Մեծ Բրիտանիայի Սաութենդ օդանավակայանում փոքր ինքնաթիռ է վթարի ենթարկվել և հրդեհվել թռիչքից անմիջապես հետո, հաղորդում է Daily Mail-ը։
Ըստ թերթի՝ Beechcraft King Air B200-ը ուղևորվում էր դեպի Նիդեռլանդներ։ Էսեքսի ոստիկանությունը և շտապօգնության մեքենաները գտնվում են դեպքի վայրում։
Առցանց արդեն հրապարակվել են լուսանկարներ և տեսանյութեր, որոնք ցույց են տալիս թռիչքուղու վրա տեղի ունեցած պայթյունը, ինչպես նաև սև ծխի ամպեր։
Զոհերի և վիրավորների մասին տեղեկությունները ճշտվում են։
Հուլիսի 15-18-ին առանձին շրջաններում սպասվում է կարճատև անձրև և ամպրոպ, հնարավոր է կարկուտ:
Օդի ջերմաստիճանը հուլիսի 15-16-ին աստիճանաբար կնվազի 3-4 աստիճանով:
Գագիկ Սուրենյան
«Բարդիների պուրակ» հանգստյան գոտուց անհետ կորած 4-ամյա աղջնակին հայտնաբերել են. նա 2 կմ հեռու է եղել
Հուլիսի 13, 2025Այսօր՝ հուլիսի 13-ին, Արարատի մարզի Գետազատ գյուղի «Բարդիների պուրակ» հանգստյան գոտուց որպես անհետ կորած որոնվող երեխային հայտնաբերել են Արարատի մարզի Զովաշեն գյուղի «Գետափ» հանգստայան գոտու տարածքում, հաղորդում է Shamshyan.com–ը։
Այս պահին իրավապահները մեկնում են Զովաշեն գյուղ։
Երեխայի անհետանալու վայրից դեպի Զովաշենի նշված հանգստավայր հեռավորությունը 2 կմ է։
Թուրքիան ուշադրությամբ հետևում է Աբու Դաբիում Ադրբեջանի և Հայաստանի միջև սկսված խաղաղ բանակցություններին. Էրդողան
Հուլիսի 13, 2025Թուրքիան ուշադրությամբ հետևում է Աբու Դաբիում Ադրբեջանի և Հայաստանի միջև սկսված խաղաղ բանակցություններին և կշարունակի աջակցել Կովկասում հանգստության վերականգնմանն ուղղված ջանքերին: Այս մասին հայտարարել է Թուրքիայի նախագահ Ռեջեփ Թայիփ Էրդողանը՝ Արաբական Միացյալ Էմիրությունների նախագահ, շեյխ Մուհամմադ բին Զայեդ Ալ Նահյանի հետ հեռախոսազրույցի ընթացքում։
Երկու երկրների նախագահները քննարկել են երկկողմ հարաբերությունների և տարածաշրջանային հարցեր։
ԱՄԷ մայրաքաղաք Աբու Դաբիում հուլիսի 10-ին կայացել է Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը։
2007 թվականին Մյունխենի համաժողովում ունեցած ելույթը ժամանակին էր, բայց այն չլսվեց: Այս մասին ասել է Ռուսաստանի նախագահ Վլադիմիր Պուտինը։
«Ես դա ասացի ոչ թե որևէ մեկի հետ վիճելու կամ Ռուսաստանին նրանց հետ ինչ-որ կերպ հակադրելու համար. մենք պարզապես չենք կարող այլ կերպ ապրել։ Ռուսաստանը կամ կլինի անկախ և ինքնիշխան, կամ ընդհանրապես գոյություն չի ունենա։ Եվ սա էի ուզում փոխանցել մեր գործընկերներին՝ հույս ունենալով, որ նրանք կլսեն և ինչ-որ կերպ կփոխեն իրենց վերաբերմունքը Ռուսաստանի նկատմամբ», - ասել է Պուտինը «Ռոսիա 1»-ի լրագրող Պավել Զարուբինին։
Մասնավորապես, ըստ նրա, 1990-ական թվականներից ի վեր Ռուսաստանին խոստացել են ՆԱՏՕ-ն չընդլայնել դեպի արևելք: Սակայն, ինչպես նշել է Ռուսաստանի առաջնորդը, արևմտյան երկրները «ստել են, խաբել՝ ձևացնելով, թե նման բան տեղի չի ունեցել»:
«Ահա թե ինչու ինձ թվաց, որ ժամանակն է մեր գործընկերներին ասել. մենք պետք է ապրենք ներդաշնակ, եկեք միմյանց հետ վարվենք հարգանքով՝ առանց մեր կամքը միմյանց պարտադրելու, առանց այլոց կամքը ճնշելու փորձերի՝ հաշվի առնելով միջազգային հաղորդակցության բոլոր մասնակիցների շահերը... Բայց տեսեք՝ քանի որ նրանք հաճախ են հիշում, ակնհայտորեն, դա դեռ ժամանակին էր, դա է, ինչ ես ուզում եմ ասել։ Բայց, ցավոք, դա չլսվեց», - հայտարարեց Պուտինը։ Միևնույն ժամանակ, նա ընդգծել է, որ Ռուսաստանը անընդհատ փորձեր է անում բարելավել հարաբերությունները՝ ստեղծված իրավիճակից խուսափելու և որոշակի միասնական կանոններ մշակելու համար։
Իտալիայի Լացիո քաղաքի վարչական դատարանը թույլատրել է UniCredit-ին սկսել Banco PM-ի ձեռքբերման գործընթացը: Դրա համար վարկային կազմակերպությունը պարտավոր է ամբողջությամբ դադարեցնել Ռուսաստանում բոլոր գործունեությունը։
Դատարանը օրինական է համարել Իտալիայի կառավարության պահանջը UniCredit-ին լքելու Ռուսաստանը: Այժմ վարկային կազմակերպությունը պետք է սպասի կառավարության նոր որոշմանը: Banco PM-ն, իր հերթին, ակնկալում է, որ UniCredit-ը կտրամադրի պարզաբանումներ ձեռքբերման գործընթացի վերաբերյալ։
UniCredit-ի գործադիր տնօրեն Անդրեա Օրսելը նշել է, որ 2022 թվականից ի վեր բանկը բազմիցս փորձել է լքել Ռուսաստանը, սակայն պատժամիջոցները խոչընդոտել են այդ գործընթացը։
Երեք ժամից ավելի է` որոնում են «Բարդիների պուրակ» հանգստյան գոտում կորած 4-ամյա երեխային
Հուլիսի 13, 2025Փրկարար ծառայության կինոլոգները արդեն 3 ժամից ավելի է շարունակում են Արարատի մարզի Գետազատ գյուղի «Բարդիների պուրակ» հանգստյան գոտում 4-ամյա աղջնակի որոնողական աշխատանքները։ Այս մասին հայտնում է Shamshyan.com-ը։
Այսօր առեղծվածային դեպք է տեղի ունեցել Արարատի մարզում։ Ժամը 13:00-ի սահմաններում ՀՀ Ներքին գործերի նախարարության ոստիկանության քրեական ոստիկանության գլխավոր վարչության Արարատի մարզային քրեական վարչությունում, ոստիկանության Պարեկային ծառայության Արարատի մարզի գումարտակում և ոստիկանության Արտաշատի բաժնում օպերատիվ տեղեկություններ են ստացվել, որ Գետազատ գյուղի «Բարդիների պուրակ» հանգստյան գոտում 4 տարեկան երեխա է կորել։
Ինչպես հայտնում է Shamshyan. com-ը, ժամանել են Արարատի մարզային քրեական վարչության մեծ թվով ծառայողներ, Արարատի մարզային փրկարարական վարչության, Արտաշատի հրշեջ-փրկարարական ջոկատից մեծ թվով փրկարարներ և «Արտաշատ» բժշկական կենտրոնի շտապօգնության բժիշկների հերթապահ խումբը։
Փրկարարները օգտագործում են նաև հատուկ դրոններ։
Երեխայի մայրը նշել էր, որ ինքն ընդամենը 5 րոպե է իր աղջկանից աչքը քաշել ու այլևս չի տեսել։
Հանգստյան գոտում կա նաև արհեստական լճակ, որի ջուրը արդեն իջեցվել է, բայց այդտեղ չի հայտնաբերվել։
Հանգստյան գոտուն հարակից կա դեռ սովետական տարիներից հայտնի Արտաշատի Ստալինյան ջրանցքը, որտեղով ջրի հոսքն այս պահին նույնպես փորձում են դադարեցնել, որպեսզի այդ հատվածում նույնպես որոնողական աշխատանքներ կատարեն։
Թուրքիայի մայրաքաղաք Անկարայում բազմահարկ շենքում հրդեհ է բռնկվել, մահացել է երեք մարդ, այդ թվում՝ երեք ամսական երեխա, հրշեջները չորս ժամ պայքարել են հրդեհի դեմ, հաղորդում է TRT Haber-ը։
«Անկարայի Չանքայա թաղամասի 26-հարկանի շենքում հրդեհ է բռնկվել։ Նախնական տեղեկությունների համաձայն՝ հրդեհի հետևանքով մահացել է երեք մարդ, այդ թվում՝ 3.5 ամսական երեխա։ Հրդեհը վերահսկողության տակ է վերցվել հրշեջների՝ մոտ չորս ժամ տևած աշխատանքից հետո»,- հաղորդում է հեռուստաալիքը։
Հրշեջ ծառայությունից ստացված տեղեկատվության համաձայն՝ ծխի ներշնչման հետևանքով տուժել է 39 մարդ, այդ թվում՝ յոթ հրշեջ։
Ռուսաստանի արտաքին գործերի նախարար Սերգեյ Լավրովը ժամանել է Չինաստան՝ մասնակցելու Շանհայի համագործակցության կազմակերպության անդամ երկրների Արտաքին գործերի նախարարների խորհրդի նիստին։ Կառավարական ինքնաթիռը վայրէջք է կատարել Պեկինի օդանավակայանում, հաղորդում է ՏԱՍՍ-ի թղթակիցը։
Ռուսական դիվանագիտության ղեկավարը Պեկին է մեկնել ԿԺԴՀ-ից, որտեղ նա եռօրյա աշխատանքային այցով գտնվում էր Վոնսան քաղաքում։ Մինչ այդ նախարարը հուլիսի 10-ից 11-ը մասնակցել էր Կուալա Լումպուրում կայացած ԱՍԵԱՆ-ի միջոցառումներին։
Ռուսաստանի դիվանագիտական գերատեսչության պաշտոնական ներկայացուցիչ Մարիա Զախարովայի խոսքով՝ ՇՀԿ նիստը տեղի կունենա Տյանցզինում հուլիսի 14-15-ը։ Նախարարական հանդիպումը կարևոր փուլ կլինի կազմակերպության գագաթնաժողովի նախապատրաստման գործում, որը տեղի կունենա չինական նույն քաղաքում օգոստոսի 30-ից սեպտեմբերի 1-ը։ Դիվանագետի խոսքով՝ Լավրովը նաև մի շարք երկկողմ հանդիպումներ է նախատեսել միջոցառման շրջանակներում։
Զախարովան նշել է, որ դիվանագիտական գերատեսչությունների ղեկավարները մտադիր են քննարկել ՇՀԿ գործունեության ներկա վիճակը և հետագա զարգացման հեռանկարները։ Հատուկ ուշադրություն կդարձվի միջազգային և տարածաշրջանային արդիական օրակարգին, այդ թվում՝ Երկրորդ համաշխարհային պատերազմի ավարտի և ՄԱԿ-ի կազմավորման 80-ամյակին։
Բաքվում, Սիրիայի նախագահ Ահմեդ ալ-Շարաայի գտնվելու ընթացքում, Իսրայելի և Սիրիայի ներկայացուցիչների միջև ուղիղ հանդիպում է տեղի է ունեցել։ծ
Այս մասին հայտնել է AFP-ն՝ հղում անելով Դամասկոսի մի աղբյուրի, որը ցանկացել է անանուն մնալ։ Սիրիայի նախագահը չի մասնակցել հանդիպմանը, հավելել է աղբյուրը։
Ավելի վաղ Սիրիայի նախագահ ալ-Շարաային մոտ կանգնած սիրիական աղբյուրը հայտնել է, որ նախատեսված է երկու կամ երեք նման հանդիպում:
Նշվում է, որ Սիրիայի արտաքին գործերի նախարար Ասադ ալ-Շաիբանին և Իսրայելում Սիրիայի կառավարության անվտանգության հարցերով դեսպան Ահմեդ ալ-Դալաթին մասնակցել են այդ հանդիպմանը:
Քննարկվող թեմաների թվում են եղել Իսրայել-Սիրիա անվտանգության համաձայնագիրը, իրանական սպառնալիքը, «Հեզբոլլահին» զենքի մատակարարումը և Լիբանանում պաղեստինյան ճամբարները: Կարող է քննարկվել նաև Դամասկոսում առանց դիվանագիտական կարգավիճակի Իսրայելի համակարգման գրասենյակ բացելու հնարավորությունը:
Ֆոտո
