Վենսը ժամանել է Դելի. Մոդիի հետ քննարկելու են մաքսատուրքերն ու առևտրային համաձայնագիրը
ԱՄՆ փոխնախագահ Ջեյ Դի Վենսը ժամանել է Դելի, որտեղ նա բանակցություններ կվարի Հնդկաստանի վարչապետ Նարենդրա Մոդիի հետ։ Նրանք, հավանաբար, կկենտրոնանան երկու երկրի երկկողմ առևտրային համաձայնագրի արագ կնքման ուղղությամբ, գրում է BBC-ն։
«Կողմերը նաև կարծիքներ կփոխանակեն փոխադարձ հետաքրքրություն ներկայացնող տարածաշրջանային և համաշխարհային զարգացումների վերաբերյալ»,- Վենսի այցից առաջ հայտարարել է Հնդկաստանի արտաքին գործերի նախարարությունը։
Փոխնախագահին ուղեկցում են նրա երեխաներն ու կինը՝ Ուշա Վենսը, որի ծնողները Միացյալ Նահանգներ են տեղափոխվել Հնդկաստանի հարավային Անդհրա Պրադեշ նահանգից։ Փոխնախագահի այցը տեղի է ունենում համաշխարհային առևտրի բարդ իրավիճակի պայմաններում, որն առաջացել է նախագահ Դոնալդ Թրամփի՝ մաքսատուրքերի քաղաքականության պատճառով, հիշեցնում է լրատվականը։
Թրամփը, որը բազմիցս մեղադրել է Դելիին ԱՄՆ-ի հետ առևտրային անհավասարակշռություն ստեղծելու և ի վնաս Ամերիկայի մաքսատուրքերը հօգուտ Հնդկաստանի օգտագործելու համար, հնդկական ապրանքների համար սահմանել է 27 տոկոս մաքսատուրք, սակայն ապրիլի 9-ին այն կասեցրել է։
Հետագա տնտեսական հետևանքները կանխելու համար Հնդկաստանի պաշտոնյաները շտապում են համաձայնեցնել առևտրային գործարքի առաջին փուլը, որը կողմերը հույս ունեն ավարտել մինչև աշուն:
Latest from Live24
- 44-օրյա պատերազմի պայծառ դեմքերից` Հակոբ Եղիազարյանի հիշատակման օրն է. Տիգրան Աբրահամյան
- Վարդան Ղուկասյանին կալանքից ազատելու վերաբերյալ միջնորդություն է ներկայացվել դատարան. փաստաբան
- Սպիտակ տունը գնահատել է շաթդաունի ազդեցությունը ԱՄՆ տնտեսության վրա
- Մանվել Գրիգորյանի դատավոր դստեր լիազորությունները կասեցվել են. քրգործ կհարուցվի
- Մանվել Գրիգորյանի դատավոր դստեր լիազորությունները կասեցվել են. քրգործ կհարուցվի
- Դաղստանում ուղղաթիռը բախվել է բնակելի շենքի. չորս մարդ զոհվել է
- Վահան Քերոբյանին կալանավորելու միջնորդություն է ներկայացվել
- Ոստիկանության գվարդիայի հրամանատար Հայկ Բաբայանին շնորհվել է ոստիկանության գեներալ-մայորի կոչում
Լրահոս
Ֆոտո
