Պորտուգալիայի հավաքականը կnրուստներ ունի Հայաստանի հավաքականի դեմ խաղից առաջ
Լոնդոնի «Չելսիի» հարձակվող Պեդրու Նետուն և Լիսաբոնի «Սպորտինգի» ֆուտբոլիստ Պեդրու Գոնսալվեշը չեն միանա Պորտուգալիայի ազգային հավաքականին, հայտնում է Պորտուգալիայի ֆուտբոլի ֆեդերացիայի մամուլի ծառայությունը։
«Սպորտինգի» հարձակվող Պեդրու Գոնսալվեշը մկանային վնասվածք է ստացել «Սանտա Կլարայի» նկատմամբ տարած հաղթանակի ժամանակ և մի քանի շաբաթով կբացակայի։ Ինչ վերաբերում է Նետուին, ապա նրա հավաքականին չմիանալու որոշումը կայացվել է «Չելսիի» բժշկական բաժնի և Պորտուգալիայի ֆուտբոլի ֆեդերացիայի բուժանձնակազմի միջև՝ ֆուտբոլիստի ծանրաբեռնված ֆիզիկական վիճակի պատճառով։
Փոխարինողներ չեն հրավիրվել, հետևաբար Մարտինեսի սկզբնական 26-հոգանոց կազմը կրճատվել է մինչև 24 խաղացողի։
Հիշեցնենք, որ աշխարհի 2026 թվականի առաջնության եվրոպական գոտու որակավորման փուլի վերջին երկու հանդիպումներում Պորտուգալիայի ընտրանին նոյեմբերի 13-ին արտագնա խաղ կանցկացնի Իռլանդիայի ընտրանու հետ, իսկ նոյեմբերի 16-ին սեփական հարկի տակ կընդունի Հայաստանի ազգային հավաքականին։
Latest from Live24
- Մանվել Գրիգորյանի դատավոր դստերը մեղադրանք է ներկայացվել երկու հոդվածով
- Շահումյանի անվան թիվ 1 հիմնական դպրոցում քաշքշուք է տեղի ունեցել աշակերտների միջև
- Ուկրաինան կարող է դառնալ Չինաստանի ծրագրերի առանցքային տարրը
- Տարադրամի փոխարժեքները նոյեմբերի 11-ին
- ԱՄՆ Սենատը վերջնական քվեարկությամբ հաստատել է շաթդաունն ավարտելու մասին օրինագիծը
- Թրամփը հայտարարել է, որ ապագայում կրկին բանակցություններ կվարի աշ-Շարաայի հետ
- Ինչ է նվիրել Թրամփը Սիրիայի նախագահին
- Հովհաննես Մովսիսյանը Հանրային հեռուստաընկերության տնօրենի պաշտոնում կլինի ևս 2 տարի
Լրահոս
Ֆոտո
