«Մեծ յոթնյակի» երկրների առաջնորդները հունիսի 15-17-ը գագաթնաժողով են անցկացնում Կանադայի Կանանասկիս շրջանում: Reuters-ը, հղում անելով իր աղբյուրներին, հայտնել է, որ «G7-ի՝ Մեծ Բրիտանիայի, Գերմանիայի, Իտալիայի, Կանադայի, ԱՄՆ-ի, Ֆրանսիայի և Ճապոնիայի, առաջնորդները պատրաստել են Իրան-Իսրայել հակամարտության վերաբերյալ համատեղ հայտարարության նախագիծ, սակայն ԱՄՆ նախագահ Դոնալդ Թրամփը այն չի ստորագրել»։

Գործակալության տվյալով՝ G7-ի առաջնորդներն այդ հայտարարության նախագծում կողմերին լիցքաթափման կոչ են արել, միաժամանակ նշել, որ Իսրայելն ինքնապաշտպանության իրավունք ունի։

Բացի այդ, պատրաստվել է համատեղ հայտարարության նախագիծ՝ կարևորագույն օգտակար հանածոների մատակարարումները պաշտպանելու և ազգային տնտեսություններին աջակցելու մասին։ Սակայն, ըստ Reuters-ի, Թրամփը հրաժարվել է ստորագրել նաև այդ փաստաթուղթը։

Վաշինգտոնը չեղարկել է Ռուսաստանի հետ երկկողմ հարաբերություններում «գրգռիչների» վերացման և դեսպանատների աշխատանքը կարգավորելու վերաբերյալ խորհրդակցությունները: Այս մասին հայտնել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան, հաղորդում է «Վեդոմոստին»:

«Այսօր ամերիկացի բանակցողների նախաձեռնությամբ չեղարկվել է երկու երկրների դիվանագիտական ​​առաքելությունների աշխատանքը կարգավորելու նպատակով «գրգռիչների» վերացման վերաբերյալ երկկողմ խորհրդակցությունների շրջանակներում հաջորդ հանդիպումը: Հուսով ենք, որ նրանց կողմից վերցրած դադարը չափազանց երկար չի լինի», - ասել է Ռուսաստանի արտաքին գործերի նախարարության ներկայացուցիչը:

Նշվում է, որ ուկրաինա-բրիտանական մեկ այլ սցենարի համաձայն, նախատեսվում է իբր պատահաբար «որսալ» Բալթիկ ծովում ռուսական արտադրության խարսխված ականներ, որոնք, իբր, տեղադրված են միջազգային ծովային ճանապարհին դիվերսիաներ իրականացնելու համար։

ԱՀԾ-ն նշում է, որ Ուկրաինայի ղեկավարությունը Ուկրաինայի Անվտանգության ծառայությանն ու ՊՆ հետախուզության գլխավոր վարչությանը հանձնարարել է ակտիվացնել Ռուսաստանի դեմ մի շարք սադրանքների նախապատրաստական ​​աշխատանքները։

Իրանը պատրաստվում է պատմության մեջ ամենամեծ և ամենաուժեղ հրթիռային հարձակմանը Իսրայելի հողի վրա։ Հրատապ լուրը հայտնում են Իրանի պետական ​​լրատվամիջոցները։

Ավելի վաղ Իրանի Իսլամական Հանրապետությունը տարհանման նախազգուշացում էր տարածել օկուպացված տարածքների բնակիչների համար, որում մասնավորապես ասվում էր․ 

«Տարհանվեք՝ գոյատևելու համար։ Առաջիկա ժամերին Իրանի զինված ուժերը, ինչպես վերջին օրերին Թել Ավիվի տարածքում, կսկսեն գործողություն՝ հարվածելու սիոնիստական ​​ռեժիմի ռազմական ենթակառուցվածքներին։ Ձեր ներկայությունն այդ տարածքում սպառնում է ձեր կյանքին»։

Այսօր՝ հունիսի 16-ին, ավտովթար է տեղի ունեցել Երևանում: Ժամը 13:50-ի սահմաններում Աբովյան փողոցում՝ Ոստիկանության պոլիկլինիկայի հարևանությամբ բախվել են Երևանի բնակիչներ 66-ամյա Կարապետ Մ.-ի վարած, Երևանի քաղաքապետարանի հաշվեկշռում հաշվառված թիվ 54 երթուղու «MAN» մակնիշի ավտոբուսն ու 61-ամյա Ալբերտ Կ.-ի վարած «SAIPA» մակնիշի ավտոմեքենան: 

Ինչպես հայտնում է Shamshyan. com-ը, վթարի հետևանքով, ըստ նախնական տեղեկությունների, բարեբախտաբար տուժածներ չկան: 

Իրանը կոչ է արել տարհանել Իսրայելի Բնեյ Բրակ քաղաքի բնակիչներին։

Իրանը մտադիր է հարվածներ հասցնել այնտեղ տեղակայված ռազմական օբյեկտներին, հայտնել է SNN-ը։

Իրանական մեկ այլ գործակալություն հայտարարում է, որ Իրանը պատրաստ է շատ մեծ հարված հասցնել Իսրայելին։

ԻՀՊԿ մամուլի ծառայությունը իր հերթին հայտարարություն է տարածել․

«Մենք կոչ ենք անում Թել Ավիվի բնակիչներին անհապաղ լքել քաղաքը։

Մենք պատրաստ ենք երկարատև և լիակատար պատերազմի», -ասվում է հաղորդագրության մեջ։

Իրանը պատրաստվում է շատ մեծ հարված հասցնել Իսրայելին։

Այս մասին հայտնել է Hamshahri online կայքը։

Համապատասխան հայտարարություն է արել Իրանի անվտանգության ծառայության բարձրաստիճան ներկայացուցիչը։

Հեղափոխության պահապանների կորպուսի հրամանատարի խորհրդական Գեներալ Վահիդի.

- Մենք պատրաստ ենք երկարատև և լայնածավալ պատերազմի /

- Շուտով կներկայացնենք մեր նոր ստեղծագործական լուծումները

- Մենք հաշվի ենք առել բոլոր հնարավոր սցենարները և պատրաստ ենք պատերազմի ցանկացած իրավիճակի։

- Հրթիռային պաշարների կրճատումը կատակ է. մենք դեռևս լիովին չենք օգտագործել մեր ռազմավարական հրթիռային հնարավորությունները. երբ անհրաժեշտ համարենք, կգործարկենք ժամանակակից համակարգեր, և հրթիռների նոր սերունդները դրա միայն մի մասն են։

- Մենք չենք վախենում երկարատև պատերազմից. առաջիկա օրերին աշխարհը կտեսնի, թե որքան ստեղծագործաբար է Իրանը մտնելու մարտի մեջ։

- Բոլոր ճակատներում իրավիճակը կբարելավվի ամեն օր, և մենք կարող ենք օգտագործել նաև մեր մյուս ռեսուրսները։

- Սիոնիստական ​​ռեժիմին հարվածելու մեր հնարավորությունները շատ լայն են, և մոտ ապագայում բոլորը կտեսնեն, թե ինչ ուժ և ներուժ ունեն Իրանի զինված ուժերը տարբեր ոլորտներում։

Իսրայելում գտնվող Ռուսաստանի քաղաքացիները պետք է լքեն երկիրը մինչև իրավիճակի նորմալացում, «Ռոսիա 24»-ի եթերում հայտարարել է Իսրայելում Ռուսաստանի դեսպան Անատոլի Վիկտորովը։

Վիկտորովը հիշեցրել է, որ կան մի քանի տարբերակներ, որոնք կօգնեն ռուսներին լքել Իսրայելը և վերադառնալ Ռուսաստան։ «Էյլաթի մոտակայքում կա սահմանային անցակետ, որտեղից կարող եք 24 ժամ շարունակ անցնել Եգիպտոս, որտեղից կարող եք մեկնել Շարմ էլ Շեյխ կամ Կահիրե և «Աէրոֆլոտ»-ի չվերթներով վերադառնալ տուն», - ասել է նա՝ հավելելով, որ մի քանի տասնյակ Ռուսաստանի քաղաքացիներ արդեն օգտվել են այս երթուղուց, հաղորդում է RBK-ն։

Տաբա սահմանային անցակետը ծառայում է որպես ցամաքային սահմանային անցակետ Իսրայելի Էյլաթի և Եգիպտոսի Տաբա քաղաքի միջև։ Այն գտնվում է Էյլաթի հարավային ափի ամենահարավային կետում՝ Կարմիր ծովի և Էյլաթի լեռների միջև, քաղաքից մոտավորապես 10 կմ հարավ։