Ռուսաստանի արտաքին գործերի նախարարության ներկայացուցիչ Մարիա Զախարովան հայտարարել է, որ Կասպյան տարածաշրջանի վրա կախված է միջուկային սպառնալիք, և Մոսկվան ջանում է Իրանի ու Իսրայելի միջև լարվածությունը վերադարձնել բանակցային դաշտ։ «Կասպյան տարածաշրջանը  մի քանի պետությունների տուն է, այդ թվում՝ նաև մեր։ Դա մեզ ուղղակիորեն է վերաբերում», — ընդգծել է Զախարովան՝ Պետերբուրգի միջազգային տնտեսական համաժողովում։ 

Նա նաև հիշեցրել է Ճապոնիայի «Ֆուկուսիմա» ատոմակայանի աղետը, նշելով, որ անգամ տեղային իրադարձությունները կարող են ունենալ սահմանից դուրս հետևանքներ։

Ավելի վաղ Կրեմլի խոսնակ Դմիտրի Պեսկովը հայտնել էր, որ Ռուսաստանը պատրաստ է միջնորդական առաքելություն ստանձնել իրանա-իսրայելական հակամարտության կարգավորման գործընթացում՝ հիշեցնելով նախագահ Վլադիմիր Պուտինի՝ ԱՄՆ նախկին նախագահ Դոնալդ Թրամփի հետ քննարկված առաջարկների գոյության մասին, գրում է Лента.ру-ն։

Իսրայելի վարչապետ Բենիամին Նեթանյահուն և մի շարք բարձրաստիճան իսրայելցի պաշտոնյաներ բանակցություններ են վարում Թրամփի վարչակազմի ներկայացուցիչների հետ՝ Իրանի դեմ հարձակումներին ԱՄՆ-ի հնարավոր միանալու ֆոնին, հայտնել Է Jerusalem Post թերթը:

«Վարչապետ Բենիամին Նեթանյահուն, Իսրայելի պաշտպանության բանակի գլխավոր շտաբի պետ Էյալ Զամիրը, պաշտպանության նախարար Իսրայել Կացը, ռազմավարական հարցերի նախարար Ռոն Դերմերը և իսրայելցի այլ պաշտոնյաներ հանդիպել են Թրամփի վարչակազմի ներկայացուցիչների հետ, որոնց թվում են փոխնախագահ Ջեյ Դի Վենսը և պաշտպանության նախարար Փիթ Հեգսեթը։

Հանդիպումը կայացել է այն պահին, երբ ԱՄՆ-ն քննարկում էր՝ միանալ Իսրայելին Իրանին հարվածելու հարցում»,-հայտնել Է հրատարակությունը՝ վկայակոչելով իրազեկ աղբյուրներին:

Քիչ առաջ ապօրինի ձերբակալություններ և խուզարկություններ են իրականացվել ՀՅԴ մարզային կառույցների պատասխանատու ընկերների նկատմամբ, հայտնում է ՀՅԴ Հայաստանի Գերագույն մարմինը։

«ՀՅԴ անդամների նկատմամբ քաղաքական հետապնդումների այս նոր փուլը մեկնարկել է Փաշինյանի՝ Թուրքիա կատարած այցին զուգահեռ։ Անկախ զարգացումներից և բռնաճնշումների ծավալներից փաստում ենք. որևէ բռնաճնշում չի կարող մեզ լռեցնել, այսպիսի գործելաոճն, ի վերջո, ծնելու է համարժեք հակազդեցություն»,– ասված է հաղորդագրության մեջ։ 

Դիմորդներն այսօր քննություն են հանձնել «Հայոց լեզու և հայ գրականություն» առարկայից: ԳԹԿ-ն հրապարակել է թեստերն ու պատասխանները:

Հայոց լեզու և հայ գրականություն

Թեստ 1

Թեստ 2

Թեստ 3

Թեստ 4

Թեստերի պատասխաններ

Թեստ 1, 2, 3, 4

ՀՀԿ ԳՄ անդամ Էդուարդ Շարմազանովի ֆեյսբուքյան գրառումը. «Նիկոլի արածը պարզ է՝ Հայաստանի թրքացում, իսկ մենք ի՞նչ ենք անում. դիմադրելո՞ւ ենք, թե՞՝ խոնարհաբար համակերպվելու։

Զարմամալին Նիկոլի արածը չէ, զարմանալին մարդկանց զարմանքն է նրա հակապետական գործողությունների նկատմամբ։ 7 տարի է ասում ենք, որ էս խմբակը կործանում է մեր պետությունը։ Արցախը հանձնել ու հայաթափել են։ Գերիների վերադարձի համար չեն պայքարում։ Ադդբեջանի բոլոր պահանջները կատարում են։ Հայաստանի նախկին ղեկավարների դեմ գործեր են կարում։ Եկեղեցին պախարակում են։

Անկախության հռչակագրից հրաժարվում են։ Հայ-ռուսական դաշինքը քանդել են։ Հայոց պատմությունը վերախմբագրում են։ Թուրքական օրակարգի վառ ներկայացուցիչ են դարձել ու չեն էլ թաքցնում։ Իսկ մենք դեռ զարմանում ենք։ Զարմանալու փոխարեն համախմբվել է պետք ու ապացուցել, որ անկախ պետականություն ունենալուն արժանի ենք։

Կոչ եմ անում, հունիսի 22-ին՝ ժամը 11-ին, հավաքվել Զվարթնոցի տաճարի մոտ ու քայլերթով շարժվենք Էջմիածնի Մայր տաճար՝ ի պաշտպանություն մեր Եկեղեցու ու ՀՀ-ի։

Նիկոլը Հայաստանը դարձնում է Թուրքիայի ու Ադրբեջանի «չուլան», իսկ մենք ի՞նչ ենք անում՝ իրար ենք մեղադրո՞ւմ։

Համաձայն եմ, ինձ դարձրեք բոլոր աղետների «մեղավոր», բայց համախմբվենք ու ազգային դիմադրության շնորհիվ «օրենքի տառին համապատսխան» հեռացնենք «ազգակործան պատուհասին»

Փոխվարչապետ Մհեր Գրիգորյանը Սանկտ Պետերբուրգում հանդիպում է ունեցել Ռուսաստանի Դաշնության փոխվարչապետ Ալեքսեյ Օվերչուկի հետ:

Հանդիպման ընթացքում քննարկվել են Հայաստան-Ռուսաստան երկկողմ հարաբերությունների օրակարգային հարցերը: 

Իրավապահ մարմիններն այս պահին իրականացնում են Սրբազան Պայքարի կողմնակիցների լայնամաշտաբ ապօրինի ձերբակալություններ: Այս մասին հայտարարություն է տարածել ««Սրբազան պայքար» էջը։

«Քաղաքական հետապնդումների այս ալիքի պատճառը անհասկանալի է: Փաստենք, որ այն մեկնարկել է Փաշինյանի՝ Թուրքիայում գտնվելու պահին»,–ասված է հայտարարության մեջ։

ԱՄՆ դոլարի փոխարժեքն այսօր՝ հունիսի 20-ին, կազմել է 385.68 դրամ՝ նախորդ օրվա համեմատ աճել է 0.87 դրամով: Այդ մասին տեղեկանում ենք Կենտրոնական բանկի պաշտոնական կայքից։

Եվրոյի փոխարժեքը կազմել է 444.38 դրամ (աճել  է 2.96 դրամով), իսկ ռուսական ռուբլու փոխարժեքը կազմել է 4.92  դրամ (աճել է 0.01 դրամով):

Հայաստանյան բանկերում դոլարը գնվում է 383-385 դրամով, վաճառվում է 388-389 դրամով: Եվրոն բանկերում գնվում է 436-440 դրամով, վաճառվում է 448-452 դրամով:

Ռուբլին բանկերում գնվում է 4.74-4.88 դրամով, վաճառվում է 4.97-5.15 դրամով:

Փոխանակման կետերում իրավիճակը հետևյալն է. դոլարը գնվում է 385 դրամով, վաճառվում՝ 388.5 դրամով:

Եվրոն գնվում է 442 դրամով, վաճառվում է 445.5-446 դրամով:

Ռուբլին գնվում է 4.85 դրամով, վաճառվում է 4.93 դրամով:

Նրա կարծիքով` դա ձեռնտու կլինի ինչպես Երևանին, այնպես էլ Թբիլիսիին։

Ավելի վաղ «Հարավկովկասյան երկաթուղի» ՓԲԸ–ի գլխավոր տնօրենի խորհրդական Լևոն Հակոբյանը Sputnik Արմենիային ասել էր, որ Թուրքիայի, Հայաստանի և Ադրբեջանի միջև երկաթուղային հաղորդակցության գործարկման դեպքում «Բաքու-Թբիլիսի-Կարս» նախագիծը կկորցնի արդիականությունը։ ԲԹԿ-ով բեռնափոխադրումները շարունակում են մնալ ցածր մակարդակի վրա։ Վրաստանում տեղանքի և վերելքների պատճառով բավարար զարգացած չէ «Մարաբդա-Թուրքիայի սահման» հատվածի ենթակառուցվածքը։