ՀՀ ԱԺ նախագահ Ալեն Սիմոնյանն արձագանքել է Ռուսական պետական հեռուստաալիքով հեռարձակվող «Երեկոն՝ Սոլովյովի հետ» հաղորդման վարող Վլադիմիր Սոլովյովի ելույթին, որի ընթացքում վերջինս վիրավորական արտահայտություններ է հնչեցրել ՀՀ վարչապետ Նիկոլ Փաշինյանի հասցեին:

Սիմոնյանը, մասնավորապես, ասել է.

«Այս հեռուստատեսային այլանդակը կարծում է, որ իրավունք ունի երկրի ղեկավարին պիտակավորել ստոր խոսքերով, կոչ անել Հայաստանի ժողովրդին քաղաքական գործողությունների՝ օրինական ընտրված կառավարության դեմ, խաղալ զգացմունքների հետ, տարածել այս ամբողջ էժանագին զառանցանքները՝ ներկայացնելով այն խղճուկ դերասանական խաղով, և միևնույն ժամանակ հույս ունենալ, որ բավական է պարզապես ասել՝ «Սա ներքին գործերին միջամտություն չէ», և վե՞րջ։

Սա ուղղակի միջամտություն է Հայաստանի Հանրապետության ներքին գործերին, նրա ղեկավարության և ժողովրդի նկատմամբ ատելության ու վիրավորանքի գիտակցված տարածում։

Պետական հեռուստաալիքով նման արարքները լուրջ վնաս են հասցնում մեր երկրների հարաբերություններին և միայն խոր զզվանք առաջացնում Հայաստանի բնակչության շրջանում։

Հուսով եմ, որ իմ ռուս գործընկերները, որոնց հետ մենք մեկ անգամ չէ, որ քննարկել ենք նման միջադեպերը, կարձագանքեն, և որ հայ հասարակությունը նույն ալիքով, նույն շքեղ «գեղարվեստական» ձևով կլսի հստակ ներողություն»։

Մեծ թվով ոստիկաններ են ժամանել ՀՀ Քննչական կոմիտեի շենքի մոտ, որտեղ հավաքված են «Տաշիր գրուպ» ընկերության սեփականատեր Սամվել Կարապետյանի կողմնակիցները։

Հիշեցնենք, որ այս գիշերը ժամը 3-ի սահմաններում գործարար Սամվել Կարապետյանը դուրս եկավ իր առանձնատնից և իրավապահների հետ հեռացավ՝ ժամեր շարունակ տան առջև սպասող աջակիցներին ասելով. «Չմոռանաք, լավ դաս կտաք սրանց»:

Այսօր հայտնի դարձավ, որ նրան տեղափոխել են Քննչական կոմիտե։

Երեկվա իրադարձությունները հերթական անգամ ցուցադրեցին գործող իշխանության ողջ սնանկությունը։ Այս մասին հայտարարություն է տարածել «Տաշիր գրուպ»–ի սեփականատեր Սամվել Կարապետյանը։

Հայտարարությունում նաեւ ասվում է. «Անկեղծ ատելությունը Հայ Առաքելեկան Եկեղեցու նկատմամբ, քամահրական վերաբերմունքը ազգային արժեքների հանդեպ,

առողջ քննադատության անընդունելիությունը, որևէ այլախոհություն կոպտորեն ճնշելու հիվանդագին ցանկությունը, ցավոք, այս իշխանության «որակների» ոչ ամբողջական ցուցակն է։ Բայց Հայաստանը միշտ ու առաջին հերթին հայտնի է եղել իր սկզբունքային և անվախ որդիներով, ու դեռ չի ծնվել այնպիսի իշխանություն, որ կարողանա կոտրել նրանց։ Երեկ շատերն ընդվզեցին անարդարության դեմ, ու ես անկեղծ շնորհակալ եմ նրանց։

Իմ հայրենիքն ու հայրենակիցները մշտապես ուշադրությանս կենտրոնում են եղել, իմ ու ընտանիքիս կյանքի և գործունեության առանցքում։ Այդպես եղել է, կա ու կլինի միշտ։

Երբեք չեմ հրաժարվի իմ սկզբունքներից ու արժեքներից, որովհետև դրանց հիմքում՝ ինքը Հայաստանն է, անհուն հարգանքն ու սերը իմ հայրենիքի, մեր ավանդույթների, մեր պատմության, մեր Եկեղեցու հանդեպ:

Սիրելի հայրենակիցներ,

վստահ եմ, որ համախմբվելու ենք ու կարողանալու ենք ելք գտնել մեր երկրի շուրջ ստեղծված ծանր իրավիճակից։ Աստծո օգնությամբ»։

Հայ Առաքելական Եկեղեցուն սատարող անձանց նկատմամբ իրականացվող ճնշումները անընդունելի են ինչպես բարոյական, այնպես էլ իրավական տեսանկյունից։ Այս մասին հայտարարություն է տարածել Ռուս Ուղղափառ եկեղեցու Մոսկվայի պատրիարքարանը։ 

«Մենք խոր մտահոգությամբ ենք հետևում այն բացասական տեղեկատվական մթնոլորտին, որն այսօր ձևավորվում է Հայաստանի իշխանությունների կողմից Հայ Առաքելական Եկեղեցու շուրջ։

ՀԱԵ-ն մեր Եկեղեցու հետ ունի երկարամյա քույրական հարաբերություններ։

Եկեղեցու Գերագույն Պատրիարքին ու Կաթողիկոսին ուղղված հարձակումները միջամտություն են նրանց ներքին գործերին, ինչը աշխարհիկ պետության իշխանությունների կողմից անթույլատրելի է»:

Եվրոպական դիվանագիտության ղեկավար Կայա Կալլասը հայտարարել է, որ Եվրամիությունը մտադիր է 2027 թվականից ընդմիշտ հրաժարվել ռուսական գազից։ Ավելի վաղ Եվրահանձնաժողովը ուսումնասիրել էր Ռուսաստանից վառելիքից ամբողջապես հրաժարվելու առաջարկները։

«Այսօր մենք ուրվագծեցինք մեր առաջարկը՝ մինչև 2027 թվականի վերջը արգելել ռուսական գազի ներմուծումը։ Եվրոպան արդեն զգալիորեն նվազեցրել է իր կախվածությունը։ Հիմա մենք ընդմիշտ փակում ենք գազի ծորակը։ Ռուսաստանը այլևս չի կարողանա էներգիան որպես զենք օգտագործել մեր դեմ», - գրել է Կայա Կալլասը X սոցիալական ցանցում։

Հունիսի 17-ին ԵՄ էներգետիկայի հանձնակատար Դան Յորգենսենը Եվրահանձնաժողովին ներկայացրել է Ռուսաստանից վառելիքների, այդ թվում՝ բնական գազի և հեղուկացված բնական գազի (ՀԲԳ) փուլային հրաժարման առաջարկներ: Այս նպատակին հասնելու համար ԵՄ-ն կարող է օգտագործել նոր օրենսդրություն, այլ ոչ թե պատժամիջոցներ: Առաջարկի համաձայն՝ գործող կարճաժամկետ պայմանագրերը պետք է դադարեցվեն մինչև 2026 թվականի հունիսի կեսերը, իսկ երկարաժամկետ պայմանագրերը՝ մինչև 2027 թվականի վերջը:

Կարծում եմ հասունացել է պահը, երբ Հայաստանի էլեկտրական ցանցեր ՓԲԸ-ն պետք է ազգայնացվի (պետականացվի)։ Դա տեղի կունենա արագ։

Գրել է Նիկոլ Փաշինյանը․

«Ասում է՝ թքած ունեմ իրենց վրա էլ, իրենց ՀԷՑ-ի վրա էլ։

Այսինքն, այս մարդիկ ՀԷՑ-ը իրենցը չեն էլ համարել, եւ թքած ունեն այդ ռազմավարական նշանակության հիմնարկի, նրա սպառողների ու աշխատակիցների վրա, որովհետեւ եթե ՀԷՑ–ը իրենցը չէ, ու՞մն է, ուրեմն․ նրա սպառողներինը, նրա աշխատողներինը։ Ասել է, թե ժողովրդինը, որովհետև ողջ ժողովուրդը կամ ՀԷՑ-ի սպառող է կամ աշխատակից։  

Կարծում եմ հասունացել է պահը, երբ Հայաստանի էլեկտրական ցանցեր ՓԲԸ-ն պետք է ազգայնացվի (պետականացվի)։ Դա տեղի կունենա արագ և իմ հանձնարականն է ՀԷՑ-ի բոլոր աշխատակիցներին՝ բարեխղճորեն կատարել իրենց աշխատանքային պարտականությունները։

Ազգայնացումից (պետականացումից) հետո բարեխղճությունը հաշվի կառնվի»։

Tert.am-ի տեղեկություններով, գործարար, բարերար Սամվել Կարապետյանը Քննչական կոմիտեում է, նրա նկատմամբ քրեական վարույթ է նախաձեռնված: ՔԿ-ից դեռ Tert.am-ի հարցմանը չեն պատասխանել:

Ինչպես հայտնի է՝ գիշերը ժամը 3-ի սահմաններում,  Սամվել Կարապետյանը դուրս է եկել առանձնատնից և իրավապահների հետ հեռացել՝ ժամեր շարունակ տան առջև սպասող աջակիցներին ասելով. «Չմոռանաք, լավ դաս կտաք սրանց»: 

Իսլամական հեղափոխության պահապանների կորպուսի աշխատակիցները ձերբակալել են հինգ մարդու, որոնց կասկածում են Լուրեստան նահանգում Իսրայելի հատուկ ծառայությունների օգտին աշխատելու մեջ։ Այս մասին տեղեկացրել է NourNews գործակալությունը։

Նրա տեղեկացմամբ՝ կասկածյալները ձերբակալվել են Խորեմաբադ, Բորուջերդ եւ Դորուդ քաղաքներում։ Նշվել է, որ այդ մարդկանց խումբը հիմնականում զբաղվել է իսրայելամետ քարոզչությամբ։

Իսլամական հեղափոխության պահապանների կորպուսի պաշտոնական հայտարարությունը.

Ալլահի՝ Բարեգործի, Ողորմածի անունով

«Եվ երբ գտնեք անհավատներին, հարվածեք նրանց պարանոցին...» (Ղուրան, 47:4)

Առաջին սերնդի Ֆաթթահ հրթիռներով հպարտ «Ճշմարիտ խոստում 3» գործողության տասնմեկերորդ ալիքը նշանավորում է սիոնիստական ​​բանակի առասպելական օդային պաշտպանության ավարտի, սիոնիստ չարագործների խառնաշփոթի և ինքնաոչնչացման սկիզբը: Շնորհավորում ենք ձեզ, հրամանատարներ և ԻՀՊԿ-ի ավիատիեզերական ուժերի հավատարիմ մարտիկներ:

Այսօր երեկոյան հզոր և մանևրային Ֆաթթահ հրթիռները, հաղթահարելով հակահրթիռային վահանը, բազմիցս ցնցեցին սիոնիստ վախկոտների ապաստարանները և Իրանի ուժի ուղերձ փոխանցեցին Թել Ավիվի ռազմական դաշնակցին, որը ապրում էր պատրանքներով և դատարկ երազանքներով:

Այսօրվա հրթիռային հարվածը ցույց տվեց, որ մենք լիակատար վերահսկողություն ունենք օկուպացված տարածքների երկնքի նկատմամբ, և դրանց բնակիչները լիովին անպաշտպան են իրանական հրթիռային հարձակումներից:

Ես Եկեղեցու՞ դեմ եմ դուրս եկել, թե նրա սրբությունները պղծողների։ Այս մասին Facebook–ի իր էջում գրել է ՀՀ վարչապետ Նիկոլ Փաշինյանը։

Նա, մասնավորապես, գրել է.

«1․ Հայաստանյայց Առաքելական Սուրբ Եկեղեցին ՀՀ Արդարադատության նախարարությունում գրանցված իր Կանոնադրության մեջ հաստատում է, որ իր Կանոնագիրքը իրավական ուժ ունի եկեղեցու պաշտոնյաների եւ հավատացյալների համար։

2․ Կանոնագրքում Առաքելական երկրորդ կանոնների Կանոն ԻԳ–ում ասվում է (մեջբերում)․ «Եպիսկոպոսը կամ երէցը կամ սարկաւագը, եթէ պոռնկութեան մէջ կամ երդմնազանցութեան կամ գողութեան մէջ բռնուեն, կարգալոյծ լինեն» (մեջբերման ավարտ)։

3․ Քանի որ Կանոնագիրքը օրենք է նաեւ իմ՝ հավատացյալիս համար, պարտավոր լինելով առաջնորդվել Կանոնագրքով, ընդգծում եմ, որ Արշակ «արքեպիսկոպոս» Խաչատրյանը պոռնկացել է եւ համաձայն Հայաստանյայց Առաքելական Սուրբ Եկեղեցու վերը նշված կանոնի պետք է կարգալույծ լինի (ի դեպ, նմանատիպ բովանդակությամբ կանոնները բազմաթիվ են, ես մեկն եմ մեջբերում, չծանրաբեռնելու համար)։ 

4․ Վերը նշված արարքով նույն անձը նաեւ երդմնազանց է եղել, որովհետեւ կուսակրոնության ուխտը ստանձնելիս հայտարարել եւ ստորագրել է նույնաբովանդակ Ուխտագիր կուսակրոն քահանայության, որտեղ ասվում է (մեջբերում)․ «Ես, Արշակ աբեղա Խաչատրյանս օրհնությամբն Աստծո եւ կամոքն ազգիս, հաստատ համոզմամբ հանձն եմ առնում ընդունելու կուսակրոն քահանայության կարգը։ Փրկչի իջման սուրբ սեղանի առաջ խոստանում եւ ուխտում եմ (…) Սրբությամբ պահել կուսակրոն քահանայության ուխտս։ (…) Ապրել առաքինի կյանքով ու պարկեշտ վարքով» (մեջբերման ավարտ): Այսինքն, այդ անձը խախտել է նաեւ Փրկչի իջման սուրբ սեղանի առաջ իր արտասանած եւ ստորագրած կուսակրոն քահանայության Ուխտագիրը եւ հետեւաբար պետք է կարգալույծ լինի նաեւ երդմնազանցության հիմքով։

Հիմա, այս հարցերին հետամուտ լինելով, ես պայքարում եմ ընդդեմ Եկեղեցու՞, թե պայքարում եմ հանուն Հայաստանյայց Առաքելական Սուրբ Եկեղեցու արժեքների։ Ես Եկեղեցու՞ դեմ եմ դուրս եկել, թե նրա սրբությունները պղծողների։

Իհարկե, դուրս եմ եկել մեր եկեղեցու սրբությունները պղծողների դեմ եւ պայքարում եմ հանուն Հայաստանյայց Առաքելական Սուրբ Եկեղեցու ու նրա հավատավոր հոտի, որի հավատարիմ անդամն եմ։