամարտության կողմերի միջև ուղիղ բանակցությունների պայմաններին։
Դիվանագետն ընդգծել է, որ Կիևը ցույց է տալիս բանակցությունների համար պատրաստակամության պակաս։ Պոլիշչուկը հիշեցրել է, որ ուկրաինական կողմն էր, որ դադարեցրել է ուղիղ շփումները Ռուսաստանի հետ 2022 թվականի ապրիլին, իսկ նույն տարվա սեպտեմբերին սահմանել է Ռուսաստանի ղեկավարության հետ բանակցությունների պաշտոնական արգելքը, որը մնում է ուժի մեջ։
Ֆոտո
