Շիրակի մարզում հայտնաբերված լուսանը տեղափոխվել է Երևանի համապատասխան կենտրոն
Շիրակի մարզի համայնքներից մեկում հայտնաբերված լուսանը տեղափոխվել է Երևան՝ համապատասխան կենտրոն։
«Արմենպրես»-ի փոխանցմամբ՝ այս մասին «Ֆեյսբուք»-ի իր էջում գրել է ՀՀ շրջակա միջավայրի նախարարության մամուլի խոսնակ Անի Հակոբյանը։
Նա հայտնել է, որ լուսանի տեղափոխման գործընթացը գտնվել է ՀՀ շրջակա միջավայրի նախարարության ուշադրության կենտրոնում, իրականացվել են անհրաժեշտ բոլոր գործողությունները՝ կենդանու անվտանգության ապահովման և նրան բնական միջավայրին հնարավորինս մոտ վայր տեղափոխելու նպատակով։
Գործընթացում ներգրավված են եղել համապատասխան կառույցների և հասարակական կազմակերպությունների ներկայացուցիչներ։
Ավելի վաղ ՀՀ շրջակա միջավայրի նախարարությունը հայտնել էր, որ Շիրակի մարզի համայնքներից մեկում քաղաքացին տեսանկարահանել է լուսանի։ «Այս արձանագրումը կարևոր փաստ է երկրում կենսաբազմազանության վերականգնման տեսանկյունից և վկայում է, որ Հայաստանի վայրի բնության էկոհամակարգերում տեղի են ունենում դրական փոփոխություններ։Լուսանը (Lynx lynx) Հայաստանի Կարմիր գրքում գրանցված հազվագյուտ գիշատիչ կենդանի է, որը հիմնականում բնակվում է լեռնային և անտառապատ շրջաններում»,- ասված էր ՀՀ շրջակա միջավայրի նախարարության տարածած հաղորդագրության մեջ։
Latest from Live24
- Կրծքագեղձի քաղցկեղը վիրահատության սպասման ընթացքում արագ չի զարգանում․ ASO
- Արմավիրի գազալցակայաններից մեկում բեռնատար է պայթել․ կա տուժած
- Վրաստանի տարածքում Թուրքիայի ռազմական ինքնաթիռ է կործանվել
- Կարևորը խոստում կորզեցինք՝ բանակցային փաստաթղթերը կհրապարակի. Սերժ Սարգսյանը՝ Փաշինյանի մասին
- Կրակոցներ հուղարկավորության ժամանակ. վիրավորվել է 5 մարդ
- Թմրանյութերի օգտագործման պատճառով Մայքլ Ջեքսոնի դուստեր քթի վրա անցք է առաջացել
- Վազքի ժամանակ ռիթմիկ երաժշտությունն օգնում է կանանց ավելի երջանիկ զգալ․ FSAL
- «Աղոթելու ժամանակն է». ԱՄՆ-ում կոչով դիմել են Զելենսկու կողմնակիցներին
Լրահոս
Ֆոտո
