Գազայի հատվածում ՀԱՄԱՍ-ի ռազմական թևի ղեկավար Իզզ ադ-Դին ալ-Հադադը միջնորդներին ասել է, որ մերժում է պաղեստինյան անկլավում հրադադարի վերաբերյալ ԱՄՆ-ի ծրագիրը, հաղորդում է BBC-ն՝ հղում անելով աղբյուրներին։
Ալ-Հադադը կարծում է, որ ծրագիրը մշակվել է ՀԱՄԱՍ-ն վերջ դնելու համար՝ անկախ նրանից, թե կազմակերպությունը կընդունի այն, թե ոչ, և, հետևաբար, վճռական է շարունակել պայքարը։
BBC-ի փոխանցմամբ՝ միջնորդները վերջին երկու օրերի ընթացքում փորձում են համոզել ՀԱՄԱՍ-ի ներկայացուցիչներին` ընդունել համաձայնագիրը։ ՀԱՄԱՍ-ը պահանջել է «փոփոխություններ», որոնք թույլ կտան խմբին պահպանել իր զենքը և վերահսկողությունը Գազայի հատվածի նկատմամբ, սակայն ո՛չ Իսրայելը, ո՛չ էլ ԱՄՆ-ն չեն համաձայնի նման փոփոխություններին։
ՀԱՄԱՍ-ին մոտ կանգնած աղբյուրները հայտնել են շարժման ներսում առաջացող պառակտման մասին Թրամփի ծրագրի քննարկումների ընթացքում։ «Ներկայում ՀԱՄԱՍ-ի ներսում կա երկու տեսակետ. առաջինը՝ ծրագրի անվերապահ հաստատումն է, քանի որ ամենակարևորը Թրամփի կողմից խոստացված հրադադարն է, եթե միջնորդները երաշխավորեն Իսրայելի կողմից ծրագրի իրականացումը»,- ասել է աղբյուրը, որը ցանկացել է անանուն մնալ։
«Կա նաև մեկ այլ դիրքորոշում. դրա կողմնակիցները մերժում են զինաթափումը և պաղեստինցի խաղաղ բնակիչների վտարումը Գազայից»,- նշել է նույն աղբյուրը: Նա պնդում է, որ երկրորդ դիրքորոշման կողմնակիցները, այդ թվում՝ ՀԱՄԱՍ-ի ռազմական թևը, դեմ են իրենց «գործունեությունը» քրեականացնելուն:
Latest from Live24
- Թուրքիայում ձերբակալվել են տասնյակից ավելի թուրք հայտնի երգիչներ, բլոգերներ և դերասաններ․ նրանց թվում է նաև «Եվրատեսիլ 2009»-ի մասնակից Հադիսեն
- Ծանրամարտի աշխարհի առաջնությունում այսօր ելույթ կունենա կանանց հավաքականի միակ ներկայացուցիչը` Աննա Ամրոյանը
- Կորեայի ձորի ճանապարհը ժամանակավորապես փակ է երթևեկության համար
- Հարավային Կովկասում պատերազմում են առևտրային միջանցքի համար. Պաշտոնական Երևանը պետք է շրջահայաց լինի․ Մուազին
- Ավտովթար՝ Ապարան-Քուչակ ավտոճանապարհին․ կա մեկ տուժած և երկու զոհ
- Թեժ հանդիպումների սպասումով․ Իսպանիայի Սուպերգավաթի խաղացանկը հաստատվել է
- Մակրոնն այսօր երեկոյան հանդես կգա հայտարարությամբ․ Le Figaro
- Անդրանիկ Քոչարյանին ու նրա զեկույցը ՔՊ-ն ուղարկեց արխիվ. ՀԿ-ները ակտիվացել են. «Ժողովուրդ»
Լրահոս
Ֆոտո
