Ադրբեջանը՝ ԱՄՆ-ի և Իսրայելի աջակցությամբ, փորձում է գործարկել «Զանգեզուրի միջանցքը». իրանցի պատգամավոր
Իրանի խորհրդարանի ազգային անվտանգության և արտաքին քաղաքականության հանձնաժողովի անդամ Ամիր Մողադամը խոսել է Ադրբեջանի համագործակցության մասին «սիոնիստական ռեժիմի» և ԱՄՆ-ի հետ, երկրի բանտերում իրանցի բանտարկյալների հետապնդումների և «Զանգեզուրի միջանցք» նախագծի մասին, որը սպառնալիք է ներկայացնում Իրանի ազգային շահերի համար, գրում է Tabnak-ը։
Նրա գնահատմամբ՝ Ադրբեջանում իրանցի բանտարկյալները բախվում են «անմարդկային, անօրինական և կողմնակալ» վերաբերմունքի, որը ոչ միայն հակասում է մարդու իրավունքների մասին օրենքներին, այլև հանցագործություն է։
Նա հավելել է. «Իրանի կառավարությունը պետք է ավելի վճռականորեն արձագանքի այս գործողություններին»։
Պատգամավորը նաև զգուշացրել է «Զանգեզուրի միջանցք» նախագծի մասին, որը Ադրբեջանը փորձում է գործարկել ԱՄՆ-ի և «սիոնիստական ռեժիմի» աջակցությամբ՝ հայտարարելով, որ այն կարող է ուղղակի սպառնալիք դառնալ տարածաշրջանային անվտանգության և Իրանի շահերի համար։
Մողադամն ընդգծել է. «Զանգեզուրի միջանցքի գործարկման հարցը դեռևս լուծված չէ, բայց ամերիկացիներն ուշադիր հետևում են դրան և փորձում են հնարավորինս արագ իրականացնել այդ նախագիծը: Խորհրդարանն օգտագործել է իր բոլոր հնարավորությունները դա կանխելու համար, բայց գլխավոր դերը պատկանում է կառավարությանը, որը պետք է ակտիվ դիվանագիտության միջոցով կանխի Իրանի թշնամիների նպատակների իրականացումը»:
Latest from Live24
- Թրամփի և Պուտինի հեռախոսազրույցը տևել է ավելի քան երկու ժամ. Սպիտակ տուն
- Մենք պատրաստ ենք․ Հունգարիայի վարչապետը՝ Պուտին-Թրամփ առաջիկա հանդիպման մասին
- Իրանի ԱԽ քարտուղարը Պուտինին է փոխանցել ԻԻՀ գերագույն առաջնորդի ուղերձը
- Նախագահ Պուտինը և ես կհանդիպենք Բուդապեշտում՝ տեսնելու, թե կարող ենք այս տխրահռչակ պшտերшզմն ավարտին հասցնել․ Թրամփ
- Պուտինն ու Թրամփը ևս մեկ հանդիպում կանցկացնեն․ նրանք պայմանավորվել են
- Ռուսաստանն ու Իրանը երկկողմ հարաբերությունների շուրջ քննարկում են ունեցել
- Շահան Արքեպիսկոպոս Սարգիսյանը Փաշինյանին է փոխանցել Արամ Ա կաթողիկոսի ջերմ ողջույններն ու օրհնությունը
- Իրանն ու Բելառուսը վստահություն են հայտնել հարաբերություններն ընդլայնելու կապակցությամբ
Լրահոս
Ֆոտո
