Վարչապետ Բենիամին Նեթանյահուն ընդգծել է, որ Իսրայելը « անեքսիայի չի ենթարկի Գազան» և նախատեսում է տարածքի վերահսկողությունը հանձնել «անցումային կառավարման մարմնին», գրում է The Times of Israel-ը։

Նեթանյահուն հավելել է, որ Իսրայելը մտադիր է Գազայի ամբողջ տարածքի ռազմական վերահսկողությունը ստանձնել և, ի վերջո, այն հանձնել զինված ուժերին, որոնք պատշաճ կերպով կկառավարեն այն։ 

«Ցանկանում ենք ունենալ անվտանգության պարագիծ։ Չենք ուզում կառավարել այն։ Ցանկանում ենք այն հանձնել արաբական ուժերին, որոնք պատշաճ կերպով կկառավարեն այն՝ առանց մեզ սպառնալու, և Գազայի ժողովրդի համար լավ կյանք [կապահովեն]»,- հայտարարել է նա։ 

Նեթանյահուն վերահաստատել է Իսրայելի հիմնական նպատակները՝ ՀԱՄԱՍ-ի լիակատար լուծարումը և մնացած բոլոր պատանդների անվերապահ վերադարձը։ Նա վստահեցրել է, որ հակամարտությունը կարող է արագ ավարտվել, եթե ՀԱՄԱՍ-ը վայր դնի զենքերը և ազատ արձակի պատանդներին։ 

Իսրայելի անվտանգության կաբինետն այսօր ավելի ուշ պետք է հանդիպի՝ Գազայի հատվածի լիակատար ռազմական օկուպացիայի վերաբերյալ կարևոր քննարկման համար։