«Հրապարակ» թերթը գրում է. «Սամվել Կարապետյանի՝ Եկեղեցուն պաշտպանող հայտարարությունից շատ չանցած՝ նկատեցինք, որ ԱԺ դահլիճում բյուջեի քննարկմանը հետեւող Նիկոլ Փաշինյանն անկանոն շարժումներ սկսեց անել եւ իր մոտ կանչեց ՔՊ խմբակցության ղեկավար Հայկ Կոնջորյանին եւ ինչ-որ հրահանգներ տվեց:

Ապա Կոնջորյանը ելույթ ունեցավ ամբիոնից՝ ՀԷՑ-ին ուղղված սպառնալից հայտարարություններ անելով, իսկ ՔՊ-ական մի շարք պատգամավորներ Եկեղեցուն եւ նրա բարերար Սամվել Կարապետյանին նվիրեցին հայտարարությունների ժամը։

Նշենք, որ այս նստաշրջանի վերջին հերթական նիստերը երեկ են մեկնարկել եւ կարող են երկու շաբաթ ձգվել՝ օրակարգի ընդարձակ լինելու պատճառով։ Պատգամավորները, սակայն, այս փորձությամբ չեն պրծնելու, արտահերթ նիստեր էլ են հրավիրվելու»։

Առավել մանրամասն թերթի այսօրվա համարում

«Հրապարակ» թերթը գրում է. «Սամվել Կարապետյանի հայտարարությունը` ի աջակցություն Եկեղեցու, խաղաղ երկնքում պայթած ռումբի դեր խաղաց` ստիպելով Նիկոլ Փաշինյանին բացահայտել, թե ինչ աստիճանի է խախտված իր նյարդային համակարգը, եւ ինչքան վտանգավոր է ինքը` երկրի ղեկավար աթոռին:

Նրա անձնական օգտագործման ՆԳՆ-ն, ԱԱԾ-ն, ՊՊԾ-ն անմիջապես գործի էին անցել եւ արշավել դեպի Ուլնեցու փողոց` հավասարակշռությունը կորցրած անձի կամքը կատարելու: Իսկ նա գրել էր. «Հիմա ես քեզ իմ ձեւով կմիջամտեմ, ստահակ»:

ԱԺ-ում գտնվող Փաշինյանն օրվա ընթացքում 4-5 գրառում էր կատարել` մեկը մյուսից խայտառակ: Եվ այդ հրահանգը գլխավոր դատախազը, ՆԳ նախարարը, ԱԱԾ տնօրենը եւ մյուսներն ուղիղ էին հասկացել: 40-45 անձ էր ձերբակալվել Ուլնեցու փողոցից` առանց մեղադրանքի, առանց որեւէ հիմնավորման` ի կատարումն «բռնապետի» կամքի»։

Առավել մանրամասն թերթի այսօրվա համարում

Յուրաքանչյուր կուսակրոն հոգեւորական կուսակրոնությունը ստանձնում է խորանի առաջ ծնկաչոք ստանձնած հետեւյալ ուխտով (տե՛ս կցված տեսանյութը, որը համացանցից պատահականորեն վերցված օրինակ է)։ Արարողության վերջում Ուխտագրի տեքստը ստորագրվում է։ Այս մասին իր էջում գրել է ՀՀ վարչապետ Նիկոլ Փաշինյանը, ով նաեւ տեսանյութ է հրապարակել։

Նա, մասնավորապես, նշել է. «(Մեջբերում)․ «Ես տեր Անուն աբեղա Ազգանունս, օրհնությամբն Աստծո եւ կամոքն ազգիս, հաստատ համոզմամբ հանձն եմ առնում ընդունելու կուսակրոն քահանայության կարգը։ Փրկչի իջման սուրբ սեղանի առաջ խոստանում եւ ուխտում եմ․

Առաջին – Սրբությամբ պահել կուսակրոն քահանայության ուխտս։ Հավատով ու նվիրում ծառայել Հայաստայայց Առաքելական Սուրբ Եկեղեցուն, Մայր Աթոռ Սուրբ Էջմիածնին եւ հայ ժողովրդին։

Երկրորդ – Անաղարտորեն պահել ուղղափառ հայրերից մեզ ավանդած դավանությունը, պահել եւ ուսուցանել այն մեր եկեղեցու ավանդական հավատքի համաձայն։

Երրորդ – Մայր Աթոռ Սուրբ Էջմիածնի միաբան մնալ մինչեւ իմ կյանքի վախճանը, սրբությամբ պահել ժուժկալության, կամավոր աղքատասիրության, կրոնավորական ողջախոհության եւ հնազանդության հայրապետահաստատ կանոնները, ուրանալ իմ անձը եւ մնալ սուրբ հայրերի հաստատած կանոնների մեջ։ 

Չորրորդ – Ապրել առաքինի կյանքով ու պարկեշտ վարքով, անձաձրույթ կատարել եկեղեցական պաշտամունքները, ամենայն հնազանդությամբ գործադրել միաբանական ուխտի կանոնները տեւապես հետամուտ լինել իմ հոգեւոր կյանքի զարգացմանն ու նվիրվել գիտական, գրական եւ կրթական աշխատանքին, որքան ներեն իմ կարողությունները։

Հինգերորդ – Լինել հնազանդ Ամենայն Հայոց Հայրապետի հրամաններին, ինձ վստահված պաշտոնները եւ աշխատանքները կատարել սիրով եւ եռանդով։

Որպես երաշխավորություն իմ այս խոստումների, ստորագրում եմ սույն ուխտագիրը» (մեջբերման ավարտ)։

Կուսակրոնության քահանայության ուխտի խախտումը կուսակրոն հոգեւորականին կարգալույծ անելու անառարկելի հրամայական է։

Հանգամանքը, երբ շատերը գիտեն ուխի խախտման մասին, բայց լռում են, Հայաստանյայց Առաքելական Սուրբ Եկեղեցու հիմքերը խարխլելու ուղիղ գործելակերպ է։

Անկեղծ պիտի ասեմ, երկար ժամանակ լուրերին, բամբասանքներին չեմ հավատացել, բայց հիմա երբ փաստացի եւ ապացուցելի գիտեմ, այդ մասին լռելը կլինի սրբապղծություն, համախոհություն մեր Եկեղեցու հիմքերը խարխլողների հետ։ Կուսակրոնության ուխտը խախտածները, տվյալ դեպքում փաստացի ապացուցված դեպքերով Կտրիճ Ներսիսյանը եւ Սամվել Խաչատրյանը Հայաստանյայց Առաքելական Սուրբ Եկեղեցու մասունքներին իրենց պիղծ ձեռքերով դիպչելու իրավունք չունեն եւ պետք է հեռանան Մայր Աթոռ Սուրբ Էջմիածնից։

Այս տեքստը Կանոնագրքի կոնկրետ հոդվածներով հիմա չեմ ծանրաբեռնում։ Առաջիկայում, սակայն, հարցին այդ մանրամասներով եւս կանդրադառնամ։

«Հրապարակ» թերթը գրում է. ««Ինչո՞ւ դեմ քվեարկեցիք Ձեր իսկ հեղինակած նախագծին, երբ ընդամենը րոպեներ առաջ ԱԺ ամբիոնից հայտարարում էիք, որ սխալ է նախագիծը հետ կանչելը, ցիտում էիք Նիկոլ Փաշինյանին, որը դրական է վերաբերվել այդ նախագծին ու գաղափարին»,- հարցրինք ՔՊ-ական պատգամավոր Հայկ Սարգսյանին: 

Խոսքը բանակից փողով ազատվելու աղմկահարույց նախագծի մասին է։ «Ես հավատարիմ եմ խմբակցությանը, դեմ չգնացի խմբակցության որոշմանը»։ Բայց օրեր առաջ խմբակցությունը փակ նիստ էր արել եւ արտահայտել իր դիրքորոշումը, որ դեմ է, եւ Ձեզ էլ հորդորել էր՝ հետ կանչել նախագիծը, սակայն Դուք անմռունչ առաջ էիք տանում նախագիծը, որն օրեր առաջ ԱԺ պաշտպանության հանձնաժողովում բացասական եզրակացություն էր ստացել։

Սարգսյանն ասաց, որ ինքն արդեն ամեն ինչ ասել է: Գուցե Փաշինյանի՞ց եք sms ստացել։ «Ոչ, չեմ ստացել»։ Նշենք, որ Հայկ Սարգսյանը նույնպես ցանկանում է ՔՊ վարչության անդամ դառնալ եւ ինքնառաջադրվել է անդամության թեկնածու։ Ընտրությունները կայանալու են աշնանը` ՔՊ համագումարի ժամանակ»։ 

Առավել մանրամասն թերթի այսօրվա համարում

«Իրավունք» թերթը գրում է. «ՔՊ-ի ներսում բունտ է հասունանում, իսկ պատճառը Փաշինյանի «զուգընկերուհին» է: Ասում են՝ վերջին նիստին ՔՊ-ական կանայք բավական կոշտ տոնով սկսել են դժգոհել վերջինիցս, թե բա՝ իր ամեն ասածի համար մենք ենք պատասխան տալիս, եթե բան է հայտարարում, թող ապացույցները գոնե մեզ տա, մենք շարունակենք, ոչ թե կրակը ընկնենք ու լրագրողների լարած թակարդից դուրս չգանք:

Կանանց դժգոհությանը միացել են նաեւ իրենց սուսիկ-փուսիկ պահած տղամարդիկ՝ բնականաբար, գլխների շարժումներով:

Առավել մանրամասն թերթի այսօրվա համարում

Իրանի գերագույն առաջնորդ Ալի Խամենեին հայտարարել է Իսրայելի հետ ռազմական հակամարտության նոր փուլի մասին: Նա այս մասին հայտարարել է X սոցիալական ցանցի իր էջում:

«Ճակատամարտն սկսվում է», - գրել է Խամենեին:

Հունիսի 13-ի գիշերը Իսրայելը սկսեց «Վերածնվող առյուծ» գործողությունը՝ հարձակվելով Իրանի միջուկային և ռազմական օբյեկտների վրա: Հարվածները ուղղված էին միջուկային զենքի մշակման հետ կապված ենթակառուցվածքներին, ինչպես նաև իրանցի գեներալների գտնվելու վայրերին:

Նույն օրվա երեկոյան Իսլամական հեղափոխության պահապանների կորպուսը հայտարարեց «Ճշմարիտ խոստում 3» անվամբ պատասխան գործողության մեկնարկի մասին: Իսրայելի դեմ հրթիռային հարվածներ հասցվեցին:

ԱԱԾ տնօրենի պարտականությունները ժամանակավորապես կկատարի ԱԱԾ տնօրենի տեղակալ Անդրանիկ Սիմոնյանը:

Հիշեցնենք, որ վարչապետի այսօրվա որոշմամբ, Արմեն Աբազյանն ազատվել է ԱԱԾ տնօրենի պաշտոնից։

Ըստ NEWS.am–ի տեղեկությունների քիչ առաջ ոստիկանության բաժանմունքից դուրս եկան Կարեն Կարապետյանը եւ նրա որդին՝ Նարեկ Կարապետյանը։

Ինչ վերաբերում է Սամվել Կարապետյանին, այս պահին տեղեկություններ չկան նրա կարգավիճակի մասին։
Նշենք, որ գիշերը ժամը 4–ի սահմաններում իրավապահների ուղեկցությամբ նրանք դուրս էին եկել, նստել էին ոստիկանական մեքենա, սակայն ոստիկանությունը դրանից հետո որեւէ տեղեկություն չի հայտնել։

Վարչապետի այսօրվա որոշմամբ, Արմեն Աբազյանն ազատվել է ԱԱԾ տնօրենի պաշտոնից։

«Ղեկավարվելով «Հանրային ծառայության մասին» օրենքի 9-րդ հոդվածի 5-րդ մասով և «Ազգային անվտանգության մարմինների մասին» օրենքի 4.1-ին հոդվածի 2-րդ մասով՝

1. Արմեն Աբազյանին ազատել ազգային անվտանգության ծառայության տնօրենի պաշտոնից:

2. Ազգային անվտանգության ծառայության տնօրենի պարտականությունների կատարումը ժամանակավորապես վերապահել ազգային անվտանգության ծառայության տնօրենի տեղակալ Անդրանիկ Սիմոնյանին»,- ասված է որոշման մեջ։

Նշենք, որ Արմեն Աբազյանն ԱԱԾ տնօրեն էր նշանակվել 2020 թ. նոյեմբերի 8-ին։

Իրանը հրթիռներ է արձակել Թել Ավիվում, Հայֆայում, Երուսաղեմում և Վերին Գալիլեայում տեղակայված թիրախների ուղղությամբ, հաղորդում է IRNA-ն։

Իսրայելական զինվորականների նախնական գնահատականներով՝ արձակվել է առնվազն 15 հրթիռ, հաղորդում է BBC-ն։

Իսրայելական լրատվամիջոցների տվյալներով՝ հրթիռներ են ընկել կենտրոնական Իսրայելի մի քանի վայրերում։