Սպիտակ տանը շուտով կմեկնարկի ԱՄՆ նախագահ Դոնալդ Թրամփի հանդիպումը Զելենսկիի և եվրոպացի առաջնորդների հետ։

«Ես կգործեմ Ուկրաինայում պատերազմը դադարեցնելու համար, այլ ոչ թե այն շարունակելու։ Ես դա կանեմ»,- իր սոցցանցում գրել է ԱՄՆ նախագահը։ 24news.am-ը հայտնում է, որ սպասվում է, որ 21:00-ին ԱՄՆ նախագահ Դոնալդ Թրամփը կողջունի Վլադիմիր Զելենսկիին, իսկ ավելի ուշ կսկսվի նրանց երկկողմ հանդիպումը:

ԱՄՆ-ի կողմից հանդիպմանը ներկա կլինեն փոխնախագահ Ջեյ Դի Վենսը, պետքարտուղար Մարկո Ռուբիոն, հատուկ բանագնացներ Սթիվ Ուիթքոֆը և Քիթ Քելլոգը, ինչպես նաև Սպիտակ տան աշխատակազմի ղեկավարը։

Ուկրաինական պատվիրակությունը ներկայացնում են նախագահի գրասենյակի ղեկավար Անդրեյ Երմակը և ԱԱԽ քարտուղար Ռուստեմ Ումերովը:

Վոլոդիմիր Զելենսկին էլ իր սոցիալական ցանցերում Թրամփի հետ հանդիպումից առաջ գրել է․

«Ուկրաինան պատրաստ է իրական զինադադարի և անվտանգության նոր ճարտարապետության հաստատմանը»։