Գերմանիայի չեմպիոն Մյունխենի «Բավարիան» հաղթանակով մեկնարկեց ԱՄՆ-ում անցկացվող աշխարհի ակումբային առաջնությունում։

Բելգիացի Վենսան Կոմպանիի գլխավորած թիմը Ցինցինատիում մրցեց Նոր Զելանդիայի «Օքլենդի» հետ եւ հաղթեց 10:0 հաշվով։

Հեթ-տրիկի հեղինակ դարձավ գերմանացի կիսապաշտպան Ջամալ Մուսիալան, երկուական գոլ խփեցին ֆրանսիացի հարձակվող Քինգսլի Քոմանը, գերմանացի հարձակվող Թոմաս Մյուլերը, ֆրանսիացի կիսապաշտպան Մայքլ Օլիսեն։ Աչքի ընկավ նաեւ ֆրանսիացի պաշտպան Սաշա Բոեն։

C խմբում ընդգրկված են նաեւ պորտուգալական «Բենֆիկան» եւ արգենտինական «Բոկա Խունիորսը»։ Երկրորդ տուրում «Բավարիան» հունիսի 21-ին կխաղա «Բոկա Խունիորսի» հետ։

Կարիբյան ծովի հատակին հայտնաբերվել է խորտակված նավ, որում գտել են ոսկու, արծաթի և գոհարների շտեմարան՝ 16 միլիարդ ֆունտ ստեռլինգ (21 միլիարդ դոլար) արժողությամբ։ Այս մասին հաղորդում է The Telegraph պարբերականը։

Իսպանական «Սան Խոսե» նավի գանձերը, թվում էր, մեկընդմիշտ կորել էին 1708 թվականին նավի խորտակումից հետո:

Բրիտանական թագավորական նավատորմի սպա Չարլզ Վեյջերի կողմից ղեկավարվող ջոկատը կանգնեցրել էր գանձերով լի նավը Կոլումբիայի Կարտախենա քաղաքից ոչ հեռու գտնվող Բարու կղզու մոտ և հարձակում սկսել, սակայն պայթյունների պատճառով նավն ընկղմվել էր ծովի հատակը: 

Գանձը Պերուից տեղափոխվում էր Իսպանիա՝ ֆինանսավորելու իսպանական ժառանգության համար պատերազմը Բրիտանիայի և նրա դաշնակիցների դեմ:

«Սան Խոսե»-ում հայտնաբերված, ներկայիս փոխարժեքով 16 միլիարդ ֆունտ ստեռլինգ գնահատվող գանձերը ներառում են ոսկե և արծաթե մետաղադրամներ, մարգարիտներ, զմրուխտներ և այլ թանկարժեք քարեր։

Բարու կղզու մոտ՝ ծովի հատակին, նավը հայտնաբերվել է 2015 թվականին։ Ըստ Կոլումբիայի մասնագետների՝ այն հենց «Սան Խոսե»-ն է։ Ստորջրյա դրոնների միջոցով նրանք լուսանկարել են նավի վրա և դրա շուրջը գտնվող բեռը։

Պատկերների վերլուծությամբ պարզվել է, որ նավում կան արծաթե մետաղադրամներ, որոնք հատվել են 1707 թվականին, Լիմայի դրամահատարանի հարգադրոշմով։ Մյուս գտածոները ներառում են չինական ճենապակյա իրեր՝ Կանսի կայսեր ղեկավարման ժամանակաշրջանից (1662-1722 թթ.) և թնդանոթների վրա արված գրություններ, որոնք թվագրվում էին 1665 թվականին։

Նավի բեկորների սեփականության պահանջներ են ներկայացրել Կոլումբիան, Իսպանիան, Պերուն, տարածքի բնիկները, Glocca Morra գանձեր որոնող ընկերությունը, որը պնդում է, որ հայտնաբերել է խորտակված նավը դեռևս 1981 թվականին:

Իրանի զինված ուժերը Իսրայելի ռազմական օբյեկտների դեմ հրթիռակոծության նոր ալիք են իրականացրել:

Mehr-ը տեղեկացնում է, որ իսրայելական ԶԼՄ-ները հայտնել են, որ Իսրայելի տարբեր քաղաքներում շչակներ են միացվել Իրանից հրթիռների արձակումից հետո: Իրանական հրթիռակոծությունների նոր ալիքի ընթացքում թիրախավորվել են Իսրայելի Թել Ավիվ, Աշկելոն և Հայֆա քաղաքները:

Նշվում է նաև, որ իսրայելական ԶԼՄ-ները նաև հայտնել են, որ իրանական հրթիռները հարվածել են Հայֆային և Տիբերիային: Իսրայելի 12-րդ ալիքը նաև հայտնել է Ալ Քուդսում (Արևելյան Երուսաղեմ) մի քանի պայթյունների մասին։

Թուրքիայի նախագահ Էրդողանը և ԱՄՆ նախագահ Թրամփը հեռախոսով քննարկել են Իսրայել-Իրան հակամարտությունը, երկկողմ հարաբերությունները և տարածաշրջանային խնդիրները։ 

Ինչպես հայտնում է Անադոլու գործակալությունը, Թուրքիայի նախագահը ողջունել է Թրամփի վերջին հայտարարությունները Իսրայել-Իրան հակամարտությունը դադարեցնելու վերաբերյալ՝ ընդգծելով հրատապ գործողությունների անհրաժեշտությունը՝ կանխելու աղետը, որը կարող է մեծանալ տարածաշրջանում։

Նա նշել է, որ Իսրայելի հարձակումները Իրանի վրա հանգեցրել են «անդառնալի տնտեսական և քաղաքացիական վնասների» երկու կողմերի համար, և շեշտել, որ պետք է դադարեցնել այս վտանգավոր էսկալացիան։

ԱՄՆ-ն և մի քանի եվրոպական երկրներ Իսրայելին տրամադրել են Իրանի վերաբերյալ հետախուզական տեղեկատվություն, նախքան այն հարձակումներ իրականացներ Իսլամական Հանրապետության տարածքում, կիրակի օրը կառավարության նիստի ժամանակ հայտարարել է Իրանի նախագահ Մասուդ Փեզեշքիանը։

«Այս դաժան հարձակումները կանխելու փոխարեն, մենք տեսնում ենք, թե ինչպես են նրանք՝ ԱՄՆ-ն և մի քանի եվրոպական երկրներ, Իսրայելին տրամադրում քաղաքական աջակցություն, ինչպես նաև օգնում զենքով և հետախուզական տեղեկատվությամբ։

Նույն ինքնաթիռները, հրթիռներն ու զենքերը, որոնք Իսրայելն այսօր ունի իր տրամադրության տակ և օգտագործում է մեր դեմ, տրամադրվել են նույն երկրների կողմից, և Իսրայելի ունեցած հետախուզական տեղեկատվությունը ստացվել է ԱՄՆ-ի և մի քանի եվրոպական երկրների ռադարների և ռազմական համակարգերի շնորհիվ», – ասել է նա։

Այսօր՝ հունիսի 15-ին, արտակարգ իրավիճակ է ստեղծվել Արագածոտնի մարզում։ 

Ինչպես հայտնում է Shamshyan. com-ը, ուժեղ քամու և փոթորկի հետևանքով Ապարանում արտակարգ իրավիճակ է ստեղծվել։

Քամին պոկել ու շպրտել է բազմաթիվ շենքերի ու սեփական տների տանիքներ, կոտրել ծառեր ու էլեկտրական սյուներ։

Արդյոք քամու և փոթորկի հետևանքով տուժած քաղաքացիներ կան, այս պահին Ապարանի քաղաքապետ Կարեն Եղիազարյանի գլխավորությամբ քաղաքապետարանի աշխատակիցները պարզում են։

Գերմանիայի կանցլեր Ֆրիդրիխ Մերցը հեռախոսազրույց է ունեցել Օմանի սուլթանի և վարչապետ Հեյսամ բեն Թարիք Ալ Սաիդի հետ: Մերցն ասել է, որ Իրանը «երբեք չպետք է միջուկային զենք ձեռք բերի», ասվում է Գերմանիայի կառավարության պաշտոնական հայտարարության մեջ:

Երկու կողմերն էլ համաձայնել են, որ այժմ նպատակը պետք է լինի Մերձավոր Արևելքում հակամարտության սրումը կանխելը։ Բացի այդ, Ֆրիդրիխ Մերցը և Հեյսամ բեն Թարիք Ալ Սաիդին հաստատել են իրենց պատրաստակամությունը դիվանագիտական ​​միջոցներ ձեռնարկել Իսրայելի և Իրանի միջև հակամարտությունը լուծելու համար։

Գերմանիայի կառավարության ղեկավարը նաև շնորհակալություն է հայտնել Օմանի սուլթանին Իրանի և ԱՄՆ-ի միջև իրանական միջուկային ծրագրի շուրջ բանակցություններում միջնորդական ջանքերի համար։

Հունիսի 15-ին Հայաստանում իր աշխատանքներն է ավարտել ՀՅԴ Հայաստանի կազմակերպության 28-րդ Գերագույն ժողովը։
Ժողովը քննել է ՀՅԴ Հայաստանի Գերագույն մարմնի երկամյա գործունեությունը: Հաստատվել են ՀՅԴ Հայաստանի կազմակերպության առաջիկա երկու տարիների գործունեության սկզբունքները, առաջնահերթություններն ու անելիքները։
Քննարկումների արդյունքում կայացվել են համապատասխան որոշումներ:
Ժողովի ավարտին ընտրվել է Գերագույն մարմին` հետևյալ կազմով.
Իշխան Սաղաթելյան,
Աշոտ Սիմոնյան,
Թադևոս Ավետիսյան,
Գեղամ Մանուկյան,
Տիրան Խաչատրյան,
Պետրոս Մեղրյան,
Հակոբ Մաթիլյան,
Իգոր Սարգսյան,
Կարեն Խանլարյան,
Խաչատուր Ստեփանյան,
Գերասիմ Վարդանյան,
Արգիշտի Գևորգյան,
Քրիստինե Վարդանյան։
ՀՅԴ Գերագույն մարմինն իր անդրանիկ նիստում ՀՅԴ Հայաստանի Գերագույն մարմնի ներկայացուցիչ է ընտրել Իշխան Սաղաթելյանին։

Իրանը հրթիռներն ընկել են Նեթանյահուի տան վրա։ Live24.am-ը ներկայացնում է իրավիճակն այս պահի դրությամբ՝ ըստ իրանական տելեգրամ ալիքների։

- Իրանը հրթիռակոծել է Նեթանյահուի տունը, սակայն հայտնի չէ՝ տանը որևէ մեկը եղել է, թե ոչ։ Իսրայելական լրատվամիջոցները հաստատել են, որ իրանական հրթիռը թիրախավորել է Նեթանյահուի Կեսարիայում գտնվող նստավայրը։

- Իրանական վերջին հրթիռային հարձակումը պատերազմի սկսվելուց ի վեր Իսլամական Հանրապետության կողմից Իսրայելի վրա ցերեկային հարձակում սկսելու առաջին դեպքն է, և դա վտանգավոր զարգացում է։

- Իսրայելական բանակը հայտարարել է, որ վերջին ալիքի բոլոր հրթիռները մի քանի րոպե առաջ չեն որսացվել։ Հարվածների մասին հաղորդագրություններ դեռևս չունեն։

- Իսրայելի կառավարությունը արտակարգ դրությունը երկարաձգել է մինչև հունիսի 30-ը։

- Իսրայելի սոցիալական հարցերի նախարարություն. Իրանական հարձակումից հետո 742 քաղաքացիական անձ անօթևան է մնացել, նրանցից շատերը Ներքին ճակատի հրամանատարության կողմից տարհանվել են երկրի տարբեր հյուրանոցներ։

Իրանը և Իսրայելը պետք է գործարք կնքեն, և նրանք դա կանեն, ինչպես ես գործարքի հասա Հնդկաստանի և Պակիստանի միջև՝ օգտագործելով առևտուրը ԱՄՆ-ի հետ՝ որպեսզի բանականություն, միասնություն և ողջախոհություն բերեմ երկու մեծ առաջնորդների հետ բանակցություններին, ովքեր կարողացան արագ որոշում կայացնել և դադարեցնել հակամարտությունը: Այս մասին հայտարարել է ԱՄՆ նախագահ Դոնալդ Թրամփը: 

Նաև իմ առաջին ժամկետի ընթացքում Սերբիայի և Կոսովոյի միջև հարաբերությունները սրվեցին, ինչպես դա եղել է տասնամյակների ընթացքում, և այդ երկարատև հակամարտությունը կարող էր վերածվել պատերազմի:

Ես դա դադարեցրի (Բայդենն իր հիմար որոշումներով խաթարեց երկարաժամկետ հեռանկարները, բայց ես նորից կուղղեմ դա): Մեկ այլ օրինակ է Եգիպտոսի և Եթովպիայի միջև հակամարտությունը հսկայական Նեղոս գետի վրա ազդող հսկայական ամբարտակի շուրջ:

Իմ միջամտության շնորհիվ հիմա այնտեղ խաղաղություն է, և այն կպահպանվի։ Նմանապես, շուտով խաղաղություն կլինի Իսրայելի և Իրանի միջև։ Այժմ բազմաթիվ զանգեր ու հանդիպումներ են ընթանում։

Ես շատ բան եմ անում, բայց երբեք դրա համար ճանաչում չեմ ստանում, և դա նորմալ է, մարդիկ հասկանում են:

Մերձավոր Արևելքը կրկին Մեծ դարձնենք: