Նիկոլ Փաշինյանն ու Իլհամ Ալիևը որոշել են համատեղ դիմում ներկայացնել Դոնալդ Թրամփին Խաղաղության Նոբելյան մրցանակ շնորհելու հարցով
Նիկոլ Փաշինյանն ու Ադրբեջանի նախագահ Իլհամ Ալիևը որոշել են ԱՄՆ նախագահ Դոնալդ Թրամփին Խաղաղության Նոբելյան մրցանակ շնորհելու վերաբերյալ համատեղ դիմում ներկայացնել Միջազգային Նոբելյան կոմիտեին։
Այս մասին ժողովրդին ուղղված ուղերձում ասել է Նիկոլ Փաշինյանը։
Անդրադառնալով օգոստոսի 8-ին ԱՄՆ-ի միջնորդությամբ Վաշինգտոնում Հայաստանի և Ադրբեջանի միջև տեղի ունեցած բանակցություններին և ստորագրված փաստաթղթերին՝ վարչապետն արձանագրել է, որ Հայաստանի և Ադրբեջանի միջև խաղաղություն է հաստատվել, որում անգնահատելի է ԱՄՆ նախագահ Դոնալդ Թրամփի և նրա վարչակազմի դերը։
«Հայաստանի և Ադրբեջանի միջև խաղաղություն է հաստատվել։ Այս գործում անգնահատելի է ԱՄՆ նախագահ Դոնալդ Թրամփի և նրա վարչակազմի դերակատարումը։ Այս է պատճառը, որ Ադրբեջանի նախագահի հետ պայմանավորվել ենք պարոն Թրամփին Խաղաղության Նոբելյան մրցանակ շնորհելու համատեղ դիմում հղել Միջազգային Նոբելյան կոմիտեին»,- ասել է Նիկոլ Փաշինյանը։
Օգոստոսի 8-ին Հայաստանի և Ադրբեջանի միջև ԱՄՆ-ի միջնորդությամբ հռչակագրի ստորագրումից հետո կայացած մամուլի ասուլիսի ժամանակ ՀՀ վարչապետը հայտարարել էր, որ Դոնալդ Թրամփն արժանի է, որպեսզի Խաղաղության Նոբելյան մրցանակ ստանա, իսկ Ադրբեջանի նախագահը ՀՀ վարչապետին առաջարկել էր համատեղ դիմում ներկայացնել Միջազգային Նոբելյան կոմիտեին՝ ԱՄՆ նախագահ Դոնալդ Թրամփին Խաղաղության Նոբելյան մրցանակ շնորհելու վերաբերյալ։
Latest from Live24
- Արևմուտքը Զելենսկու հանդիպումը Թրամփի հետ որակել է ձախողում Կիևի համար
- Փաշինյանը հոկտեմբերի 18-20-ը աշխատանքային այցով կգտնվի Սուրբ Աթոռում. նախատեսված է առանձնազրույց Հռոմի Պապ Լևոն XIV-ի հետ
- Թեհրանի կենտրոնում «Սուրբ Մարիամ» անվանումով կայարան կբացվի հայկական եկեղեցու դիմաց
- Հայաստանն ընդգրկվել է երրորդ եռամսյակում ամենապահանջված լոգիստիկ ուղղությունների շարքում
- Մանկավարժական համալսարանի ռեկտորը չի կալանավորվի. դատարանը մերժել է միջնորդությունը
- Սիրիան ռшզմական օգնություն է խնդրել Ռուսաստանից. ԶԼՄ
- Թշնամական տերությունները փորձում են սահմանափակել Իրանի մուտքը դեպի միջազգային ծովային միջանցքներ․ ՌԾՈւ հրամանատար
- Զոհվել են պաղեստինյան մեկ ընտանիքի 9 անդամներ՝ նրանց ավտոբուսի գնդակոծման հետեւանքով
Լրահոս
Ֆոտո
