Դեռևս ձեռնպահ եմ մնում այդ թեմայով խոսելուց. գործընթացը ձախողված չէ՝ վաղուց սկսված է.

Սերժ Սարգսյան

Մանրամասները՝ տեսանյութում։

Իմպիչմենթի գործընթացը վաղուց սկսված է. գործընթացն սկսվելու է, երբ ԱԺ մեկ պատգամավոր առաջադրում է վարչապետի թեկնածու։ Այս մասին,այսօր՝ հունիսի 12–ին, Կոմիտասի անվան զբոսայգու պանթեոնում ՀՀ նախկին վարչապետ Անդրանիկ Մարգարյանի ծննդյան առիթով հարգանքի տուրք մատուցելուց հետո լրագրողների հետ զրույցում նշեց ՀՀ երրորդ նախագահ Սերժ Սարգսյանը;

Դիտարկմանը, որ հարցը ԱԺ օրակարգ բերելու համար անհրաժեշտ է առնվազն 36 պատգամավորի ստորագրություն, Սերժ Սարգսյանը պատասխանեց. «36–ը ի՞նչ կապ ունի, նիստերի դահլիճ բերելու ենք, երբ ունենանք 54։ 36–ն ի՞նչ կապ ունի։ 36–ը վատ թիվ եք ասում»։

Դրանից հետո երրորդ նախագահը նստեց մեքենան անպատասխան թողնելով հարցը, թե երբ են նախատեսում մեկնարկել փողոցային պայքարը։

Հիշեցնենք, որ երեկ տեղի են ունեցել բանակցություններ «Հայաստան» և «պատիվ ունեմ» խմբակցությունների միջև տեղի են ունեցել բանակցություններ:

«Վարչապետին անվստահություն հայտնելու գործընթացի տակ կա 6 ստորագրություն, դրանք «Պատիվ ունեմ» խմբակցության պատգամավորների ստորագրություններն են»,- ֆրանից հետո լրագրողներին ասել է «Պատիվ ունեմ» խմբակցության ղեկավար Հայկ Մամիջանյանը: 

Խնդիրը չգիտեմ ինչումն է, բայց փաստ է, որ մինչ այս պահը իմպիչմենտի գործընթացի ձևաթղթի տակ դրված է  ընդամենը 6 պատգամավորի ստորագրություն։ Այս մասին այսօր՝ հունիսի 12–ին, Կոմիտասի անվան զբոսայգու պանթեոնում ՀՀ նախկին վարչապետ Անդրանիկ Մարգարյանի ծննդյան առիթով հարգանքի տուրք մատուցելուց առաջ լրագրողներին ասաց ԱԺ «Պատիվ ունեմ» խմբակցության կողմից իմպիչմենտի գործըթնացում վարչապետի թեկնածու առաջադրված, Մասիսի քաղաքապետ Դավիթ Համբարձումյանը։

Նա նշեց, որ չգիտի, թե ինչու մյուս ընդդիմադիր խմբակցությունը  չի ստորագրել իմպիչմենտի ձևաթղթի տակ,  կարծում է, իրենք  կպատասխանեն. «Ձևաթղթի տակ չկա «Հայաստան» խմբակցության պատգամավորների ստորագրությունը, թե ինչի տակ են դրել իրենց ստորագրւթյունը, ոնց են ներկայացնելու, ճիշտ կլինի հարցնել իրենց պատգամավորներին»։

«Մենք մեր օրակարգով շարժվում ենք առաջ։ Մենք գնալու ենք մինչև վերջ՝ մինչև վարչապետի պաշտոնակատարի վերջնական անվստահություն հասնելը», - ասաց Դ.Համբարձումյանը։

Նա նշեց, որ կգեներացնեն ժողովուրդ, կլինի փողոց, պայքար։

Հարցին՝ ե՞րբ,  նա պատասխանեց. «Չեմ կարծում, որ ժամկետները շատ հեռու են, շուտ կլինի։ Հստակ հաշվարկներ կանենք, ճիշտ կկողմնորոշվենք, որ պահին փողոցը գեներացնենք։ Ամեն ինչ կհաշվարկենք, նոր մեր քայլերը կկատարենք։ Տեղեկություն ունեմ, որ մարդիկ դուրս կգան փողոց։ Ամենօրյա աշխատանքի մեջ եմ մեր ժողովրդի հետ։ Վստահ եմ, որ մեզ կհաջողվի գեներացնել փողոցը։

Մենք գալու ենք կասեցնելու այն գահավիժող  ընթացը, ինչ տեղի է ունենում մեր երկրում։ Մեր նպատակն է նաև ձևավորել հանրային լայն համերաշխության օրակարգ։ Վստահ եմ՝ ինչ որ մենք, մեր թիմը պլանավորել է, քայլ առ քայլ, փուլ-փուլ հասցնելու ենք ավարտին»։

Հայաստանի իշխանություններն աննախադեպ հարձակում են սկսել հոգևորականության վրա: Թեմային անդրադարձել է Известия-ն։

Ըստ հոդվածի՝ ներկայիս հակամարտության համար կան մի քանի պատճառներ: Մի կողմից՝ Հայ եկեղեցին, ըստ էության, մնում է միակ պետական ինստիտուտը, որն անկախ է Փաշինյանից և նրա թիմից: Ավելին՝ կրոնական կառույցը բազմիցս արտահայտվել է հայրենասիրական դիրքերից՝ դառնալով բողոքի տրամադրությունների հենարան: Անցյալ գարնանը ՀԱԵ-ի հոգևորականներն էին, որ դեմ արտահայտվեցին Տավուշի մարզում Ադրբեջանի հետ սահմանազատմանը:

«Անցյալ տարի բողոքի շարժումը, ի վերջո, մարեց, բայց Հայ եկեղեցու սկզբունքային դիրքորոշումը չի վերացել։

Փաշինյանի թիմն անընդհատ խոսում է Ադրբեջանի հետ խաղաղության ցանկության մասին, բայց կրոնական գործիչները չեն մոռանում Ղարաբաղի մասին: Մայիսի վերջին Շվեյցարիայում Գարեգին II-ի նախաձեռնությամբ տեղի է ունեցել միջազգային համաժողով, որտեղ քննարկվել են կորուսյալ տարածաշրջանում հայկական հոգևոր և մշակութային ժառանգության պահպանման հարցերը: Կաթողիկոսն ինքը միջոցառման ժամանակ հայտարարել է, որ Ղարաբաղում տեղի է ունեցել ցեղասպանության և էթնիկ զտման ակտ, որի արդյունքում՝ տարածաշրջանը օկուպացվել է, իսկ բնիկ բնակչությունը՝ վտարվել: Այս ամենը բացարձակապես անհավանական թեզեր են ներկայիս Հայաստանի ղեկավարության համար, քանի որ Նիկոլ Փաշինյանը և նրա թիմի ներկայացուցիչներն ամբողջ ուժով փորձում են հաշտվել Բաքվի հետ:

Դրա համար նրանք պատրաստ են գնալ տարբեր զիջումների, այդ թվում՝ Սահմանադրության փոփոխության։

Բացի այդ՝ մոտ մեկ տարի անց Հայաստանում պետք է անցկացվեն ամենակարևոր խորհրդարանական ընտրություններ, իսկ իշխող կուսակցությունը նախընտրական քարոզարշավին մոտենում է դժվարին իրավիճակում․ գարնանը իշխող կուսակցության ներկայացուցիչները կորցրել են միանգամից երկու կարևոր պաշտոն՝ պարտվելով Շիրակի և Փարաքարի քաղաքապետի ընտրություններում:

Հարցումների համաձայն՝ «Քաղաքացիական պայմանագրի» վարկանիշը կազմում է ընդամենը 11%։

Միևնույն ժամանակ՝ եկեղեցին մեծ վստահություն է վայելում բնակչության շրջանում։ Հնարավոր է, որ այն աջակցի իշխող կուսակցության հակառակորդներին՝ այդպիսով մեծացնելով նրանց հաղթանակի հնարավորությունները։ Հնարավոր է՝ նման սցենարը կանխելու համար սկսվել է հոգևորականությանը վարկաբեկելու արշավ։ Բացի այդ՝ իշխանությունները կարող են ցանկանալ հիմա որոշակի բողոքի ցույցեր հրահրել, որպեսզի ընտրությունների օրը դրանք արդեն մարած լինեն։ Վերջապես, Հայաստանի ներկայիս իշխանությունները շատ բան են անում հայ ազգային ինքնությունը վերաձևակերպելու համար։ Երևանը կարծում է, որ դա կօգնի բարելավել հարաբերությունները Ադրբեջանի և Թուրքիայի հետ։ Հնարավոր է, որ նրանք այժմ որոշել են քանդել Հայ ազգային եկեղեցին», – գրել է թերթը։

ՀՀԿ ԳՄ անդամ Մարգարիտ Եսայանի ֆեյսբուքյան գրառումը․ «Քանզի ինքս, բարեբախտաբար, ԱԺ պատգամավոր չեմ և չեմ հանդիսանում «Պատիվ ունեմ» խմբակցության անդամ, երեկ, երբ տարածվեց «Հայաստան» դաշինքի ղեկավարի «հպարտ» հայտարարություն-գրառումը, թե իրենց 28 պատգամավորները ստորագրեցին վարչապետին անվստահություն հայտնելու ձևաթուղթը, սրտանց ուրախացա, իրոք, ականատեսներ կան, երեխայի պես ուրախացա և շտապեցի ողջունել այդ քայլը։ Ուրախացա, որ իմ որոշ ընկեր-բարեկամների հարցում չեմ սխալվել, երբ կարծել եմ, որ կարևոր-ճակատագրական պահին նրանք կանեն ճիշտ և հայրենանպաստ քայլ։

Բայց, ուրախությունս կարճ տևեց, որովհետև անմիջապես պարզվեց, ավելի ճիշտ՝ հայտնի դարձավ, որ, այն, ինչ պարոն գեներալը ներկայացրել և, ապա, իրենց պատգամավորները հպարտորեն տիրաժավորել են, դեռ՝ հոխորտալով, իմպիչմենտի նախաձեռնողների հասցեին մատ թափ տալով, թե, ահա, ստորագրություն էիք ուզո՞ւմ, ստացեք, ոչ այլ ինչ է, եթե ոչ ամենասովորական, էժանագին և՝ տխուր բլեֆ, այլ բառով՝ սուտ։ Որովհետև ստորագրությունների այն թերթիկը, որը ներկայացվեց և անգամ իրենց շարքերին մոլորության մեջ գցեց, առհասարակ ոչ մի կապ չունի անվստահության գործընթացի հետ, դա սովորական մի թերթիկ է, որը, հավանաբար, ինչպես բացահայտեցին պատգամավորները

«Պատիվ ունեմ» խմբակցությունից, ՍԴ-ին ժամանակին ուղղված ստորագրությունների թերթիկ է, որը, ընդորում, ներկայացվել է ոչ ամբողջությամբ, քանզի նման թերթիկ-գրառումներում, ուղղված ՍԴ-ին, եղել են նաև «Պատիվ ունեմ» խմբակցության պատգամավորների ստորագրությունները, և այդ հատվածը, հասկանալի պատճառներով, տվյալ դեպքում չի ներկայացվել։ Ցավով արձանագրեցի, որ «գեղցիական շյուստրիությունը» միայն նիկոլին չէ հատուկ։

Ինչո՞ւ եմ սա գրում, պարզ է, չէ՞, որ կարող էի փոփ-կորն առնել և դիտել այս տրագիկոմեդիան, բայց սիրտս ցավում է, այս ֆարսը անձամբ ես ընդունում եմ նաև որպես անձնական վիրավորանք, որովհետև իմ շատ ընկերներ, շարքային դաշնակցականներ եւ այլք, նույնպես ազնիվ մոլորության մեջ են, ինչպես ես էի երեկ-երեկոյան տվյալ «ստորագրությունները» հրապարակվելուց անմիջապես հետո։ Այո, քաղաքականությունը կարող է լինել նաև՝ անազնիվ, սա հենց այդ դեպքն է։ Մի՞թե մտածում էիք, որ այս էժանագին բլեֆը չի բացահայտվելու, թե՞ մտածում էիք, մենք կշարունակենք պարկեշտ գտնվել և չխոսել այս մասին։ Մենք, որ 2018-ից հետո անգամ, ձեզ հետ կողք-կողքի կռվել, ծեծվել, բանտ ենք նստել։ Ուրեմն, իրոք, 2018-ի թելերը ձեզ դեռ կապկպված են պահում։

Այս ամբողջ խայտառակ ֆարսի միակ ամոթն այն է, որ մի խուլ անկյունում նստած «գող փիսոն» քմծիծաղում և ատամներն է կրճտացնում։
Հ․Գ․ Մի արեք, պարզապես մի արեք, քաղաքը փոքր է, մի օր իրար երեսի ենք նայելու, երեսատեղ թողեք»

Իրանի զինված ուժերը պատրաստ են ցանկացած սցենարի, այդ թվում՝ պատերազմի, հայտարարել է Իսլամական հեղափոխության պահապանների կորպուսի (ԻՀՊԿ՝ Իրանի զինված ուժերի մաս) հրամանատար Հոսեյն Սալամին՝ Իրանին հնարավոր հարվածի մասին հաղորդագրությունների ֆոնին։ «Թշնամին երբեմն մեզ սպառնում է ռազմական սցենարով։ Մենք միշտ ասել ենք և այսօր էլ կրկնում ենք՝ մենք բացարձակապես պատրաստ ենք ցանկացած սցենարի», - Սալամիի խոսքերն է մեջբերում SNN-ը։

«Թշնամուն զգուշացնում ենք սխալներ չգործել և ուշադիր մտածել իրենց գործողությունների հետևանքների մասին», - նշել է Սալամին։

Հիշեցնենք, CBS-ը, հղում անելով ԱՄՆ պաշտոնյաներին, հայտնել էր, որ Իսրայելը պատրասստ է Իրանի դեմ ռազմական գործողությունների։ Նախագահ Թրամփը «վտանգավոր վայր» էր անվանել Մերձավոր Արևելքը։