Թուրքիայի նախագահ Ռեջեփ Թայիփ Էրդողանը հաջորդ ամիս կայցելի Ադրբեջան։

Ինչպես հաղորդում են ադրբեջանական լրատվամիջոցները, հղում անելով A Haber հեռուստաալիքին, Թուրքիայի նախագահի մայիս ամսվա աշխատանքային ծրագրում ներառված է Ադրբեջան կատարվող այցը։

Բացի այդ, ապրիլի 29-ին Էրդողանը կմեկնի Իտալիա՝ մասնակցելու 4-րդ միջկառավարական գագաթնաժողովին։ Հունիսին սպասվում է Թուրքիայի նախագահի այցը ԱՄՆ մայրաքաղաք Վաշինգտոն։

Հայաստանի Հանրապետությունում Չինաստանի Ժողովրդական Հանրապետության նորանշանակ արտակարգ և լիազոր դեսպան Լի Սինվեյն ապրիլի 26-ին ժամանել է Երևան:

ՀՀ-ում Չինաստանի դեսպանության գործերի ժամանակավոր հավատարմատարը Չըն Մինն էր` նախկին դեսպան Ֆան Յոնի` 2024թ. հուլիսին առաքելությունն ավարտելուց հետո։ 

«Հրապարակ» թերթը գրում է. «Արցախի նախագահ Սամվել Շահրամանյանը երեկ այցելեց Ազատության հրապարակ՝ վրանում ակցիա անողներին, եւ փակ քննարկումից հետո ասաց, որ առաջարկել է․ եթե որոշեն պայքարի ֆորմատը փոխել, տեղ ունեն Արցախի ներկայացուցչության շենքում։

Արցախցիների իրավունքների պաշտպանության խորհրդի գլխավորությամբ մարտի 29-ից մեկնարկած պայքարի շրջանակներում, հիշեցնենք, հանրահավաք արեցին, հիմա նստացույց են անում, ոչ հրապարակային հանդիպումներ են ունեցել փոխվարչապետ Տիգրան Խաչատրյանի հետ, հայտարարություն են կազմել` ուղղված կառավարությանը:

Նրանց առաջարկվել է խմբեր ձեւավորել եւ այլ ֆորմատում քննարկել հարցերը՝ դադարեցնելով փողոցային պայքարը, հակառակ դեպքում, ոչինչ չեն ստանա։ Ակնհայտ է, որ արցախցիները դժվարին կացության մեջ են հայտնվել: Մի կողմից, իշխանությունը հետեւողականորեն պառակտել է նրանց․ մեզ հասած տեղեկություններով, հատկապես ակտիվ դերակատարում ունի ծնունդով արցախցի ԱԽՔ Արմեն Գրիգորյանը, որը փորձել է իշխանությունների նկատմամբ ագրեսիվ վերաբերմունքը կոտրել:

Աշխատել են նաեւ Սամվել Բաբայանը, այլ իշխանամետ արցախցիներ: Եվ պայքարողները գիտակցում են, որ անհրաժեշտ է շարժումը ռեսթարթ անել`  նոր ձեւաչափ մտածել։ Վրանում հենց այս մասին են խոսել: Սակայն Շահրամանյանն ասել է, որ վերջին խոսքը Խորհրդինն է լինելու, ինչ որոշում էլ կայացնեն, ինքը նրանց կողքին է։ Չի բացառվում, որ շուտով հավաքեն վրանը։ Արցախցիների ֆեյսբուքյան խմբերում երեկ նման հարցեր էին քննարկում»։

Առավել մանրամասն թերթի այսօրվա համարում

Արցախի նախագահ Սամվել Շահրամանյանը այսօր՝ ապրիլի 25-ին այցելել է Ազատության հրապարակ եւ վրանում հանդիպել արցախցիների իրավունքների պաշտպանության խորհրդի ներկայացուցիչների հետ:

Նա, մասնավորապես, նշել է. «Գիտեք, որ ես լիովին աջակցում եմ այս նախաձեռնությանը: Մենք պարբերաբար հանդիպումներ ենք ունենում, տեղյակ եմ մանրամասն իրականացվող աշխատանքներին, ձեր հանդիպումների արդյունքում առաջարկվող տարբերակներին: Իմ կողմից դուք ունեք լիակատար աջակցություն՝ անկախ նրանից՝ դուք ինչ որոշում կկայացնեք։

Ես տեղյակ եմ, որ այդ ծրագրերը, որ իրականացվում է Հայաստանի կառավարության կողմից, ունեմ բազմաթիվ խնդիրներ: Ես առիթ եմ ունեցել բնակարանային աջակցման ծրագրի վերաբերյալ իմ դիրքորոշումը հայտարարել դեռ նախագծային փուլում և ասել, որ դա հենց սկզբից տապալված ծրագիր է, արցախցիները դրանից չեն օգտվելու, որովհետև որոշակի լուրջ խնդիրներ և հանգամանքներ կան, որը հաշվի առված չեն եղել։

Ես տեղյակ եմ, որ դուք առաջիկայում պետք է որոշում կայացնեք և ներկայացնեք կառավարությանը, ձեր հետագա աշխատանքները կազմակերպելու համար։ Ցանկացած որոշում ձեր կողմից ես համարում եմ, որ դա նաև մեր ժողովրդի կողմից է, դուք ունեք այդ լիազորությունը՝ նման որոշումներ կայացնելու և ես պատրաստ եմ աջակցել, այդ թվում, եթե դուք որոշեք տեղափոխվեք գրասենյակային պայմաններում աշխատանքի: Պատրաստ ենք նաև մեր ներկայացչության հնարավորությունները տրամադրել և ապահովել ձեր էֆեկտիվ աշխատանքը»,- հայտարարեց Շահրամանյանը:

Ինչ վերաբերում է արցախցիների սպասելիքներին, Արցախի նախագահը նշեց. «Առաջնայինը և հրատապը այսօր ավելի շատ հումանիտար սոցիալական հարցերն են, և ես գիտեմ, որ դուք ամենաժամյա ռեժիմով զբաղվում եք և տարբեր առաջարկներ եք իրականացնում։ Նաև կա առաջարկ Հայաստանի կառավարության կողմից ստեղծել համապատասխան խմբեր և աշխատանքներ իրականացնել։ Ինձ թվում է դա պետք է իրականացվի, քանի որ այդ ծրագրերից նաև կապված է մեր բնակչության և արցախցիների հետագա ինտեգրումը և արժանապատիվ կյանքը ՀՀ-ում: Սա շատ կարևոր նախաձեռնություն է, ես անկեղծ ձեզ հաջողություն եմ մաղթում և ուզում եմ ևս մեկ անգամ ընդգծել, որ աջակցում եմ ձեր բոլոր նախաձեռնություններում և որոշումներում»:

Դրանից հետո Սամվել Շահրամանյանն առաջարկեց հանդիպման մնացած մասն անցկացնել փակ ռեժիմով:

Վահագն Ալեքսանյանին դաս չեղավ օրեր առաջ իր հերթական ստին անդրադարձս, ու Ազգային Ժողովի ճեպազրույցների ժամանակ նա որոշեց կրկնել իր ասածը նախագահ Սարգսյանի ու ամերիկյան կողմի միջեւ հեռախոսազրույցների բովանդակության մասին։ Այս մասին իր էջում գրել է «Պատիվ ունեմ» խմբակցության ղեկավար Հայկ Մամիջանյանը:

Նա, մասնավորապես, նշել է. «Դրանով նա կասկածի տակ է դնում նաեւ ՀՀ-ում ԱՄՆ դեսպանատան պաշտոնական հերքումը։

Ստիպված շարունակում եմ «Հերքելով Վահագն Ալեքսանյանի ստերը» Սանտա Բարբարայից էլ երկար սերիալը։

Ներկայացնում եմ ԱՄՆ նախագահ Բարաք Օբամայի գրքից մի հատված.

«Ես հայտարարությունը (խմբ.՝ Հայոց ցեղասպանության վերաբերյալ) չանելու հիմնավոր պատճառներ ունեի այն ժամանակ. թուրքերը շատ զգայուն էին այս հարցի նկատմամբ, եւ ես բանակցում էի նախագահ Էրդողանի հետ Իրաքից Ամերիկայի հեռանալու նուրբ հարցով»»:

Իշխանափոխություն կարող են պահանջել նրանք, ովքեր ձևավորել են այդ կառավարությունը Հայաստանում։ Դրա մասին լրագրողների հետ զրույցում հայտարարել է Լեռնային Ղարաբաղի Հանրապետության նախագահ Սամվել Շահրամանյանը։

«Մենք ունենք մեր սեփական դիրքորոշումը, որը չեմ կարծում, թե այս պահին ճիշտ է բարձրաձայնել։ Որպես արցախցի պաշտոնյա, չեմ կարծում, որ այս պահին ճիշտ է պատասխանել», -նշել է Շահրամանյանը։

Մեկնաբանելով Արցախի ժողովրդի նկատմամբ գեներացվող ատելությունը և բարձրաստիճան պաշտոնյաների կողմից հնչող մեղադրանքները՝ Շահրամյանանը հիշեցրել է, որ տեղեկատվական շտաբը արձագանքել է, և ինքը ավելացնելու ոչինչ չունի։ «Հանրությունը բովանդակալից արձագանք տվեց, և նման հայտարարություններին բացասական արձագանք եղավ»,-հիշեցրել է նա։

Արցախի նախագահը շեշտել է Լեռնային Ղարաբաղ կոլեկտիվ, անվտանգ և արժանապատիվ վերադարձի իրավունքը։ Այդ նպատակով ստեղծվել է հանձնաժողով, որը գլխավորում էր ՀՀ արտգործնախախար Վարդան Օսկանյանը։ Շահրամանյանը կոմիտեի աշխատանքը համարում է արդյունավետ. արդեն իսկ արդյունք կա. Շվեյցարիայի խորհրդարանը վերջերս ընդունել է բանաձև՝ Արցախի և Ադրբեջանի ներկայացուցիչների մասնակցությամբ խաղաղության համաժողով անցկացնելու վերաբերյալ։

Արցախի նախագահ Սամվել Շահրամյանը վերջին շրջանում Հայաստանի երկրորդ նախագահ Ռոբերտ Քոչարյանի հետ չի հանդիպել։ Դրա մասին Շահրամանյանը հայտնել է լրագրողների հետ զրույցում։

Նշելով, որ ինքը սահմանափակված չէ իր հանդիպումներով, նա ասել է, որ առաջին երեք նախագահների հետ հանդիպել է «սկզբնական փուլում»։

Իր քաղաքական ծրագրերի վերաբերյալ Արցախի նախագահը մանրամասներ չի հայտնել՝ նշելով, որ Լեռնային Ղարաբաղի նախագահի պաշտոնում առաջադրվելու վերաբերյալ դեռևս որոշում չկա։ Դա կախված կլինի քաղաքական ուժերի և հասարակության դիրքորոշումից։

Խոսելով արցախցիների սոցիալական խնդիրների մասին՝ Շահրամանյանը նշել է, որ ՀՀ իշխանությունների կողմից օգնության նախատեսված դադարեցումը կնշանակի, որ հազարավոր մարդիկ չեն կարողանա վճարել բնակարանի համար և կհայտնվեն փողոցում։

Շահրամանյանը նաև հայտնել է, որ երկու օր առաջ կապ է հաստատել դատախազության հետ (առաջին հաղորդագրությունը եղել է 2023 թվականի նոյեմբերի 7-ին)՝ հանցագործության մասին հաղորդումներին արձագանքելու և կատարվածի վերաբերյալ բացատրություն տալու, ինչպես նաև լրատվամիջոցներում հայտնված տվյալները որպես հաղորդագրություն ընդունելու խնդրանքով։

Սամվել Բաբայանի վերջին հանրահավաքում Լեռնային Ղարաբաղի ներկայացուցչության մոտ ունեցած դերի վերաբերյալ Շախրամյանանն ասել է, որ ինքը նրա հետ խոսել է հանրահավաքից հետո, և Բաբայանը վստահեցրել է, որ ինքը դրա հետ որևէ կապ չունի։ «Սամվել Բաբայանի կուսակցությունը Ազգային ժողովի երկրորդ քաղաքական ուժն է, և մեր հարաբերությունները կառուցվում են այդ ոգով»,-նշել է Շահրամանյանը։

Վլադիմիր Պուտինը բանակցություններ է վարում ԱՄՆ նախագահի հատուկ բանագնաց Սթիվ Ուիթքոֆի հետ, հայտնել է Ռուսաստանի նախագահի մամուլի քարտուղար Դմիտրի Պեսկովը։

«Ռուսաստանի նախագահ Վլադիմիր Պուտինը Կրեմլում ընդունում է նախագահ Թրամփի հատուկ բանագնաց Սթիվ Ուիթքոֆին», -ասել է Կրեմլի պաշտոնական ներկայացուցիչը։

Ադրբեջանի նախագահ Իլհամ Ալիևը պահանջել է լուծարել ԵԱՀԿ Մինսկի խումբը։

«Ժամանակն է լուծարել ԵԱՀԿ Մինսկի խումբը, որը լիովին ձախողվել է անցյալում հայ-ադրբեջանական հակամարտության կարգավորման գործում, և դրա հետ կապված բոլոր ինստիտուտները»,-հայտարարել է Ալիևը ԵԱՀԿ գլխավոր քարտուղար Ֆերիդուն Սինիրլիօղլուին ընդունելիս՝ հավելելով, որ «Հայաստանը նույնպես պետք է քայլեր ձեռնարկի այս ուղղությամբ»։

Ինչպես հաղորդում է APA-ն, Ալիևն ասել է, որ «Ադրբեջանը ռազմական և քաղաքական միջոցներով լիովին ապահովել է իր տարածքային ամբողջականությունն ու ինքնիշխանությունը՝ դրանով իսկ ապահովելով Հելսինկյան եզրափակիչ ակտի և միջազգային իրավունքի նորմերի ու սկզբունքների հաստատումը Հարավային Կովկասում»։

Մենք կիրթ ժողովուրդ ենք, նոր կրթվելու կարիք չունենք, իրենք պիտի կրթվեն, որ իմանան ցեղասպանությունը ո՞նց է եղել ու անուն-ազգանուններն էլ գրեն: Այս մասին այսօր՝ ապրիլի 25-ին, կառավարության դիմաց փոքր ու միջին առեւտրականների բողոքի ակցիայի ժամանակ նշեց ակցիայի մասնակիցներից մեկը:

Տնտեսագետ Նաիրի Սարգսյանը նկատեց, որ իշխանությունների հետ պետք է խոսել պարտադրանքի լեզվով, որովհետեւ իրենք չեն հասկանում երկխոսությունը:

Ակցիայի մասնակիցները նկատեցին, որ փոքր ու միջին առեւտրականներին սկսել են տուգանել ամն մի խախտման համար, իսկ տուգանքը 300-420 հազար դրամ է. «Առաջարկում ենք, որ գույքագրում բառն ընդհանրապես դուրս շրջանառության հարկի վճարող փոքր ու միջին բիզնեսի համար, հաշվարկվի խելամիտ տոկոս, որովհետեւ երբ ասում են՝ 10 տոկոս, դա շրջանառությունից է հաշվարկվում, ոչ թե եկամտից, իրականում դա 25-30 տոկոս է կազմում: Ո՞վ քանի ինքնարժեքը ինչքան է»,-ասաց ակցիայի մասնակից կանանցից մեկը:

Ոսկու առեւտրով զբաղվող անհատ ձեռներեց Զոյա Թորոսյանը օրինակ բերեց. «Ես, օրինակ, 300 հազարով ապրանք եմ վաճռում, այդտեղից ինձ մնում է 12 հազար դրամ: Այսինքն ես պետք է առանձին հաճախորդից ուզեմ 30 հազար դրամ, որը 300 հազարի 10 տոկոսն է, դա տանեմ տամ պետությանը:

Չի կարելի այնպես անել, որ տնտեսվարողը գա բողոքի: Մենք այն մարդիկ ենք, որ չենք լքել երկիրը ու հայրենասերներ ենք, մի արեք այնպես, որ մենք պայքարենք, հասցնենք հեղափոխության»:

Հիշեցնենք, որ հունվարի 1-ից ուժի մեջ է մտել հարկային օրենսգրքում փոփոխությունները, համաձայն որոնց ապրանքի ձեռքբերման փաստաթղթեր չներկայացրած տնտեսվարողների համար կրկնապատկվում է շրջանառության հարկը՝ 5-ից դառնալով 10 տոկոս, իսկ փաստաթղթեր ներկայացնողների համար հակառակը՝ 1,5 տոկոսից նվազում է: Այդ փոփոխություններով նաեւ հստակ պահանջ է դրվել՝ գույքագրել ապրանքը: