ԱՄՆ նախագահ Դոնալդ Թրամփը հայտարարել է, որ հեռախոսազրույց է ունեցել Ռուսաստանի առաջնորդ Վլադիմիր Պուտինի հետ, որի ժամանակ վերջինս իր միջնորդական ծառայություններն է առաջարկել՝ լուծելու Իսրայելի և Իրանի միջև կոնֆլիկտը: 

Այս մասին Թրամփը հայտնել է լրագրողներին։

«Նա առաջարկեց օգնել խաղալ միջնորդի դերում, իսկ ես ասացի. «Մի լավություն արեք, նախ լուծեք ձեր ունեցած խնդիրը։ Վլադիմիր, նախ լուծե՞նք Ռուսաստանի հետ կապված իրավիճակը։ Եվ հետո դուք կարող եք գործ ունենալ Իրանի հետ»,- ընդգծել է ԱՄՆ նախագահը։

Վրաստանի ՆԳՆ միգրացիոն ծառայության աշխատակիցներն արտաքսել են 25 օտարերկրացու, նրանց թվում՝ Հայաստանի քաղաքացիների, հայտնում է ՆԳՆ-ն։

Արտաքսվածների թվում են Հայաստանի, Ուզբեկստանի, Իրանի, Նիգերիայի, Տաջիկստանի, Չինաստանի, Թուրքմենստանի, Ռուսաստանի, Հնդկաստանի, Ալժիրի, Եգիպտոսի, Թուրքիայի, Պակիստանի և Բանգլադեշի քաղաքացիներ։

Ինչպես հաղորդում է «Sputnik Грузия»-ն՝ արտաքսված օտարերկրացիներին արգելված է վերադառնալ Վրաստան։

Եթե Գրիգոր Լուսավորչի հետ է զուգահեռը, թող Կտրիճ Ներսիսյանը ներկայացնի հանրությանն իր զավակին կամ իր զավակներին, որովհետև Գրիգոր Լուսավորիչը չի թաքցրել իր զավակներին հանրությունից, որովհետև նա մինչև քրիստոնեության ընդունումը և Եկեղեցու հիմնադրումն այլ կարգավիճակ է ունեցել:

Այս մասին այսօր՝ հունիսի 18–ին, ԱԺ–ում կառավարության հետ հարցուպատասխանի ժամանակ նշեց ՀՀ վարչապետ Նիկոլ Փաշինյանը՝ անդրադառնալով դիտարկմանը, թե Գրիգոր Լուսավորիչը, որ կաթողիկոս է եղել, նույնպես երեխա է ունեցել:

Իրանի Գերագույն առաջնորդ Այաթոլլա Ալի Խամենեին իր հիմնական լիազորությունները հանձնել է Իրանի հեղափոխական պահապանների կորպուսի գերագույն խորհրդին: Այս մասին հայտնում է Iran Internatioal-ը։

Հակառակ նրան, որ Իրանը պաշտոնապես պատերազմական դրություն չի հայտարարել, դատական համակարգի ​​պաշտոնատար անձինք հաստատել են, որ երկիրը փաստացի գործում է արտակարգ իրավիճակի պայմաններում: Լիազորությունների փոխանցումը դիտվում է որպես նախազգուշական միջոց՝ Խամենեիի սպանության դեպքում հրամանատարության շարունակականությունն ապահովելու համար։

Այս քայլը հաջորդել է այն հաղորդագրություններին, որ Խամենեին տեղափոխվել է Թեհրանի հյուսիս-արևելքում գտնվող Լավիզան քաղաքի ստորգետնյա բունկեր իր ընտանիքի անդամների հետ միասին:

Ավելի վաղ ԱՄՆ նախագահ Դոնալդ Թրամփը գրել էր, որ իրենք հստակ գիտեն Խամենեիի գտնվելու վայրը։

«Նա հեշտ թիրախ է, բայց ապահով է այնտեղ։ Մենք չենք պատրաստվում հեռացնել (սպանել) նրան, համենայնդեպս՝ ոչ հիմա։ Բայց մենք չենք ցանկանում, որ հրթիռներ արձակվեն քաղաքացիական անձանց կամ ամերիկացի զինվորների վրա։ Մեր համբերությունը սպառվում է»,- գրել էր ԱՄՆ նախագահը՝ Truth Social հարթակում:

Եթե այդ ահազանգը կա, դա արդեն հաղորդում է հանցագործության մասին, և իրավապահները դրանով կզբաղվեն, համոզված եմ»,- այս մասին ԱԺ–ում կառավարության հետ հարցուպատասխանի ժամանակ նշեց ՀՀ վարչապետ Նիկոլ Փաշինյանը՝ անդրադառնալով պատգամավոր Սոնա Ղազարյանի դիտարկմանը, թե Սամվել Կարապետյանին աջակցելու համար դատարանի մոտ ստիպողաբար բերում են ՀԷՑ–ի աշխատակիցներին։

«Ես ժամանակին Զանգեզուրի պղնձամոլիբդենային կոմբինատի որոշ շրջանակների զգուշացնում էի, որ շուտով կառավարությունը ԶՊՄԿ-ում ունենալու է փայաբաժին և բոլոր այն մարդիկ, որոնք ստիպողաբար տանում էին ցույցերի, ազատվելու են աշխատանքից։ Դա ես ասել եմ 2021–ի հունիսին և սեպտեմբերին բոլոր այդ մարդիկ ազատված էին աշխատանքից։ Շատերը աղերսագրերով, մեղայագրերով հիմա գալիս են կառավարություն, ասում են՝ խնդրում ենք՝ մեզ հետ ընդունեք, սխալվել ենք․․

Հիմա շատ արագ ՀԷՑ-ը լինելու է պետական սեփականություն։ ՀԷՑ–ի այն աշխատողները, որոնք մարդկանց ստիպողաբար ցույցի են բերում, բոլորն ազատվելու են աշխատանքից։ Հետո չասեն՝ վայ, բա գիտեք․․․ ԶՊՄԿ-ի «ուժեղ» էն ուժեղ տղերքի նման էլի ծնկաչոք գալու են մեր դռների դեմը կանգնեն։ Ոչ մեկին ներում չի լինելու։

Երկրորդը՝ էն աշխատողները, որոնք կհրաժարվեն, կահազանգեն, կհամագործակցեն իրավապահ մարմինների հետ և կոնկրետ ցուցմունքներ կտան, ոչ մեկը չի ազատվի․․․ Ովքեր իրավապահ մարմինների հետ կհամագործակցեն, կխրախուսվեն։ Նրանք, որոնք կհրաժարվեն մասնակցել որևէ հավաքի, նրանց հետ որևէ բան տեղի չի ունենա, մենք կկարողանանք նրանց պաշտպանել։ Պետականացումից հետո նրանք կշարունակեն հանգիստ աշխատել։ Իսկ նրանք, ովքեր այդ ապօրինությունների մեջ փութաջանություն են ցուցաբերել, չգիտեմ հետո «Տաշիր պիցցա»–ում կկարողանան աշխատել, թե չեն կարողանա․․․»,- նշեց Փաշինյանը։

Iranian Arabic լրատվական գործակալությունը հրապարակել է տեսանյութ, որտեղ ցուցադրվում է միջուկային մարտագլխիկի փոքրացված նմուշ։ Տեսանյութն ուղեկցվում է «Հնարավոր է» մեկնաբանությամբ։

Փորձագետներն այս քայլը համարում են Թեհրանի ռազմական հռետորաբանության նոր փուլ, որով հնարավոր է համարվում միջուկային տեխնոլոգիաների կիրառումը։

Լրագրող, հանրային գործիչ Նաիրի Հոխիկյանի ֆեյսբուքյան գրառումը․ «Մինչ Իսրայելը հայտարարում էր Իրանի երկինքը գրավելու մասին, իրանական հրթիռները թափվում էին Իսրայելի քաղաքների ու միջուկային օբյեկտների վրա` ոչնչացնելով նաև իսրայելական ՀՕՊ համակարգերը։

Իսրայելական «Երկաթե գմբեթ» լեգենդար ՀՕՊ համակարգը Իրանի շնորհիվ վերածվեց թղթե գմբեթի, և ամբողջ գիշեր իրանական հրթիռները ոչնչացրին Իսրայելի բազմաթիվ ռազմավարական օբյեկտներ, այդ թվում մի քանի օդանավակայաններ ամբողջությամբ։

Չեմ զարմանա, եթե Իրանը պաշտոնապես հայտարարի ատոմային ռումբ ունենալու մասին, ինչը կնշանակի, որ Վիետնամից հետո ԱՄՆ-ն երկրորդ անգամ ծանր պարտություն է կրում, բայց տուժում է Իսրայելը։

Սպասենք իրադարձությունների զարգացմանը»:

Կուսության հարց չենք քննարկում, լեգիտիմության հարց ենք քննարկում։

ԱԺ-ում հարցուպատասխանի ժամանակ հայտարարել է Փաշինյանը՝ պատասխանելով եկեղեցու հետ հարաբերությունների մասին հարցին․ «Երբ իմ առաջ եղել է ապացուցելի փաստ, այսինքն՝ ես չէի կարող համոզված չլինել այդ լուրերի ճշմարտացիության մեջ, որպես հայ առաքելական եկեղեցու հետևորդ, որպես մարդ, որ ունի հոգևոր կյանք, ինձ համար հարց էր, թե ինչպես պետք է վերաբերվեմ այս ամեն ինչին, և ինձ համար պարզ էր, որ այս ամեն ինչին պետք է վերաբերվեմ համաձայն Հայ առաքելական եկեղեցու ավանդի և կանոնների»,- նշել է Փաշինյանը։

Ատոմային էներգիայի միջազգային գործակալության (ԱԷՄԳ) ղեկավար Ռաֆայել Գրոսսին հերքել է ԱՄՆ-ի և Իսրայելի պաշտոնյաների պնդումները՝ ասելով, որ չկան ապացույցներ, որ Իրանը փորձում է միջուկային զենք ստեղծել։ Այս մասին գրում է presstv.ir-ը:

«Մենք հաղորդել ենք, որ չունենք որևէ ապացույց (Իրանի) կողմից միջուկային զենքի ստեղծմանը անցնելու համակարգված ջանքերի վերաբերյալ», - մեջբերել է Ատոմային էներգիայի միջազգային գործակալության գլխավոր տնօրենը։

Նա կրկնել է, որ գործակալության եզրակացությունները համընկնում են հարցի վերաբերյալ այլ անկախ աղբյուրների եզրակացությունների հետ։