Թավրիզի շրջակայքում տեղի ունեցած հարձակումների հետևանքով հարյուրավոր զինվորներ և խաղաղ բնակիչներ են սպանվել և վիրավորվել։ Այդ հարձակումներից շատերն իրականացվել են անօդաչու թռչող սարքերի և քվադրոկոպտերների միջոցով, որոնք, ըստ սահմանամերձ գյուղերի բնակիչների, Իրան են թափանցել Ղարաբաղից։ Դրա մասին գրել է իրանցի քաղաքագետ Ահմադ Քազեմին։

«Իրանական ռադարային կենտրոնների, դրանց թվում՝ Արդաբիլի, Ջերմիի, Խորասլուի, Ջոլֆայի և այդ սահմանային տարածքների որոշ սահմանային կետերի, դրանց թվում՝ Բիլեսավարի, վրա հարձակումների հիմնական պատճառը իսրայելական անօդաչու թռչող սարքերի և քվադրոկոպտերների երկիր ներմուծման համար բարենպաստ պայմաններ ստեղծելն է, որոնք արտադրվում են Բաքու-Թել Ավիվի համատեղ անօդաչու թռչող սարքերի արտադրության գործարանում:

AZAD Systems անունով հայտնի օբյեկտը տեղակայված է Ադրբեջանի մայրաքաղաքի ծայրամասում: Այն շահագործման է հանձնվել 2011 թվականին և ներկայում երեք տեսակի հարձակողական անօդաչու թռչող սարքեր է արտադրում: Այդ անօդաչու թռչող սարքերը ամենամեծ դերն են խաղացել Թավրիզում, Արդաբիլում և Ուրմիայում պաշտպանական համակարգերի ոչնչացման գործում: Թշնամու անօդաչու թռչող սարքեր կամ քվադրոկոպտերներ և պայթուցիկ նյութեր տեղափոխող տրանսպորտային միջոցների հայտնաբերումների մեծ մասը տեղի է ունեցել Թավրիզում և երկրի հյուսիս-արևմուտքում, որտեղ ամենամեծ դերն է խաղացել Բաքվի էթնիկ լրտեսական ցանցը», - նշել է նա:

Կասեցվել է նաև Սամվել Կարապետյանին պատկանող Տաշիրի կաթի գործարանի գործունեությունը։

«Ստուգման արդյունքում հայտնաբերված խախտումները անհամատեղելի են եղել սննդամթերքի արտադրության սանիտարահիգիենիկ պայմաններին օրենսդրությամբ ներկայացվող նորմերի հետ»,-ասվում է ՍԱՏՄ-ի տարածած հայտարարության մեջ։

Ադրբեջանի լրատվամիջոցների զարգացման գործակալությունը «դատապարտել» է ռուսաստանցի լրագրող Վլադիմիր Սոլովյովին հակաադրբեջանական հայտարարությունների համար, հաղորդում են տեղական լրատվամիջոցները։

Պատճառը Սոլովյովի՝ «Արցախ» արտահայտության օգտագործումն էր։

Լրագրողին մեղադրել են բացահայտ թշնամանք ցուցաբերելու մեջ։

Նրա հայտարարությունները հակասում են Ռուսաստանի պաշտոնական դիրքորոշմանը և ադրբեջանա-ռուսական հարաբերությունների ոգուն, ասված է հայտարարության մեջ։

Իրանը նախազգուշացում է հրապարակել իսրայելական Հայֆայի բնակիչներին՝ պահանջելով լքել վտանգավոր տարածքը

Պաշտոնական նախազգուշացում.

Տարհանեք Հայֆայի նշված շրջանը՝ ողջ մնալու համար։ Անմիջապես հեռացեք նշված գոտուց. այնտեղ ձեր գտնվելը վտանգի տակ է դնում ձեր կյանքը:

ՌԴ ԱԳՆ ներկայացուցիչ Մարիա Զախարովան, մեկնաբանելով Սամվել Կարապետյանի հետապնդումը Հայաստանում, հիշել է, թե ինչպես է Նիկոլ Փաշինյանը 2018 թվականին Հայաստանի իշխանություններին կոչ արել կապիտուլյացիայի ենթարկվել ցուցարարների առջև:

ՌԴ ԱԳՆ ներկայացուցիչը հիշեցրել է Հայաստանի գործող վարչապետի կոչերը՝ «ճանաչել հեղափոխության հաղթանակը»։

«Այժմ Կարապետյանին, ըստ նրա փաստաբանի, սկսել են մեղադրել «իշխանափոխության ինչ-որ կոչերի մեջ», նշել է Զախարովան։

ՀՀ կառավարության հերթական նիստը տեղի կունենա ուրբաթ՝ հունիսի 20-ին, ժամը 11:00-ին:

Հայտնում են  վարչապետի աշխատակազմի «Հանրային կապերի և տեղեկատվության կենտրոն»-ից։

«Պիցցա Տաշիր» ՍՊԸ-ի կողմից Սննդամթերքի անվտանգության տեսչական մարմին ներկայացված դիմումի համաձայն՝ այս պահին վերահսկողություն է իրականացվում այդ կազմակերպությանը պատկանող 30 հանրային սննդի կետերում: Այս մասին հայտնում են ՍԱՏՄ-ից:

«ՍԱՏՄ սննդամթերքի անվտանգության վարչության տեսուչների կողմից «Պիցցա Տաշիր» ՍՊԸ-ի Երևանի Ծիծեռնակաբերդի խճուղի 3 հասցեում գործող մասնաճյուղում իրականացվող վերահսկողության ընթացքում հայտնաբերվել են իրավական ակտերով սահմանված սանիտարահիգիենիկ նորմերի կոպիտ խախտումներ:

Մասնավորապես՝

• հանրային սննդի կետի պատերը չեն ունեցել հարթ մակերես, պատրաստված չեն եղել անջրանցիկ, չներծծող, լվացվող, ախտահանվող և ոչ թունավոր նյութերից.
• առաստաղները կառուցված չեն եղել այնպես, որ կանխարգելվի կամ նվազեցվի կեղտի կուտակումը, գոլորշու խտացումը և մասնիկների թափվելու հնարավորությունը.
• սննդամթերքի հետ անմիջական շփման մեջ գտնվող աշխատանքային մակերևույթների մի մասը եղել է ոչ նորոգ, պատրաստված չի եղել հարթ, մաքրվող, կոռոզիայի չենթարկվող, ախտահանվող նյութերից:
• Մասնաճյուղի արտադրական գործունեությունը կասեցվել է, սահմանվել է ժամկետ խախտումները վերացնելու համար:

ՍԱՏՄ սննդամթերքի անվտանգության վարչության տեսուչները «Պիցցա Տաշիր» ՍՊԸ-ի Երևանի Տերյան 69 հասցեում գործող մասնաճյուղում իրականացվող վերահսկողության ընթացքում հայտնաբերել են սահմանված սանիտարահիգիենիկ նորմի խախտում, մանավորապես՝ առաստաղները կառուցված չեն եղել այնպես, որ կանխարգելվի կամ նվազեցվի կեղտի կուտակումը, գոլորշու խտացումը և մասնիկների թափվելու հնարավորությունը:

Մասնաճյուղի արտադրական գործունեությունը կասեցվել է, սահմանվել է ժամկետ խախտումները վերացնելու համար»,–ասված է հաղորդագրության մեջ:

Ամբողջ գիշեր Ռուսաստանի պաշտոնական և ոչ պաշտոնական խոսափողները չքնեցին, և իրար հերթ չտալով իրենց աջակցությունը հայտնեցին իրենց քաղաքացի Սամվել Կարապետյանին։ Այս մասին այսօր՝ հունիսի 18–ին, ԱԺ–ում կառավարության հետ հարցուպատասխանի ժամանակ նշեց ՔՊ խմբակցության պատգամավոր Հասմիկ Հակոբյանը։

Իհարկե, մենք սրա մեջ խնդիր չենք տեսնում մինչև այն կետը, երբ որ այդ աջակցության տեքստերում կոչ էր արվում խառնվել Հայաստանում ներքին քաղաքական կյանքին։ Ինձ հետաքրքիր է, պարոն Միրզոյան, արդյո՞ք հասցրել եք շփվել ռուսաստանյան ձեր գործընկերների հետ և փոխանցել մեր անհանգստությունը, եթե ոչ զայրույթը»,–ասաց նա։

Ի պատասխան ԱԳ նախարար Արարատ Միրզոյանըը նշեց. «Իսկապես երեկ Ռուսաստանյան պետական (01:00) կամ հանրային հեռուստաընկերության եթերում հիշատակված տխրահռչակ այդ հաղորդման շրջանակներում հնչել են անընդունելի կոչեր, խեղաթյուրված գնահատականներ, վիրավորանքներ, այդ թվում անձնական բնույթի, այդ թվում և Հայաստանի ղեկավարության նկատմամբ, անմիջապես հետո նմանաբովանդակ դրսևորումներ, արտահայտություններ եղել են նաև Ռուսաստանյան քաղաքական գործիչների կողմից, այդ թվում և խորհրդարանի պատգամավորների, այդ թվում և կառավարող մեծամասնության պատգամավորների կողմից։

Մենք՝ Հայաստանի Հանրապետությունը, սա համարում ենք որպես ոչ միայն հակասող Հայաստան-Ռուսաստան ավանդական բարեկամությանը և այդ բարեկամությունը ամրագրող կամ կանոնակարգող իրավական փաստաթղթերին, այլև ուղղակի բացահայտ միջամտություն Հայաստանի ներքին գործերին և ոտնձգություն մեր ինքնիշխանության և ժողովրդավարության դեմ։

Այս մասին մենք տեղեկացրել ենք մեր Ռուսաստանյան գործընկերներին, կարծում եմ, որ այս ժամի դրությամբ պաշտոնական հայտագիրը պետք է որ հասած լինի հասցեատիրոջը»։

Իգդիրի նահանգապետ Էրջան Թուրանն այցելել է Թուրքիա-Հայաստան սահմանագծին գտնվող Սուբաշըի սահմանային վաշտ և Բեշթաշի սահմանային խմբի տեղակայման վայր։ Նշվում է, որ այցի ընթացքում անցկացվել են սահմանային անվտանգության հետ կապված ստուգումներ։

Թուրանին այցի ընթացքում ուղեկցել է կայազորի հրամանատար, գեներալ-մայոր Ջավիդ Թութունջուն։ Նա մանրամասն տեղեկություններ է հաղորդել սահմանագծին իրականացվող անվտանգային գործողությունների վերաբերյալ։

ԱՄՆ նախագահ Դոնալդ Թրամփը հայտարարել է, որ Իրանի համար դեռ ուշ չէ բանակցելը։

«Իրանի համար դեռ ուշ չէ բանակցություններ վարելու համար, հաջորդ շաբաթը կարևոր կլինի, գուցե մեկ շաբաթից էլ քիչ», - ասել է Թրամփը։

Հարցին, թե ԱՄՆ-ը կարո՞ղ է հարվածել Իրանին, Թրամփը պատասխանել է. «Գուցե, գուցե ոչ»: Նրա խոսքով, Թեհրանը կապի մեջ է Վաշինգտոնի հետ բանակցությունների հնարավոր վերսկսման շուրջ։

«Ես մինչև կոկորդը կուշտ եմ այս իրավիճակից, նրանք լիովին անպաշտպան են, նրանք ընդհանրապես հակաօդային պաշտպանություն չունեն, կտեսնենք, թե ինչ կլինի», - ասել է Թրամփը։