Դեկտեմբերի 11, 2025
ՀՀ-ն պետք է կիրառեր ամենահզոր, հեռահար համակարգերը պատերազմի 1-ին րոպեներից․ Սերժ Սարգսյան
Հայաստանը պետք է կիրառեր ամենահզոր և հեռահար համակարգերը 2020-ին Ադրբեջանի հարձակման առաջին իսկ րոպեներից։ Հայտարարեց ՀՀ երրորդ նախագահ Սերժ Սարգսյանը «Իմնեմնիմի» փոդքասթի ժամանակ։
«Դա կարող էր բերել նույնիսկ էդ հարձակողական օպերացիայի կանխարգելմանը, ձախողմանը»,- ասաց նա։
ՀՀ երրորդ նախագահը շեշտեց՝ ամենակարևորը պատերազմի նախորդ օրն էր, երբ նաև երկրի իշխանությունները գիտեին՝ սեպտեմբերի 27-ի առավոտյան սկսվելու են ռազմական գործողություններ։
«Եթե ես լինեի, կվարվեի այնպես, ինչպես Ապրիլյան քառօրյայի սկսվելու օրը վարվեցի։ Նախ կզանգահարեի գլխավոր շտաբի պետին ու կասեի՝ արդյոք զորքերը բերե՞լ եք առաջին մարտական պատրաստականության։ Դրական կամ բացասական պատասխան ստանալուց հետո, միևնույն է, կզանգահարեի Արցախի ՊԲ հրամանատարին և նույն հարցը կտայի։ Բացասական պատասխանի դեպքում պարզ է, թե ինչ տեղի կունենար»,- նշեց Սերժ Սարգսյանը։
Հավելեց՝ դրանից հետո նաև կհարցներ, թե արդյոք առաջնագիծը համալրվե՞լ է, ՀՕՊ ու հրետանային միջոցները տեղափոխվե՞լ են, արձակուրդից հե՞տ են կանչվել հրամանատարները և այլն։
ՀՀ երրորդ նախագահը չի հասկանում, թե ինչպես էր հնարավոր պատերազմի հենց առաջին ժամերին կորցնել ՀՕՊ միջոցների կեսը։
Latest from Live24
- Գազայի «Խաղաղության խորհրդի» կազմը կհայտարարվի 2026 թվականի սկզբին. Թրամփ
- Պուտինը հեռախոսազրույց է ունեցել Վենեսուելայի նախագահի հետ
- Ինչ-որ պահի Հայաստանը ստիպված կլինի ընտրություն կատարել Եվրամիության և ԵԱՏՄ-ի միջև․ Օվերչուկ
- Գլխավոր տոնածառի լույսերը միացնելու միջոցառումները կազմակերպելու համար փակ կլինեն մի շարք փողոցներ
- ԱՄԷ-ն 550 մլն ԱՄՆ դոլար կնվիրաբերի ՄԱԿ-ի 2026 թվականի գլոբալ մարդասիրական արձագանքման ծրագրին
- Ընդդիմության կողմից միասնական պայքար մղելու խնդիր կա. Սերժ Սարգսյան
- «High Five» գորիլայի նկարն արժանացել է տարվա Nikon Comedy Wildlife Awards մրցանակաբաշխության գլխավոր մրցանակին
- Թուրք պանթուրքիստ ակտիվիստը տարիներ անց պարզեց, որ ինքը հայկական արմատներ ունի…
Լրահոս
Prev
Next
Ֆոտո
