ՌԴ–ն և ԱՄՆ–ն շարժվում են դեպի Պուտին-Թրամփ երկկողմ հանդիպում. Ուշակով
Ռուսաստանն ու ԱՄՆ-ն շարժվում են դեպի ՌԴ նախագահ Վլադիմիր Պուտինի և ԱՄՆ նախագահ Դոնալդ Թրամփի երկկողմ հանդիպում: Այս մասին հայտարարել է ՌԴ նախագահի օգնական Յուրի Ուշակովը «Ռոսիա 1»-ի լրագրող Պավել Զարուբինին։
«Կարծում եմ՝ ամեն դեպքում առաջ ենք շարժվում»,- ասել է նա` պատասխանելով հարցին, թե արդյոք ՌԴ-ն ու ԱՄՆ-ն շարժվում են առաջնորդների երկկողմ հանդիպման ուղղությամբ։
Ուշակովի խոսքով՝ Ռուսաստանի պահանջներն ու առաջարկները ամերիկյան կողմն ինչ-որ չափով հաշվի է առնում, բայց ոչ բոլորը։
«Ինձ թվում է՝ կա ըմբռնում, թե ինչ ենք մենք պահանջում, ինչի ենք ուզում հասնել այս իրավիճակի արդյունքում։ Եվ ինչ-որ չափով մեր պահանջները, մեր դիտարկումները, մեր առաջարկությունները, այնուամենայնիվ, հաշվի են առնվում։ Չնայած ոչ բոլորը, իհարկե: Բայց գործընթացը շարունակվում է»,-ասել է Ռուսաստանի նախագահի օգնականը։
ԱՄՆ նախագահ Դոնալդ Թրամփն իր պաշտոնավարման առաջին 100 օրվա ընթացքում հեռախոսազրույցներ է ունեցել Ռուսաստանի նախագահ Վլադիմիր Պուտինի հետ, բացի այդ, ռուս և ամերիկացի պաշտոնյաները հանդիպել են Սաուդյան Արաբիայում և Թուրքիայում: Կողմերն ակտիվորեն աշխատում են իրենց դեսպանատների բնականոն աշխատանքը վերականգնելու ուղղությամբ, ինչպես նաև քննարկում են ԱՄՆ-ի և Ռուսաստանի միջև ուղիղ չվերթերը վերսկսելու հարցը:
Latest from Live24
- Սիրիայում մոլեգնող հրդեհների հետևանքով տուժածների շրջանում ՀՀ քաղաքացիներ չկան․ ԱԳՆ
- Թրամփը հայտարարել է ԵՄ-ից և Մեքսիկայից ներմուծման 39% մաքսատուրքերի մասին
- Թեհրանի համագործակցությունն ԱԷՄԳ-հետ չի դադարեցվել, բայց կշարունակվի նոր ձևաչափով․ Արաղչի
- Հանրահավաք՝ Ազատության հրապարակում․ ՈՒՂԻՂ
- F-35 կործանիչների և С-400 համակարգերի հարցը դարձյալ ԱՄՆ-Թուրքիա հարաբերությունների օրակարգում է
- Իրանի զինված ուժերը «գերազանց» կարողություններ ունեն. շտաբների պետերի միացյալ կոմիտեի նախագահ
- Ինչու են ադրբեջանական ինքնաթիռները սկսել թռչել նաև Սյունիքի վրայով. պարզաբանում է ՔԱԿ-ը
- Ինչու են ադրբեջանական ինքնաթիռները սկսել թռչել նաև Սյունիքի վրայով. պարզաբանում է ՔԱԿ-ը
Լրահոս
Ֆոտո
