Արագածոտնի մարզում տրանսպորտն առայժմ չի թանկանա, երթուղին էլ չի փոխվի
Արագածոտնի մարզի տրանսպորտային ցանցն առայժմ չի փոխվի։ Այս մասին հաղորդագրություն է տարածել մարզպետի աշխատակազմը ֆեյսբուքյան պաշտոնական էջում։
Հաշվի առնելով միասնական երթուղային ցանցի գործարկման և սակագների հետ կապված դժգոհությունները և մտահոգությունները՝ որոշում է կայացրել այն չգործարկել մայիսի 1-ից, ինչպես մինչ այդ որոշվել էր։
Նշվում է, որ այսօր Արագածոտնի մարզպետի աշխատակազմում տեղի է ունեցել քննարկում՝ ՏԿԵ նախարարի տեղակալի և Արագածոտնի մարզպետի, Աշտարակի համայնքապետի և ուղևորափոխադրումներ իրականացնող մրցույթում հաղթած «Մուլտի տրանսպորտ» ընկերության տնօրենի մասնակցությամբ։
Քննարկվել են չվացուցակի, սակագների, երթուղիների վերաբերյալ մի շարք հարցեր։
Առայժմ տրանսպորտը կգործի նախկինի պես՝ ներառյալ երթուղիները և սակագները։
«Քննարկումները շարունակվում են, միասնական երթուղիների ցանցի գործարկման, սակագների, չվացուցակների հետ կապված կտրվի լրացուցիչ տեղեկատվություն»,- տեղեկացնում են մարզպետի աշխատակազմից։
Հիշեցնենք, որ նախատեսվող փոփոխությունները դժգոհություններ են առաջացրել մարզի բնակիչների շրջանում։ Ապրիլի 27-ին տասնյակից ավելի գյուղերի բնակիչներ փակել էին ճանապարհը Կոշ գյուղի խաչմերուկում։ Նրանց խոսքով՝ գործող երթուղին հնարավորություն է տալիս հասնել մինչև «Կիլիկիա» ավտոկայան, իսկ փոփոխություններից հետո իրենք ստիպված են լինելու մի քանի տրանսպորտ փոխել, քանի որ գյուղերից տրանսպորտը մինչև Աշտարակ է հասնելու։ Բացի այդ նաև ուղեվարձն է թանկանալու։
Latest from Live24
- Ռուսաստանը «չի ուզում կանգ առնել»․ Թրամփն ասել է, թե ինչու է հետաձգվել Պուտինի հետ հանդիպումը
- Գիտնականները զգուշացնում են տարվա ամենաուժեղ գեոմագնիսական փոթորկի մասին
- Թրամփը Սպիտակ տանն ընդունել է Հունգարիայի վարչապետ Վիկտոր Օրբանին
- «Վարդան Հարությունյանի կալանքը փոխարինվեց տնային կալանքով»․ Վարազդատ Հարությունյան
- Մեծ Բրիտանիան չեղարկել է Սիրիայի նախագահ Ահմեդ աշ-Շարաայի նկատմամբ պատժամիջոցները
- ԱՄՆ բանակը նախատեսում է առաջիկա երեք տարում գնել առնվազն մեկ միլիոն ԱԹՍ
- 9 ձերբակալված կա այն քրեական գործով, որում ներգրավված է Էկոնոմիկայի նախկին նախարար Վահան Քերոբյանը․ նրանց կալանավորելու միջնորդություն է ներկայացվել․ ՔԿ
- Պատերազմը սկսելու որոշումը կայացվել է ամենահարմար պահին, իսկ Շուշիի գրավման օրը Բաքու էր մեկնել Հուլուսի Աքարը. ուշագրավ փաստեր
Լրահոս
Ֆոտո
